Hot Pot 熱‧海鮮火鍋私房菜 (已結業)

真係好鍾意打邊爐，今次去佐敦又試吓未食過嘅嘢.試咗呢間火鍋店坐得舒服，啱晒同老友敘舊. 叫咗個芫荽皮蛋鍋湯底，清清地.更加可以食得出材料嘅鮮味，又唔怕熱氣. ⭐️肉類三小拼盤人少少叫拼盤最好乜都有啲. 三百零蚊有齊牛小排、羊肉同埋黑豚肉各四大片. 全部捲起用冰盆上賣相精美. 啲肉新鮮又有肉味😍. ⭐️鹹蛋黃豬肉丸呢個比較有特色啲，出面唔多見.好邪惡勁大嚿鹹蛋黃混埋豬肉口感豐富. 😋但係好好味，我鍾意.⭐️牛三寶有黑柏葉、牛黃喉仲有牛骨髓. 值得一讚係內臟處理得好好唔腥好乾淨.百幾蚊好過自己買返屋企處理勁方便.牛骨髓吸埋湯底精華半溶入口滑嫰，黑柏葉好爽，皇后嘅爽又係另一種爽法.餐廳仲有私房菜提供望落好吸引，下次要約埋成班朋友一齊去試吓先.

朋友聚會選擇在這家餐廳說來打邊爐。地點很方便。在佐敦地鐵D口出來右轉再右轉然後到後街上一個電梯就到。客人不多。一上到餐廳，沒幾台人入座，我們是當日工作日為數不多的客人。但是包廂似乎都蠻首歡迎。食材一般。和普通火鍋店比算average，也不見有多新鮮。鍋的擺放位置好奇怪，大桌上面擺個燃氣爐，加菜或者夾菜一定要起身去操作。裝修略顯陳舊。有些硬件例如屏幕都壞了，不知為何沒有維修。衛生一般。當層就有洗手間。但是勝在包間空間大，人均面積夠埋單時不夠錢需要湊抵消，人均500+，有點貴，不值這個價錢。下次應該不會再光顧。

天氣突然轉冷，同事立刻相約去食火鍋，佐敦Hot Pot 熱‧海鮮火鍋私房菜，位於新寶廣場5樓，餐廳地方夠大，座位寛敞。店內亦設有多間貴賓房，方便客人選擇。除咗火鍋還有私房菜供選擇。入座後送上火鍋調味料，九格盒乾淨衛生，蔥蒜辣椒都好新鮮。蕃茄薯仔鍋非常足料，蕃茄薯仔份量都好多，湯底味道酸酸哋好開胃。台山桶蠔：台山蠔鮮美多汁，蠔味濃郁，口感豐富，就算煮熟後都唔會縮水，蠔身脹卜卜食落好爽口。美國黑豚肉片：瘦肉和大理石脂肪的紋路分怖均勻， 每一塊肉片都富有彈性、柔嫩多汁。手打墨魚丸：選用優質墨魚製成，口感獨特爽脆彈牙。鮮腐竹口感滑溜有豆香味。紅燒炸乳鴿：即叫即炸，乳鴿皮脆、汁多、肉嫩。酥炸午餐肉，即炸午餐肉外酥里嫩，非常香口。

夜繽紛，繽紛完係附近見到間邊勞店一於即刻walk in試試.依度有房岩曬一班fd一齊靜靜地食餐飯牛肉,海鮮好,新鮮,用料唔小氣,份量比足你,完全無呃人 良心制作叫左個鴛鴦鍋四川麻辣鍋同胡椒老壇酸菜白肉鍋鍋入面已經有勁多料,夠曬飽,麻辣夠曬辣,但又唔會油淋淋,加湯係加返相應既麻辣湯底同埋酸菜湯底手切安格斯牛小排牛肉新年唔會”un”,油脂分布非常均勻再配上鮮蛋漿，加埋一齊口感好軟好淋好滑,sukiyaki 嘅感覺獅頭鵝腸口感勁爽,洗得乾淨,份量足手打丸拼自家制作,手打丸,夠彈牙日本蟹棒外貌睇落以為係平時超級市場買到個啲咁,但一放落個煲到已經feel 到係錯嘅,好香蟹味,愈食愈想食鮮蝦水餃蝦新鮮，餡多，皮薄，6粒大大粒韮菜豬肉餃由於朋友係餃子控,都贊皮薄餡勁多,韮菜好香黃喉好爽脆，份量多桂花蚌第一次食,好新鮮,厚肉,好味珊瑚蚌必點！好爽口，份量多,好鮮味即炸響鈴響鈴勁脆,即炸,上枱仲係熱嘅唐生菜勁新鮮同時又勁大份

