Green Waffle Diner (擺花街)

營業中

休息中

Green Waffle Diner係中環擺花街，街角位置，窗口位仲好舒服咁望到街，可以係開揚舒適既環境食早餐。keto waffle🤎呢個完全係滿足為食又想減肥既大家呀！Waffle雖然係Keto waffle，但都好有口感好香，軟軟地腍腍地，但邊位又脆，好正呀！配料既煙肉都好脆，蛋又煎得好香，牛油果都好煎香佐，全既調味都係岩岩好架！勁正勁好食，食完好飽好滿足，又唔怕會肥，爽！Ginger Caramel Latte💛呢杯拿鐵香濃得黎有啲辣辣地，但辣得黎又有肉桂既甜香，最後會飲到咖啡既香醇同埋牛奶既濃香，好有層次既味道，熱辣辣冬天飲就峇晒，飲完暖笠笠好舒服。

今日中午同朋友路過一間勁打卡feel 餐廳。裝修好歐式，勁大窗邊位，一路食住也，一邊望著來來往往車，輕輕鬆鬆咁渡過一日。睇menu 原來係主打健康餐，低糖低卡路里又無麩質美食我friend 選擇左個Low Carbs all day breakfasts。份量好大，牛油果好多，唔似其他breakfast 得幾件，而且熱香餅鬆軟入口軟淋。加上番茄煎過，無酸味反而帶出番茄甜又多汁。軟軟糯糯，勁好食。太陽蛋煎勁靚，底層煎金黃色帶有焦香，蛋黃依然可是生感覺，撈埋熱香餅食一流，增加熱香餅奶味。而我選自家製炸香脆牛油果，因為坊間好少有炸過牛油果，而且香脆牛油果是很酥脆,牛油果是蔬菜水果中最含豐富維生素的，維生素E是超級強的抗氧化物，能延緩衰老。靚靚女士因為。粒粒金黃色的牛油果肉,  外層包上薄薄的脆皮; 咬一口,  內層仍是creamy 得像蛋黃的果肉,  加上蛋黃醬更加惹味。配埋牛油果杏仁奶奶昔，奶昔清爽丝滑，濃醇奶香。還加入杏仁，食起來濃濃杏仁味。

原來中環擺花街都有Green Waffle Diner，正呀！今日收工食返餐窩夫先，原來星期五六開到凌晨3點。入面以橙色梳化同木製家具為主，亦有盆栽點綴。顧名思義，Green Waffle Diner主打不同口味窩夫，包括鹹甜口味。餐牌其實唔止窩夫，仲有全日早餐，同多款其他早餐，鑊仔薯粒，沙律小食，意粉，意大利飯，三文治及肉類，班戟。連無麩質、低碳水、無糖餐都有。飲品有咖啡或茶，果汁，鮮果沙冰特飲，奶昔，同酒類。晚市都有套餐。呢度過濾咖啡係可以無限添飲架。燒烤豬肋骨伴蕃薯條及沙律 $168 另加一呢個燒烤豬肋骨伴蕃薯條及沙律做緊大減價，即叫先。400g原價要$278，而家好抵食。燒烤豬肋骨果然係兩大份，一共有9支骨。豬肋骨係慢煮，好淋，一切就開，好易食，醬汁係自家製BBQ汁，味道都唔錯，唔會過鹹。伴有香脆有口感蕃薯條，點埋枱上面既茄汁超正。沙律係少少沙律菜同車厘茄。紐西蘭草飼牛肉粒薯粒鑊仔 $188 另加一薯粒鑊仔其他地方唔見有得食，今次就試試先。紐西蘭草飼牛肉粒薯粒鑊仔成個鑊熱辣辣上枱，聽到唧唧聲，出哂煙。牛肉粒好多吓，味道都唔錯，要早d撈起，如果唔係會過熟。薯仔粒細細粒，好好食，啖

