hive

營業中

休息中

山長水遠去到不近港鐵的朗壹廣場趕時間關係不能吃茶餐廳發現一樓這間裝潢不錯的cafe menu飲品選擇比食物多想點小食發覺是狗menu😂再看人menu問了是日甜品是紐約芝士餅想不到質地較黏不像平時吃的還有橙香味也點了橙桂花latte味道特別

📍 地理位置 • 朗壹廣場1樓（朗屏站步行10分鐘） • 逃離YOHO人潮嘅靜謐選擇 🌿 環境特色 ☀️ 全店落地玻璃：天然採光超適合打卡 🐕 寵物友好：室內外座位+專屬毛孩餐單 🌬️ 半露天座位：微風吹拂好chill 🍽️ 必試菜單 🥣 巴西莓果碗： - 份量驚人！新鮮莓果+穀物堆成小山 - 甜酸平衡完美（怕酸人士都接受到） 🔥 黯然銷魂飯（煙鴨胸版）： - 鴨胸皮脆肉嫩，蜜汁醬超邪惡 - 流心蛋拌飯一流 ☕ 精品咖啡： - 豆香突出，拉花精緻 🐶 毛孩專屬• 寵物零食餐💰 人均消費：$80-130 ⭐ 評分： 食物 4.5/5 | 環境 5/5 | 寵物友善度 5/5 #元朗秘密基地 #寵物Cafe #陽光Brunch #逃離商場計劃**

喺元朗朗屏朗壹有間好靚嘅寵物友善餐廳，最近我去咗試吓。呢度環境寬敞，特別適合帶住毛小孩一齊來。入到去之後，第一個感覺就係好舒服，裝修設計得幾有心思，令到人一入就覺得放鬆。我試咗佢哋嘅凍烏冬，味道唔錯！稻庭烏冬麵條彈牙，搭配上新鮮嘅海鮮，真係食得出用心。特別係蝦同貝類，份量都幾足，食落去鮮味十足，仲有幾粒番茄仔，增添咗啲酸甜味，真係好開胃。另外，佢哋嘅咖啡都幾吸引。我點咗杯iced americano，唔會過於苦澀，亦都唔會酸，飲落去感覺好清新，正好配埋碟嘢食。餐廳服務態度亦都幾好，而且有毛孩行嚟行去令人覺得放鬆，同時之間亦都規定咗毛孩需要着尿片，非常乾淨如果你都鍾意帶住寵物出街，又想搵間舒服嘅地方食飯，呢間餐廳絕對值得推薦！下次有機會，我一定會再返去試多啲其他嘢食。

今日試下一家好chill的cafe. 這家店位於商場，裝修簡約開揚，十分舒適的素雅文青裝修。醒神旦治這個旦治好吃！烘到脆脆的多士，配上芝士和炒旦，炒旦炒得香滑唔油膩，又有旦香，芝味十足，好吃！Flat white 這咖啡真可口，滿滿咖啡甘香，咖啡唔酸，口感順滑creamy, 温度剛剛好， 不錯。

❤️❤️今日元朗行街行到累想揾間咖啡店休息下，上網睇到朗屏朗壹廣場有間Hive咖啡店，餐牌吸引左我過去。餐廳採用純白色調，有室內及露天茶座選擇。🥤咖啡同果昔都係餐廳推介既飲品.咖啡類除左餐牌中顯示，仲有兩款手沖咖啡可以品嘗，包裝可以係門口睇到。拿鐵: 我偏愛飲多奶既咖啡，著重奶滑creamy個種口感。依杯咖啡味較重。舒服曬果昔:綠色健康飲品，飲品名感覺似係排毒飲品，係菠菜製成既天然綠色，但味道好飲易接受。🥚醒晨蛋治表面加左燒香左既車打芝士，好邪惡。而內餡除了有好滑既炒蛋仲加左牛油果泥，味道即刻豐富左。🍝凍齡冷麵(低碳水)超健康既食物。菠菜蒟蒻麵外面餐廳很少有這個麵，質感超爽口。配日式和風汁味道鹹香。配料係海鮮三寶好豐富:原隻北海道帆立貝、青口及蒜蓉煎蝦。