呢日又約BFF約會，特登搵間靚料精緻的火鍋店食。🔥沙嗲豬骨湯底&芫荽皮蛋湯沙嗲豬骨湯底超級濃郁，陣沙嗲味慢慢滲出嚟，重沙嗲味但又唔會好杰撻撻。個豬骨底好香， 完全唔會咸，少少辣味剛剛好。烚完嘢食完全唔使點豉油，超級香超級好食。個芫荽皮蛋湯底都好香，個湯好飲到未烚食物都飲咗一碗湯先。兩個湯底一個濃一個清，打邊爐試晒兩種口味啱啱好。🔥手打丸拼由前面開始數起，墨魚丸，蝦丸，麻辣雞肉丸，芝士牛肉丸，鹹蛋黃豬肉丸。🔥大極鴛鴦滑係墨魚滑同黑松露蝦滑，新鮮而且彈牙，仍有一粒粒口感。🔥牛小排跟咗隻鮮蛋，可以烚完撈埋一齊食，好滑。🔥珍珠蚌好多舖頭都係得珊瑚蚌，珍珠蚌反而好少有，呢間舖頭有埋珍珠蚌，非常之鮮甜。🔥蜂巢豆腐有好多粒，索晒個湯底啲味，好好食。呢度好多唔同酒類可以選擇，就算冇酒精飲品都有好多，打邊爐食到熱辣辣見到咁多冰凍飲品可以選擇真係好開心。

近排天氣又凍返，啱晒去打邊爐，朋友推薦話地方好闊落野食又唔錯，於是就嚟左一試。湯底我哋揀左藥膳天麻魚頭鍋，湯底鮮甜暖胃，食完魚頭飲飽湯我哋就開始打邊爐。😋打邊爐點可以冇牛，牛嘅種類選擇好多，我哋叫左份大嘅手切牛頸脊，牛肉厚薄適中，口感唔錯👍🏻 朋友同我都好鐘意食桂花蚌，當然唔可以唔叫😜桂花蚌份量好足，新鮮爽脆，絕對值得encore😝太極鴛鴦滑（墨魚滑+黑松露蝦滑）食材新鮮，一試就知，爽口彈牙。😋打邊爐配料選擇好多，我哋仲叫左黑毛肚同油麥菜，掛住食都唔記得影相😆另一大驚喜係個芒果沙冰，份量超大用hoegaarden大杯裝滿，絕對飲得過癮，唔使就住就住，好爽😂食飽飽好滿足咁走，下次都會再嚟😝👍🏻

呢度裝修幾特別，有少少懷舊感覺，有好多房間私隱度都幾高。叫一個平時喺其他地方少見嘅湯底，酸菜白肉煲，入面幾多料，白肉起碼有20塊以上。口味比較偏咸，但同肉類幾夾，配搭幾特別。肉類方面就叫咗黑豚肉同雞髀，兩種都口感嫩滑，價錢都唔算貴，算係抵食。再叫咗個雜菇拼盤，種類同數量都算相當之多，唔需要嗌飯面都好頂肚。丸拼夠多選擇，總共五種十粒，唔同口味嘅丸，包括墨魚蝦滑牛肉豬肉同辣丸，豬肉丸入面有鹹蛋黃牛肉丸，入面有芝士，係今晚最滿意食物。

今個星期來了兩次，第一次是朋友帶我來的，覺得環境很舒適，也好吃，因為在附近上班，很方便，開得夜的食肆也不多，最適合晚上跟朋友吃飯喝酒聊天，不用看時間，哈哈！這是一家港式海鮮火煱店，先講湯底，選擇很多，價錢實惠點可以選傳統鴛鴦煱，想吃豪一點可以選花膠雞絲雞煲翅，或者龍蝦湯底，今次我揀了花膠雞絲雞煲翅，湯底呈現出金黃色澤，花膠的軟稔與雞煲翅的鮮美，大大口吃下，每一口湯都能感受到食材的精華，讓人忍不住一碗接一碗。除了湯底，這裡的蔬菜拼盤也是必點之選。新鮮的蔬菜經過火鍋的烹煮後，更顯得爽口，為火鍋增添了一份清新。肉類方面，第一次來，就不花太多時間挑了，揀拼盤，樣樣有！海鮮我們揀了深海潛艇，有我喜歡的鴛鴦蚌，還有生蠔和大大條蟹柳，新鮮肥美，外加一份蟶子王，滿足了。另外點了肉類三小拼盤，豬肉、羊肉、牛肉有齊，肉質鮮嫩，每一口都是滿足。這裡還有幾間 VIP 包房，有香港特色的卡座，門口也有打卡位，最重要是吃到半夜，是晚飯宵夜旳好選擇。

