Indian Dream Food

營業中

休息中

由於朋友係咁講好好食，結果搵日就同左3個朋友一齊食。佢個位置又有隔涉，唔起眼，要特登走入去工廈入邊先會見到。雖然一入到個環境就好細（大約得3-4張枱），但係啲野食好食，仲有乾紙巾，濕紙巾提供。我地4個人每人叫左一樣野，結果份量太大，食唔哂，要打包！價錢上我地覺得性價比幾好！4款食物，3杯飲品，每人100元。

什麼叫内卷？？？？今午例會後，又是聚餐時。一行七人去原來的泰國餐廳午餐，怎料以往生意興隆的泰國菜，居然也结業了！連排幾間也同時結業，本來已經在工廠大厦1/F，也捱不住昂貴的租金。正當離開時，突然有個印度人笑面而來。“朋友朋友，吃午飯，來來來，正宗印度咖哩”，經不起熱誠，就去走廊内的店看看，才12個位置，十分緊凑，也有食客正在用餐，印度老闆立即調枱，生活不易，為了接這個生意。看看餐牌，set lunch 绝不便宜，想想裝修是大排檔，97元午餐性價比不高。改變策略單點，各式其式，雞、羊、牛、素，以南方咖喱+尼泊爾口味，還有些街頭小吃及囊餅。上菜時，十分地道，雖然有些家庭feel，七個人擁擠在一張1400長枱，也有板間房熱閙氣氛。同事偶爾為之，也是接受了！ 埋單才$560，比較起來，總算合理，全程服務熱情，感覺到生活真的不易，也許這小店可以平替我們以往聚餐的泰國小館了！

人生第一次食到咁難食嘅咖喱🥲🥲今日突然想食印度菜，就上OpenRice睇吓，點知原來唔好信食評！自問無咖喱不歡幾乎每星期都會食，但是今日認真失望😞！首先嚟咗個咖喱什菜，已經覺得有啲酸味，自己安慰自己可能佢落咗蕃茄所以咁嘅味道，又係又嚟咗個牛腩！點知又係咁嘅味道，啲牛腩分量足夠，但係問得唔腍，完全沒有印度香料味，加上現場環境非常之熱所以食咗兩啖就埋單走人！唔怪之食飯時間上到去一個客都冇，不會再嚟了，唯一可取就係服務員態度非常好👍

Indian Dream Food觀塘有好多好嘢食，相信大家都知！今次就帶大家嚟食正宗印度菜！🇮🇳講起正宗印度菜，應該就一定唔少得咖喱啦🥘！我哋今次就揀咗香料咖喱牛腩🐮$68 同埋 香料咖喱雞 🐔$68 ，佢哋嘅咖喱真係正宗有好多香料製成嘅，食落唔會覺得太過油膩～ 香港比較少機會食到，都幾正宗㗎！😆😆佢哋嘅套餐本來就包咗白飯🍚同埋罐裝飲品🥤，不過食印度咖喱又點少得煎餅🙈 佢哋只要加$15就可以轉蒜蓉烤餅🫓（6片）又或者奶油烤餅(6片），我自己就鍾意蒜蓉烤餅🧄多啲！如果你哋都係兩個人一齊嚟食嘅話，咁就可以每人嗌一個，交換口味食，咁就Perfect啦✅

#觀塘 #美食 #多囉囉 ，今晚就去左間位於#成業街 #成運工業大廈，品嘗地道印度菜式😉。餐廳有多款咖喱口味提供，品嘗一下正宗印度菜式的味道。我哋選了咖哩菠菜羊肉，同埋香料咖哩雞，2款都配白飯。咖哩菠菜羊肉煮到個汁杰身，羊肉都有4-5粒，而香料咖哩雞的香料十足，有濃郁的印度咖哩味，都唔會太辣，拌勻飯食就啱晒了。再叫埋可口可樂就更夾了。Indian Dream Food觀塘成業街15-17號成運工業大廈1樓7室

成運工業大廈有間新嘅印度餐廳，家庭式裝修，有個印度店員我一開始同佢講英文，點知原來佢識講廣東話😂 餐廳賣點平靚正，咖喱包白飯同罐裝汽水$70左右，加$15可以轉naan，分量比一般印度餐廳多，超大兜咖喱，naan都有6-8塊好夠食香料咖哩牛腩 $68牛腩大大舊唔算好腍但都入味，有少量牛筋位，未必話超好食但呢個價錢過吓口癮已經冇投訴菠菜蓉乳酪咖哩 $68印度嘅乳酪係大大嚿都幾香奶味，naan較硬身但夾左海量咖喱食幾唔錯

