Grove Cafe (已結業)

上課很少到百週年校園，所以也沒有經常試那裏的餐廳。一次便買了一個午餐外賣，是日式茄汁蟹柳意粉。雖然不明白什麼叫日式，不過茄汁十分美味，是比較濃的茄汁味道，配搭意粉十分美味。面質為比較彈口的意粉，茄汁偏甜不酸，蟹柳雖然不太入味，但蟹柳本身也十分美味。所以，總體而言，十分美味。

冇時間食LUNCH，唯有求其買個沙律，未試過呢款，所以就揀左烤雞肉雜豆沙律，因為自己幾鍾意食豆。係GROVE買過幾次，味道真係唔突出，普普通通一個食得落口冇咩要求嘅沙律，旨在填飽個肚。沙律底有生菜，紅腰豆，黃豆（唔知叫咩名，大粒過普通黃豆），青紅黃椒，車厘茄，四季豆，同埋雞肉，仲有黑水欖不過我係唔食嘅。雞肉連皮，不過我唔食皮，雞胸味道正常。青紅黃椒甜甜地，幾好食。四季豆同車厘茄都算新鮮，至於生菜就真係好睇運氣，有時會好多黃，有時就幾翠綠。汁係油醋汁，不過係酸為主，冇OLIVE OIL個種香。一句講曬，其實唔算難食不過真係唔好食，有其他選擇唔會揀GROVE。

其實香港大學入面咁多間CANTEEN好多間都差唔多 餐單又間間差唔多難得有一間 餐單日日轉 裝潢又幾靚 就係GROVE其實入面裝潢係唔差 人又唔算特別多 所以真係OK之前試過佢D 意粉多 今次試下叫一個焗飯啦叫左個葡汁雞飯少就好似少左D咁就試下啦一食 唔係好濃味 有少少失望份量又唔多 下次都係叫番意粉同飯算整體黎講 自己對呢間野印象都好既 純粹焗飯麻麻

係GROVE買左好多次沙律，開始慢慢覺得GROVE嘅沙律質素唔算高。首先，佢啲沙律菜唔算新鮮，成日都會有好多發黃左嘅菜葉，雖然食落去味道又冇乜影響，但係始終都唔係咁好。第二，佢好多沙律都一早同你撈好左沙律醬，其實沙律醬就出名肥左啦，我地呢啲食沙律想減肥嘅人就完全唔可以揀個啲款。慢慢係HKU發現有好多其他餐廳嘅沙律仲唔錯，例如CAFE 330，價錢差唔多但係就真係新鮮同好食好多。　今次係GROVE揀左一個少見啲嘅沙律，係煙三文魚牛油果沙律。入面仲有羅馬生菜，番茄，青瓜同車厘茄。牛油果好熟，食落去覺得食香，撈埋羅馬生菜唔錯，連沙律醬都唔需要。煙三文魚幾大塊，不過冇咩煙燻味，而且望落去色澤唔算靚，應該都唔算好新鮮，但味道都過得去。總括黎講，如果冇其他野好食，都會食返呢間嘅，不過應該就真係冇得揀先會揀呢間。

Lunch hour跟數位同學到Grove吃午飯，平時很少到這兒吃飯，繁忙時間一進餐廳便有位置。我點了蕃茄蘑菇蟹柳意粉，賣相不錯。味道方面，略嫌意粉口感不夠爽，醬汁跟意粉的配合可以更加好。至於飲品，凍檸茶的甜度恰當，不過不失。餐廳的佈署挺優雅，相信人流少一點會更適合跟友人聊天。

兩個人係香港大學嘅Grove食午餐。其實Grove係一間學校黎講絕對唔算平，不過佢已經比出面嘅Grove平左少少（一個沙律平$10左右）。Grove啲食物都係／意粉，飯，沙律，三文治咁樣，午餐加茶或咖啡就要加$5，如果想要餐湯就要加$8，隔離仲有啲蛋糕同Movenpick雪糕。去到Grove係午餐黃金時間，所以都冇空嘅四人檯，所以就同其他兩個人一齊搭檯。今日叫左一個好似叫什錦xx配飯（$34），其實係有一塊豬扒，一塊雞扒再加兩條法蘭克福腸。舊飯都幾大舊下，一個女仔未必食得曬，買餐時都可以同佢講多飯或少飯。個飯賣相幾靚，啲扒都幾大舊，雞扒幾滑，冇乜脂肪，皮有少少脆脆地，所以連皮食都唔會覺得好肥。豬扒好輕易就切得開，冇overcook，唔會鞋。腸仔都幾好食，肥瘦比例適中。個汁唔會好鹹，同埋啲飯撈埋食簡直係一流。唯一缺點就係啲飯好似硬左少少，不過都唔係咩大問題。仲買左一個雞肉凱撒沙律（$25）。Grove有好多沙律款式所以我都揀左好耐，最後因為自己減緊肥唔想食太多沙律醬，就冇揀到個啲一早撈好沙律醬個啲，雞肉凱撒沙律嘅沙律醬係另外分開有個小盒仔裝住。啲羅馬生茶幾新鮮，冇黃葉。最令我驚喜嘅係個沙

行過新開既百周年校園竟然發現開左間grove咁就行入去試下個lunch啦見一見個餐牌 都幾多選擇我簡左個米蘭汁豬排意粉34蚊唔連飲品 其實係hku內價錢算中上即管試下 一試 個排都幾入味 個汁好出色都有菜 環境方面其實都唔錯 都唔會坐得唔舒服整體黎講 都係算食得過既

香港大學其實係冇咩好食，見到呢間GROVE 係間西餐廳，咁就試下啦。卡邦尼意粉卡邦尼意粉，其實講真，基本既蛋同bacon都冇...呢碟最多只係白汁火腿意粉....意粉太腍，唔彈牙，白汁火腿一般貨色...不過三十幾蚊...就算啦但下次一定唔會再叫呢個

不太常吃到牛油果鮮奶和雜莓蛋糕，買了來試試。朋友還未吃午餐，要了茄醬豬扒飯配忌廉湯。喝了牛油果鮮奶，覺得配搭不錯，牛油果清清的，有少許奶味。雜莓蛋糕有果香亦不酸，蛋糕層鬆軟，雖價錢較貴，但挺好味。茄醬豬扒飯份量剛好，茄醬不酸，配合香草挺香，豬扒亦算易嚼，但香味不算濃。忌廉湯味道特別，濃稠剛好，但忘了是甚麼忌廉湯。整頓膳食還有質素，但價錢稍貴。

紅酒燴牛脷意粉 $34打開飯盒看到這畫面，令人垂涎。但酒香呢？失蹤了。牛脷得天獨厚，good in itself，已令我滿意。汁，萬用的蘑菇汁，不俗。7.5/10迷迭香雞絲意粉 $30看到嗎，一樣的汁。分別是會有丁點的乾迷迭香，也是徒然無助。雞絲普通不過。但 $30 這價錢吃到這個水準，超值。7.5/10

港大校園裹的食物比其他平很多 這間grove亦唔例外一個沙律應該大概係$20 但質素唔差佢最好既地方係有好多款沙律任你選擇有傳統既 亦有D特別的！：Dcaesar,吞拿魚,蟹籽蟹柳, 蘋果, 薯仔,pasta salad咩都有 一定有一款岩你食!用料新鮮 配搭新穎：D不過熱食就冇咩特別類似DELIFRANCE只係一般的PASTA／SANDWICHES同埋平時lunch hour都應該要等30分鐘