Igeo Sago Cafe (已結業)

店舖在將軍澳popwalk，所以相對會比較隱蔽，而且門面細細，但想不到原來店內都頗為闊落，位與位之間亦不會很迫夾，加上有很好裝修設計，所以予人很舒服感覺，不過下午茶價位來計就可能會貴少少，但尚可接受！紫菜蛋卷 ─由於一向都好鍾情蛋卷，所以對蛋卷的要求很高，加上可能過於期待，引致有少少的失望！其實味道是不錯的，亦沒有偷工減料，但蛋香略嫌不足，所以覺得有少少敗筆，我相信應該是原材料的問題！牛肉雜錦飯─意外地覺得非常美味，可能沒有期望，就會為你帶來驚喜，飯比較乾身，所以將材料撈勻加辣椒漿，都不會覺得好濕或好漿感覺，加上芽菜及紅白蘿蔔絲，令到每一口飯都有爽口感覺，真的很不錯！飲料─普通到不能再普通，黑咖苦澀偏重！

午餐食麵，晚餐好想食飯！近近地就去呢間韓國餐廳，套餐包餐飲，呢客雞肉石頭鍋飯，份量超多，又附送前菜，今餐有醃蘿蔔！飯上面有菜、蘿蔔𢇃、雞肉粒、荳芽，仲有隻生蛋，唧埋韓式辣醬撈勻黎食，甜中帶甜，石頭熱度可製成飯焦，有咬口，食晒成份真係超飽！咪講笑！

大家唔使嚇親，見到我話偽韓，並唔係要打負評，只係描述下對呢間餐廳既第一感受對於唔係好崇韓嘅我，偽韓餐廳並非一定係唔好既野，反而都有值得推介既地方係餐廳門口，第一樣野就係見到佢menu，款式多，有鐵板、石頭飯、辛辣麵、非韓式既意粉焗飯、各款小食、甜點雪糕等，價錢都合理，而且不論係正餐定小食都確係多為韓式食物，想食啲特別啲又未食過既餐廳，二話不說就入咗去一入到去，空間寬闊，我地小貓四五隻，偏偏安排我地坐係大門前既8人座圓桌，仲唔需要搭枱，夠welcoming喎！侍應們由招呼我地就座至點餐、回答問題及送餐都面帶笑容，好有禮貌佢既Lunch set由11:00-17:00，野食配熱飲 / 汽水無需加錢，都幾令我深刻，因為通常汽水都要加錢，甚至比凍飲加更多，而佢呢到就唔洗加我order咗「韓式鰻魚石頭飯」配熱柚子茶。佢滿滿的上枱，生菜同紫菜條鋪面，難以估計鰻魚既份量，但比個驚喜各位吃貨.....燈燈燈凳！佢係將一條長既鰻魚切成三塊鰻魚比晒我！佢雖然就無加入任何既鰻魚汁去調味，但單單食呢個鰻魚，佢既味道都好夠，帶點煎過既烘烤味道，加上頭尾既有啲鬆脆，對於單單係主角既部分 我真係好推介！至於佢既飯，

呢間韓國餐廳，午市套餐相當抵食，呢碗韓式雞肉辛辣拉麵，熱辣辣香噴噴，連飲品只需三十幾蚊，份量適中，雞肉調味得幾入味，湯底都幾辣同頗油膩，拉麵軟硬度唔錯，食完成個套餐份量岩岩好，唔會話太飽，仲有空位可以晏d去食下午茶！哈哈！

今日一家人食飯，老公唔鍾意食韓國嘢，眼見佢有西式意粉，又有我喜歡吃的韓國菜，就好快入左去了！先黎一杯凍柚子蜜，水面有一粒黑色野，之後換過一杯俾我。之後，再上辣海鮮豆腐湯，辣味奇怪，辣到食唔到！好彩佢肯換過一個唔辣嘅俾我！凍柚子蜜好似水咁淡！前菜差不多食到尾先上到！服務態度一般，部分同事黑口黑面，上菜速度緩慢！唔好有期望會好啲！啲人忙到甩轆踢晒腳！叫佢俾牙籤，比一支你。佢未執可以再幫襯！很有進步空間。

