hoo韓國包車

營業中

休息中

平時喺香港韓國嘢就食得多，但係好似本人飛左去韓國當地咁食真係未試過！📍hoo韓國包車 (尖沙咀)尖沙咀厚福街12-12A號藍馬商業大廈22樓今次黎到尖沙嘴hoo韓國包車，裡面裝修真係一比一還原韓國大排檔餐車，紅紅紫紫嘅燈光、佈景、落club咁嘅炸場音樂都超有feel！見到好多人放工後八點幾黎聯誼，食翻個部隊鍋、飲翻杯燒酒。🫢餐牌👇🏻🔻1.弘大烤腸（$122）烤腸雖然唔係韓國切成長條形，但係咁樣炒得更入味。佢用生熟洋蔥、白菜同辣醬一齊炒。大腸同配菜形成脆脆嘅口感，所以非常夾！🔻2.拉絲芝士炒雞（$128）因為近排熱氣，所以我地就唔嗌炸雞，不過呢個芝士炒雞都好有驚喜。首先，芝士舖滿滿！一夾起身拉絲拉到要人幫，配炒雞食落去又creamy，芝士亦夠厚身。其次，炒雞炒得超級滑，份量多，兩個人食得好過癮！🔻3.招牌炒章魚（$146）炒章魚嘅份量爆棚，食極都食唔曬，到最後簡直要格硬食。平時出面食章魚份量少，得幾條，所以黎呢度食簡直不要太幸福了。章魚有彈性，又夠辣，嗜辣者摯愛！🔻4.薯仔煎餅（$82）薯仔煎餅有d似酒樓煎薄撐，但唔會食到成口麵粉，相反佢夠薄，所以煎得相當脆。另外，佢

店舖裝修會令到你一入嚟好似返返去韓國咁，very 打卡able😎 店員主動有禮貌，值得一讚-街頭魚糕串串有三款唔同嘅魚糕& 2嚿超大嚿白蘿蔔. 第一次食韓國嘅魚糕，有啲似更加煙靭同淡味啲既港式魚腐，呢款韓國國民小食可以一試呢！-拉絲芝士韓式炒雞無論芝士定雞絲都份量十足、送酒一流. 伴菜仲有洋蔥，成道菜好岩我口味哈哈~-芝士泡菜煎蛋卷食得出加咗牛油去煎，蛋卷味道更加香濃軟滑😋 整得好靚一層層，每層都有泡菜夾係其中~ 表面仲有一層厚厚既燒過既芝士，邪惡的美味🤭-卜卜脆炒豬脆骨拼拳頭飯第一次食豬脆骨呢~ 豬脆骨會比雞軟骨更硬一點，點菜既時候留意返! 鍾意有好多椰菜一齊炒，健康返晒🫶🏻 個醬辣辣地，好吊味👍拳頭飯係一舊拳頭size咁樣嘅紫菜飯團，入口煙煙韌韌，有驚喜比到我!如果嗌埋酒飲，簡直一絕😏

呢間餐廳save左好耐，好似幾有氣氛。餐廳有大排檔feel， 播kpop歌。主打小食，仲有炸雞果d。先講芝士蟹膏蟹肉蛋卷啦。入面有鮮嫩嘅蟹肉同蛋。最驚喜嘅係加咗芝士，令蛋卷有濃郁奶香同滑嘅口感，而且好飽肚。招牌炒章魚。呢個菜用新鮮嘅章魚炒製，加埋啲椰菜同甜辣醬炒。章魚有口感彈牙。份量10足，都幾飽。紫菜飯卷，口感好豐富。呢個菜係一個又健康又好味嘅選擇。加左d芝麻油好香。最後嚟講街頭魚糕串串，呢個真係有feel，好似係韓國街頭d 啊豬媽攤檔。魚糕串串係用魚漿製成嘅小球串喺竹籤上，魚糕有彈牙嘅口感，呢個係一個簡單但係好好味嘅小食。飲品叫左熱情果soda，都唔錯。埋單5百幾蚊價錢都合理。

今日放假特登同朋友去尖沙咀行街，去到尖沙咀梗係食埋個晚飯先返屋企，今日朋友帶咗去食一間韓國菜食物質素非常好，好值得推介。hoo韓國包車 ，餐廳位置喺尖沙咀厚福街12號南馬商業大廈22樓，上到去餐廳裝修得好特別好有風格，感覺就好似喺韓國嘅大排檔一樣非常有格調。街頭魚糕串串 146元，賣相勁吸引，同我上次去韓國食嘅一模一樣非常特別，入面有五串魚糕串，仲有啲蘿蔔魚餅蘿蔔做得好入味加上同個鍋底全部暖笠笠熱辣辣。芝士炒年糕 86元，芝士年糕份量好多，做到有拉絲嘅效果，食落去煙煙靭靭又有咬口，芝士香味勁濃鬱，最啱就係我呢啲鍾意食芝士嘅人。原味炸雞 152元，食韓國嘢梗係要嗌返個原味炸雞，炸雞外面炸到金黃色入面嘅雞肉仲係好暖或好juice。入口香脆可口，入面雞味香濃，配埋啤酒真係冇得彈，100分。懷舊烤五花肉 152元，烤肉份量好多，上面配埋香蔥芝麻，增添口感同埋味道嘅層次，五花肉肥瘦均勻食落去有少少油花香味，配埋韓式嘅辣醬簡直係一絕。

