HIPOT (已結業)

今晚叫左個$138 set 同散叫左肥牛,魚片& red wine墨魚丸.red wine丸,十分正,d 紅酒味好香.肥牛,鞋鞋地,牛香唔夠.脆魚片,唔彈牙,無魚香.set入面既蝦(6隻),唔甜.貢丸(4粒),幾好,彈牙.菜餃子(4粒),okay.肥牛(4片),同上.青口(4隻),無咩味--雖然算新鮮.鮮帶子(4隻),太薄,得$5蚊銀咁上下大同厚,食唔出味.珊瑚蚌(4隻),夠彈牙,但唔係咁鮮甜.皮蛋湯底,= 清水湯底:無味的.我唸,丸子類會較好味.會唔會再試?有可能既,但唔係"我一定要再黎"囉.

4個人食, 叫左2個1人餐, $98@ (包一盤料, 湯底, 一杯餐飲, 甜品) 都ok, 無咩特別, 不過不失咁!再散叫左蝦滑, 墨魚滑, 魚皮餃, 西洋菜, 白菜仔, 全部都幾好, 幾新鮮! 只係墨魚滑就完全唔惦, 一 d 味都無, 好似食緊一團粉咁, 就算淥勁奈都唔入味!! ~~差~~叫左4個湯底:蕃茄豬骨, 南瓜cream, 沙嗲, 黑椒蘑菇煙肉: 根本上4個都ok, 味唔係太濃, 所以食食o下都分唔出邊個打邊個, 覺得都係一樣味! 值得一讚o既係d 糖水, 芝麻糊, 杏仁糊都幾滑, 幾好味~~

聞說稻香集團在APM開了一家新火鍋店，專誠來一試；因為知道主打一人一爐，不用煩惱湯底問題，例如我不吃沙嗲，朋友又不嗜辣，不喜歡眾人洗筷子也不怕，一人一爐真好。六時許到達，尚早，未有太多客人，不過鎂光燈不絕，因有雜誌在專訪，該店工作人員亦不時拍照，老實說，有點擾人。一人套餐$98（包湯底），散叫食物分幾種價錢，小食$15，其餘分$18（湯底，菜類，芋絲，烏冬等）$28（部份丸類，餃類等）$38（肉類或手打丸）$42-$48（特色食物）等等。決定散叫，美中不足的是沒有辣湯底，幸好有醬料吧枱補救，大量青紅椒絲，蔥花，也可以了。辣椒油似ＸＯ醬，頗香，不太辣。選了沙嗲湯底及海底椰竹絲雞，只是普通，沒驚喜，不過18元，收貨了。選擇不算多，叫了肥牛，芋絲，蘿蔔，生菜，烏冬，都普通；反而雞就不錯，頗有雞的鮮味。另叫了一個田園疏菜碗，有很多種類的蔬菜瓜果菇類，顏色漂亮，$22取價公道。最滿意的反而是炸魚皮及小食，小食魷魚鬚是即炸的，新鮮燙口，$15份量不少，海哲亦然。最驚喜的竟是魚皮，最遲來，原來是即炸，熱燙燙的灑上少許味粉，薄而脆。魚皮吃不少，最怕是帶骨又硬的魚皮，要放湯，時間太短咬不開，太久又變了一

哈囉喂果晚同朋友去 APM 睇完戲，行落黎見到呢間 HIPOT 新開張，就八下啦。原來有得食我喜歡的一人一鍋，咁我地一行三個女孩子就入左去試下新野喇。坐低已經夜晚十點喇，仲係坐滿人喎。等左一陣可以坐到四人卡位，有四個爐位。見到好多新奇湯底，有咩南瓜忌廉呀、相撲湯底呀咁，但我地三個都揀左黑椒煙肉磨菇湯底。跟住揀火鍋料，除左必叫的肥牛和油麥菜之外，我地仲叫左好多丸呀! 紅酒墨魚丸﹕超 good 呀，咬開入面有好香紅酒，而且墨丸好彈牙，我地幾個女仔都好喜歡呀。美中不足之處，有一兩粒的紅酒放得太"邊"，所以"走"左，就無咁good lu... 杞子釀蝦膠﹕即係蝦膠放係勝瓜上面，再o係面有幾粒杞子。幾夾呀，d 勝瓜亦夠甜，唔錯。 香草豬肉丸﹕勁大陣香草味，好香草者，必試！d 丸好新鮮呀，唔知係唔係同新開張有關呢? 極級肥牛上檯時唔係好靚仔，但食落好軟滑又有牛味，我覺得$48抵食囉！飯後，叫左個甜品，"估不到慕思"......睇相估唔估到呀? 坐到十二點幾，原來佢地開到半夜兩點。不失為一個朋友聚會的好地方!下次去想試埋其他幾款湯底。