Hakata Concepts

老公生日想揾個靜靜地嘅地方同佢慶祝生日，浪漫一下。見到OpenRice 訂座星期日晏就有85折就試下。訂座完，佢會喺你訂嘅日子之前一日會WhatsApp問你想食壽司定鐵板燒，有無食物敏感，覺得佢地好細心。1.) 沙律佢今日嘅沙律係柚子冰菜，第一次食冰菜嘅我覺得好好食吖，冰菜好爽脆咁，好特別，加埋柚子好refreshing 2.) 帆立貝 + 季節燒魚今日嘅季節燒魚係馬友，佢鐵板燒得好好食，魚皮好香好脆，魚肉好滑。帆立貝就有小小燒老左。3.） 虎蝦虎蝦好大隻，彈牙，燒得火侯啱啱好。蝦頭仲要有膏，好香好好食。4.） 美國肉眼薄切個師傅會問你要幾成熟，我要左medium，牛肉薄切入面包住左蔥同埋蒜片，再加啲昆布鹽，牛肉好嫩滑，入面啲蔥同蒜好香，好好食。5.） 炒飯今日係櫻花蝦炒飯，見個師傅落左好多隻蛋，炒到每一粒飯都比啲蛋包住，好有蛋香味，再加埋其他櫻花蝦，鹹菜粒，成個炒飯好香，好有咬口，好好味。6.） 麵豉湯 + 漬物麵豉湯唔會好鹹，味道剛好7.） 甜品芝麻雪糕好有芝麻味，訂座果時mark左celebrate 生日，店員整到個甜品好靚好驚喜。

呢餐廚師發辦真係一流，成個過程食到由頭正到尾！刺身一上枱已經俾個驚喜，三文魚滑溜溜、鮑魚夠爽口，甜蝦仲帶住少少天然嘅甜味，好新鮮！壽司部分更加係亮點！海膽冇腥味，入口即溶；拖羅油脂分佈完美，咬落去有種入口即化嘅感覺；魷魚雖然簡單，但口感煙韌，加埋微微嘅醋飯酸香，真係平衡到啱啱好。仲有嗰個海膽太卷，真係有驚喜！一啖咬落去，海膽嘅濃郁味道再加埋芝士，估唔到都幾夾！最後嗰個柱貝三文魚子撈飯，簡直係完美嘅壓軸！柱貝爽甜，三文魚子爆開嗰陣滿口鹹香，配埋飯啲汁滲晒落去，味道層次超豐富！呢餐兩位連加一都係一千蚊左右，真係值回票價，食材新鮮廚師真係用心做，每一道菜都充滿誠意！依家仲有指定午市套餐第二位半價優惠，好抵食！

屯門黃金海岸呢間鐵板燒真係驚喜爆燈！餐廳就正正喺海邊隔籬，浪漫到拍拖紀念日首選～可惜當日落雨我哋揀咗室內，點知都一樣有驚喜——全場佈滿日本酒樽牆+日本紙扇，一秒穿越京都！仲要泊車超方便，海附近大把車位任揀黎泊，渣車黨大讚！🦞 精選龍蝦套餐（人均$4百幾）｜師傅功架值滿分師傅唔止手勢了得，店員每道菜仲會詳細講解食材來源同食法，成個體驗似睇緊美食Show！▶ 頭盤：冰菜柚子沙律 ($0 跟餐)一上枱就知有心思——日本直送冰菜晶瑩剔透，咬落「嗦嗦」聲超爽脆！仲有柚子肉+沙律醬，酸咪咪打開味蕾又唔膩，同行怕肥嘅閨蜜食到清碟～▶ 主角：鐵板活龍蝦 (套餐主菜)生猛龍蝦即撈即劏，師傅手起刀落起肉超流暢！肉身嫩滑彈牙，加埋秘製醬 鮮味×10倍升級✨ 最抵讚係龍蝦頭冇浪費，即場煲成麵豉湯——飲落滿口蝦膏香，鮮甜暖胃到心！▶ 隱藏彩蛋：蟹肉茶碗蒸 ($0 跟餐)估唔到鐵板燒店蒸蛋都咁出色！蛋滑到匙羹都易扇走，面頭鋪滿蟹肉，鮮甜滲透每吋蛋香，食完想舉牌「ENCORE」！▶ 壓軸：櫻花蝦鐵板炒飯師傅表演即場鐵板蛋炒飯視覺滿分🔥 飯粒金黃分明，每粒都被蛋漿完美包裹，夾雜脆口櫻花蝦乾同紫菜蔥碎，鹹香惹味到連蔥花

