Greyhound Café (又一城)

營業中

休息中

今日母親節，我地四個人未夠晚上6點就已經到左餐廳門口，我之前明明已經book左枱，但去到門口個職員話搵唔到我個預訂，搵左好耐都搵唔倒，然後佢同我講今日佢地有200幾張枱嘅預訂，所以正常今日都應該唔會book到位，但見可能時間仲早個場仲未full所以就俾我地入去，然後仲喺個門口度大叫如果後邊有人喺walk in 嘅都唔好排隊啦，因為唔會有位架啦（但其實食完到我地走啦都冇人係門口度排隊或者等入座，所以真係唔知嗰200幾個booking會幾時黎)，坐低左之後我地就開始點餐，本來想點餐廳都出名嘅豬手同埋龍蝦炒金邊粉，點知個職員話冇豬手同埋龍蝦，咁諗住叫個軟蟹沙律啦，職員又話冇喎，咁諗住叫三文魚沙律啦，職員又話冇喎，然之後指住個menu同我講哩又樣冇個樣又冇，最後我地就淨係嗌左炸魚餅，羊架咖哩，大頭蝦咖哩，配薄餅，大頭蝦東陰公河同蟹肉炒飯，所有食物嘅味道都好一般，羊架冇羊味，大頭蝦冇蝦味，咖哩又無咖哩味，東陰公湯飲得出係味粉調出黎嘅，一啲誠意都冇，湯河入面嘅河粉重撻埋晒一舊舊咁，而蟹肉炒飯啲蟹肉都好唔新鮮，咬落口一啲蟹味同彈性都冇！ 成餐飯稍為正常少少嘅就係佢啲印度薄餅，咁樣嘅質素都食左成千幾蚊

We came here as it was a public holiday, we were a large family group, and nowhere else was available. It wasn’t too busy as it was well past the lunchtime rush. The staff are throughly incompetent. They didn’t realise a dish was not available for 15’ after the order was given, and it took another 35’ to bring out the dish, well after everyone else had been served. Worse, another party’s order was forgotten entirely. The soup accompanying the dish was tepid and far too salty. Overall, and abysma

第一次試又一城呢間Greyhound, 之前試過其他分店也不錯，但今次呢間換來的是失望。落咗2次單，未夠8點，已經無豬柳，無糯米飯。加單，漏了單，然後同我講其中一樣食物又無哂.....室內冷氣唔夠，又唔refill 水，湯麵個湯又唔熱.....我好少寫食評，但今次真係忍唔住。希望只是這間店的問題，不然，我真的不會再幫襯....😔😔😔

星期日晏咗起身，直接午餐，同朋友喺呢間餐廳食嘢吹水，點知中伏，牛油果蝦沙律，咬落去蝦不新鮮！！食咗一半就冇食，我朋友見到個樣都唔想食，所以佢完全冇食到。叫咗個青瓜牛柳粒,牛柳粒好似食緊（硬嘅香口膠），真心好難食！伏食咗個帶子菠菜意粉ok ！埋單，價錢同食物不成正比，心諗冇下次，之後同朋友周圍行吓，肚痛就嚟，返到屋企又屙又嘔，，最少屙咗8次，第日睇醫生，醫生話我腸胃炎！依家終於好啲，我可以得閒打食評！我覺得好唔抵，難食唔緊要，食到我腸胃炎好辛苦，餐廳叫我報食環，叫我去消委會投訴，叫我睇醫生，就係咁！餐廳不承認我的投訴，問我點樣證明係佢哋啲食物令到我腸胃炎，態度差，只是敷衍我，叫我睇醫生，所以大家揀菜式小心啲餐廳經理話已聯絡分區經理，，叫分區經理聯絡我，過咗几日都未有回音，我只好打食評！..

🤎Greyhound Café🤎正常午餐定價偏高，大約$120以上，所以我哋係食飽咗午餐之後先去呢間食甜品😍蛋糕賣相滿分💛味道都唔錯嘻嘻.❤️雜莓千層蛋糕Mixed Berries Crepe Cake ($58)蛋糕質感軟綿，雜莓嘅味道酸酸甜甜，食完成個cake 都唔會覺得甜到漏同膩💕.❤️抹茶千層蛋糕 蛋糕中間仲夾咗啲椰子，我覺得比起流心千層蛋糕嗰啲更加好食🤤比較有咬口🤣抹茶味唔算濃，仲有兩塊抹茶朱古力伴碟，都幾好食！

🥥椰子千層蛋糕🌿班蘭千層蛋糕💰78/each ⚡️泰國甜品除咗芒果糯米飯，仲可以試下椰子千層蛋糕🍰餅皮之間夾咗唔少椰子肉，口感清新又可口🥥⚡️班蘭千層蛋糕大大話話有成二十層，餅皮薄身、班蘭味幽香，食落甜而不膩，仲齒頰留香，兩件蛋糕份量都大，同閏蜜分享享受寫意嘅下午茶非常適合🍃

