Italian Tomato Cafe Jr. (已結業)

朗豪坊的食店, 呢間算係比較差的一間, 我指的, PARTICULARLY 係講味道碟雞扒飯品質真係唔得, 雞扒係雪雞胸, 肉質唔得, 好鞋, 又無味, 味道係完全來自個燒汁, 不過個燒汁一啲都唔香口西蘭花係白烚, 但烚過龍, 所以一入口都淋哂, 仲無哂味飯又過淋, 唔得最好食, 係兩粒車厘茄但係服務, 環境都OK, 特別係環境, 裝修幾靚可惜難食, 點會再嚟食?

落雨天家人選擇在商場行, 我本想在家休息, 又唔夠訓, 只好離隊一會抖抖見眼前正是Italian Tomato Cafe Jr., 於是買一杯espresso 坐坐, 杯咖啡味道香濃, 飲完一陣都精神番少少, 商場人來人往, 坐在門口的茶座打打電腦, 看看小說都幾寫意呢杯咖啡小缺點係唔係太熱, 飲到最後一啖有少少酸

食完湯粉係朗豪坊行o左一陣, 去到italian tomato 的門前, 被靚靚蛋糕吸實見到件榛子蛋糕整到好靚, 就同店員要o左一件買走, 拎o左埋一邊即食 (因為無得坐係度食), cream好滑, 榛子係我其中一隻最 favourite 的味道, 又點會唔鍾意呢 件蛋糕有四個層次, 不過我就希望成件都係 cream, 因為鍾意食滑滑的cream 多過食底層的蛋糕

食得多銅鑼灣果間, 一場黎開旺角, 所以黎試下旺角果間仍然點左我最愛既白汁意粉!!同銅鑼灣既味道差唔多依然好好味~飲品就要左iced latte, 不過我覺得同普通咖啡冇乜分別囉-_-就腳黎講下次都係去番銅鑼灣果間啦!

友人想食這一間~我多數係去荃灣嗰間的~呢間應該只係第二次嚟叫了3個set share食~餐湯係牛尾湯...好忌廉呀~唔似牛尾law........牛碎啦...包是叮熱左的~正常的~呢一間可能多人~唔俾意粉轉飯~香蒜火腿意粉蒜夠香~火腿好味~不過意粉冇味.......但夠爽的....忌廉煙肉意粉這是我的最愛~ok呀~但太快冷掉了~賣相不好呢巴拿馬火腿pizza芝士做醬底~加香草同埋火腿~夠香夠脆~一定要立即食~我地食左一件之後~隔左陣先食第二次~已經凍左~好"漏"呀!!!!餐飲方面~加十蚊先有嗰的香蕉朱古力真係一點都不好喝~(好彩唔係我叫的~哈哈~)食咁"漏"都東西~一杯清茶已很好~(english breadfast tea 的茶包)到想食蛋糕的時候先去拎蛋糕藍莓撻~面頭係醬~內裡有蜜桃~有一層薄朱古力痴住個批底可以~但賣相唔好~粟子蛋糕~中間的cream有粟米粒粒~好香~不錯~但好飽芝士批~香香的芝士~厚厚的曲奇餅底~good!76蚊~抵唔抵~見仁見智啦~坐係唔太舒服~但我杯熱茶佢都肯同我加水~都算係咁~

星期六, 落好大雨, 真係好大, 大到其實行街都唔知去邊好, 結果就係去o左朗豪坊食飯都係在朗豪坊度過, 因為唔想煩, 所以喺四樓搵食, 只係度度都爆哂棚, 好食又爆棚, 唔好食又爆棚, 周圍都水泄不通, 好得人驚...結果去o左italian tomato 落腳, 餐牌印得好精美, 想都可以食到好味的食物了買o左飛之後, 等食物由服務員送到, 其實唔知點解唔可以有服務員幫我落埋單, 覺得好麻煩, 不過服務員普遍都有禮貌, 只係覺得間公司安排不周而已食物叫o左個煙肉火腿panini 包, 但係.. 唔好食, 個包唔脆, 仲要靭, 咬到隻牙都差點甩出嚟, panini 係咁o既o羊?結果係... 放棄! 又要再去搵第二間食, 哀...落雨天, 令我怕去街...!!

今天早上在UA看完戲，在朗豪坊行了一會，趁人少就早一點吃午飯。原本想在樓上食，但要12點半才開舖，於是行到5樓，又開陽(我們坐在外面)又未來過，於是試試，食了兩個SET LUNCH。HONEY選了茄子肉醬意粉和LATTE(加8蚊)，我則揀了漢堡牛扒飯和咖啡。(其實我一向不愛吃飯，但其他兩個選擇實在太簡單易整，無理由揀。)餐湯是忌廉雜菜湯，我覺得頗鹹，而且雞湯味過重，蓋過了雜菜的清淡味道。跟湯的包是凍的，有點意外，好彩包尚算軟淋。茄子肉醬意粉：茄醬味濃，肉醬頗多，意粉咬口感不足。(我只試了一口，COMMENT不多。)漢堡牛扒飯：見到時嚇我一跳，有點似蒸牛肉餅，而且沒有煎過的痕跡，連味道都像加了陳皮似的，當然那些HERBS不是陳皮，但的確有點似。咖啡：味道上全沒即磨的感覺，跟即溶咖啡味道一樣，如果這是真的，很難與對手競爭吧，連快餐店也用即磨咖啡了。有一點要題的是，這裡教職員出餐有極大的問題：1. 第一樣上枱的居然是MAIN COURSE，即我們的茄子肉醬意粉和漢堡牛扒飯，而枱上連食具也未有。2. 侍應一次過一隻手拿兩隻大碟，另一隻手拿三枱的食具，她來到我們面前時，作為食客的我們，怎麼好