當天替女朋友慶祝生日，於是到了Hakata Concepts。環境清幽，一到就感受到侍應們的專業精神。當日餐牌上有魷魚，但我不感興趣，於是向侍應提出能否更換，他亦熱心地表示可向廚師反映，最後亦由魷魚轉為了帶子。燒魚配上的芥末醬汁很有趣。燒豬及燒牛配搭三款調味，各有特色。而甜品環節更有驚喜，水玄信餅附有生日牌及星星形狀仙女棒，十分滿意！食材新鮮，店員態度良好，而且侍應能留意到我們的濕紙巾需要更換，在我們沒有主動提出的情況下，替我們更換了濕紙巾。而當天亦有晚餐二人同行送每人一隻海鮮。總括而言，作為一間餐廳，食物味道達標、侍應專業、廚師用心，令我們渡過了一個美好的生日夜，推薦！

非常抵食嘅鐵板燒午餐！見佢地本身午市已經好抵食，最平$168一位，而家仲做緊第二位半價🤯食完覺得整體好有Omakase嘅高級感😂但價錢只係同出面食餐飯差唔多，好正大廚會好有耐心咁介紹菜 仲會問客人口味喜好 碟同擺盤都好靚好用心！不過位置就遠啲，要揸車嚟，泊完車上兩層就到-🦐香煎虎蝦配龍蝦泡菜醬超入味香口嘅煎虎蝦！個醬幾得意幾好味，不過如果可以配多個餸就好啦 唔夠喉😜🐟香煎馬友魚配wasabi芥末醬 +帆立貝配自家製日式辣醬呢個係最驚喜嘅一個菜式 馬友魚&帶子兩邊都煎得非常金黃香口 非常新鮮 配搭既醬汁會令到整體口感有另一種層次！🍖厚燒美國肉眼扒 升級+$50如果本身跟餐嘅薄燒牛肉已經滿足唔到你，建議可以升級做厚切牛肉！肉感較重！啖啖肉 唔重油脂感，肉味豐富，幾唔錯嘅主菜！🍚日式高菜蛋炒飯佢哋加入日本高菜 類似係香港嘅梅菜🤣廚師仲會好細心咁問炒飯想要濕啲定乾啲！客製化炒飯😹🍡漬物 千本盛 蘿蔔🥘麵豉湯 可能係因為啱啱開門😹個湯新鮮滾起 夠晒熱超正！完全唔係死鹹嘅麵豉湯🍨甜品芝麻雪糕 勁香芝麻味 面頭仲有開心果花生碎！100分收尾

店內地方寬敞，坐得好舒服。店員招呼殷勤。同三個朋友飯聚，嗌咗套餐，質素又幾高。前菜沙律酸酸很清新開胃，幫助打開你嘅味蕾茶碗蒸熱乎乎滑溜溜北海道帆立貝一口吃下鮮甜的味道充斥在口腔中心虎蝦爽彈的蝦肉肉質緊致，法式龍蝦汁令其口感更加濃郁極力推介鐵板香煎鵝肝，鵝肝煎得焦香，底下墊著薄薄一層的焦糖蘋果，可平衡油膩感和牛薄燒加了蔥花和蒜片不會過膩最後既炒飯炒得粒粒分明，味道相當不錯總括嚟講價錢非常合理同份量非常之足夠，抵食。😋下次都會再encore