入都嚟呢間食韓國嘢嘅餐廳，店員都係香港人，舖頭裝修都幾港式，俾人感覺唔太正宗先有人奉上溫水，服務都唔錯叫咗兩個set dinner，有緊嘢飲，一杯凍嘅檸檬柑桔，另外嘅係是日餐湯：蘿蔔牛肉湯杯檸檬柑桔係有真檸檬嘅，濃度都唔錯但係個蘿蔔牛肉湯就真係唔好試，冇牛肉，有少少紅蘿蔔同白蘿蔔，但味道完全係味精，好鹹，仲有好重嘅胡椒味一個set係韓式炸雞，配芝士醬，睇落都似模似樣，仲有醃蘿蔔粒一齊上芝士係真嘅mozzarella拉芝，仲可以繞到幾個圈，不過味道偏鹹同濃另外叫咗嘅牛肩胛石鍋飯，配泡菜，個樣完全係港式石頭飯，因為啲生菜遮住哂下面不過呢個竟然係禾稈蓋珍珠，下面嘅牛肉條調味幾好食，甜甜哋肉質都幾嫩仲有好多紅蘿蔔絲，芽菜，雞蛋等石鍋飯嘅配料好食又抵

今日仔仔學校有活動，所以我就自己同婆婆去行街啦。本來係旺角，婆婆話食埋Tea就回家啦；我重同婆婆講笑，少有喎，平時婆婆話食Tea一定要等埋隻寶貝孫仔，今日咁少有話要賣甩孫仔。依頭講完，果頭就電話響仔仔打黎，話活動早左開始，早左完結；當然啦，第一張通告話3點開始，第二張通告竟然係7點半集合，要彩排早左8個鐘開始，早D完都正常既。為左就仔仔，我同婆婆就決定唔係旺角下午茶啦；即搭地鐵返將軍澳，約埋仔仔一齊Tea。本來想去Simplylife架，上次同老公食個Tea 45蚊真係好抵又好味，點知今日去到原來Tea只係星期一至五咋。果時已經5點，我地就快步行去Popwalk 2度搵食啦。第一間見到既就係Igeo Sago Cafe，仔仔其實想再睇下先架；但果時已經5點15分啦，人地個下午茶去到5點半咋。所以最後仔仔都係決定試左先，下次先再慢慢行睇過第二間跟餐，婆婆點的柚子蜜，隻杯好靚；味道OK，都係即沖果D囉。我同仔仔的凍檸茶，好似要加3蚊定5蚊；都有味，但麻麻地，唔夠甜。仔仔點的牛肉飯，唔太記得叫乜名，但係冇味囉，仔落左夠多辣醬先有味，但都係得個辣字。我點既，又唔記得乜名，係雞肉卷黎，睇圖好靚架

上一篇食評已是五個月前，計落開業也大半年，還是令人失望。之前曾經幫襯過一次，感覺還好，味道不錯，價錢合理，只係等得比較耐。平心而論食物質素還是不錯的，分量也足夠，只是廚房的速度有很大的改善空間。今次叫了雜錦鐵板同韓式炒粉絲，問題出左係粉絲度。足足等左將近45分鐘先上枱，一共搵左三個唔同既職員跟先追到，我差點就一肚氣取消order唔食走人。如果廚房問題一日唔改善，係好難吸引居民黎食。希望餐廳會有所改善。我最多只會俾多一次機會。

農曆新年假期當然比平時遲食早餐，所以午餐時間又順延至下午茶時段，以為應該比較少D人，可是卻剛剛相反！但服務人員就比平日少，所以明顯地人手不足，個個做到無停手！我原本都耐心等待，但等了30分鐘仍未有嘢食，知道一定出事，所以立即追單！幸好仍能保持水準！雞肉蛋包飯：賣相及食物的味道不錯！韓式雞肉雜錦飯，以下午茶時段$38包一杯飲品，好ok !假日特別喜歡吃甜品，所以order了蛋糕！三重朱古力蛋糕的朱古力味不太重，但造型不錯！紅桑莓芝士蛋糕🍰比較出色，芝士味濃！

《IGEO SAGO CAFE》將軍澳天晉2期一樓108號🔹泡菜豆腐湯飯 $52 包熱飲/凍飲加$3午餐免加一-好多泡菜 但豆腐得兩舊有d小個湯小小辣但酸比較多都有幾舊肉係入面嘅整體不過不失 呢頭黎講都OK-byT: 7.8/10 instagram: 90sfoodieshare