食完粉再行, 行到攰又要搵地方坐了, 阿媽年紀大左, 好快就攰..行到italian tomoto, 門面光猛, 阿媽話就呢間啦! 要幫襯就要買飛, 於是就入去買左杯芒果汁飲.. 杯芒果汁好大杯, 味道帶甜, 當然唔係100%鮮榨啦, 不過又幾好味, 其實間餐廳仲有好多野食例如芝士餅, 做型都幾靚, 我諗味道應該會唔差既..坐得幾舒服, 坐夠再去旺角街市買餸, 陪足阿媽成日, 做個孝順仔, 夜晚一家人食餐屋企飯, 最衰唔可以介紹屋企, 如果唔係全部都會係五分

和朋友慶祝生日便試這兒的下午茶個意粉無乜特別但個藍苺蛋糕好好食完全沒有藥水味而且顏色好靚可能因為假日, 真係好多人.....

好朋友請吃的一頓開工晚飯，和她二人到了先前約好來的這間餐廳吃飯晚，一直以來這間餐廳給我的印象就是蛋糕很好吃，我還以爲其他的食物也會有這個質素，怎料的是跟我想像中相反，跟這裡的食家們有相同的想法…首先這裡是自助形式，我和朋友每人各叫了一個set dinner包一個自選蛋糕。餐包硬硬的餐湯是忌廉磨菇湯，稀稀的，沒什麼味道蟹肉意粉的蟹肉得那點點，似乎說是蟹柳意粉較貼切了咖啡奶茶是自己調奶和糖的，對於不曉得如何調的我，就是有點困難，結果就是不像咖啡的飲料芒果夾心餅蛋糕是今餐最好吃的一款食品了，軟軟的蛋糕夾著餅和芒果是很特別，但我覺得朋友吃的朱古力慕思蛋糕的還要好味，朱古力香香甜甜配碎碎的可可粉，很叫人回味我和朋友說不會再到這裡吃飯，除非是吃蛋糕．．．

簡直難食+唔抵食今日食佢d dinner，叫左個set....佢個餐包係冷ge，仲要係個cashier下面拎出黎，睇見都唔好食!叮都唔叮下d意粉真係自己整ge都好食過佢焗飯係得白飯咁ge味，湯就係滾水湯!唔知點解，lei間d staff hea到爆，其他分店都唔係咁ge大家真係唔好去食，唔係就後悔呀!

前晚九點幾去咗食晚餐.....叫一個意粉要四十幾至五十蚊嫁，跟埋餐有多個湯+蛋糕+飲品，但係就要加多四十蚊。所以一個餐加加埋埋要成八十幾九十蚊嫁......當晚吖咗兩個意粉 (EXACTLY 個名唔記咗!!!)三文魚黑菘露意粉:忌廉煙肉意粉D 意粉軟硬度適中，overall 0黎講都幾好味....尤其係煙肉0個個意粉, 0個d汁有加蛋汁, 好香好好味......但係三文魚0個個就篇咸咗少少.....我哋旦糕叫咗黑森林似tiramisu但係內面有好多杏仁粒個黑森林好好味.....但係個tiramisu 就麻麻地......成個set dinner 食到好飽.....:

25/1(日) 5:30pm年三十的朗豪坊,略有名氣及折扣的店舖必現人龍;搏鬥後,我倆到此店補充透支了不少的腳力.志不在食,僅分享了蛋糕套餐$38:芒果芝士餅及凍咖啡.芒果芝士餅講不上細滑透頂,餅底亦不甚了了;貴在原味濃郁,吉士及忌廉份量恰好,芒果新鮮怡人,身型肥碩.至於凍咖啡,可不提了...花消$38,換取片刻的閒逸,未嘗不可...

想寫很久, 但沒有時間. 連上網都沒空, 但不吐不快, 半夜三更都誓要寫下食評. 這是年三十晚的事了. 那天我們到旺角朗豪坊來個年終購物日. 路經 Italian Tomato, 印象之中它們的蛋糕水準不錯, 一時癮起就跟男友提議不如吃個 Cake set補充體力再血拼.天知道我們的抉擇是錯的! 這 Italian Tomato好奇怪, 沒人帶位, 什麼都得靠自己. 買東西是自行去買票再拿餐.加了錢飲了一杯極難頂似糖水的焦糖咖啡, 服務員懶到連底碟都欠奉. 我不嗜甜, 但都不要離譜到連蛋糕不好吃. 它們不是做蛋糕起家的嗎?

Italian Tomato 既 Cake-set 相信大家都會試過Quality 一向 okay (我冇吃 Tiramisu~只吃冇芝士成分的)但說到 service，相比起APM，朗豪坊既 service 真係不知所謂~今次同老公及老公既朋友叫左2個 Cake-set，分別係(1) Green Tea w/ Chestnut Chocolate Cake(2) Chocolate Cake餐飲不計，d Cake 水準 okay，甜味適中，creamy得來又不會立刻化水然而店中一名肥 waitress 既 service 認真不知所謂情況如下(甫入店)：我 - 麻煩你有冇3人位呀?佢 - (不屑) Sorry 喎, 呢度自己搵位架喎！好心佢去多d Staff Training enhance 番自己既 Service 先啦~嘩，搞掂~朗豪坊 Italian Tomato 立即 black list. Byebye 朗豪坊 Italian Tomato ~