Grove

營業中

休息中

今日經開啟德體育園，就試下嘅間早餐早晨選擇唔算多，但份量啱啱好，唔會太大份揀左番茄🍅通粉加牛角包，味道ok，番茄湯濃。牛角包🥐都唔會一切就碎。但飲品就唔係好值，凍檸水要加$6，沒有奶茶同檸檬茶揀。特色咖啡飲品都加錢都幾貴環境舒服，對住啟德跑步🏃‍♀️場，但無咩服務。可以一試早餐

早前前往睇女排世界賽前 一心想食旁店the Pantry 可惜要延遲開門 唯有轉吃呢間the grove 趕時間入場 入座前想要求坐近窗旁當時並未滿 ，但職員唔比及指唔岩我地坐 但轉頭又安排其他人坐？😡🤬（黑長髮女職員有位大叫 可以坐窗邊呀下位客人）在等位時知道要轉lunch menu 但入座前並沒有提及有個別餐沒有提供 ，個長髮黑職員放低menu 並剷去burger 的選擇 ，當然無得簡唯有轉食其他😓在電話下單後佢竟然同廚房大叫 ：menu 已轉返正常啦 甘擺明是玩野無禮貌 還要選擇性提供服務？！！也是第一次吃呢間店 為什麼會有甘既服務態度？😧😧😧那位女職員負責帶位 聲音無禮貌又惡。跟之前食評提及有不好服務態度的經歷 看來是同一位女職員！！唔建議食 😮‍💨 呢個價錢真的比貴的吃其他選擇更開心

平日12點前到冇咩人，lunch餐牌有輕食同正餐🍽️多選擇，好多𥦬邊位🍂對住個運動場幾chill自助落單比埋錢先，會送野食黎枱，都有自助檸檬水，好飲😋食左烤雞珍珠米飯，芝麻菜味好濃包黑咖啡轉左凍飲少冰，好苦

上個星期同屋企人去啟德商場行街，夜晚就係零售館呢間Grove食西餐😋😋， 晚餐唔錯， 尤其比目魚， 煎得好滑 ， 唔會過火，沙律菜新鮮 ，牛油果沙沙醬好味，牛扒叫咗五成熟，煎得剛剛好， 黑松露帶子意大利飯 ，飯唔會太冧，味道唔錯，平均百幾蚊一個，價錢唔貴 ，仲要冇加一！👍👍叫咗杯抹茶Latte，抹茶香濃！拉花都幾靚！😋😋環境簡潔，坐得舒服。飯後係零售館散步，有幾棵樹都掛上燈飾，好靚！好有心思！樹下有幾張木櫈可以供人坐低欣賞及休息下！值得一讚👍餐廳係寵物友善👍👍

又到咗晏晝食飯，要諗食咩嘅時候今日係每個禮拜最辛苦嘅星期三。因為仲有兩日先到休息的星期六。今朝工作都比較忙，好想搵個地方清靜吓咁食一個午飯餐廳有落地玻璃對着外面的青年體育場，今日陽光充足感覺十分舒適姨姨個價錢有依個環境性價比真的很高去到就立即有位置可以坐低。亦都找到梳化位的位置職員立即把Menu及講解可以掃QR code 落單或者去收銀嗰度俾錢落單落完單之後，坐咗一陣就將 豬扒飯送到再叫了一杯熱嘅伯爵茶。

一直都以為呢一間係輕食Cafe淨係得包點之類，從來都唔知道呢一間係可以有熱lunch set，行到去個環境真係wah咗一聲, 可以望住嗰個啟德青年體育館, 配上落地玻璃環境配自然光，感覺真係幾靚，上餐時間非常快，可能會有人覺得食物鹹咗少少，但係個人覺得味道唔錯, 雖然唔食得辣，但係個冬陰功配意粉味道啱啱好，可以揀小辣，$68嘅價錢有餐湯同埋熱飲，青口數量有一打12隻, 唔使額外+1，件事高CP值，好有誠意👍

2025年3月16日禮拜日早上11點半左右，外賣藍青口煙三文魚南瓜凱撒沙律和煙三文魚魷魚圈扁意粉（忘記單號145 or 147），等咗15分鐘攞到。返到屋企打開，沙律無咗煙三文魚同南瓜。以為比d沙律菜蓋住d料點知食到最後都係無。意粉呢d三文魚同魷魚圈都超少。打算openrice度search間店打電話過去投訴都知無電話登記……明明前日堂食d餸菜好足料，點知外賣就偷工減料… 好失望外賣唔會再幫襯。另外openrice唔該比餐廳登記時最少要求餐廳提供基本資料如地址電話。

我平生第一次寫食評。因為這次真是接受不到他們的服務。我一個星期前來過呢一間吃午飯，完全沒有問題。今晚晚我們六個人去呢間餐廳食晚飯，叫了六個晚餐，有三個晚餐十五至三十分鐘送到。不過其餘三個晚餐過了30分鐘，我開始問問店員，每10分鐘催促一次，期間店員多次說正在煮緊，其實他們根本沒有去同廚房溝通，過了足足一個鐘同我們說系統故障，廚房接收不到賬單，要用多5分鐘煮，不過最後又用多了15分鐘，全程足足多過70個鐘頭時間先送到。

