Greyhound Café (太古城中心)

營業中

休息中

星期三是陪大狗吃飯日.本來想吃韓餐, 但因為要輪號碼, 就到這間看看, 等位的人不太多,看餐牌食物不錯, 就決定在此就餐.串燒豬柳配糯米飯, 豬柳燒得乾身, 醃得入味, 點那製醬汁很惹味, 糯米飯蒸得軟硬適中.風乾牛肉飯, 飯炒得乾身, 牛肉像肉乾, 我覺得唔錯.炒貴刁, 很惹味, 可惜份量很少.整體唔錯, 會再來, 評分: 88分

冬蔭公大蝦生河粉，大蝦的確大，蝦肉鮮甜彈牙，冬蔭公夠正宗，甜辣得宜，生河粉粗切，只有3一4條，吃了3口便沒有了! 實在太過份，小學生也怕不夠份量。米粉粉卷，比一般的平凡，沒有香葉，只有米粉和瘦肉絲，反而伴醬有點持別，甜辣醬加了香蝦米。再來2個甜品，椰子旦糕，侍應推介，與一般旦糕店沒有分別。velvet waffle, 顏色吸引，絨毛紫紅色，有淡淡依稀的旦香，加了乾提子在裡面，乾提子半硬半軟，提昇了口感，也多了一陣淡淡提子的清新香甜味，waffle是即叫即做，要等15分鐘，上碟卻只是微微溫暖! 天呀，天寒地凍，等了15分鐘，怎麼不是熱辣辣，卻放涼了，只是臨終的微溫?! 沒有溫度，就失去waffle應有的濃郁旦香烤味，沒有溫度，也就失去waffle與cream, custard, jam等配料由熱力所帶出的化學作用，也更完全喪失此甜品應有味道的豐富層次...只有「色」，睇得吾食得，完全沒有「香」和「味」，失敗。

泰國菜最出名既係生菜包。生菜包即係用生菜包住D 料，但咁大塊又新鮮既生菜都係第一次。生菜青綠咬落「咯咯」聲，真係好似即摘即食。碎豬肉用醃料醃得剛剛好，完全唔太鹹。從D肉碎可見師傳炒得勁有鑊氣，而且好鬆化，惹味可口。個汁梗係唔少得，絕對有畫龍點晴既作用，可謂是整個生菜包既靈魂。但個人覺得D料獨欠香辣肉鬆，嗜辣如我的食客，可能會因冇左D 辣而有少少失落。我唯有淋上辣椒醬，繼續食。

爸爸生日，一家三口多數出街都係食中餐，無計啦，兩老份人傳統麻。今次本身無特別念到食咩，小妹連續考三日final因為):咁係太古行咗陣街，見佢地好小食呢啲泰國菜，就決定嚟greyhound喇因為平日又只係六點半，我地竟然5使等傳說中嘅大長龍，但就有用餐時間限制一個半小時薄切三文魚配泰式辣汁三文魚大大塊鋪係鋪上，配以酸酸辣辣嘅汁同大量香草配料。每一塊三文魚上都有一塊蒜片，感覺就好似食生蝦刺身咁。而三文魚同個汁又出奇地夾，推介呢個😳泰式海鮮義大利麵呢個意粉係用咗好多泰式香料嚟煮的，味道都算係偏辣，小妹我就食得辣的，但兩老表示都幾辣下。意粉5硬岩岩好，加埋海鮮，個味道有啲似泰色海鮮炒飯咁xd意大利肉腸芝士餡餅呢個不得了！有驚喜，熱辣辣嘅餅皮包住豐富嘅餡料，一咬有拉線芝士（芝士怪病發）！配上肉腸同蕃茄香料，口感濃郁！The green mallow爸爸叫嘅飲品，佢話同普通果汁差5多冬陰公湯配雲呑呢到個冬陰公雖然就無九龍城啲泰國餐廳咁好飲，但勝在夠辣又夠酸。我中意飲啲酸味重啲嘅冬陰公辣得嚟又愈飲愈過癮。不過啲雲呑就麻麻地，好細粒，好似得塊皮咁lol野食整體都算好食，不過食5到辣嘅人就要小心喇。野食