Green Waffle Diner (擺花街) (中環)之前食過銅鑼灣分店，今次去開中環發現擺花街都開左分店～而且中環鋪星期五、六營業時間係去到凌晨3am～ 今次小編同男朋友黎食晚餐🥰☘️六安士三文魚扒配自家製薯蓉及沙律 $168三文魚煎到外皮焦香脆身，薯蓉好滑～☘️Dinner Special $248/ 5 courses呢個價錢包晒前菜、伴碟、主菜、甜品、飲品，只係200幾蚊，好抵喔😍前菜揀左沙律🥗，酸酸甜甜好開胃～伴碟就揀左有皮薯條，係新鮮即炸，而且醬汁係放晒係每一枱，可以自行加茄汁🥫好方便～主菜揀左龍蝦尾蕃茄乾扁意粉🍝，麵條軟硬度適中，充滿蕃茄🍅香味～ 龍蝦🦞尾啖啖肉，調味唔會太重手～甜品係士多啤梨🍓大黃醬窩夫🧇配自選雪糕，小編揀左朱古力🍫口味😍 Waffle真係整到外脆內軟，可以唔洗加糖漿，朱古力味雪糕好香濃，好滿足❤️飲品就加左$28 有一杯白酒～埋單時店員話消費夠$680 就可以申請做vip ～申請完下次黎消費就有9折優惠同埋有得儲分😍d分會換返其他獎品～等小編下次黎下佢地個早餐set 先，餐廳既過濾咖啡係可以無限添飲😋 可以一邊傾計一邊慢慢嘆咖啡☕️🥰*需加一服務費地址：中

Green Waffle Diner中環擺花街43號地舖G/F, 43 Lyndhurst Terrace, Central第一間Green Waffle Diner係中環只是一間很小的舖位, 轉了新LOCATION, 地方大了又光猛左, 今日來飲COFFEE 食份早餐先。BREAKFAST 都離不開是SANDWISH 及店架SIGNATURE WAFFLE,星期日來到點了份早餐，$118 egg omelette ,可自選3個食材,要了cheese ，bacon , green pepper 缺點價錢比較進取，沒有set 不包drink , 散點下來一個人都要$200 。

Happy weekend 😌約咗朋友去食我最愛嘅Green Waffle Diner😇炸雞腿窩夫早餐✨呢度嘅炸雞窩夫真係有一種魅力令人念念不忘🤤炸雞腿黎講真係好巨大👀大大隻嘅雞腿表面嘅雞皮同粉漿，炸到薯片咁脆🥰入邊嘅雞肉夠晒嫩滑，一咬開仲有肉汁！調味方面有種特別嘅香料味道，但唔係古怪味，反而幾惹味☺️至於個窩夫依舊大大份🤓焗到外脆內軟，蛋味濃厚🤩最開心嘅係有一支楓糖漿可以放題咁到落去🤣窩夫配楓糖漿呢個配搭真係無得輸❣️朋友揀咗新鮮沙律做配，而我嗰份就揀咗炸薯粒！芝士焗肉醬薯條✨呢份肉醬薯條超有誠意💓芝士都有兩款，有濃味嘅黃色芝士同可以拉絲白色芝士😜肉醬好似食極都仲有咁😆而且肉味都好濃！薯條係連薯仔皮嘅，所以薯仔味超重！Green Waffle Diner (擺花街) (中環)中環擺花街43號地舖

同朋友一齊入到去坐低😋第一眼見d醬汁調味料都好齊全😋好好彩坐個位置可以望到出面好開揚😂我地真係比較鍾意食甜，先評下兩碟菜式先 😋《keto waffle》呢個配搭係出面都未見過，太特別所以試，真係好好食，牛油果真係好新鮮，個蛋同餅一齊食 good! 呢個下次可以再叫 ～《勁量早餐 Lumberjacks Breakfast》呢個超正！窩夫🧇鬆脆好有口感，腸仔有特式，太陽蛋好好味，我就係太陽蛋同多士一齊食，下次會再食～《Ginger Caramel Latte》平時我對咖啡都有要求，本身都擔心驚唔好飲，點知又真係有驚喜 😍 係非常好飲，味道濃醇，奶味重，成杯飲曬～甜度適中/份量足夠/環境舒服/食物可打卡 飲品評分🍸🍸🍸🍸🍸價錢合理💶💶💶💶💶菜式評分🧇🧇🧇🧇🧇

