Hero Sandwich (已結業)

終於考完最後一科高考，用完腦力想找點好的吃，剛巧在太子讀書的妹妹約我吃lunch，我們就到了Hero試試好評如潮的三文治。店子的位置也比較偏僻，幸好在妹的學校附近。午餐時候的Hero顧客大多是學生，店子也很full，幸好找到有一張空的桌子。和妹各點了一份燒肉眼牛排三文治餐，各式的三文治是即製，所以也需要一點時間。付了錢，拿到了一張收據，就等喊號碼。三文治足料而大份，兩隻手差點兒也拿不著，燒牛肉鮮嫩，牛肉味十足，到現在我還回味著。邊吃著肉汁和醬汁也邊流出來，害得我們十分狼狽，如果把三文治一分為二會比較方便，幸好在店內有洗手間供我們洗手，否則整隻手也是醬汁。薯條是粗和稔身的那款，熱氣但很合我口味，大杯裝的可樂似乎是吃炸薯條必備。這裡的三文治款式也算多，吃完真的很飽很飽，下次再試試其他的吧，蛋糕也頗吸引的，而且還有八達通自助售賣機，下次可以貪得意一試。

大角咀單幢"豪宅"下開食肆，真正藝高人膽大，但我覺得店鋪裝修，格調卻很配合這種"冷門"的環境，有尋尋覓覓揾好嘢食的意味。早前特意買點麵包試試看，覺得與四星酒店bakery有得fight，價錢相對上便宜得緊。今天再來試堂食，食物款式是比較少，但新店兼且客源可能未穩定，慢慢來吧。是日靚湯是西蘭花忌廉湯，湯味道不錯，我最欣賞還是那一小片蒜蓉多士，一點都不會因是小配角而馬虎。三文治點了西式切腸，餡料是expected 的OK水準，法包却真的不錯，那位年青店主告訴我們這包是混合了法包的香脆外皮與意大利包的柔軟內裏，並且必需經過店內專業烘爐即時烤烘外皮才可達至最佳效果，堂食就最理想了。焗薯不像Oliva般可選配料味道，這不是很大問題，可是真的不算好食，薯仔肉很"實"，很難"起"到肉。蘋果批非常好味道，外形設計可稱得上"可愛"，批皮介乎酥與脆之間的口感，批餡不會過甜，更一流的是只賣$11!!!!地點有些不便，但我會盡量支持，還有cut cake未試呢！

Have been living in this old Tai Kok Tsui district for a few years. Many restuarants are opened in these years and a few of them are very good ones. Hero Sandwich is a new one that drawn my attention.Passed by this restuarant a few times and I have laid my eyes on it's comtemporary renovation on the outside. I decided to try out this place today. The moment I stepped in, I thought I got into a decent downtown deli in any Canadian city. The insider is nicely decorated; simple and comfortable

尋晚一條友專登去試推介的肉眼三文治。如果只講味道的話，三十幾蚊有呢D水準都是抵食。但要求講整體，就要有很多改善D地方。環境是可以，有輕音樂；有外國的氧氛。由落單到有得食的時間就超過15分鐘。但人就唔係多。我我留意佢哋人就多，但無效率。類似這些快餐運作，應該是5分鐘內可以有得食。因為是先買飛在等食物 (齊晒先攞)，企起到等3個字咁耐，真是太慢。至於，牛肉方面。材料是好嘢！但係佢哋仲未掌握生熟度。怕生嘅朋友要出聲。佢哋將生肉先放入汁煮吓佢，再將肉(仲好生)同汁放上個飽到，再經過焗爐。因為這個過程不能單靠個焗爐整熟D牛肉；所以又要將個飽連肉再由經過焗爐再焗。但是都係唔多得。這個處理過程要改善；因為會在衛生會出問題！如果佢哋買飛後，可以派個企排。等客人座低等；可能唔需要俾D客睇住佢哋咁多蝦碌嘢

單買二十八元，套餐價三十八元(加多意大利咖啡及薯條)。牛肉多汁嫩口，包包香脆可口，芝士生菜洋蔥加芥辣醬配搭好好味。薯條是用焗薯炸，口感較鬆軟。

之前食過三文治幾好,但今次外賣早餐大打折扣,外賣4個早餐,回到家打開冇晒胃口,佢用裝三文治既盒裝早餐,紙盒,大佬又茄汁豆又煎蛋濕加麻,回到家一pat野咁,個盒軟奶奶,點拎出嚟呀?有待改善,講返今次早選了火腿,塊火腿又薄又梅,另細囡個豬腸又淋pet pet,三文治幾得,早餐開始唔得