同朋友行街前食啲野,上openrice睇呢間我地未試過。於是問CS姐姐就黎到係Apita則邊既Greyhound..兩點零鍾左右到冇乜人。入到去坐2人枱,有3個menu,dessert/下午茶/full memu。點左一碟軟殼蟹蒜蓉墨魚汁意粉,粟米蝦餅,一杯black coffee一杯citrus soda float。啲食物份量充足,鋪得幾靚。軟殼蟹好大隻又多膏,最值得讚係啲意粉係炒既,加埋蒜蓉色香味都有。到朋友杯咖啡,有半杯以為係黃糖,原來係用咖啡做既冰!!好難得既心思,試左啖好香濃唔會似外面啲iced coffee食完野已經比冰溝淡。到粟米炸蝦餅,有蛋香又脆。而我杯Citrus Soda Float又有驚喜,橘子汁有一杯可以自己加,本身入面有汽水(似波子汽水味)同雪糕,橡皮筋糖。小朋友應該幾鍾意。整體上菜同收碟都快,侍應態度友善。唯一就係坐埋邊啲射燈令到我好熱,希望改善。食完開心行街😄😄

甜品我一向冇好大興趣，除左Opera、Apple crumble，近來比較欣賞的就係千層蛋糕，貪佢唔太甜，又煙煙韌韌。千層蛋糕的代表當然係專門店Lady M，但如果唔想排咁耐隊，Greyhound都係好選擇。雖然Greyhound主打泰國菜，招牌菜係單骨雞翼，但其實佢的甜品都有好多款，唔只賣相靚，味道都唔錯的。千層蛋糕有幾種口味，之前試過芒果、椰子，今次就試我最難抗拒的組合：香蕉+朱古力 Choco banana crepe cake（$68），每層冇Lady M咁薄同明顯，中間夾左香蕉片、Custard同Cream，都幾滑幾香，口味偏清淡，感覺冇咁罪惡 另外，無論食咩都好，一定一定要叫杯 泰式檸檬茶（$35），茶味濃郁，香味獨特，冰係以茶做成，唔怕溝淡。值得去指數：

主打泰菜的Greyhound Café，在港九先後開了五間分店。是日，表姐妹飯聚，J預先訂了枱，去到，即可入座。餐廳裝潢設計挺摩登時尚的，感覺頗為舒適。先來一客牛油果蟹籽忌廉火箭菜$118，火箭菜入口毫不苦澀，伴入甘香油潤且細滑鮮爽牛油果蟹籽忌廉同吃，挺好吃的。忌廉中，混入了適量的芥末，香而不辣，大大豐富了食味。然而，鹽粒下得頗多，忌廉過份鹹了，教人吃不消。脆炸粟米蟹肉餅配甜酸醬$88一客有五件，好香口炸物的小妹，不客氣地一人獨享兩件。蟹肉餅炸得金黃香脆，且夾雜粒粒甜美的粟米，以及少許鮮味，蘸上酸甜醬同吃，豈會有難吃的道理﹗不過，不太吃得出蟹肉的味道，反而似蝦肉多點。香草味濃且清爽的帶子露筍香草寬麵$108，一客有四隻煎得外香內嫩帶子，剛好一人一隻。闊條麵沾滿了香草汁，啖啖濃香惹味，且咬口嚼勁十足，教人一吃愛上。再來一碟炒金邊粉$88，份量著實有點兒少。金邊粉拌入芽菜、蘑菇和豆乾等同炒，炒得夠鑊氣，雖則偏油膩，然香氣和嚼勁絕佳，味道甜甜酸酸的。喜歡的話，再伴入一旁的鮮爽芽菜、香口花生碎和辣粉同吃，口感食味更為豐富。最後，要了一客DIY窩夫$98，配上牛油和忌廉，可於原味、朱古力和紅絨毛

