影片
港鐵觀塘站 B2 出口, 步行約5分鐘
繼續閱讀
營業時間
今日營業
11:00 - 20:30
星期一至三
11:00 - 20:30
星期四
13:00 - 20:30
星期五至六
11:00 - 20:30
星期日
13:00 - 19:00
以上資料只供參考, 請與餐廳確認詳情
💖寶藏高質甜品店💖觀塘工廈處處是寶藏，不少臥虎藏龍美食店隱藏在此。今次俾我發現咗一間寶藏高質甜品店，馬上同大家分享一下😍✨Caramel egg pudding Roll cake✨小妹就是衝着這個而來，食完真係想起身拍手👏🏻👏🏻🙌🏻🙌🏻🙌🏻😍😍店主設計在卷蛋上面放布甸，不但讓客人能選擇自己喜歡嘅卷蛋口味，更成功營造岀多重口感，令人十分滿足。招牌卷蛋，選了香蕉朱古力味，卷蛋非常鬆軟，包裹着片片香蕉，十分creamy。以北海道煉乳芝士奶蓋覆蓋卷蛋，將焦糖布丁安置在上，面頭灑滿滿滿的雲呢拿籽，口感非常豐富，濕潤而又不會太甜，的確是夢幻的甜品。✨開心果仁奶酥磅蛋糕✨口味選擇非常多，包括鹹味的蛋黃及以低溫焗18個小時的蕃茄芝士。但我還是鍾情於開心果💜磅蛋糕名字由來是源於以一磅麵粉搭配一磅牛油焗制而得來，但係這個配方會令蛋糕太乾。所以店家進行改良，加入奶蘇，令到口感介乎於鬆餅與蛋糕之間，鬆脆而又好食。在濃郁的開心果醬上面灑滿滿的開心果粒，食落非常鬆軟，配咖啡真的一流☕️。如果屋企有焗爐，甚至可以買返去做早餐，焗一焗外脆內軟，超正。✨Iced latte✨選了他們出名的燕麥奶沖調而成，非常幼滑，搭配他們的甜品，非常滿足。店舖環境用心裝飾，感覺非常之chill，值得再訪。想睇更多介紹，馬上Follow我啦😁。#Horizon #甜品 #蛋糕 #Caramel egg pudding Roll cake #卷蛋 #布甸 #開心果仁奶酥磅蛋糕 #奶酥磅蛋糕 #觀塘美食 ##big_big_foodie #big_big_foodie食勻觀塘 #big_big_foodie食勻香港
繼續閱讀
🙋🏻♂️餓底探員去咗觀塘調查呢間蛋糕店，店主自小熱愛廚藝，透過不斷學習，鑽研同改良，用心製作每一個蛋糕，曾經為咗要做出一個超美味嘅生乳卷，試過三日三夜反覆製作，該店嘅招牌生乳卷就這樣誕生咗🍮Caramel Egg Pudding Roll Cake🍰炙燒和三盆糖黃豆粉黑糖蕨餅 $45🍮焦糖雞蛋布甸 +$28 （購買任何卷蛋可加配）🙋🏻♂️表示卷蛋鬆軟濕潤，中間包住軟滑嘅生乳忌廉同Q彈嘅黑糖蕨餅，配上香軟焦糖雞蛋布甸，綿密細滑嘅煉乳芝士奶蓋，再放上甘蔗糖以火槍炙燒，層次感超豐富😍🧀Lava Cheesecake🖤特濃香滑竹炭九鬼黑芝麻 $58🙋🏻♂️表示芝士蛋糕配黑芝麻嘅組合好特別，蛋糕表面以火槍燒過，口感外層結實，包住呈流心狀嘅軟心芝士，食落內層軟糯，有香濃芝士味同濃厚細膩黑芝麻香，一小口已經有雙重口感，店主話呢個味好搶手，好難得有現貨，所以推介俾我哋，真係無介紹錯，味道超正🧁Crumble Poundcake 🍅蕃茄芝士奶酥 $34🙋🏻♂️表示磅蛋糕以封乾12小時嘅蕃茄，配上濃郁芝士同香脆奶酥製成，口感介乎蛋糕同鬆餅之間，外酥內軟，充滿濃厚牛油香氣又帶有蕃茄芝士嘅濃香，鬆餅控必食，非常推介💚Pistachio Milk $50💚Pistachio Panna Cotta +$12🙋🏻♂️表示杯邊唧滿開心果醬，香濃嘅厚奶蓋上有香烤開心果仁，飲落有超濃郁開心果味，加配Q彈嘅開心果奶凍，飲落香濃嫩滑，店主經多次改良先調配到呢杯層次咁豐富嘅開心果牛乳，必飲👍🏻☕️Latte $40🙋🏻♂️表示店主最近更學習沖製咖啡，呢杯latte以濃厚牛乳同香濃咖啡形成吸引嘅漸層，飲落香滑，充滿奶香同咖啡酸香嘅氣息⚠️為咗保持蛋糕品質，炙燒處理只限門市有售📈吃貨指數😋好味度 9/10🔙返啅度 9/10