當日約朋友專程入去大角咀Hero Sandwich試食首先講咗裝修,真係一流,但係座位同座位之間實在太密,未能好舒適地享受午餐!選擇咗燒肉眼牛扒三文治餐買咗飛後係座位等咗一陣,有位亞姐叫號碼,點解唔安排張飛放高d,等亞姐見到,咁唔需要叫,破壞哂d環境!終於有得食la,個包好好味,但係個汁太多,一食d汁必哂出來,成隻手都係汁!(有點狼狽)牛肉冇預期咁好味,有d so味!(唔知係唔係唔夠熱的關係),有侍改善!個餐薯條可以加$4改沙津,沙津好新鮮,超正!整體來說...OK!改善空間好大,期待下次!

考完試行返屋企果陣入佐呢間野買外賣返屋企食因為約1點果陣成個場俾d學生坐哂 同埋都有好多學生等外賣排隊買野同埋等外賣果到秩序差D 淨係知勁多人希望以後佢地會劃條線俾人排隊買/等外賣唔好逼哂D人係果個有限既活動空間入面然後就係員工合作 雖然我只係叫1個餐嗌外賣 但係企係到等既10分鐘入面睇到員工合作好一般 我買飛叫餐果陣話HOTDOG可唔可以要D PIZZA醬收銀姐姐叫我自己同整包果到講 但係你行到埋去係完全唔知自己個包係邊想講都冇得講同埋嗌外賣號碼果陣可以大聲D 本身果到人多都嘈 如果聲線唔夠大 不妨整個大*家果d mic或者顯示屏等d客睇到講正題 我食hotdog果個餐 $33有薯條 有hotdog x1 加1杯凍綠茶 冷熱都唔洗加錢薯條好正 好似KFC D薯塊果隻味野飲OK 但我明明話要甜D 佢整佐少甜搞到杯野好似冇咩味咁....HOTDOG份量十分夠 我食第2次都係食得1半個包 同媽咪share醬可以多D 唔好淨係沙律醬 寡寡地咁 蛋黃醬、茄汁、黃芥辣、酸瓜……之類雖然我食得$33個餐但留得食評都係對食店有希望同期望佢有改善加油喔希望下次俾到"開飯之選"啦!

先前路過此地，知道這裡新開了一間大型三文治店，這天正好來這裡吃一個輕怡晚餐。來到店門前，發覺這店子以三文治店來說地方的確頗大，店內的佈置陳設乾淨企理，光線充足，桌椅也擺放得毫不擠逼，予人好感。店裡除了售賣三文治、薯條等食物和咖啡、汽水等飲品外，原來還有賣麵包、西餅和蛋糕，這天來到已是晚飯時間，麵包都已經賣得七七八八了，所餘無幾，各式賣相漂亮吸引的西式糕餅，好像各式芝士餅、黑森林蛋糕等，則還有不少。不過既然這裡的主打是三文治，第一次來光顧，當然是先試三文治啦！其實這裡的三文治款式是偏少的，只得六款供應，實在是太少了點。在這六款選擇中，必然之選似乎是價錢最貴的「燒肉眼牛扒三文治」，另外一款三文治，最後就選了「雞蛋沙律三文治」，和太太一起分享。兩個三文治都甚有水準，先說麵包，是長長的法包，包的外層烘得十分脆，包身則見軟熟，咬下去的口感甚佳。餡料分面，雞蛋沙律的碎蛋分量極多，味道也見適中，不會過鹹或過淡，加上新鮮的蕃茄和生菜等餡料，配合好味的沙律醬汁，好吃！燒肉眼牛扒三文治中的牛肉也見鮮嫩，牛味雖不算濃，但分量十足的牛肉已比一般快餐店的出品勝上一籌。至於隨餐附上的薯條，炸得不錯，外脆內軟，不過

諗住o係大角咀搵間未試過既野食........搵搵下就黎左呢度試..........講真，位置唔係咁方便.....入到去，環境睇落幾唔錯，望左menu一陣，就揀左燒肉眼牛扒三文治(揀得快，係因為少options得6個揀.....)等左10min左右，終於有得食~~講真，個包無論鬆軟程度，定個汁同配菜既配合程度都唔錯牛肉真係比預期中嫩，呢點好有驚喜！但感覺上食到肉既部份比較淡口少少......肉味唔係幾夠....可能調味上可以再稍為重手少少.........但整體都算滿意雖然明白呢類食店既價錢都係咁上下..........佢唔算係同行中特別貴............不過我衡量「抵食」既原則係同份量(飽肚度)掛鉤..........作為正餐，食1個餐真係唔多夠飽(正常男士食量)，所以呢方面既評分較低.......

