Heart Coffee (已結業)

聽講佐敦開咗間Cafe，裝修白雪雪，今日得意試吓，由於要出去收銀叫order，但收銀企位一個姐姐都沒有，就算叫‘唔該落單’，啲姐姐都好似借咗聾耳陳隻耳咁，話知你企咗一陣，終於有位短頭髮姐姐埋黎，個短髮姐姐都唔知踩咗邊條尾，扮晒嘢cool到死，最後Order左一份海鮮墨汁意粉🍝味道確實係唔錯😋😋海鮮亦好新鮮，又有幾種海鮮喺意粉裏邊，分別有帶子、蜆肉、魷魚，蝦不過每次落單都要睇姐姐面色嘅話，咁不如餐廳安排iPad落啦，咁樣成個惠顧過程會開心好多

我晏晝五點幾左右諗住去試吓佢嘅生酮menu-五點幾左右就已經冇晒我想食嘅牛油雞🤷🏻‍♀️所以我就叫咗一個墨西哥香辣雞扒外賣拎走佢有得揀食沙律或者烚菜咁我就揀咗後者啦-返到公司我就激鬼氣😤一塊雞扒同四舊仔西蘭花賣$120係因為舊雞扒好好食？完全唔覺邊度有墨西哥風味擺舊墨西哥辣椒就等於墨西哥風味？一棵西蘭花或者配菜係咪真係咁貴？完全唔建議去食自己煮好過$120唔係比唔起，但見到呢盒外賣真係會激到彈起。想食嘅人真係攞呢$120去買菜食好過

佐敦少有的白色cafe哩間餐廳真係一坐低就唔想走喇～好悠閒同舒服 好似同佐敦既繁忙街道分開左 室外位置寬躺 就算路人經過都唔阻 可以自成一角 好適合女生聊天的好地方^^「Heart coffee 」-White coffee(Fruity) 味帶ethy味 -牛油果煙三文魚班尼迪蛋配酸種麵包 牛油果加左檸檬汁 食哂成份麵包都唔會好膩 但係酸種麵包個皮本人覺得太硬 如果可以軟返少少就完美喇^^-牛肝菌黑松露意大利飯好多材料 味道正常 唔算太大驚喜～

佐敦一帶有越來越多高質咖啡店了。原本以為這間只是一般打卡店，想不到食物跟咖啡選擇很多，重點是質素都很高。環境店外有半室外位，最近似乎都流行這樣設計，說是半室外，因為它不是完全露天，只是將店舖大門設在較入的位置，門外跟行人路之間的位置便成了「戶外」位，這也算是一個打卡位啊。整間店以白色為主，椅子不是全白就是淺木色，櫃檯是淺灰色，整體感覺柔和。店面積不少，座位也多，很寛敞。平日下午來到，沒太多客人，適合一個人帶著電腦或書來消磨時間。食物食物方面選擇頗多，這次點了手絲慢煮鴨腿肉配班尼迪蛋跟酸種麵包，手絲慢煮鴨腿肉偏入口即溶，還是要咀嚼，但很軟很鬆化，調味也適中，配上班尼迪蛋酸種麵包加沙律菜整個也太搭了吧！飲品點了杯nutty 的flat white，以為食物好的話，咖啡便會普通，想不到此店連咖啡都很出色，咖啡選了nutty，還真的有點點巧克力堅果味，奶味也恰到好處不會蓋過啡味。無論你是單純地想喝咖啡還是吃東西，在此也不會感到失望。

今晚呀囡好有心帶我去食晚餐，就去了這間heart coffee, 一座下有聽到D員工大大聲講嘢，我心想大聲唔代表冇禮貌，ok la跟住order 左兩個意粉和1份慢煮豬扒他們帮我地set 餐具時，已感到那種強而有力的茶餐廳feel, 嘈到一個點!!跟住講下D味道，我太太和囡囡個意粉真係可稱之為難食而我個慢煮豬扒更加over 煎到硬到冇朋友，究竟佢地知唔知咩叫慢煮!!而最令利非寫食評不可的是……當我囡囡想走前个Toliet先，個服務員竟然同佢講我地快班，而個廁所剛剛清潔完所以不可用，咩服務態度呀!如此店老闆看到我所寫，請全面改革你店的管理和品質，如果唔係真唔知会點