如果唔係特登過嚟都唔知呢到有間咁高質既Cafe，因為有朋友住朗屏，所以先知原來呢到都有唔少食肆，而今日呢間唔單止pet friendly，仲係以健康為主題有得boxing既cafe💪🏽不過我就緊係主要試佢地既野食啦😍。今日由輕食到主食同甜品都有齊哂，仲有我最愛既咖啡☕️而且價錢都真係好親民🥹以cafe黎講真係性價比極高。🐒醒神蛋治💰$55👉🏻有機炒滑蛋，牛油果泥，布里歐多士，車打芝士🐒巴西莓果碗💰$88👉🏻紅火龍果乳酪，香蕉，穀麥，藍莓，椰子片，蜜糖🐒得閒炒飯💰$98👉🏻藜麥，雜糧米，燕麥，煎挪威三文魚，醬油蛋，紅洋蔥，黑胡椒(走辣）佢地全部野食都好細心咁我label番入面有啲咩食材，食得放心之外仲可以record翻自己食過啲咩添😍食得出食材既味道，並唔會係好多調味，如果想黎放鬆都係一個好好嘅選擇。🐒Americano(Hot)💰$38🐒Flat White(Hot)💰$40

🤘🏻元朗|休閑cafe：呢間新開張既時候已一直bookmark 咗想黎試，不過一直未有時間入到朗屏，今日約咗朋友係元朗就順便過黎試下～星期一既下午果然比較少人，坐得好舒服😎cafe menu 以健康作為主打，以輕食乳酪為主打，如果想食飽肚類既都會有幾款澱粉質主菜🥰💕Hive Burger $118幾impress 🤣漢堡包係黑色但唔係竹炭味，焗得得超脆身同軟熟，最重要係唔會好亁身，麵包內層塗滿了沙律醬，很邪惡的說呢🥲🍔配埋牛油果同雞肉無得輸😎💕Hive All Day $128無激素雞排•大啡菇🍄•牛油果🥑•炒滑蛋•酸種多士•車厘茄雞肉唔會煎得好乾好柴，無咗雞皮依然好食仲鎖到肉汁～簡單加上黑椒調味已經好夠😚車厘茄幾甜 平時一定唔食的我都忍唔到清哂🤣最愛就係呢個酸種多士配既cream cheese 好香好creamy😚 ☘️Flat white $40平時無特別好fruity既奶啡，但呢到幾有驚喜，好重果香但帶甜，而且仲保留到本身咖啡烘焙味🤤比較易入口～☘️Mocha $45唔會好甜但依然保留到咖啡同朱古力之間既平衡，果然唔錯🤘🏻So far呢到食物質素真係比預期中高，尤其係咖啡啡，真係會有

小朋友放聖誕節假喇，小朋友好鍾意食西餐，我哋去到朗壹商場搭扶手電梯上去一樓，好易就搵到餐廳，今日中午帶左小朋友去hive度食午餐，餐廳有室內同戶外，仲可以帶埋毛孩去。餐廳店員同老闆都超nice，仲有同小朋友一齊傾計玩，又有圖書睇，係好舒服嘅餐廳。我地叫左2款意粉、漢堡：-忌廉牛肝菌啡菇闊條麵 $118忌廉，牛肝菌，大啡菇，紫洋蔥，芥末醬意粉係用左比較粗身嘅意粉，有咬口，每一啖意粉都配到醬汁，非常之creamy ，牛肝菌加上大啡菇非常之夾。-蒜香茄醬大蝦闊條麵 $118大蝦、理勒、番茄、大蒜、洋蔥、甜椒粉意粉同樣都係用左比較粗身嘅意粉，有咬口，有4隻蝦，蝦肉爽脆，多汁，配料多，醬汁令人非常之開胃，小朋友都岩食。-hive漢堡（無激素雞扒）$118牛油果、沙律醬、有機炒滑蛋、沙律菜配蕃薯條我超欣賞hive嘅漢堡，好好味，非常之足料，用左竹炭包，有烤焗過，每一啖都卜卜脆，沙律醬加上牛油果非常夾好清新呀！不得不讚，真係好特別，出面大部分餐廳都係配上薯條，但佢哋係蕃薯條，香脆可口！推薦比大家！

