Jungle King 森林王國親子餐廳 (已結業)

我們下雨天也總要帶小孩去放電，就揀了這個官塘區遊樂設施的餐廳去，講真小孩玩好好；人不多自然不會覺得地方細，地點方便。 不過食物就唔掂，賣相OK味道也OK只是不夠熱、明明有廚房即煮即拿出來也不夠熱唔通只是反叮熱110元一大人收費、此費用可以扣在食用上80元每位小朋友的玩樂清潔費、但是不可扣在飲食上，環境0k衞生0k你們自行決定是否值得

放假帶契女放電，主打係黎玩波波池，食物係其次😆叫左份兒童餐俾契女，但係佢興趣不大，最後啲食物落左佢媽個肚。pizza好薄，芝士都幾多幾香契女唔食自己個餐，要食意粉。佢好鍾意，搶住咁黎食牛油果好香好creamy，好好食冬瓜茶夠凍，唔會話太過甜，好解渴❤️餐廳有波波池同滑梯，仲有其他小玩具俾小朋友玩。但可能契女太細個，未係太啱佢玩，見到其他小哥哥小姐姐玩得好開心。可以玩足3個鐘，埋單盛惠$352價錢可以接受

jungle king比較新，由以前特價時段等到現在終於來玩了。但發覺星期六日價錢下午茶都係晚餐價($180)，已不可用抵來形容，正常吧! 有得玩有得食，食物質素不錯，小朋友專心玩，玩一陣去食，大人專心傾偈, 又可以望到小朋友，小朋友又開心，仍然係一個聚會好地方。最欣賞就是入場費可以兌換食物，食物也算好吃, 飲品也好飲，所以都食得滿意。可以舒舒服服坐幾小時。但小朋友食野地板比較要多留言意。燒雞真的嫩及有肉汁，果然是招牌菜之一。明太子意粉算平，仲有大蝦，好creamy。住附近真的可以平日來，有得食有得玩, 尤其是最近下雨天，室內都可盡情玩。

可能因為星期天，所以個餐廳冇乜人。我哋一行十二個人，有六個小朋友：由三歲至到八歲..因為冇乜人,所以基本上我哋差唔多包咗個場...啲波波池好靚,但其實都畀我想像有啲細..但因為冇人所以啲小朋友玩得好開心..食物方面都算出色： 豬手，燒春雞都好好味因為冇乜人，所以我哋幾個大人傾計都好開心。。同埋價錢都唔係太貴

想搵間又好玩又好食嘅 #親子餐廳 又談何容易? 位於觀塘嘅 Jungle King 絕對係代表， 唔係咩大集團經營，只係一個媽媽創立，但樣樣野都做足一百分， 林太不禁講句，只有媽媽最明白媽媽需要！ #獨立育嬰室 #親子廁所 #消毒清潔 #自設廚房 ， ♥️全店木製玩樂設施，質感可以幫助小朋友感官發展。 最最令人驚訝係。。。 竟然推出 #BLW 餐單，周到程度令人感動！ ♥️大Ｂ區-波波池 所有玩樂設施都響波波池上面,好安全! ♥️大Ｂ區-吊橋 林小姐初初有小小驚.... 玩左2次之後..就...行得好快了~ ♥️大Ｂ區-攀石牆 ♥️大Ｂ區-大滑梯 X2旋轉果條其實真係好刺激，好好玩！ ♥️大Ｂ區-繩網成日以為佢唔識玩, 其實佢玩幾次就可以自己做到了! ♥️小Ｂ區-廚房仔，車仔，仲有積木牆。 ♥️閱讀區有書又有磁石牆拼圖。 ♥️仲有車仔任玩。。。林小姐最愛！ ♥️大人食物應有盡有，連沙律都有５款。 ♥️ＢＢ可以叫BLW餐，媽媽咩都唔使帶，爽呀～ ｛林太點評｝作為一間親子餐廳，竟然推出BLW餐，令林太好驚喜， 諗起林小姐可以食大人野前，次次都係煮好哂先出去，但野食焗咁耐又淋哂，林小

同有小朋友嘅family 去試下.... 當日全場爆滿.... 出餐速度超慢..... 前後用咗一個半鐘先上到菜.... 落單混亂好多枱搞錯order ... 個playing area 有條吊橋.....每塊板個gap 好大下.... 當日見到幾個小朋友中招踩咗落去... 喊曬.... 個人認為招呼唔到咁多人就咪勉強.... 第一次幫襯感覺好混亂....啲位好逼....餐具唔夠...high chair 好污糟應該上手用完無人清潔過....親子餐廳嚟講呢間算差......唔會再去...

這兒地方不算太大，但都可以劃分兩個區域。一邊是適合3-6歲，行動力較高的小朋友做一些攀爬的活動及瀡滑梯，而下面的波波池則可以一起共玩。他們的波波顏色好吸睛。另外一區則適合1-4歲的小朋友，有Lego牆、2-3套廚房玩具、搖搖椅、其他小玩具，如小鋼琴。他們還有圖書區添！可動可靜，一班幼兒聚會之選！食物方面都挺出色！南瓜濃湯很濃郁很香！而他的海鮮意粉味道剛剛好。朋友吃的燒春雞也是。唯獨要小心的是他們的豬手好鹹⋯臨走前我們都有跟店家反映，原來他們有廚房，全都是自家製☺️