Good service when they are less busy. Ordered the ham and cheese grill, salmon carpaccio, pumpkin tofu salad, Thai milk tea. They have raised the price. Most of the dishes were $20-$30 more which was okay. They haven’t raised the price for around 2 years I think. The ham and cheese grill was fresh and crisp. Chips seemed to be less than before. Small portion size. The dressing for the carpaccio was more mild and less again. The salad was really nice and yum. First time I tried the Thai milk tea

食泰國菜唔一定要去九龍城，就算係專開設係各大商場（如IFC、時代廣場、海港城等）嘅Greyhound都食到既有傳統泰國風味，又夠新派嘅泰國菜。今次去又一城店，開設係商場環境十分舒適之餘，價錢又唔係特別貴。大蝦冬陰功湯河（$148）：呢個冬陰功食到湯河之餘，又可以飲埋碗湯，真係一個價錢兩種享受。口味濃郁，味道既酸且辣，又有香茅及檸檬葉香，非常惹味。河粉非常粗，同寬條麵差唔多咁闊，但非常幼滑唔痴牙。呢隻大頭蝦超級超級大隻，比一般果啲大兩三倍，蝦頭爆曬膏，非常鮮甜，蝦肉爽彈又夠鮮味，非常Impressive啖啖蟹肉黃咖喱虎蝦（$228）：虎蝦共有六隻，拆曬殼啖啖肉，蝦夠新鮮，蝦肉夠幼嫩，黃咖喱幾香幾惹味，仲有好多蟹肉。雖然+$28有印度薄餅，但食左個粉又唔夠食太多殿粉質，有啲曬左個咖喱。原條炸鱸魚配泰式芒果沙律（$288）：去西餐廳一塊鱸魚扒都收你$288，呢度$288原條炸鱸魚，仲配埋個小沙律，講唔上好平左比起黎都叫抵食嘅。鱸魚炸得非常酥香脆身，外層脆，內裡魚肉夠幼嫩滑身，又夠鮮甜，配魚露食又得，夾生菜配芒果沙律食又得，甜甜酸酸幾美味。龍眼冰（$52）：內含大量龍眼肉，果肉非常甜美及軟腍，

Greyhound好食就係人都知道，所以我都經常去食。今日就嚟到又一城呢一間，食個晏晝。我哋首先要左個泰式豬頸肉，佢有配麵包，沙嗲醬同埋酸辣醬，酸酸辣辣咁樣真係好開胃，且豬頸肉燒到外脆內軟，仲係好多汁，唔會食到好乾。喺火候方面需要掌握得好好先至做到。麵包點着沙嗲醬，再食豬頸肉，係一個非常之好嘅配搭。 然之後再叫咗一個煮蜆，日本清酒煮蜆就食得多，但係原來泰國煮蜆都係好好食，入邊充滿着泰國唔同嘅香料味道，同日本嘅有好大分別，不過都好好食，有一種好清新嘅感覺。跟住就係大頭蝦粉絲煲，一般我都係食鮮蝦粉絲煲，好少食大頭蝦，估唔到大頭蝦係咁好食，佢個頭充滿咗蝦膏，非常之濃郁嘅蝦味，撈埋落去粉絲上面食，非常之好食。而且佢嘅蝦肉都比較多，唔講以為食緊龍蝦添。然後我哋再叫咗個海鮮意粉，入面有鮮蝦，魷魚，蜆肉，蘑菇等等，呢度彩色落會比較辣，但係各種海鮮嘅鮮味同埋辣醬非常之配合得好好，而且因為佢嘅味道比較辣，所以唔會話食到好滯。最後我哋叫咗一個通菜，因為食得太多肉，所以要調劑一下，通菜都係好爽口。整體來講，每一道菜都非常之好食，一如以往咁推薦俾大家。

【 #美食解鄉愁】每當思鄉時，美食總能紓解點點鄉愁..... 唔經唔覺已經 2 年幾冇出過國，雖然唔可以親身再到 Siam Centre Greyhound 嘆fusion 泰菜，慶幸香港仲有分店可尋回泰國嘅味道。每次黎 Greyhound 都會必點 Salmon Carpaccio , 酸酸甜甜嘅泰式香草汁配上 smoke Salmon 超夾，愈食愈開胃醒神，即時喚醒沉睡中嘅味覺。Scallop Fettuccine 個source fresh 得黎又唔會太heavy, 仲好creamy 配埋我最愛嘅鮮嫩帶子 Yum ～炭燒泰式豬頸肉配香糯軟米飯，豬頸肉嫩滑有炭香點埋個經典泰汁味道再提升，配埋一口香軟籠仔蒸糯軟米飯，泰國陣味番曬黎。仲有看似平平無奇嘅船河，細呷一啖清徹鮮甜嘅牛骨湯頭，遊泰情景即湧上心頭。仲有兩杯充滿泰式風情嘅特飲，芒味濃郁嘅芒果沙冰同椰香四溢嘅椰奶沙冰，食左當去左嘅心情圓滿紓解。@GreyhoundCafeHK #GreyhoundCafeHK #ThaiFusion