Hoo 韓國包車的餐廳設計充滿韓國舊時代街頭店舖風味，整個空間有獨特色彩。1.傳說中的部隊鍋份量很大！充滿午餐肉、香腸、茄汁豆和蔬菜，配上濃郁的湯底。我還追加了芝士和年糕，令整個部隊鍋更加濃郁滋味。2. 招牌炒章魚章魚鮮嫩惹味，是一道很好的下酒菜！3. 卜卜脆炒豬脆骨 拼 拳頭飯炒豬脆骨帶有一絲絲的辣味，豬脆骨炸得酥脆，咬下去時會發出一聲脆響，配上豐富的蔬菜，口感豐富多樣。拳頭飯即是飯素飯團，與濃味的炒豬脆骨非常配合！

🇰🇷啤啤Bear韓國包車 (尖沙咀)📍今次嚟到尖沙咀呢一間，勁有韓國feel嘅餐廳🇰🇷，餐廳入邊有超多打卡位📸。🍴限定！無限挑戰烤盤 $98 呢一個真係好抵食🈹，平時依一啲係會按人頭計👦🏻，但佢唔係，係一碟$98，可以無限追加♾️，即係你可以一台嗌一碟，然後不斷refill 都係$98‼️而且啲五花肉完全唔薄🐷，有一定嘅厚度📏；小章魚都唔會好韌🐙，而且第一次仲有店員幫手燒😽。🍴大發！芝士鐵板甜辣豬腳 $188 估唔到佢係連埋Gas爐一齊上🔥，本身以為淨係熱咗塊板，好似鋸扒咁🥩，甜甜辣辣再配埋超拉絲嘅芝士🧀，簡直一流👍🏻。🍴蟹籽海鮮蛋卷 $138蛋卷入面勁足料😍，每一舊都會有啲海鮮喺入面🦑，而且仲會搵白汁煮過。🍴開心Share拼盤 (small) $88啱晒兩個人share😋，分別有炸剪菜粉絲卷、炸芝士條、炸魷魚圈、炸韓式餃子🥟同炸薯條🍟，每樣食一件啱啱好，唔使驚熱氣🙈。🍴柚子牛奶米酒 $68好易入口，飲落甜甜地又帶有柚子味🍊。🍴梨汁 $20雖然係罐裝飲品，但入邊真係有梨肉喺度🍐，同埋寫晒韓文。📍啤啤Bear韓國包車 @bbb.pocha尖沙咀諾士佛臺1號8樓

之前上網已經睇到呢間餐廳好靚好有氣氛，佢哋就完全倒模韓國街頭，枱枱凳凳都一模一樣，影相好正。芝士泡菜煎蛋卷佢呢個煎蛋卷用料十足，佢入邊係滿滿嘅泡菜同埋芝士，雖然泡菜味道出眾，但係仍然都食到有芝士嘅味道，平衡得幾好。半份甜辣炸雞 甜辣炸雞每件雞都幾大件，正常嘅甜辣味道，唔會話太辣，雞既肉質喺入邊都保持到嫩滑。街頭魚糕串串（加拉麵）佢一個鍋物裏面有五條魚糕串，之外就會有一嚿白蘿蔔，佢可以另加拉麵或者白飯。魚糕湯味道正常，會食到鮮味，但又唔會太濃，唔食得辣嘅朋友可以試呢個。熱帶雨林佢係熱帶水果味加燒酒，燒酒嘅味道唔會太搶，味道都幾易入口。柚子梳打柚子梳打味道清新，又唔會話太甜。