繼續閱讀
呢間隱世小店位於觀塘工業中心內，地理位置唔算好近，但估唔到上到去都幾多客，店內有少量堂食座位，亦可選擇外賣。人氣之選有開心果牛乳，上面有香烤開心果仁，帶粒粒口感，厚奶蓋香濃得嚟但唔會蓋過開心果味，加入自家製開心果醬、奶凍同牛奶，入口滑順，難怪大受歡迎。花生奶蓋燕麥奶咖啡最近新推，兩者味道平衡得好好，用埋燕麥奶更加健康。焦糖雞蛋布丁卷蛋賣相一流，層次感豐富，上層採用日本雞蛋、雲呢拿籽同北海道煉乳，布丁味濃，QQ哋、卷蛋甜度適中，入口細膩，甜度唔高，配合中間嘅Cream，再以沖繩甘蔗糖炙燒點綴，令人一試愛上。奶酥磅蛋糕共六款口味，有鹹有甜，蛋糕唔係一般嘅乾乾實實，入口鬆化，有牛油香，私心推介番茄芝士奶酥，出面比較少見，微微酸幾開胃，加埋巴馬臣芝士，鹹鹹哋，值得一試。
繼續閱讀
上次行西九聖誕市集，買過#horizonbarkeryy 蛋糕覺得好食，今日去開觀塘做野，醒起佢地門市喺觀塘工廈，即刻上去tea 1 tea先 🍰☕️雖然喺工廈裡內，但鋪內裝修得幾靚，睇得出有俾心機佈置，仲有座位可以坐低嘆下～🍰焦糖奶醬蛋捲Lotus $45+$28 Caramel egg pudding egg roll揀左香蕉🍌卷蛋，鬆軟蛋糕捲入香蕉同香滑生乳忌廉，北海道煉乳芝士奶蓋，焦糖布甸🍮睇到滿滿雲尼拿籽，沖繩蔗糖經過🔥火槍燒後，焦糖化後香味更多提升，一次過食到多種層次，$28真係值回票價😆🥧開心果仁奶酥 $36堂食焗得外脆內濕潤，磅蛋糕用上法國AOP牛油所以特別香牛油味、加埋開心果奶酥、開心果醬、開心果碎，完完全全開心果萬歲🎉☕️Latte $35+$5轉燕麥奶咖啡 nutty加埋燕麥奶好香麥味，滑溜有餘𩐳。仲有好有款式蛋糕、常溫蛋糕好啱送禮、散水餅，真心推介❤️
繼續閱讀
今日放假同friend去咗觀塘工廈樓上一間食甜品嘅Cafe仔。呢間係一間好用心嘅小店。見店內只得女店員一人，好奇跟她閒聊才知道原來店內大小事，所有食物、飲品到清潔都是由女店員一腳踢！😱真係超欣賞佢一個女仔做晒所有野！😍👏🏻超讚👍🏻！店員話我知經WhatsApp落單滿$300免運費。我和朋友共嗌了兩杯飲品和兩件蛋糕。❤️朋友嗌左一杯熱Latte，加$5轉燕麥奶。朋友話杯咖啡好香好濃郁。❤️我就嗌左杯中杯裝$48嘅Pistachio milk。有熱飲可選。飲品由上而下分別有撒在面的香烤開心果仁、香濃厚奶蓋、自家製開心果醬 、100%無糖純開心果醬和純牛乳。另外加左$12 加左開心果奶凍，再加$5轉燕麥奶。成杯飲品勁足料！鍾意開心果嘅朋友千祈唔好錯過呀！❤️Caramel egg pudding roll cake呢款甜品好特別。係由焦糖雞蛋布甸🍮加自選招牌卷蛋整成。購買任何卷蛋加購$28焦糖雞蛋布甸🍮。我嗌左「炙燒和三盆糖黃豆粉黑糖蕨餅配沖繩黑糖蜜」卷蛋。卷蛋內有黑糖蕨餅食落更有口感～😋呢款甜品可以一次過食晒兩款甜品真係double滿足呀！😍❤️特濃香滑竹炭九鬼黑芝麻蛋糕中間的黑芝麻呈流心效果😍，睇見都流晒口水呀！🤤黑芝麻十分濃郁～入口滿口芝麻香～🥰總括來說，這間甜品舖一定要大大力支持！💪🏻💪🏻💪🏻真係超欣賞女店員店內所有事情一腳踢！👍🏻👏🏻🙏🏻見到女店員咁努力，我都覺得自己自愧不如😪🙏🏻。欣賞佢為自己嘅夢想奮鬥💪🏻！👍🏻食得出甜品和飲得出飲品女店員都十分用心去整給客人吃。食得出有人情味❤️，不是冷冰冰的工廠出品。
繼續閱讀