Japanese X Korean Library (已結業)

返工係偏遠的宏利金融中心，平時lunch行出去食飯已經好唔方便🙁今日落雨,唔想行出去，所以決定一試樓下的日韓快餐店-Library 裝修都叫有格調，而且食物質素都叫多，價錢就比較偏高。。日韓各一半，服務偏自助，買完就直接比飛。鰻魚照燒雞丼$68鰻魚份量都叫多，平時$6x應該得好小一半份，而且都好好味。個汁亦都好出色，所以配合得好好。_________😋食味質素: 7/10💸性價比：7/10🍱環境：7/10👩🏻‍🍳服務：2/10👍🏻整體評分：7/10——————店名：Japanese X Korean Library地址: 觀塘偉業街223號宏利金融中心A座1樓7號舖電話: 26502520

日日觀塘返工，要對自己好一點當然要四周圍搵好嘢食，最好當然問同事附近有乜好食，果日同事就帶了我去一間日韓餐廳叫Library。其實佢係靚裝修版的美心，又是買飛等拿食物果d，但食物方面感覺高檔一點，有不同日韓食品，如韓式炒粉絲，部隊鍋，各式日式定食和刺身飯等，但同事大力推介原條鯖魚套餐（$65）我當然要試！這原條鯖魚套餐會令人看到得歡喜，因為原條鯖魚獨自擁有，而且大大條超級肥美！伴有一小塊檸檬🍋以小木塊上枱甚有格調。看見就好開胃，但不知味道如何。食落真係唔錯！魚身魚皮煎得香脆，能保持入面魚肉鮮嫩，唔使煎得非常之均勻，實在很考師傅功夫，加上檸檬汁同埋佢本身魚肉有一啲鹽調味，成件事都好清新！而且可以一個人食晒成條魚真係好爽呀！不過對我咁大食嘅人來講，食完成個餐都唔係好飽，一般食量嘅人就真係好足夠了😆______________________________店名: Japanese X Korean Library 環境🏝：7/10服務💁🏼‍♀️：7/10 價錢💰：7/10食物質素🍝： 8/10 整體🙆🏻‍♂️：7.4/10 地址: 觀塘偉業街223號宏利金融中心A座1樓7號舖

今日黎到宏利金融中心食早餐，呢間餐廳主打韓國菜同日本菜，平時Lunch係排哂隊，勁多人食架，今日就食下佢既早餐，早餐價錢平均20幾蚊到30幾蚊都有，合理價錢。最後，我點左芝士魚柳包配熱奶茶，只係20蚊，如果加配埋薯餅，就只係26蚊，呢度仲有專人送餐服務，只要Order完搵位坐低就得架啦。另外，呢度除左收現金、八達通之外，仲會接受Apple Pay, 或者信用卡付款既。打開包裝紙，就可以feel到個包熱辣辣既，仲好香既芝士味，魚柳夠脆，味道唔錯。

呢排黎呢度TRAINING, 由於同D新同事對呢頭都唔係好熟, 所以來來去去都係係呢棟野度食飯, 呢棟野都係高消費.... 6, 70蚊一個LUNCH 都走唔甩~有D重要加一..LUNCH 都加一真心唔抵呀~呢間係快餐STYLE, 自己搵位, 買飛再羅野食..不過水準都可接受既~ 同埋唔會畀人趕. 不過會畀人MARK 實等位.XDDDD鮭魚刺身飯 $58上品照燒雞丼 $58上面都係朋友叫既, 個樣好似唔係太差, 味道都OK ~韓式牛肉伴飯 $58呢個係我既~ 有選擇困難症既人, 真係好難揀~好耐好耐冇食過撈飯喇, 所以就揀佢啦~食落係唔差GA 好味~ 真係要講返句: 哥食的是回憶XDDDDDD

返工既lunch因應又凍又落雨，完全唔想行得遠就去左78食雞丼，五十大洋。已經是最平的餐。女士份量ok ，大食男士未必夠樣子不錯，不過味道麻麻，雞肉有雪味又肥下次我還是去茶記。

