凱施餅店 (已結業)

而家o既麵包有好多花款,好多新口味...但係晨早樓樓只係想食一個熱辣辣,軟林林o既包~公司附近o既凱施餅店o既豬仔包就成為我呢幾個月o既至愛~!!最緊要o既係! $3.8!!!!!!!!!!!!!!!呢一個豬仔包真係好好食~ 佢好柔軟! 用手meet黎食就最好味~~推介推介!…查看更多

今晚真係一肚氣，晚上回家，諗住經搭巴士回家時，買個包上車食，初經過東海堂想買個包，但想起上次都係呢條線回家時已經食過，一心試下前幾間嘅凱施，放棄東海堂取凱施，點知....瀨嘢喇！:(走進店里，包款不多啦，可能已晚，當我想挾飽時，有位客人通知店員有麵包比蚊滋仔嬲住，店員甲即刻將蚊滋包挾走，並謝謝該位客人提醒！:)之後我覺得不如買三文治較好，包裝穩陣啲，但所揀的只剩腿芝治，但一般嘅腿芝治係放於凍櫃，因為芝士可能會溶，但該店冇做到，唔通店舖冇諗過天氣已熱？ 但冇所謂嘅我，都拎起三文治比錢，收錢嘅店員乙，當我比完錢找返零錢後，佢完全冇意識用膠袋袋我個三文治，雖然用膠袋唔環保，但唔通下面落大雨佢要我拎住件三文治去淋雨？最後我自己拎個袋袋份三文治，走左出去店舖，望回，嘩，店員乙o卑住我？吓？我有錯嗎？定係個膠袋要額外比錢呀？ 我諗下次我都係幫趁東海堂喇，起碼店員仲會幫我翻熱個包添呀！凱施餅店！冇下次喇！…查看更多

前日(星期五), 肥妹話出嚟做功課, 不過叫我唔洗等佢食飯, 因唔知幾點鐘收工喎.咁我就返屋企同老豆, 阿媽食飯. 食完飯返屋企途中, 經過樓下間餅店, 比我見到有豆腐芝士蛋糕賣.平時呢間分店冇得賣呢隻味o架, 今日竟然有得賣喎, D賣餅阿姐話係第一日有得賣o架咋, 仲好好賣添, 剩返最後一個啦! 太好了, 仲有得賣, 仲唔拿拿淋去比$咩.我之前同肥妹行街時見到有得賣, 佢已經話想食o架啦, 不過時間唔o岩, 冇理由買咗拎住行街嘛!10:30pm, 夠鐘落街接肥妹, 佢仲未食晚飯, 就買咗碗粥返屋企食. 食過粥後, 就食粥後甜品喇- 豆腐芝士蛋糕.我攞個蛋糕出嚟, 肥妹問我呢個係乜嘢味道嘅蛋糕, 我話妳試過咪知攞.佢切開咗, 每一人舊, 佢先食一口, 話好香豆腐味, 好好食, 想試咗好耐o架啦! 見佢食完一舊再切第二舊嚟食, 個樣好滿足咁, 佢仲話要買番個比未來外母試吓添.OK, 收到晒, 下次探未來外母時我一定會買個拎入去o架啦. 見到肥妹個樣食得好開心, 好滿足咁, 見到肥妹快樂o既樣子, 我便高興了!…查看更多