咁耐以嚟，屯門黃金海岸俾我嘅印象就係喺電影上嘅畫面，好少入嚟，但今次入嚟酒店住兩晚，喺黃金海岸商場俾我品嚐到高質嘅用餐經驗，廚師嘅手勢，殷勤嘅招待（全部超friendly ，乜都講得，毫無架子），真係令我驚喜無比。今日試咗兩個一人前$498/$888，兩個一人前對比其實相差唔大，但係因為朋友比較細食所以今次先初嚐各一嘅一人前，但過咗今晚後令我一定要回頭試埋$2888嘅二人前😍！頭盤唔講太多，直入主題！北海道帆立貝配上自家製枝豆醬🥰熟成度剛剛好，唔會太熟，Kuruma Prawn撘上海鮮醬及南非鮑魚配羅勒醬再加上配菜瞬間變成一件藝術品，最開心就係所用嘅醬汁係全部自己調教🤤🤤🤤🤤好惹味丫！之後鵝肝加埋個日本甜薯，一齊放入口完全唔覺得肥膩😚😚，最後十勝和牛薄燒！乜都唔駛講（愈生愈好食）！健師傅老手真係老手，有料到👨🏼‍🍳👍🏻👍🏻！最後唔夠喉都要追加埋刺身拼盤，高質素🤤🤤😍😍🍣🍣！食飯錢真係唔好慳！抵俾👍🏻👍🏻👍🏻👍🏻👍🏻💯！食完餐靚飯一定要出去佢哋個戶外吧飲多幾杯先夠！個吧佬夠哂風趣幽默😆😆啲Cocktail好有特色！（行過唔食飯都一定要飲杯，石頭哥話😂😂呢度個日落真係溝死女🤣）好餐廳一定要

同女朋友嚟食過鐵板燒，今日就嚟食下壽司刺身，驚喜指數當然又創新高啦，唔咁多廢話，先譾下啲嘢食先。放題刺身定食$468期間限定時令壽司定食 $288成餐飯都十分驚喜同滿足，真係仲好食過喺日本食。不過唯一有樣嘢真係要投訴下👇🏻右手邊白色衫果位壽司板長Ronald，佢實在太靚仔喇，我女朋友成餐飯都冇望過我一眼，淨係望住師傅，搞到我好有離異感覺囉😂😂😂總括成餐飯都係視覺同味覺享受，一邊可以睇住靚仔師傅整壽司，一邊食啲咁高質嘅壽司刺身，真係物超所值呀👍🏻👍🏻

聖誕menu 都有折扣，原本諗住要岀血，點知平得來又有驚喜，雖然價錢有折扣，但嘢食質素一啲都唔差，服務質素就還可以啦，黃金海岸都有日本餐食希望希望嚟緊再有多啲唔同嘅優惠食好嘢又食平嘢啦，哈哈

真實評價，已出席OpenRice訂座，大家小心呢間餐廳，無法提供訂座優惠，仲講到係顧客問題！留意返Openrice訂座都綁定信用卡作按金用，到時唔食都要收$200。見到有午市套餐訂座優惠先去食，高高興興去到但說有廚師放假，所有午市套餐都不提供，只能吃正價餐牌，點知正價餐牌都有一半無得揀，只能食正價鐵板燒簡單來講，即係用OpenRice訂座優惠呃人食正價，嘢食無咩大問題問題係之後同佢反映返，佢仲要話係我問題，話我無事先講要用訂座優惠，唔要優惠我事先訂座嚟做咩，你地仲係要綁信用卡作收金用嘅餐廳嚟架！

昨晚，星期五，我們想在餐廳的戶外酒吧喝酒。 酒吧裡有兩個男人，一個長髮戴眼鏡，看起來很邋遢，另一個男人看起來像是在訓練。 我們試圖接近他們，但他們沒有註意到我們，所以我們很沮喪，最終沒有在那裡喝酒。 我們常常是那裡的常客，這是我們第一次經歷糟糕的經驗。 那個總是很熱情、戴著眼鏡的禿頭調酒師並不在那裡。 他通常是那個為我們服務很好的人。