呢間係中環擺花街既分店好大間，環境好開揚，有好多唔同食物，一部份主打健康為主，岩晒我呢啲想減肥又為食既女仔🤣我就率先試佐呢度既Low Carbs all day breakfasts，超級超級吸引同豐富，我最中意食佢地既pancake，好軟軟鬆軟，口感好好，又夠晒香，超好食🥰煙三文魚都好香，幾肥美，配埋橄欖一齊食更有層次既味道，仲有我另一最愛大啡菇都好新鮮好正，微微烤焦既大啡菇好香好濃味😙而牛油果同煎蛋都好好食，全部都好夠味。呢份早餐會係low crabs係因為只有pancake係無咁健康，其他都係牛油果啲，好健康但又好夠飽，超級好食！呢度另外既勁量早餐 Lumberjacks Breakfast都好豐富，呢個真係肥仔早餐黎，又有waffle又有多士，豐富到爆呀！

今日中午時間黎到呢間Green Waffle Diner，呢度採用白色為主調既裝修，好舒服好輕鬆。燒烤豬肋骨伴蕃薯條及沙律呢度既豬肋骨好大份，燒得好焦香，香嫩既豬肉好好食，點埋燒汁好濃味好香口，蕃薯條又夠健康，無薯條咁肥，都炸得好脆，沙律又夠fresh，成份都好好食！卡津雞肉迷你薯粒鑊仔雞肉好香好嫩，唔會鞋口，有唔同蔬菜配合，加上一隻流心蛋，焗到好香，將隻蛋篤穿撈勻所有材料一齊食口感好好，薯條粒又夠晒腍身，香噴噴超正呀！蘋果醋粉紅鹽蘇打一杯好健康既飲品，薄荷葉令成杯飲品更fresh，蘋果醋唔會太酸，有少少甜，粉紅鹽就令到有啲咸味，加埋有氣既梳打，好爽！咖啡咖啡好香濃好醇厚，好靚既咖啡豆沖出黎既咖啡，好似享受！

今日嚟到Green Waffle Diner位於中環分店食飯，其實餐廳都開咗好多年，近年來不斷擴展，越來越多分店。烤豬仔骨豬仔骨都幾大條，一共有兩份，豬仔骨經過燒烤醬調味之後，煮得好入味。肉質方面，豬肉入口非常之柔軟，脂肪比例啱啱好，入口有少少油香味。焗肉醬鑊仔意粉呢個意粉嘅份量都幾大，加上由於係用鑊仔上菜，溫度仲保持得非常之好。肉醬都幾足料，入口有口感，成個意粉都有少少鑊氣添。原味窩夫呢個窩夫都幾大份，焗得都算香脆，牛油香味都幾突出。整體來講，我覺得今餐嘅質素都唔錯，價錢都幾合理。📍Green Waffle Diner (擺花街) (中環)中環擺花街43號地舖#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfood#hkkol#fotd#hkfoodporn#amazing#相機食先#香港#吃貨#photo

我同同學做完功課之後，唔知食咩好。冬天我想食芝士，同學就想輕食。行吓行吓經過呢一度！估唔到呢度嘅選擇咁多，有素食餐和生酮飲食，甚至乎無麩質餐都有。啱曬唔同人需要，餐廳仲主張少鹽少糖。。 所以我哋就決定入去啦未入去之前，我哋已經喺出面係咁擺post影相post上ig，佢㗎外牆設計好特別，好矚目，呢個係另一個原因我哋被吸引入去... 😀美式勁厚車打芝士鑊仔通心粉 Mac Cheese SkilletBut 第一匙已經不得了，熔岩般嘅芝士，一提起巳經有無數拉絲， 食一啖已經比芝士汁漿住成個嘴👍👍👍對於芝士控嘅我，很滿足💗💗💗～果然係“勁厚”芝士🤩🤩🤩 表面重仲審灑咗啲脆脆煙肉粒來增加鹹香及口感， 我比佢100分👍👍👍👍 😀keto waffle窩夫外表微微脆，內面很鬆軟，Meet開半帶煙韌。有雙太陽蛋， 砌得好靚嘅半個牛油果，一小塊檸檬作為調味，又有蕃茄仔同埋煙肉。 對輕食者來說，呢個份量及營養配搭就巳足夠