上次5點45分去，原來已收爐，仲以為有得食添，因為睇開飯啦既時間，以為8時關門，我仲有大把時間。點知改左時間，只做星期一至五上午8至下午6點。咁今日第2次去，4點30應該可以食到吧～我叫左韓式豆腐湯（餐牌寫有豚肉），佢配埋飯，另送杯熱飲，我選左熱柚子蜜。外觀唔錯，但放入口就知。飯既口感麻麻地，韓式豆腐湯，餐牌都見係辣的，但佢真係只得辣味，好似碗野入面所有野分離。只有豆腐和菜有d入味。肉就不太好味，簡直完全唔入味（無味）。我另外還見到這大件肉。。。感覺似未完全解凍唔識得分離就加在湯中煮。尼個真係令到整體唔好食熱柚子蜜尚算ok。整體有d失色，希望越大失望更大，唔會有下次。

觀塘的午餐真係越來越貴！茶記都要5、60，不如搵間好d 既食，貴少少但可以食好d, 心情都愉快d, 今日同事搵到一間好野，日本x韓國的美食，一於跟大隊去試啦！好多選擇！環境都唔錯，干淨舒服。咖哩芝士和牛漢堡飯（$68）：芝士鋪滿和牛漢堡排，再用火灸，和牛漢堡比較林，入口都幾香，芝士和牛都幾夾,咖哩都算多料，有紅蘿蔔、薯仔、洋蔥等配料，咖哩甜甜的，不辣，日式風味！份量超多！男士都飽晒！凍檸茶加$2，不會太多冰，夠茶味夠甜幾好！

平時早餐食佢既魚柳包都覺得幾好食，今次第一次lunch光顧。餐廳以自助式經營，有韓日式菜，買完餐後再搵位坐。鰻魚丼滿滿一碗，珍珠米上仲有蛋絲及紫菜絲，鰻魚份量比想像中多出一倍，好似將1整條鰻魚分段放於碗中咁，食都滯呀炆牛肋骨中只有2大條肉骨及少量紅蘿蔔同藕片，肉質勁腍，個汁勁油都不在話下，味道仲勁甜一d牛味都無，絕對可以懷疑係咪加左一大碗糖入去炆既？仲要$78，又貴又難食，無下次嬲到唔記得影相添！餐廳既食物好參差，而且價錢偏貴，如果食到似炆牛肋骨咁難食既話堅忟，難怪lunch time都唔會爆啦！

前幾日黎左呢間餐廳食餐晏, order了lunch set其中一款叫做“豪華部隊麵”....佢叫得自己做豪華, 都十分好奇佢究竟有幾豪華法...!結果黎到發現入面既配料同平時既部隊鍋差唔多姐, 都係D腸仔,餐肉,泡菜,同埋芝士..唯有特別D既就係有D花生形狀既年糕. 不過賣相都唔錯, 配料舖滿麵上面, 用既係一個石鍋裝住D麵, 味道都唔差, 同平時食既部隊鍋差唔多味, 都幾辣下架, 麵質都煮得彈牙. 整體$48有埋熱飲喺觀塘黎講都叫OK啦.

餐廳係自助形式既搵位，點餐，攞餐都要自己來 我地兩個人 好快就搵到張搭枱啦 望見點餐的人龍有點長 邊排隊邊睇下食咩好 最後揀左 韓式豆腐鍋飯(凍飲加$2)入面材料料有：蜆，豆腐，熟三文魚肉，疏菜，大蔥料就吾算好多 不過每樣材料都有足夠既份量味道有小小辣 不太咸 啲材料都入味既不過略嫌湯較小同較稀 如果濃啲就更好杯凍檸茶就…好淡無茶味 同檸小無分別 同事就叫左個豪華部隊麵加個韓素小刺身飯吾講真係吾知原來碗飯上面果篤仔橙色東東就係辣味三文魚刺身…圖文不符喎 未知道係三文魚之前我仲以為係腐乳…講返個部隊麵都幾多料：午餐肉，餃子，芝士腸，年糕，泡菜同麵湯底就係 辛辣麵味精湯同事話啲麵可能擺得耐 有啲林我見牌餐淨呢個麵係$48 加左個刺身飯係$68 個飯要$20真係吾太值！整體都滿意(除左個刺生飯)都算易搵位 下次可以再試埋其他