第一次過來黃金海岸商場呢邊食晚飯趁住紀念日過來食餐好的我同男朋友叫左兩個唔同的一人餐，然後share食，間餐廳無論係服務定食物味道方面都可以supervise到我。兩個套餐重複到的食物，我就淨係po一張啦😄前菜係一個沙律同茶碗蒸，茶碗蒸好足料👍🏻然後係刺身兩款，平時出去食壽司，我好少食三文魚，因為覺得唔新鮮。但呢間d刺身都算幾新鮮👍🏻之後就開始正式進入鐵板燒環境，廚師哥哥會係一開始問我地有無咩戒口或者唔中意食，又會問我地係咪share來食，每上一道菜的時候，都會同我地介紹同講解距的配搭，服務真係好好全部菜品都好好味，到炒飯的時候，廚師哥哥有詢問我地比較想要鵝肝炒飯定櫻花蝦炒飯，有無咩特別要求(如多蔥，乾身d等等），距可以根據我地口味去炒。到最後甜品環節，正常每個套餐的甜品都係雪糕一球，但因為知道我地係慶祝紀念日，餐廳好貼心咁將其中一份甜品變成心太軟，又會有慶祝牌同蠟燭❤️成餐飯食得好舒服，因為服務好同餐廳員工都好nice好貼心。總括來講，可以係呢個價位(仲要係晚餐）享受服務好，味道好的鐵板燒真係好難得。餐廳仲有室外位，如果日頭，大家又想打卡室外海景的話，也可以選擇室外位置。

閨密生日，梗係要用心搵間好的餐廳去試吓啦🥰因為大家好難夾時間嘅關係，終於定喺屯門食飯，搵咗咁多間，呢間性價比最高的❤️餐廳環境闊落，可以放鬆傾偈，食物質素絕對有下次，因為我唔食鵝肝嘅關係，師傅幫我轉左生蠔，都超好味😋仲有招呼我哋嘅係一位後生嘅男侍應，超級好禮貌！又會適時幫我哋收嘢，唔會打擾到我地傾偈，咁嘅價錢可以食到鐵板燒，仲有咁好嘅服務質素，絕對有下次🥰另外，預訂位置時已經預早通知係慶祝生日，朋友嘅甜品送左個心太軟，呢個都好好食呀🥰如果慶祝生日記得要提早通知餐廳準備🫶🏻

$198鐵板午市買一送一真係太吸引，所以我又嚟順手幫女朋友搞下生日。不過今日就唔係影嘢食，反而係影下個Promotion 。呢間鐵板燒會俾好多驚喜你，不過$198嘅午餐就冇甜品，但係就可以以跟餐半價享有返1份甜品，咁都幾好吖，而驚喜就係餐廳會因為生日或慶祝週年而送返個日式絵馬俾客人寫返啲心願掛喺佢地嘅牆上面，放返1個月左右就會連同個絵馬同1張$100嘅現金卷寄返俾客人，真係都幾唔錯。總括今日嘅午餐大致上都好滿意👍佢地仲有咗啲絵馬砌咗個心形出嚟❤️

星期日去左黃金海岸搵食，商場上層超市隔離有間鐵板燒。見到午市套餐做緊買一送一，非常抵食，入去試下。1人前套餐係$198 ，有燒魚、湯、炒飯、漬物，仲有個side menu，想豐富啲仲可以加$100 揀和牛薄燒/帶子/鵝肝。絕對係好飽。我覺得性價比非常高，食材新鮮。餐廳仲有壽司刺身可以以優惠價追加。星期一至日都有優惠係非常之好。餐廳環境舒服乾淨。餐廳出面空地有户外檯，黃昏坐出面飲杯嘢望住個海chill 下都幾爽。有機會會試埋個晚市。有免費泊車，記得消費完留收據。