咁今日就黎到位於元朗康業街8號朗壹廣場1樓108號舖既hive cafe今日同朋友兩個呢就唔係太肚餓食咗第一個主食忌廉牛肝菌啡菇闊條麵唔錯菇少左少少，但個味唔錯另外甜品呢就試咗香蕉鬆餅，估唔到又幾好食唔會好硬～好鬆化重有榛子黑朱古力醬士多啤梨酸種多士，勁正！啲甜品都真係好好味同埋試飲左招牌薑黃蜂蜜可以飲好耐很適合現時天氣飲朋友就飲咗個八女抹茶拿鐵凍既好好飲，唔會太甜二人埋單三百幾蚊，傾足成個下晝幾好，環境好舒服，真係好適合閨蜜傾偈或帶寵物嚟enjoy holiday

估唔到朗壹開左間甘有氣氛既cafe環境裝修好舒服仲可以帶寵物一齊黎提供埋寵物尿片好貼心依度提供既水係杞子鳳梨飲落特別清新又健康🧡hive 漢堡揀左無激素雞扒漢堡包用上竹炭烘得好脆入面除左有雞扒仲有牛油果同滑蛋味道層次都好豐富仲配埋炸到脆卜卜既蕃薯條蕃薯味都幾重🧡得閒炒飯除左飯底，仲有三文魚牛油果同埋半熟蛋等等炒飯炒到粒粒分明調味足夠，估唔到甘有水準！🧡Mocha依度既咖啡係用精品咖啡沖所以咖啡因無甘勁朱古力味都幾出，唔錯🧡Turmeric Tea天氣凍最岩飲番杯薑茶夠哂暖胃📍元朗康業街8號朗壹廣場1樓108號舖📍

Latte表面有精美拉花☕️ 新鮮Latte散發出濃郁咖啡香氣，再伴隨著牛奶香，令人感受到溫暖和舒適。而顏色由淺褐色到奶白色過渡，外觀非常吸引令人一看就想品嚐😆😆😆朱古力鬆餅朱古力鬆餅散發出濃郁巧克力香氣🍫🥧再伴隨著烘焙香味，令人感到愉悅同放鬆，而口感都非常柔軟鬆綿，外層微脆，內部濕潤且富有彈性😋非常有層次感，令人回味無窮無激素雞排、大啡菇、牛油果、羽衣甘藍、有機炒滑蛋、酸種多士、車厘茄沙律散發出新鮮香氣，特別羽衣甘藍和牛油果清香口感層次分明，羽衣甘藍脆嫩與牛油果滑順形成對比，令人感到非常愉悅。同埋大啡菇肉質感同無激素雞排的鮮嫩相得益彰😋🥗🥑🍳再搭配著炒滑蛋香味，令人感到清新宜人🥦🥬

今日陪朋友做facial,嚟到近排新開嘅朗壹廣場食嘢，就見到呢間隱世咖啡店，呢度對毛孩好友善，咖啡室提供一個和毛孩共處的舒適環境、食物😋座位有室內同室外可供選擇🩵內部裝修係而簡約希臘風，整體同一個暖色系令到個人好放鬆☺️我哋喺前台點完單之後就坐咗喺室內圓枱啦😉店內提供自助茶水區👍🏻非常方便！美食⭐️⭐️⭐️⭐️🩵 得閒炒飯炒飯非常有營養啊！炒飯以藜麥、雜糧米、燕麥混合而成，煎挪威三文魚非常香口，炒飯適量嘅調味加入有機醬油蛋、紅洋蔥、黑胡椒，有少少辣非常惹味！大推～🩵 蒜香茄醬大蝦意粉意粉係比較粗身嘅意粉，有咬口！超彈牙嘅大蝦🍤意粉加入羅勒、番茄、大蒜、洋蔥、甜椒粉作調味，增加意粉鮮味嘅層次，小朋友都好啱食呀！🩵香蕉鬆餅表面外脆內軟！超濃郁香蕉味～小朋友都好鍾意食☺️🫶🏻入邊有小小堅果有咬口，唔會太甜。🩵粉紅救兵裏面有草莓、藍莓、乳酪、蜂蜜攪拌而成，唔會太甜，藍莓味比較突出！🩵拿鐵拿鐵拉花得好靚呀！濃郁嘅咖啡鮮奶香～佈滿整個咖啡室☕️@hive_hk📍hive（元朗店）元朗康業街8號朗壹廣場1樓108號舖