太古，出左名無啖好食，徧徧女朋友就係個度番工，仲要OT，即係話唔走得遠，一定要係太古食啦？老實講我就唔太鐘意去D大飲食集團，因為舖一多D野食水準就Keep唔到，仲要貴－土地問題啊嗎……咁好彩仲有間Greyhound Café，係泰國食過非常好食，女友都好鐘意。雖然黎到香港應該都打個折扣，但係心諗應該唔差得遠掛，始終掛住泰國本舖個名。Home Fries with Aioli特色炸薯皮配蒜香醬一開始就叫呢一味！其實即係炸薯角。因為女友鐘意－唔知做乜D女士好鐘意食炸薯角一類既野。其實唔難整得好食，最緊要夠熱！同埋個醬！而好多舖頭為左快都忽略左「熱」呢個重點，而且通常係茄醬就算。但今次呢個唔錯，夠熱，應該係即炸，個醬唔會太漏太重味，我本身唔係咁岩食都食左幾件。Chicken Satay泰式沙嗲雞柳串味道係唔差，但係都無乜特別，個三串青瓜紅椒加洋蔥幾多餘下，舊紅椒咁辣點會就咁食啊，一放落口就中伏。而且要成$88，幾唔值喎……Greyhound Famous Fried Chicken Wings招牌脆炸單骨雞翼份量OK！味道幾好，本身見佢切開左一半先炸仲驚佢炸到無哂味，但係因為切開左，反而入味

2015年8月17日 (星期一)其實我地成日都約 lady's night，不過以前朗朗媽住得遠，所以一直都未能成事﹗今日點咗老公幫我睇住大頭﹑小丸﹑朗朗﹑魚仔，我地 3個靚太終於可以一齊食個 dinner啦﹗由於老公第一次湊朗朗魚仔 (有工人姐姐幫手)，我唔知佢地會唔會中途要搵媽咪，所以都是約太古近近地﹗我揀咗 Greyhound，好似開咗成年，我都未食過﹗平時星期六﹑日下午經過都排好多人，所以我都 book 咗枱，原來佢地限食 1.5小時，都要食快少少，不過我估我地都唔食得耐，做媽媽的成日都歸心似箭，其實都要早返屋企啦﹗ 叫咗 3個小食﹑1個主菜﹑2個甜品，原來都唔貴，可能我地都細食，埋單都是 $150位﹗炸薯角，睇 openrice 話必叫，真是幾好味﹗炸雞翼，呢個都是 openrice話必叫，又是好好味﹗下次要同老公一齊食啦﹗呢個一般般，都好味，不過就無咩特別﹗雜菌炒金邊粉，我覺得都幾好味﹗其實我最想試甜品﹗呢個有少少 cream cheese，加埋雜莓酸酸地，都幾好味﹗$58 不過我就始終鍾意芒果 + fresh cream﹗好香好好味﹗不過都唔平，一件要 $68﹗三個女人講

來了兩次都係下午茶，因為不用等位，又平d. 下午茶只限星期一至五供應，大約有8款下午茶餐，每款$78。泰式牛肉牛丸米，都唔錯，我鍾意個湯底，細細粒的牛丸好泰式但味道似豬肉丸多d。唔夠味可加sauce, 有4款：有糖、魚露、黃色那個是辣的、另外仲有辣椒粒粒。泰式咖哩雞麵，不太辣，旁邊有d炸麵條可放入咖哩湯中，幾有趣。泰式鴨肉湯河，呢個好好味，推介！鴨腿好淋好入味，加少少上面的黃色辣醬仲好味。除左以上的泰式食物，佢仲有兩款panini,我試左bacon n egg panini, 層次豐富：嘩，你睇！入面有流心煎蛋，bacon, mushroom, tomato, 個包烘到好脆，好好味呀！泰式lemon tea,上的時候有幾粒好大既啡色冰在杯肉，佢放底之後就倒d茶入去，很特別，由於係用青檸所以味道跟香港的凍檸檬茶不同。

初時Greyhound 時初到香港, 第一次去吃時餐牌看了又看, 也點不到菜. 覺得泰國菜來說, 又貴又無乜特別.想不到多年後的現在, 它成為了我的飯堂.今次去了吃 tea. 價格合理. $78 包飲品又食物. 這 mango crepe cake 是我認為全港最好吃的.甜度適中, cream 份量剛好, crepes 薄到有點脆, 芒果味極香.