食泰國嘢又想食單骨雞翼，不知不覺就會諗起依度，因為以前第一次食到單骨雞翼就係依度食，所以每次我黎食飯都會必點佢分店開得愈來愈多，想食都唔洗去好遠，附近就有間咁，去個晚係平日，所以walk-in都即刻有位唔洗等除左叫我至愛嘅招牌脆炸單骨雞翼，另外仲叫左沙嗲豬頸肉、脆炸粟米蟹肉餅配甜酸醬同泰式辣醬燒和牛配薑黃飯雞翼啱啱炸好就上枱，仲好熱辣辣，脆口惹味，唔會炸到乾哂柴，依個小食無可口非真係餐廳No.1，難怪我一直咁鍾意粟米蟹肉餅一碟有5件，每件都炸得酥脆可口，粉漿適中，好多粟米好足料，雖然蟹肉味並唔強烈，但點泰式甜辣醬加埋個口感，的確令人吸引沙嗲豬頸肉另外配左兩串脆多士粒同酸汁，豬頸肉本身味道較淡，點沙嗲汁食令味道加返少少分，脆多士粒同酸汁無乜特別，依道菜就令我唔太深刻了最後期待左成晚嘅泰式辣醬燒和牛配薑黃飯終於出場，和牛味道濃郁，肉質略帶點咬勁，如果生返少許就更好，牛肉份量都唔少，反而薑黃飯令我有感到驚喜，唔會太乾身帶少少濕度，粒粒分明又夠哂香濃，配左碗苦瓜湯，清而唔帶苦澀味，唔錯最後飲埋杯Fruity shaky yoghurt，果汁味道都幾出，沙冰口感，解膩又解渴

睇spider man之前係又一城搵地方食嘢 竟然見見到grey hound 有位 好耐無食過 以前最鍾意食佢個crepe cake Greyhound 不嬲都係食泰fusion, 叫左個冬陰功意大利雲吞 個湯味道係好既 酸酸地開胃 入邊仲有勁大隻蝦 雖然都知道係急凍蝦但蝦肉都係彈牙嘅 但雲吞得兩細粒份量偏小每餐都要食啲菜所以就叫咗軟殼蟹沙律配蜜糖芥末醬 個軟殼蟹係即炸 脆卜卜嘅 但沙律菜本色比我想像少得啲羅馬生菜最後再加一個紅咖喱鴨煲 出面好似比較少見到咖喱配鴨，味道都好食嘅，份量好足好多鴨肉，咖喱偏甜小辣，我本身怕食辣都食到，再用nann bread 點咖喱食，惹味～不過可以改善係嘢食好似普遍唔係好夠熱 湯同咖喱都唔算好熱如果熱辣辣會再好味啲

餐廳環境好舒適座位寬敞 木質餐枱加上聖誕佈置更添溫暖今次同男友兩個放工後近近地到又一城食個dinner估唔到星期四夜晚都禁旺場如果再去一定要預早book位喔～椰子沙冰$68椰子沙冰 味道清新甜而不膩 可解辣忌廉粟米湯$88預期中既味道 蒜蓉包正正常常忌廉粟米湯好濃郁有好多粟米蓉 好creamy價錢略貴泰式烤原隻魷魚🦑$148令人驚艷既一道 魷魚肥美口感嫩滑 腍身點埋酸辣汁食 一流蟹肉春卷$88蟹肉春卷比較細份 感覺好精緻 細細舊禁沾上酸辣醬汁好惹味中和返油膩感 包住生菜食加更正咖喱羊架配烤薄餅$248咖喱味道濃郁 薄餅熱辣辣脆卜卜 沾上咖喱醬味道非常之夾配料唔多 主角羊架有3舊肉質不錯 沒有羊羶味P.S.餐廳內侍應都好好服務 好殷勤經常過黎斟水 笑容加分

三文魚Salad 味道好特別，原本唔多食三文魚嘅我，試咗一啖，結果竟然食咗三片😅肉丸湯粉，肉丸爽口彈牙湯底好啱我所以忍唔住飲多幾啖☺️特別一提椰肉千層糕，有椰子香味、甜度適中真係好好味，下次一定會再食，仲有杯咖啡，侍應遞俾我嘅時候已聞到好香咖啡香味

餐廳主打新式泰菜，可惜裝潢靚食物質素就一般😖反而甜品真不錯👍🏻Mango Crepe Cake $78⋯⋯試吓無妨😃Coconut Crepe Cake $78最好食之蛋糕，內有椰子🥥粒超有咬口，長頸鹿🦒超可愛之餅乾薄脆，值得一試🤩Banana & Nutella Cheesecake $68無乜特別🙃Fresh Vietnam Rolls $88不太好吃，壞咗這道菜😞Chicken Wings $78⋯⋯簡單，正常味道；唔值！Thai Pop $88⋯⋯比較好食😋Crispy Corn $118⋯⋯味道一般，真心唔值Caesar Salad $98⋯⋯無唸過$98只有咁小😳😳😳Chicken Satay $98賣相ok, 味道😖無叫主食，只是坐得舒服地點就腳🙂