在我辦公室對面這間Hot Pot 熱·海鮮火鍋私房菜暖色燈光與古典裝潢和門口金色那隻1000% Bearbrick 即刻吸引了我的目光，急不及待走進開始這場火鍋盛宴🤭🤭首先登場的是標榜店內特色的湯底「花膠雞絲雞煲翅」 湯底以精心熬製的雞湯為底，絲滑的雞汁、富含膠質的花膠與鮮嫩雞絲相互交織，再由頂級的雞煲翅融入湯中，每一口都能品嚐到濃郁與細膩並存的風味，湯底本身便足以讓人再三回味😋😋而且，它的溫暖與鮮美為後續的食材提供了完美的結合點👍🏻👍🏻接下來是蔬菜拼盤，這不僅僅是一個配菜，其精選新鮮度極高的時令蔬菜，無論是脆口的皇帝菜還是軟軟的雞髀菇都在湯底中被提升到了新的境界，吸附著湯底精華的蔬菜毫不費力地成為了舌尖上的佳肴☺️海鮮之中，深海潛艇承載着貴妃蚌，珊瑚蚌，蟹肉和蠔，十分豐盛蟶子王肉質飽滿爽口😍而肉類三小拼盤包含了牛小排、羊卷肉、黑豚肉，各4塊卷起用冰盤上，賣相吸引，啱晒無肉不歡的我，一次過滿足三個願望🤗🤗這場火煱盛宴不但在味覺上讓人難以忘懷，服務也同樣值得稱讚👍🏻👍🏻下次帶埋同事一齊再來一趟火鍋盛宴！📍Hot Pot 熱•海鮮火鍋私房菜📍佐敦佐敦道23號新寶廣場5樓

最近天氣時凍時熱,今日轉涼左少少,所以就決定同朋友去佐敦打邊爐😊呢間可以打邊爐同埋食私房菜😎湯底都有好多選擇,我地揀了藥膳天麻魚頭鍋,不會太濃味,飲一啖湯底先,有胡椒味很暖胃,因為有魚頭一齊煲,所以湯底很鮮甜,魚頭都好好味😋手切牛頸脊(大)嘩,好大的一盆牛肉,牛頸脊不是薄薄的,而是厚身的一大片,滾幾下再浸下蛋汁,口感幾滑,牛肉味很重，不錯!新鮮黑毛肚很大的一塊黑毛肚,只需要滾幾秒就食得桂花蚌擺落去湯底幾秒就可以,勁爽口的質地,十分驚艷的感覺,忍不住不停食,好好味!!!大極鴛鴦滑墨魚滑很彈牙爽口,食得出材料新鮮;黑松露蝦滑都十分爽滑,不錯不錯

Hotpot 🥘全場5500呎，仲有VIP包廂房，入面有得唱k分別係七間不同主題房間，全場有多個特色打卡位，打造不一樣的火煱店。除了裝修特別外，全部野食都又新鲜又大份兼好味！✨️首先推薦必試人氣No.1 花膠雞煲翅鍋$388 哩嗰10級推介呀!Cp值好高! 啖啖翅啖啖花膠!未見過啲足料到會蝕本的感覺!濃郁又夠膠，好補!只係食哩個湯底都值回票價!蒙古涮羊肉片 $128難得香港有咁羊騷味食! 如果你中意食騷味一定要試!炸雞軟骨 $58 熱食同凍食一樣咁外脆內軟！冰鎮鮑魚刺身 $48／1 每日新鮮製作！ 夠鮮味丫！ 另外仲叫左~芝士腸即炸響鈴豆腐蒜蓉粉絲特大蟶子！ 蔬菜拼盤勁大盤！飲品仲有好多特飲揀！我們揀左大大杯益力多沙冰，雜果賓治- 📍佐敦佐敦道23號新寶廣場5樓全層