Grove (Kai Tak Sports Park)新店到訪，啟德3號館地下 Grove好大楼底高，坐在窗边可望青年運動場新場地環境很好舒服，今次決定試焗意粉同飯系列芝士黑松露忌廉焗牛脷意粉 ($78元) 👍推介芝士香草醬牛油果焗比目魚柳飯 ($88元)芝士肉腸肉醬焗粗管通粉 ($68元)Dirty 咖啡很滑奶香👍☕️

之前想喺啟德附近搵一間Cafe，最後選擇咗呢一間Cafe，結果中咗伏。好大機會因為農曆新年過後，好多餐牌上嘅選擇都係缺貨嘅，但最好笑係我比完錢之後先同我講係缺貨，呢個安排真係差。同時間有啲餐牌上嘅嘢係有，但係某啲食物類型就要臨時轉換去另一款食物，又係落咗單俾咗錢之後先通知，咁樣嘅安排真係需要改善。我就嗌咗個豬頸肉炒扁意粉下午茶，另加一杯熱嘅matcha latte ，個豬頸肉扁意粉都還可以，但係呢杯真係慘不忍睹。我可能而家都飲過200杯以上嘅 matcha latte，呢杯應該係我飲過最難飲嗰杯。結論係，絕對冇下一次。

今日行經啟德零售館，入咗The Grove食早餐，餐廳似cafe，有大落地玻璃，可見整個青年體育館景，非常開揚，朝早陽光灑入室內，温暖休閑。餐廳可以掃Code落單，方便快捷。員工有禮。好快上菜。香煎雞扒配炒蛋（半熟蛋）配迷你蕃茄湯粉$47，雞扒肉質嫩滑，螺絲粉配上鮮甜微酸蕃茄湯底，開胃又美味，我將半熟蛋放入湯內，湯底變得creamy，又有蛋味，又有唔同風味。整體來講，食物同服務都幾好，下次會再嚟幫襯。

閒日星期四， 去完超音鼠嗰個場館玩完 ，下晝一點半到 餐廳，見大約有六成座位有人坐，唔使等位。我哋揀玻璃隔離張枱，有少少陽光，又可以望到體育園主場，夠哂chilling 🏝。餐廳裝修走西式簡約路線， 因為有落地大玻璃，室內環境光猛🌝，中午時分有陽光射入，☀️休閒感覺滿載。我哋一個大人+一個小朋友，嗌咗一個lunch ，主食係菲力芝士雜菜茄容意粉$68🍝，加凍飲🥤凍朱古力狂熱$39， 配餐湯，另外再加配 甜品 🍰朱古力撻一件(零售價39蚊，配餐係33蚊) 。佢用qr code落單(payme或alipay畀錢)，如果唔係，就可以出去cashier度直接點餐，畀八達通， 快捷方便。 lunch set好多樣化 ，有扒，有焗飯，焗意粉， 漢堡包薯條等等， 仲有啤酒飲 。價錢算親民， 我哋個意粉係素菜， 夠清新，茄汁味濃😍，以咁嘅價錢，性價比算高， 朱古力撻朱古力味稍為淡😑， 唔夠濃， 但係個outdoor景都值回不少票價， 我哋食完lunch，已經到下午茶時間，所以再點咗一個下午茶餐$55(一件蛋糕配 一杯飲品)，我哋揀咗藍莓cheesecake 🧀配熱鮮奶朱古力 ， 藍莓cheesecake

在附近健身肚餓落地下食嘢如果坐窗邊位會直頭望到成個體育館如果相對於香港來說，服務員非常有禮貌會教你點樣會教你點樣落單有Alipay同PayMe就可以scan QR code下單如果人手落單就去cashier直接買俾錢環境一般Cafe格局光猛桃木色餐枱加燈光配搭得幾好嘢食先係重點非常之好味如果雞蛋裏挑骨頭， 價錢都偏高 一個雞胸沙律加Cappuccino約$90左右不過雞胸都幾大塊，同有口感如果價錢回落返少少會更加好一句講晒支持本地餐廳支持本地體育發展

呢間舖係新開㗎，呢個餐廳我之前從來都未幫襯過嘅，見佢個環境好靚呀好田園感覺，坐得好舒服，我點咗XO醬炒豬頸肉意粉，中式味道西式意粉，呢個味道好食同埋意扁意粉係熱辣辣嘅，估唔到中西合璧嘅味道又真係咁夾，另外我叫了一杯冰茶，味道清新不會太濃，值得推介比所有人，環境打咭又十分啱心水，真係好味道，啱啱新開張嚟都好容易搵位，窗外環境對著剛剛起好的大球場，又鄰近零售舘，我之後都會帶埋朋友或屋企人再嚟多多幫襯呢間餐廳

啟德零售館開業，附近嘅居屋公屋雖然未入伙，已經吸引左一眾食客試新野。以食物類型同價位，比起同區嘅Airside 同雙子塔 Sogo 選擇多好多，亦貼地好多。早餐來來去去都係McD、大X樂、大X活，難得呢間Grove 開朝早08：00，簡直係福音！可以一早享受晨光，坐得舒舒服服，望住青年館個景，嘆住個靚早餐靚啡，生而為人嘅感覺真好！All Day Breakfast 份量好合理 $68，加Cappuccino/ Latte加$9，深焙豆味香濃，奶泡綿厚，推！