得閒都要藝文青一下先得💓 小清新嘅ᴄᴀꜰᴇ勁ᴄʜɪʟʟ，仲有outdoor位，帶埋毛孩放電就啱哂啦😚 想講下佢嘅連毛孩嘅野食都落足心機，整得勁精緻，就咁睇相都差啲分唔出到底係邊個打邊個🤣1️⃣ 巴西乳酪碗🇧🇷超正嘅ʏᴏɢᴜʀᴛ ʙᴏᴡʟ😋 好多料好有口感😆 有麥片、火龍果、香蕉🍌、藍莓🫐同埋椰子片🥥 好新鮮嘅水果，食完好舒服🫧2️⃣ 甜心酸種多士🍌終於食到心心念念嘅酸種多士了🥺 呢到有得揀要甜食好特別😚 揀咗要香蕉花生醬😋 多士好脆，仲有香蕉同花生醬，額外仲有麥片，簡單又好味😋3️⃣ ʜɪᴠᴇ漢堡🍔唔食都唔知原來佢哋嘅漢堡都咁多料😆 入面有炒蛋、純素蛋黃醬、雜錦沙律、牛油果🥑…滑滑嘅有機炒蛋加埋牛油果😈 再加埋厚厚嘅無激素雞扒🐥 想健康啲仲可以揀要大啡菇添🤣 大滿足😌4️⃣ 大隻仔🥑中意飲ꜱᴍᴏᴏᴛʜɪᴇ千祈唔可以錯過‼️ 牛油果加香蕉真係夠哂無敵🍌 飲落超幼滑💓

因為見到社交媒體網站有人推薦pet friendly cafe諗住專登帶狗狗入嚟叫咗- hive 超級沙律- 凍齡冷麵- hive All Day所有嘢都冇乜調味 全靠個泰式青辣汁不過佢主打健康 都收貨但我哋叫咗4個main staff俾3份餐具 又完全冇service 因為星期六日要加一 你都俾返少少service 吖！飲品嘅話 milkshake同薑黃檸檬水就正常但matcha latte 好似飲緊綠茶粉加水咁 完全冇奶味室外打卡位唔靚 有部超唔穩陣嘅車仔 狗狗都唔肯企上去毛孩漢堡包 硬到死 又唔靚 冇下次

餐廳位於元朗康業街朗壹廣場, 食物以健康飲食為主, 地方清潔闊落, 空間感十足還有戶外座位, 視野廣闊, 環境寧靜舒適, 可以携帶寵物共樂, 感覺悠閒。巴西莓果碗食材望落已經好健康, 紅火龍果乳酪甜度適中, 配以穀麥、藍莓和椰子片, 還有香蕉, 吃起來好有質感。hive漢堡 烏黑鬆軟嘅漢堡飽, 餡料採用無激素雞扒, 肉質嫩滑多汁, 還有蛋香滑嘅有機炒滑蛋, 材料健康。加上幼滑牛油果, 配以純素蛋黃醬和什錦沙律, 美味飽足。牛油果酸種多士酸種麵包鋪著片片幼滑牛油果、有機太陽蛋和奶油芝士, 口感清新又健康。粉紅救兵 草莓、藍莓和黑莓嘅果香, 加上低脂香草乳酪和蜂蜜, 清甜幼滑。幸福滿滿 香蕉、草莓、 燕麥奶和蜂蜜混和出奶香和果香嘅順滑口感。#香港探店 #香港美食 #元朗美食 #西式 #咖啡店#健康飲食 #香港生活 #香港必吃 #香港打卡 #相机食先 #手机食先 #hkfood #hkrestaurant #hkfoodie #foodporn #hkfoodblog #foodies #foodiehk #instafood #hkfoodporn #foodblogger@hive