男朋友話搵左間餐廳帶我去食🙈 佢話知我實中意喎😂 覺得有鬼，不過佢今次又真係冇帶錯我來，環境唔錯，有得打卡，又食得開心嘅餐廳🥰 叫左兩份一人一碟，又可以大家互相試下，佢叫左個 “美式勁厚車打芝士鑊仔通心粉 Mac Cheese Skillet”，一來見到芝士多到笑😍 通心粉真係啖啖芝士，啖啖滿足😆 另外我就叫左個 “自家醃製鹹牛肉羅賓三文治”，鹹牛肉大大份都唔客氣㗎喎😂食落都好好味，自家醃製真係幾有誠意😋好味指數： 👍🏻👍🏻👍🏻👍🏻👍🏻 抵食指數： 👍🏻👍🏻👍🏻👍🏻👍🏻 衛生程度： 👍🏻👍🏻👍🏻👍🏻👍🏻 服務質素： 👍🏻👍🏻👍🏻👍🏻👍🏻

Green waffle 係一間係中環黎講都幾出名同價錢合理既餐廳，而且主打健康！有一排早餐都好鐘意係呢到買🫶🏻 今次收工黎左食下午茶餐，主要都係想食好耐無食既煙肉牛油果多士，牛油果真係好新鮮好夠味，入口即融。煙肉雖然小油膩，但好香！而且好夠飽跟餐附送左一個蕃茄蔬菜湯，係真係原隻蕃茄打溶的，滿滿的抗氧化物，係落雨又涷既日子呢個湯簡直是恩物。仲有附送左檸檬茶都係非常之好味的😋下午茶餐黎講係真係好抵食呀👍

附近返工行過剛巧見到一間環境唔錯！有西餐又有甜品，整體感覺都幾好！入到門口職員有禮貌！態度好！ ☺️☺️☺️☺️☺️☺️環境清潔做得好足，好乾淨，而且位子都坐得舒服，絕對唔係趕人走果種煙三文魚煎蛋配自家製薯餅個煎蛋好食！薯餅好好食好有薯仔味，煙三文魚好香😍😍Espresso Martini咖啡馬丁尼好好飲，平時飲開咖啡我覺得好飲，高級咖啡豆味道，醒神！ 好用心做，唔係馬虎！ 新鮮紫蘇蕃茄湯配多士非常要介紹蕃茄湯，濃濃蕃茄味！多士脆卜卜我加埋湯一齊食，好有滿足感阿！ 😍😍😍😍😍😍😍😍嘗味指數😋😋😋😋😋價錢親民😋😋😋😋😋員工服務😋😋😋😋😋環境衛生😋😋😋😋😋

今日來到中環擺花街嘅green waffle之前元朗有分店㗎，但係冇咗喺中環見到佢好開心 佢嘅西餐幾好食首先呢個黑松露意大利飯飯粒口感剛剛好好 黑松露味唔會太濃唔會太淡另外呢個鑊仔芝士通粉超好食芝士勁多味道勁濃郁 芝士控必須試細細粒嘅煙肉粒帶有鹹香又不會膩當然要試佢哋主打甜品waffle即叫即做的 仲有movenpick雪糕揀所有材料都好新鮮 pancake可以揀冇麵粉製作啱晒減肥，或者生酮嘅朋友另外，仲有小朋友套餐 感覺好貼心