🔸香料咖哩魚柳 $75🔸蒜蓉烤餅 +$15/6片-喺觀塘返工最鍾意周圍搵嘢食，最近發現依間工廈隱世印度餐廳，即管試一試～去到餐廳見到員工都係印度人，夠晒正宗，叫咗份Fish Curry Masala，係印度香料咖哩，聞落好香同非常特別嘅香料味，配煎香嘅魚柳。咖哩汁質地杰身，而且係有香料嘅顆粒感，食落好香好惹味，用嚟餸飯或者薄餅食都係一流啊！今次就加咗15蚊轉咗蒜蓉薄餅，有六塊，新鮮烘起熱辣辣，仲好香蒜味，食咖哩必點啊！

大胃好似好耐都冇食印度嘢，冇諗過除咗重慶，觀塘都有樓上印度菜價錢同樣好親民，一樓啫，踩一踩上去就有得開餐開得觀塘，似乎有lunch set係必定，呢間仲要有提供素食同非素食嘅選擇，當中嘅Masala咖喱係樓面推介配Tandoori雞肉，係印式紅燒雞肉，極具Bolihood風味跟餐仲有naan配，烤得好鬆軟微微蒜香，點咖喱食超正估唔到呢度都會有牛脷食，配Masala唔知又點呢？牛舌煎得超香脆，但裡面又彈牙，食完咖喱醬可以點餅食除咗Masala，仲有好多款咖喱，其中呢款牛油咖喱，好邪惡但好香綿，裡面有印度芝士，質感同平常嘅芝士好唔同比較似乾豆腐，大胃就好鍾意呢種texture散嗌都有配飯，但大胃好想食另一種薄餅，叫做Paratha，厚度較薄，顏色較啡質感都唔同，味帶點甜，點咖喱又係好正食印度嘢一定會嗌Lassi，而家先知中文可以譯做拉西，拉西好，好拉西，芒果味超香，夠甜夠解辣另外拉茶好好好飲，香料味唔會好攻鼻，飲落啱啱好

見呢間野喺openrice好似冇乜資訊，特登影左啲相大家睇下。野食幾好食一陣再講。先講餐廳環境，我星期五晚去食，有張卡位同長吧枱，唔太多人唔洗等位不過都keep住有客。電話收得唔好，佢wifi又冇乜力，但佢又叫我qr code落單，最後都係要人手落。Staff態度係好nice嘅，識少少中文。餐廳內抽風同冷氣都有好大改善空間，唔知佢係咪啱啱切完洋蔥？成餐飯都覺得乸眼爭啲要喊住食，不過overall係去得過嘅，希望下次環境有改善。跟住講野食其實佢啲野價錢唔貴，主食基本已包埋飯同汽水，可加錢轉naan都係$15，黎到仲要係大份嘅，睇落去兜咖哩唔大，但係入面有好多舊，我地叫左牛舌瑪薩拉同黑扁豆羊肉咖哩不過掛住食唔記得幫個羊影相。牛舌好有驚喜禾因為真係好淋，味道又好夾，唔算好辣（雖然我鐘意辣啲），正唔正宗我就唔知不過我覺得都幾好食。羊肉就都ok嘅都係好淋，但相對上就冇牛舌咁好食，因為係扁豆咖哩，成兜汁都係豆好有口感好滿足。Naan同我平時叫開果啲唔同，呢個係有啲似pizza餅底/葱油餅咁嘅口感，可能paratha先係我想食嘅野，唔知係咪我叫錯左呢？兩個人食到好飽都食唔落另外碗飯，埋單先$145，

行過成業街見到有呢間新店開咗，就去試下。叫咗奶油乳酪肉醬咖哩set加15蚊改成Prantha,咖哩羊set 加15蚊改成蒜蓉Naan. 另加一份giant samosa(一份三只),每個set包汽水一罐。 6件Prantha好大件，一條友食得曬都好勁。三隻巨型Samosa,一人食一隻都已經好飽。結果我哋兩個人，啲野食唔曬，要打包。咖哩羊略為鹹咗啲啲。 奶油肉醬咖哩好好食，有奶油奶油乳酪喺裏面。但店舖內抽風系統唔係好得，好大陣味，仲有啲煙好醃眼，環境需要改善。返到屋企啲衫成陣咖哩味。如果你係叫外賣，就冇乜所謂。整體嚟講，性價比係高嘅，我哋食咗209蚊，都算抵。

今次是我們第5次到來, 食物很美味, 服務很用心, 餐廳清潔, 只可惜冷氣不足.  我們三人分享了一個套餐, 另外order 兩款, Daal Beef 達爾扁豆牛肉和 Butter Paneer Masala 奶油乳酪咖哩, 配白飯和 Naan餅, 二百元有找.   

軟殼蟹咖哩非常香濃，一份有2整隻軟殼蟹，奶油肉醬咖哩滿佈芝士，番茄和肉醬，味道也是非常濃郁，也有番茄的香甜，不會太辣，午市套餐配上白飯和冰凍汽水，每人也只需六十幾至七十幾元，好抵食