室內裝潢明亮舒適，早餐+咖啡☕️ 很愜意。這家咖啡店很早就開門了。晨運時經過幾次，看看都還有許多客人，昨天路過就進來一探。在收銀台自己點好了選個位子坐下。收銀台小姐可能是新人，所以問她咖啡有哪些豆子，她說要再去問咖啡師😅。 我是不太懂咖啡，所以想每次喝咖啡時能藉點咖啡時候抓機會和咖啡師多瞭解，多學習。不過今天沒有逮到機會。早餐～雜菌芝士炒蛋酸種麵包我是看到隔壁桌點了一份，看起來好好味，就跟著點了一樣的。果然不錯。蛋很滑，蘑菇吃起來很香。上面還灑了寫 葵花籽和花瓣，整個盤子 presentation 坐在這個小小咖啡店有小驚喜。廚師有用愛心💗做這份早餐呀～我看了一下冰櫃裡的甜點，早上沒有太多個選擇，服務員說下午desserts 才會都到齊。總體而言，這個coffee shop 還是可以有不錯的早餐。

又係行路距離嘅cafe😀都知道左佢一排，起身勁餓就即興去🤣難得8點有full size早餐食~仲有4-5個同我一樣有啲假期症候群嘅食客🏝星期一晨早流流去cafe hopping🤣酸種麵包比我想像中大同厚🤤早餐+$15有埋咖啡☕️揀左Dirty😈涼浸浸咁幾舒服😌🌟🥑Smoked Salmon with Avocado and poached egg on Sourdough Toast🍞 ($88)成功低調Eggs porn到😝有忌廉味嘅荷蘭醬同🍣煙三文魚係唔會輸😆重點係酸種麵包有我成日都揾到嘅微酸😍外皮較硬，而中間鬆軟，對我黎講烘得岩岩好☺️🌟Dirty☕️(+$15)第一次飲Dirty😜主角嘅凍奶好refreshing, 最後咖啡味先出🤩平時我會怕奶味強過咖啡，但今次Dirty嘅好shot+凍奶底🍼我可以一次過飲哂成杯😱總結太近屋企😆有感會成為常客

呢間cafe新開張冇耐，見佢個裝修係純白色咁靚就特登去試下，lunch時間好快就坐滿人。————————❦ 𝑺𝒐𝒖𝒓𝒅𝒐𝒖𝒈𝒉: 手絲慢煮鴨腿肉配班尼迪蛋 $88先講個sourdough，入面係幾鬆軟，但個外皮真係太厚太韌。用餐廳俾個把刀要好大力切先切得開，咬又咬得辛苦🥱-主菜方面，個鴨係入味，但有少少乾，唔夠juicy，加埋d配菜食都覺得有d乾。。。不過個egg benedit就整得幾好食！評分：🌕🌕🌗🌑🌑-❦ 𝑺𝒐𝒖𝒓𝒅𝒐𝒖𝒈𝒉: 牛油果煙三文魚班尼迪蛋 $88呢個主菜好食好多！牛油果醬超多，本身同煙三文魚就係絕配，加埋個egg benedict就更加香～不過個sourdough扣分。評分：🌕🌕🌕🌘🌑-❦ 𝑪𝒂𝒑𝒑𝒖𝒄𝒄𝒊𝒏𝒐 (跟餐) $23朋友話味道有d怪，唔係太好飲😂 我唔飲咖啡就唔評分啦。-Sourdough係自家製作但有待改善，職員態度都有少少寸😐 希望下次再去既時候會好d啦。

食左個牛仔骨配沙律加多杯凍cream latte, 但食完之後我勁眼訓，眼訓程度係做做下甲坐喺度訓著左。到底佢用咩材料煮呢？係咪grass-fed beef我食唔出，個汁有帶小小甜（到底佢係用monk fruit sugar, 定係洋蔥既甜我就唔知啦)。個salad就食到有balsamic vinegar, 無咩特別，但就好奇怪點解會眼瞓到咁啫。佢既價錢係overprice既，質素、份量都唔理想，想去食既人要三思呀