👦🏻知我鍾意食有鑊氣嘅大排檔 朋友介紹我哋去呢間食靚海鮮既私房菜 主打即叫即整靚海鮮🦞價錢唔貴又大份 有得打邊爐又有得食小菜 仲有抵食套餐 CP值超高🔥而且開到凌晨兩點 真係好啱一大班人過去食飯🫣💓孖寶A餐 $498套餐裏面有芝士澳洲龍蝦同清蒸沙巴仔龍蝦啖啖肉 面層鋪滿左芝士🤣芝士汁唔會太鹹太膩 我地仲加$50伊麵底💓西蘭花炒蝦球蝦球新鮮又彈牙 蝦汁滲入炒過既西蘭花同雜菇 好有鑊氣 西蘭花香甜好腍 味道唔錯🥰💓椒鹽鮮魷魚鬚 💓金沙咸蛋炸魚皮全部都係即叫即炸勁新鮮 好有鑊氣🙈魷魚爽口彈牙 椒鹽充滿鹹香味 炸粉好薄‼️魚皮佈滿鹹蛋黃碎 食落好香口唔會好膩 脆卜卜

食靚海鮮除左去酒樓，私房菜館都係另一高質選擇。朋友食過介紹呢間佐敦站隔離超就腳既餐廳，主打靚海鮮，有得打邊爐又有得食小菜，仲有抵食套餐CP值超高🌟孖寶A餐 $498A餐包芝士澳洲龍蝦同清蒸沙巴仔。龍蝦啖啖肉好易甩殼好方便食，芝士汁唔會太鹹太膩，仲可以加$50加配伊麵撈晒啲汁唔好晒😍沙巴仔重1斤左右都好肥美，肉質嫩滑，用淡淡地既蒸魚豉油已經足夠吊出鮮甜。🌟西蘭花炒蝦球 $208蝦球好大粒勁彈牙，蝦汁滲入炒過既西蘭花同雜菇令成酥餸食落都好鮮！🌟椒鹽鮮魷魚鬚 $78以呢度海鮮新鮮程度$78簡直係良心價。魷魚勁新鮮，椒鹽炸鹹鹹辣辣食到停唔到口🌟金沙咸蛋炸魚皮 $68每塊魚皮都佈滿鹹蛋黃碎，食落好香但唔覺好漏，脆卜卜送酒送茶都很可以😌

Hot Pot 熱‧海鮮火鍋私房菜 (佐敦).呢間餐廳除左有得打邊爐，仲可以食中式小菜，我地兩個就緊係選擇左最愛嘅火鍋！叫左個蕃茄薯仔鍋，材料非常多，有足料嘅薯仔同蕃茄.一人一隻蟶子，夠鮮甜爽口！另外肉叫左手切鮮牛肉，果然係店員推薦好腍身另外叫左最襯蕃茄湯嘅粟米，一份有成八舊另外芝士墨魚丸，珊瑚蚌以及水蓮！.大家都知水蓮唔係到到都可以食到，原來淥十幾秒就食得，可以保留到佢嘅纖維！.Hot Pot 熱‧海鮮火鍋私房菜 (佐敦)佐敦佐敦道23號新寶廣場5樓

Hot Pot 熱‧海鮮火鍋私房菜 (佐敦).坐得舒服環境寬落，員工態度又夠好.▪️蕃茄薯仔鍋 ▪️.味道清清地，入面有大量嘅蕃茄薯仔🥔西芹蔥等.▪️蟶子王▪️.$68@1蟶子價錢都算公道，而且六一陣食落非常鮮，有蟶子嘅新鮮甜.▪️手切鮮牛肉•芝士墨魚丸•珊瑚蚌▪️.本身想叫安格斯牛頸脊，然後店員推介今日有手切新鮮牛肉，配埋蛋漿，非常嫩口呢度嘅手打丸類都好出色，本身想叫雜錦嘅，但係由於我哋得兩個人一人要食五粒丸好似有啲多，所以就叫咗一份比較想食嘅芝士墨魚丸咬開爆出芝士漿！.另外再叫咗份珊瑚蚌，夠爽口新鮮！.📌 Hot Pot 熱‧海鮮火鍋私房菜 (佐敦)佐敦佐敦道23號新寶廣場5樓.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.