JK Brother's (已搬遷) 新店位置

就來母親節梗係要帶阿媽食番餐，當唸緊去食咩既時間，就咁啱係公司附近收到張傳單，原來係新開既日韓餐，我比佢傳單上既芝士流心黑豚肉吸引左，等我就約埋阿媽來試下新野先去前順便look下佢facebook，原來佢有啱啱做緊個母親節套餐，$688有幾多野食，提早預訂仲送肉眼扒，所以尋日下午打去訂左先去到除左個set，就梗係要叫吸引我來靚流心芝士黑豚啦食飽飽仲有韓式柚子雪糕，柚子味好清新，(不過又係掛住食唔記得餵相機)

比我發現公司附近新開左間食日韓菜嘅餐廳好想試下，所以收工就同老公黎試下先，叫左份泡菜雞翼，食左先發覺未影相🙀，呢個超值得推介，好惹味。再黎叫左去韓國必食嘅炸雞，賣相ok，食落好脆仲有肉汁好味。Main course 我㨂左食烤肉，8吋長牛肋骨好似幾特別咁，自己燒幾有韓國feel。叫左菠蘿特飲，兩三個人飲都夠曬，啖啖菠蘿味不錯👍見到人地食緊岩漿炒飯超吸引呀，好邪惡😈，不過真係食唔落咁多野喇，唯有下次試。呢度幾大都坐得幾舒服，可以一大班朋友慢慢食傾下計唔洗驚比人趕。下次同啲同事試埋午餐先😁

試過佢個蜜糖牛油炸雞，有肉汁唔會炸到乾哂，值得一試！仲有佢個用鏟上菜的辣炸雞，真係辣得誇張，但辣得好過癮，鍾意食炸雞的人一流另外佢個特飲都好清新，食完辣雞飲佢絕配！

今日同朋友去咗觀塘試吓啲樓上Cafe入到去環境光猛乾淨睇嚟應該係一間新餐廳啱啱開業不久見到佢有戶外用餐區域吸煙嘅朋友都可以去餐牌都算多選擇而且價錢合理都幾大份我哋叫咗一個韓式芝士牛肋肉撈面$68 同埋一個韓式小食拼盤$52個韓式芝士牛肋肉撈麵都幾有心機首先想出個鐵板再落塊面再落芝士令人諗起peppxxlunch,味道唔錯唯一嘅缺陷就係啲面唔夠彈牙，同埋啲芝士如果可以濃味啲就好啦，不過鍾意邪惡芝士拉絲嘅朋友都係可以一試！我都好欣賞嗰個韓式小食拼盤，價錢來講好合理好大份而且每一樣小食都好有心機去整，個小食拼盤包括左泡菜饟雞中翼兩隻，吉列芝士洋蔥圈兩隻，紫菜飯團兩隻，雞肉院子兩粒，芝士薯條，樣樣都唔錯，同埋一個女仔食其實食唔晒如果觀塘呢頭返工嘅話我覺得都好值得去架

本小妹心情不佳，與朋友周圍係觀塘遊來遊去，睇下食咩，見到觀塘區有好多cafe,正好適合我既心情，有一位男士派傳單，說新開張有優惠，咪試下囉，位置完全唔顯見既樓上舖，真的新開張，走廊全部花牌，可能夜晚及新開張人唔多，剛好我想靜靜地思考，環境唔錯有室內同室外選擇，我選了室內怕熱要涼冷氣，侍應介紹一款沙津，但食左一半先記得影，唔錯有豆腐沙津果汁係好似元綠果個冷辣新麵，所以幾開胃!唔錯仲叫左蜜糖脆雞 炸雞炸得有肉汁鬆軟特飲名字忘記了，波蘿味的，初頭見杯飲品好貴但係想飲野叫囉，黎到原來好大杯，好適合同朋友吹水慢慢坐值得再去下次我要試下流心芝士豬扒

真心like因為食物新鮮……味道一流……而且等候時間唔耐……重點係環境衛生……老闆員工親切而且笑容可掬……本人最愛韓式食品……味道同韓國無太大分別……而且每款食品都好地道……離開時老闆笑住話多謝光臨……所以一定再去……要比分如100分……本人覺得值98分……真心like……😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘😘

現時工廈餐廳開了一間又一間，咁岩在觀塘附近收工，在開源道收到傳單，說附近新開了一間日韓餐廳，就膽粗粗去試下，未到餐廳門口已看到花海一片，相信店家應該人緣不錯。入到去服務員好快就安排左位置比我同朋友，今次試了店家推廣的鐵板果醋雞及他們的特飲（奇異博士），器皿很特別，特飲隻杯好大隻好抵，味道不錯，CP值算高。環境清靜，附設綠化露台，岩哂抽煙一族。服務員有禮貌，幫忙處理食物。如果這樣價錢及食物質素，我會再幫襯。