住響附近, 食過兩三次三文治同麵飽食都算唔錯, 用料新鮮, 員工亦認真 但係最大敗筆係無好o既咖啡... 呢點真係極度失望

由於晚上要到附近吃飯，可是時間一直未到，而肚子又非常肚餓，便要找點吃的看看。想起亮賢居這裡好像有間新的三文治店，所以便決定走過來吃醫一醫肚。不過位置一點也不方便，真的有點偏僻，是在商場的角落，不易發現呢。進去的時候只有兩三個客人，其他大部分也是外賣為多。三文治選擇不多，印象中只有六款，不過它還可以配其他如薯條焗薯等等。另外又見到他又很多甜品蛋糕和麵包賣，不知道好不好吃呢？六款中大部分感覺也不錯，可要餐或單叫，由於我夜點就吃飯所以就只叫包好了，牛扒三文治感覺很滯和很飽，最後要了較普通的熱狗--- HERO's Dog算了。店面工作人數不多，只見一個像大廚的人站出來，身邊還有一個類似助手的人，另外還有收銀，大概不是繁忙時間吧，等了大概 5 分鐘多D就有得吃了。他幫我把熱狗切開了一半，但其實吃起來還是有點論盡，因為材料醬汁頗多，我三番四次把醬汁拈到自己的手和身邊的東西呢。先說麵包真的是好吃的，因為它弄得有點點脆脆的，但又不失鬆軟，加上超級香芝麻味，如果喜歡吃芝麻包的應該會很喜歡這個，吃下去真的很香口呢。另外蕃茄和生菜感覺也新鮮，腸仔有肉味很好吃，加上酸酸甜甜的醬汁，和整個包的味道很夾。它的麵

與女友到奧海城看電影後為晚餐而傷腦筋之際，忽然記起四月初經過大角咀附近，看到一間正在試業的三文治店，憑有限記憶卒之在港灣豪庭附近找到它 - Hero Sandwich。大約晚上十時到達該店，只有顧客三四人，而店員又似在清場收舖，怕阻人收工，先問收銀哥哥營業時間，收銀哥哥笑說其實已經收舖，但不要緊，照落 order 吧！女友選擇了燒肉眼牛排三文治套餐而我點了熱狗套餐，傍邊載廚師帽的師父說熱狗需要太約十分鐘，怕我浪費時間等待向我致歉，食物未到已覺其員工服務態度一流，感動！冷眼傍觀，雖然收舖作即，但師傅們製作仍然認真，沒有欺場，讚！乘車回家約十多分鐘後才開餐，烤過的麵包仍然外脆內軟，熱狗腸的味道不錯，大量的番茄、生菜及醬汁都很對胃口，好味！而試了女友的燒肉眼牛排三文治一啖，醬汁與熱狗相同，但牛肉香得很，肉味十足，令我稍微後悔最初沒有點燒肉眼牛排三文治…但不要緊，I'll be back！而薯條初吃頗淡口，未知是否薯條上的不知名紅粉作怪？及後越吃越好味。價錢公道、服務又好再加上食物味美…十分滿意！

食過3次了,三文治正體十分ok,薯條唔知撈左咩粉紅色粉超香口,唯一係咖啡唔掂,飲2次都超甜,$22早餐好正呀!有炒蛋薯蓉麵包咖汁豆及腸,但薯蓉加左牛肉,對於唔食牛既我有點失望,另外堂食,食完個身好大陣油煙味!呢點環境要扣一分!件裝蛋糕$20都有點貴及感覺唔太新鮮...

公司係附近，見佢裝修好幾個月，終於都開了，去試左兩次第一次試了牛扒sandwich，第二次試了蛋沙律sandwich，兩次都幾好味，特別係個麵飽，真係外脆內軟，好掂。只是份量少了一點，特別係蛋沙律sandwich，蛋沙律真係好少份量。其實主食三文治只有六款選擇，也好似少了一點，希望將來會有更多款選擇吧。