今日有朋友生日, 梗係出去慶祝啦!  諗起POPCORN附近最近多咗個新地方 - 天晉匯2期, 多咗新地方搵野食了.  我地無特定去邊間, 只是望一望環境, OK喎就入去了.  有南山塔陪住食, 都應該幾有feel的.主人公梗係叫個美國西冷扒8oz食 ($168), 仲加$20叫杯紅酒嘆吓啦 (不過麻麻地)! 本來叫了黑椒汁, 但試極都唔似, 咪問一問個侍應, 佢話落單係黑椒汁, 咁就係黑椒汁, 我地再請佢攞入去(銀色個盆仔)問吓啦, 他才回來講比錯燒汁我地, 跟住才肯幫手換過佢. 重點來啦 ----- 個賣相好似幾得, 查實個西冷好唔得, 叫7成的但應該有9成, 仲又乾又"鞋". 真係對主人公真係唔好意思了.輪到我個餐是豬肋骨鐵板配白飯, 芽菜作為前菜($75), 依個份量好大, 味道都算唔錯, 唯一個白飯好硬, 似生米咁, 這裡扣分啦!豬肋骨鐵板跟了個凍檸檬柚子茶, 只能說OK, 有點甜另一朋友叫了韓式牛肉鐵板飯, , 芽菜作為前菜($68), 除了咸了一點, again  個白飯好硬, 但勝在大碟, 都算抵食!韓式牛肉鐵板飯還跟了碗蘿蔔牛腩湯, 肉味濃郁但不影響個蘿蔔湯底, 好香

將軍澳區的韓國餐廳已經很少，好吃的就更少。不算是最好吃，但是這間餐廳價格不算太貴，算是物有所值可以再來整間店算大，多位。大約六時來到，不用等位就可入坐。晚餐有約廿款可選擇，還有湯/沙律/飲品可揀（但選擇不多），另外有前菜：泡菜、芽菜、菠菜。這間餐廳除了韓食還有意大利粉。今天點了四個韓國餐人參雞湯配白飯：湯略有人參味，但雞煮得有點老，太韌牛肩肉石頭鍋飯：牛稍有點韌，但仍可接受。料有芽菜菠菜和牛，材料不算多。而辣醬不夠辣，多加也沒味。韓式炒粉絲（五花腩）：肉好吃，粉絲也粉得入味份量也不少泡菜豆腐湯配白飯：滿滿的豆腐和泡菜，還有少量豬肉。淨喝湯不太辣，但是像蕃茄湯味，連同泡菜一起喝下，味道好好多。整體不算太辣，一般人也可以吃。最後+$25 加了柚子雞翼（原價$35）：沒太多柚子味，像是蜜糖味，甜甜的也好吃

Popwalk 開了不少新食店，見到門面及價錢及款式也不錯，所以試試食午餐!首先上的是海鮮豆腐湯配白飯，豆腐好滑，🦐&蜆也很新鮮所以海鮮湯好清甜！接著上的是雞肉炒年糕，韓式醬炒的雞肉十分好味，最後上的是烤魚配白飯，可以和日式料理比美！由於食甜品有優惠，所以也點了一杯綠茶奶凍

新商場開左方便搵食，呢間新開韓式cafe有午餐/下午茶供應，餐牌上午餐選擇相當多，價錢實惠又免加一！叫了呢個雞肉辛辣麵（$38），份量適中，湯底味道真係辛辣麵味道，都幾辣但接受到，飲啖湯成身暖晒；雞肉有幾件，已調了味，用來送麵啖啖肉都Ok!另包熱飲，杯咖啡十分普通，止下咖啡癮罷了！咁嘅價錢相當抵死，好過自己煮!

兩個人叫咗個tea set，等待時間有啲耐，5點3左右叫野食，到有野食嗰陣都好似過左佢tea time時間（5點半完），不過食物黎到係熱嘅，甜品亦都夠凍。成個set味道比較怪嘅係乳酸味cheese cake, 最好味係個牛肉生菜包，牛肉好香。窩夫真係好脆，有啲煙韌，唔係鬆化嗰種，而朱古力蛋糕偏甜，兩款加埋一齊食會比較好。其他嘅食物不過不失。飲品係柚子茶。食物質素整體中規中矩，環境幾好，平日人唔多，坐得幾舒服。食tea、傾計飲野黎講係一個唔錯嘅選擇。