今日朋友帶我去尖沙咀食韓國嘢 佢話依間嘅醬油蟹幾好食，於是就帶我去食吓，我都幾期待。餐廳嘅裝修風格都幾有特色。晚飯時段好多人，又用餐時間限制，我哋食完嗰陣已經有人排緊隊等緊我哋個位。QR code落單冇幾耐之後就已經嘢食上咗嚟。枱面仲有啲小菜俾我哋食。今次係我第一次食醬油蟹，隻蟹都唔細，佢原本跟紫菜，我哋加咗個飯。一上嚟就見到佢嘅蟹膏金黃色咁，佢嘅蟹肉用匙羹就可以壓到出嚟撈飯食，又唔會整污糟隻手我哋仲叫咗個魚糕喎，好好食。一開頭見到得五條，仲以為好少。但係其實個鍋裏便仲有蘿蔔同埋魚糕片。魚糕軟糯少少煙靭，食落好滿足。韭菜煎餅嘅韭菜好香，整得好薄好惹味芝士炒年糕嘅芝士係微微拉絲，年糕軟硬適中，份量都唔少。兩個人食啱啱好。

hoo韓國包車📍厚福街12-12A號藍馬商業大廈22樓以韓國🇰🇷包車為主題，就好似香港大排檔咁風味十足！不但採用了霓虹燈作裝飾，亦加入了街頭鐵閘門、洗衣店、漫畫店等元素，店裡一直播放最近熱門的KPOP，好有Feel，真的很像在韓國的街頭！岩曬一大班好朋友仔打下卡，傾計飲酒🍻火山熔岩辣牛肉湯鍋🌋食肉獸必試！巨多肉肉🥓加埋店家自製「舒服辣」既🇰🇷 辣肉醬，濃郁惹味~ 大口吃肉、飲酒係韓國標配🍻宜家每個鍋仲可享＄3超級無敵3週年加購價追加韓國Terra 啤酒大枝裝 x1 ，好滑好爽😄再追加左🍋柚子味Soju+ 啤酒🔛燒啤❗️香甜清爽，大推✨芝士泡菜蛋卷簡單直接既美味，拉絲🧀+ kimchi ❤️令人忍唔住一啖接一啖街頭魚糕串串🍢同韓國街頭食到一模一樣🍒(◐‿◑) ロ感彈牙 點埋個酸酸辣辣既source 更加過癮~ 甜辣炸雞🍗本身以為中伏濕濕既🤩但原來有驚喜！調味好開胃同肉質嫩滑，甜辣醬包裹住每塊肉肉o(^▽^)o 配埋啤酒🍻真係好爽😄

朋友嚟尖沙咀特登嘗試呢間係Instagram 好多❤️嘅餐廳。餐廳嘅空間唔算大，但裝潢別具匠心，令人感覺置身首爾夜攤，好適合放工之後同朋友小聚，飲返一兩杯🥰首先登場嘅係芝士泡菜煎蛋餅$112呢個真係大推🔥，蛋餅好軟好滑，每一啖都食到濃郁嘅芝士同泡菜，超jeng🩷阿珠媽炒年糕$78年糕煙韌，加上甜辣韓式醬，又幸福又邪惡🤤除咗年糕仲有魚腐同雞蛋，食到飽都只係$78，好抵😆👍🏻夜攤一定唔少得有韓式甜辣炸雞$158(half)鬆脆嘅炸雞配上酸辣甜嘅醬汁，越食越上隱🤤連朋友都讚不絕口🫶🩷卜卜脆炒豬軟骨拼拳頭飯$142呢個炒豬軟骨比較🌶️🌶️，食落超惹味。唔好睇小四個拳頭飯，其實食落好飽🤣我哋仲嗌咗熱情果梳打解辣🤣🤣整體而言，風格、創意、同食飯味道都好好，會返嚟再食🫶🩷

行街行下行下就落雨，唸佐下最適合去食炸雞啦～所以就同朋友一起去尖沙咀厚福街藍馬商業大廈嘅韓國餐廳。我哋去的時候勁多人排隊，不過排隊都很快，大概20分鍾就到我哋啦。店入面嘅裝修滿滿嘅韓國街頭風，里面大部分都系後生仔。我哋點咗甜辣炸雞，甜辣醬包裹着炸到酥酥脆脆嘅炸雞，咬開雞肉又唔會很柴，反而入口還有點爆汁。招牌炒章魚也非常絕，魷魚爽脆，里面嘅包菜也鍋氣十足，之不過有點辣，食唔到辣嘅朋友建議點上飲料一齊配着食～最最好味嘅是醬煮辣雞腳鍋，濃郁嘅大醬包裹着雞腳，睇着紅彤彤，食起嚟並唔會很辣，入口一索雞腳就脫骨了，食完還有些意猶未盡。中意食雞腳真係唔可以錯過，食得比較過癮。最後還有一份芝士炒年糕，趁熱一夾，拉絲嘅效果滿滿，也很適合打包翻屋企同小朋友一齊食。總體系一間味道很正宗嘅韓國菜餐廳。