路过时被他的装修吸引着，可以看到内部米白色白主体，反正今天还没吃早餐，就走进去试试他们的咖啡。除了咖啡和蛋糕，中午11点半后还提供饭和意大利粉类的主食。先付钱，然后有人会把食物送到面前。咖啡要了较 nutty 的 Black Coffee, 味道够苦，喝完咀內还保留着咖啡的甘味，味道可以，还是比较喜欢的。另外试了一件 Red Velet Cake, 除了奶油，蛋糕内还夹杂着芝士，口感是比较滑。如果再淡一点，把甜味稍为降低，应该会更好味。早上过来客人较少，在这个环境下享受一下早餐是一个的选择。

♙雜莓楓糖法式多士French toast食到中間仲有麵包嘅質感，但個人比較偏好蛋醬浸耐少少而達到中間近布甸質感嘅French toast, 而附上嘅士多啤梨都比較酸。整體黎講比較普通，有少少港式西多士嘅感覺。♙伯爵茶朱古力Mousse Cake質感太厚實，食到好入先有一小片sponge cake, 令到口感好單一，而且味道實在太死甜，所以最後都係食唔嘅呢件蛋糕。♙Flat white 正正常常，奶味比啡味重

街道上獨有一間純白咖啡店 顯得格外清新▫️去嘅時候都差不多滿座了走嘅時候更加多人🤣-🥦鷹嘴豆泥配烤焗花椰菜酸種吐司($78)🥪好素嘅一個選擇 不過味道認真唔錯🤭椰菜花烤焗完再加調味之後 清新得黎味道唔會寡🥦鷹嘴豆泥份量好多 係滿滿同厚厚嘅一層搽喺多士上 味道唔錯但係食落有啲啲油膩🤣重點係幾喜觀佢塊sourdough!烘得好香脆 之餘又夠晒厚切 口感好好😆整體嚟講 幾滿足~

上次同友人做完瑜珈 想醫醫肚 之前哩間Cafe唔開到咁晏但最近佢延長咗營業時間終於可以去試吓成間cafe以白色為主調成個感覺好醒神 做完運動咁攰 即刻可以叉下電叫咗個多士同埋意粉 我覺得都不錯不論係咖啡定梳打都好出色讚👍🏼

係佐敦想搵間咖啡店飲杯啡坐一陣，發現廟街有一間咖啡店係我鍾意既style，即刻入左去咖啡店有室內同室外，室內有張好大既bar枱，座位唔算好多，可能係午飯時間，店內都坐滿人，非常嘈吵，所以我揀了坐室外，較寧靜舒服，咖啡店既logo都好有心思，係由兩粒咖啡豆砌成個🤎Dirty 分層唔算太明顯，雖然整杯望落啡色比白色多，但飲落奶味好重，奶既味道有點蓋過了咖啡既味道，一般White coffee奶泡打得綿滑，但都係奶味偏重，可能隻咖啡豆味道較淡，感覺同牛奶唔太夾坐室外都幾自在，放空嘆杯啡真係一個好地方，可惜兩杯奶啡我都覺得一般，有點美中不足

今日約咗個凡人朋友去食lunch. 我地11點半去到, 想要牛仔骨, 話賣晒. 想要cheese cake, 又話賣晒🙄. 如果大家平日想黎食生酮餐, 過咗12點應該可以唔駛黎🙁.無乜得揀嘅情況下, 叫咗個生酮墨西哥香辣雞扒, 一個生酮伯爵茶鬆餅, 一杯cream latte(問咗店員, 佢話係落whipping cream, 無加糖).雞扒個款同味道真係普通過普通, 我喺屋企自己整可能仲好食過佢, 仲要賣成$120🙄. 個鬆餅就正正常常, 都好有伯爵茶味. 同個fd喺餐廳坐咗2個鐘吹水, 最大鑊嘅係, 明明吹水吹到興高采烈, 但坐坐吓我竟然覺得眼瞓😳!? 平時我好少會覺得眼瞓, 令我有啲疑問呢個係咪正宗生酮餐😣. 總括而言, 呢間餐廳性價比低, 唔會再去.