觀塘想快食但又唔想係快餐店咁，係夏天又要有冷氣涼下，這間日本X韓國食店還OK. 其間外賣嘅客人不比堂食的人少，方便這區返工嘅同事們多一個快餐店以外嘅選擇👌👌👌⋯⋯👌食物選擇類型唔算有太多特別菜色，日本餐以鰻魚為丶雞肉丶鮭魚為主，以鰻魚為骨幹的丼食都有幾款。韓食就以牛肉丶豬肉及雞肉伴飯或米粉為主。吃了個鰻魚雞肉丼，很重鰻魚汁味，雞肉也是，啲鰻魚都有唔少骨碎尾，都係一般午餐😶觀塘真係有很多人返工，有搵食都唔易。係開源道行到尾嘅manulife tower宏利大廈入面有唔少餐廳及外買店，雖然大部分都唔係特色店，但勝在方便及經濟，對附近返工的同事門來說，係避暑聖地😏

今個禮拜一既lunch time, 同事帶我黎呢間食~ 環境都唔錯, 午餐set都算多選擇, 價錢唔算特別貴~ 我叫左個"韓式咖喱飯配西西里炸雞"~ 味道都幾好啵~ 開頭點餐前都諗咩係韓式咖喱呢, 原來係在咖喱上面加d韓國泡菜! 咁既配搭雖然感覺有d怪, 但味道又唔會好唔夾, 還可以啦. 呢度d咖喱幾香幾辣~  上面既泡菜又有d辣~ 所以食落都好惹味~  除左泡菜仲有d 紅蘿蔔同洋蔥做配菜~ 而西西里炸雞就有兩舊, 都唔細~ 入口又熱又脆都唔錯丫~ 下次都會再試下其他餐~

呢間野之前轉左Meun後,宜家又多左人食番喇, 宜家個meun相當吸引,你會去到唔知食咩好不過我同事就鍾意部隊鍋,個麵好正架, 料仲好多 ,加埋個飯仔 , 男仕食完都覺得好飽有時帶左飯但聽見同事話去食, 都會同埋我地一齊出去 宜家既menu比之前用心好多,所以值得大家去食下呀1點後會多人,大家就要等下喇 (最好時機就係12:30)食

公司係鴻圖道，lunch時近近地會去宏利金融中心食。今日就揀左Japanese X Korean Library。間餐廳有好多選擇，揀勁耐都未諗好😂最尾揀左韓式咖哩飯配西西里炸雞，個味道似日式咖喱加辣版，面頭加左少量泡菜，講真怕辣嘅人應該食唔到😅相比起咖喱，我更加鐘意食個炸雞，個皮好脆又唔鞋！韓式咖哩飯配西西里炸雞 $63另外朋友揀左芝士明太子卡邦尼烏冬，味道非常之濃，啲煙肉有少少咸左啲，鐘意濃味野嘅人啱哂。芝士明太子卡邦尼烏冬 $68

韓式豚肉飯🇰🇷🐷 $59·終於黎到Japanese x Korean Library，但同我想像中有啲唔同（唔通比啲相呃咗⋯😆）首先，依間唔係cafe style，間鋪頭係商場/商業大廈入面，最後，我會歸類為「連鎖店」😂，Any肥啦，唔黎都黎咗，試試·Menu黎講分日式🇯🇵韓式🇰🇷兩種，set menu~ 每種都有十款以上選擇，都係啲大眾選擇如：咖哩飯，沙律，韓式粉絲等，餐跟飲品，亦可選擇加錢轉飲品；想食甜品？sorry...加錢都無得你食·除咗菜單有啲似連鎖店之外，全店鋪採取自助服務，落單先，拎單，等叫名，拎餐，自己搵位！等等，有啲唔同⋯有調味及各類醬汁提供，稍嫌唔夠味的話，自己拎番去調到啱係心水為止⋯·我就點咗韓式豚肉飯🇰🇷🐷，唔好怪我，望落似唔似吉吉家啲飯🤐⋯當然依個豚肉飯有誠意啲，有幾舊泡菜同生蛋黃🍳嫁，唔好睇樣，試下先～豚肉好似啲肥牛咁，肥瘦分明，食落都幾滑口，豚肉份量其實都幾實在；跟住用咗個蛋黃撈飯再加啲七味粉，因為無咩醬汁有啲乾，我又再加咗啲鼓油撈撈，食落又幾香口😆·整體加杯野飲承惠$61，無加一，嗯⋯可能我對佢有啲期望所以相對黎講當然就有失望啦！連鎖快餐店嘅感覺，類似嘅