最近睇返之前去韓國d相搞到突然好想食韓國野 所以最後同朋友就嚟咗呢間hoo韓國包車 呢度嘅環境設計係根據韓國路邊攤為主 用咗唔少霓虹燈做裝飾 好有氣氛 再一邊聽住kpop一邊食野 真係好似置身係韓國咁街頭魚糕串串(半份)朋友好鍾意食魚糕串所以叫咗半份嚟試 入面有5串魚糕串 煮到勁入味嘅白蘿蔔同其他款式嘅魚餅 如果係冬天食完肯定成個人都暖笠笠卜卜脆炒豬脆骨拼拳頭飯豬脆骨入口脆卜卜食落有少少辣 拳頭飯充滿麻油香味 呢個配搭一流薯仔煎餅海鮮或者泡菜煎餅就食得多 第一次試薯仔煎餅 外皮煎得好脆身 食得出一條條嘅薯仔絲芝士蟹膏蟹肉蛋捲蛋捲食落好滑溜 入面有芝士 蟹肉同蟹柳 面頭仲有蟹膏點綴 食落有多重口感飲品方面就叫咗粒粒葡萄汁同熱情果梳打 飲落酸酸甜甜咁好解膩

次次同幾個朋友去gathering，都會揀韓國餐廳，因為份量多可以一齊share，呢間hoo韓國包車就係其中一個朋友帶我地黎食。餐廳裝潢充滿韓國街頭風情，牆上掛滿鮮豔招牌同海報。出餐地方以街頭餐車造型設計，令人好似行左入韓國街頭小巷之中。食韓國菜不少得前菜，有泡菜同芽菜。街頭魚糕串串(M)，魚糕口感清新幼滑，啖啖豐富口感，比起魚蛋係更濃郁既魚肉風味，而且M Siza份量好多，好岩一齊share配上微辣醬汁，更加惹味。傳說中的部隊鍋(M)，湯底濃郁香辣，有腸仔、午餐肉、泡菜、大蔥，另外配一個韓式拉麵。推薦大家要加年糕，腸仔、午餐肉放左入部隊鍋之後好食好多咁，令人胃口大開！薯仔煎餅，煎餅外酥內軟，餡料充足，食到香口嘅薯仔味。飲品叫左菠蘿梳打同柚子梳打，清新果味與梳打水結合，爽！

hoo 韓國包車上年去過首爾旅行後就一直掛住韓國街頭氣氛及食物見到hoo韓國包車可以做到室內環境跟韓國街頭風格相似所以就決定訂位試試一推門進去就會見到室內牆壁設計成街頭鋪面有漫畫店，洗衣店，髮型屋等等再配上霓虹燈及K-POP音樂立即將大家帶到韓國一樣泡菜+大豆芽菜-坐好後店員就會先提供兩碟前菜，可以邊食邊等，兩碟都是微辣～街頭魚糕串串（半份）$146-半份都有5串魚糕，而且好大片，另外入面仲有唔同形狀的魚糕及一件白蘿蔔。湯底清甜，魚糕非常彈牙嫩滑，個人超鐘意件白蘿蔔，完全吸收了湯底的味道，非常入味！甜辣炸雞（半份）$158-半份有5件雞及醃白蘿蔔一碟。炸雞雖然混了甜辣醬，但外面仍然脆身，雞肉亦非常嫩滑，而且辣度適中，不會太辣。餐廳仲會提供手套～芝士炒年糕 $86-芝士份量超多，而且也可以做拉絲效果！年糕為圓條形，煙韌而又有咬口！炸紫菜粉絲卷 $62-即點即炸！外面鬆脆！裡面粉絲煮到剛好！配上醋汁味道會更提升！荔枝梳打 $38-荔枝味明顯，加上梳打令解渴度大增！朱古力啤酒 $58-朋友點的～只試了一點！微甜，啤酒味不算太重，跟甜辣炸雞簡直絕配！

上個星期去左尖沙咀嘅HOO韓國包車用餐，真係一次難忘嘅美食體驗！呢度嘅韓國菜色多樣，每一款都好吸引人！我試咗佢哋嘅泡菜豬肉鍋同薯仔煎餅。泡菜豬肉鍋啲湯底濃郁鮮甜，豬肉片肥瘦相間，配上酸酸辣辣嘅泡菜，鮮美好味。薯仔煎餅外皮酥脆，內裡熱騰騰嫩滑，每一口都好滋味。講到韓國嘢又點少得醬油炸雞同招牌炒章魚！醬油炸雞外皮香脆，內裡肉質鮮嫩多汁，非常美味。招牌炒章魚炒得香口彈牙，配上韓式調味，味道豐富，令人回味無窮。另外，芝士泡菜煎蛋捲，芝士和泡菜的組合非常獨特，口感豐富，絕對是一道驚喜。最後，我哋要個杯嘢飲--柚子牛奶樂，清新的柚子味與濃郁的牛奶味相融合，清涼又爽口。總括而言，HOO韓國包車絕對是一家值得一試的韓國料理餐廳！