早年曾經是一個泰國通，每年定要到泰國２－３次才足夠滿足，而每次到泰國一定要到ＧＲＥＹＨＯＵＮＤ朝聖一番。近年隨著ＧＲＥＹＨＯＵＮＤ進駐香港，分店亦遍佈全港，雖然價錢比泰國較貴，猶幸質素尚存今天下午來到太古城，來到小小的下午茶也不為過吧單骨雞翼，味道跟泰國非常接近，香脆的雞翼咬口一流，雞肉亦非常ＪＵＩＣＹ，配上ＧＲＥＹＨＯＵＮＤ自制的酸辣汁非常惹味這兒的冬陰公湯底相當香辣，喜歡辣的朋友一定要注意了，能夠做到麻而不辣的地步是冬陰公最上乘的境界，可惜ＧＲＥＹＨＯＵＮＤ始終差一點兒，但尚算不錯的了

每次說「想食好野」，Greyhound一定是選單上的其中一間! 平日晚上人比較少，不用排隊，立即入上次試了那個排骨生菜包，覺得普普通通，今次再試新菜 - 秘製肉碎手包粉卷 (9/10)。越南粉卷吃過很多次，自己包還是第一次! 一疊粉皮取一塊攤開，加點肉碎，再加點泰式蒜蓉香料醬，摺起粉卷包住，一口吃掉，味道非常夾！隨個人喜好可以包生菜扮生菜包食法，生菜長得很漂亮，形容這樣很奇怪，不過看圖片你就明白!! 是半圓形拱起的完美生菜包形狀 !! 完美主義者看見會很興奮.. 未食過生菜包是用那樣完美的生菜不過!!! 生菜只有三塊.. 少得可憐；粉皮亦可隨個人喜好或加厚或減薄，（仍然未知道被我堅持撕出很薄那片到底是一片還是半片..）數量幾多（如果堅持每份都像我一樣撕很薄）；除了食法比較麻煩，味道和創意都是！然後重點來了—甜品! Greyhound的甜品是會令人上癮的! 今次點了野莓千層班戟蛋糕(9.5/10)。野莓千層班戟蛋糕 —超高分之作! 千層班戟蛋糕配野莓夾心，表面同四周倒了有粒粒莓肉的雜莓醬。平時有點兒怕吃"實的的"的芝士/忌廉蛋糕，但這千層蛋糕層次分明，班戟皮薄，口感鬆軟，吃 起來少了一種

我和閨蜜既生日只相差兩個多星期，通常都會一次過慶祝。今年黎到太古城既Grey Hound cafe，因為朋友未試過想試下。平日去grey hound 都會去IFC 分店，今次就試下太古城分店啦！地鐵站行過去都算近，大概5分鐘就去到。去grey hound 當然必食單骨雞翼，薯角，pizza啦，今次試下軟殻蟹墨魚汁麵，麵彈牙，不會煮到淋支支，炒麵煮法，夠乾身，不油膩，另軟殻蟹香口，整碟麵都有香香蒜味，兩個女仔食分量剛好。

今日與好友於太古城Greyhound cafe食泰國菜慶生，雖然餐廳食泰國菜，但其實我們似食西餐廳似的，我們點了意式芝士長通粉，煙肉煎蛋炒飯、白汁蜆意粉、椒鹽蝦、雞肉串燒和無骨雞翼，意式芝士長通粉好夠味，芝士好香濃；煙肉煎蛋炒飯，個飯炒得很香，煙肉煎蛋炒飯，飯底炒得剛剛好，好食；白汁蜆意粉個白汁好香濃，蜆好新鮮；椒鹽蝦炸得乾身，好香口、入口即熔；雞肉串雞肉好鮮嫩，另外串燒什菜，辣椒好辣，而洋蔥好清新，另外面飽好鬆化，配上咖喱汁好好食，整體而言，餐廳整體食物都好食，味道不錯，值得一去!