Great Food Hall

營業中

休息中

行開太古坊the great睇下d小食, 行到倦倦地坐底飲杯啡, 同朋友食一個遲來的下午茶. Order 左帶子三文魚菠菜麵, 菠菜麵似乎煮得未夠時間, 好硬身, 帶子過鞋口, 三文魚幾好, 用左好多牛油, 唔多討好, 不過都幾大碟, 要2個人share 先食得晒.咖啡list 上都幾多咖啡種類, 可惜落單時有一半都無得選擇, 只可叫traditional style coffee, 同朋友叫左cafe latte 同cuppuccino, 可惜都係唔多欣賞.服務唔多有禮貌~

玉桂味唔重, 提子份量ok, 成個bagel 都好唔錯呀, 如果咬口勁d我重鍾意呀~

今日買左mini blueberry tart 同mini strawberry tart, 賣相精緻, 生果新鮮批底鬆化好好味!兩啖食晒,嘻嘻~ 不過$6一件都幾貴

我見件件餅都咁靚,真係唔知點揀,因為件件都想試,但係件件都咁貴…終於,揀左praline cheesecake,主要係俾佢既”色水”吸引左,見佢好多咖啡色,我以為味道會好”朱古力”(我喜歡朱古力味),點知…芝士味唔濃,好甜,反而合桃味好重,由於我個人唔係咁鍾意食合桃,所以略嫌合桃味太多,或者合桃fans會鍾意既!

放緊暑假既我, cathie講得o岩呀~ 哈哈! 我真係成日去左搵食~今日去左金鍾, 就係為左去great...好白痴吧...買左唔同種類既酥餅~其實冇邊個特別好食定唔好食~我個人推介既就有榛子卷, 如果熱食可能好食d~重有佢既朱古力酥都唔錯~ sweet sweet~^^個人覺得佢既鹹既酥餅冇咁好食~另外重買左好多有機既麵包, 好似有機麥包, 有機合桃提子包同有機麵包~個個都硬到牙到崩~我可能有d變態, 我就係好愛硬到死既包包, 所以我覺得好好食呀~尤其係有機合桃提子包, 有好多好多合桃同提子, 多過A-1既好多呀~

綠茶紅豆包- 個包上面好多油...個包皮係啡色的, 裡面先係綠色, 冇咩綠茶味, 個紅豆蓉好正, 又有d紅豆食下raisin scone - 係正方形的, 好有牛油香, 正!chocolate scone - 上面好多糖霜, 好正, 不過個口感似食好硬既brownie多過scone

to bobo,我覺得cathie冇問題喎!! 就算係refreshment都屬於o個間食店供應架嘛!! 點解唔可以comment呢??

Would you please group your comments to reduce the food comments under the same restaurant?Just like today, you bought a mini paetries for "refreshment", and then a scone. It is already your second one and the third one about the scone will follow, and if you share it with your mom, there will even be a fourth one!And you can group your comments to them by grouping both instead of posting them one by one, and please!NO NEED TO REPLY! IT WILL SIMPLY CREATE ANOTHER COMMENT FROM YOU!!

以前我都食過佢o既muffins, 主要原因係佢地有d特別o既flavour. 試過oreo muffin, 除左面頭有oreo碎外,覺得無乜特別. 而且同意之前o既食評話,唔係好鍾意個muffin o既質感,油左d.

買左個mini o既蛋糕refresh下. 要左個raspberry white chocolate mousse. $8.5, 唔係話真係好mini, 有regular size o既一半,所以都okay抵.不過食落d mousse無white chocolate味,同埋有一個最大o既致命傷,就係佢有椰絲(我好憎). 所以覺得唔好食.p.s. 今日佢個raisin scone好大個($5.8一個),好多人都買,所以唔執輸,即刻買左個.

今日經過呢度買左個double chocolate muffin,同埋一個cheese bun,個muffin8蚊sale幾底..所以試下,面頭好脆,但係入面太濕同埋好碎,係碎到一摵就會散晒果種....而且無乜chocolate,都係文華同mrs.fields既muffin好味d..貴d都值~~

近年來food court的質數不可忽視,pacific plaze, festival walk...質數,清潔衛生都不錯的食堂...遠較以前的好....不妨一試,...仲有選擇都幾多...幾好架...

終於試左佢o既cheesecake啦!買左佢個praline cheesecake, 因為俾佢o個成1cm厚o既朱古力餅底吸引左.食完之後,覺得個cheesecake俾個餅底搶左風頭. 芝士味較淡. 不過個餅底真係唔錯,cheese同個餅中間仲有一層甜o既合桃,豐富口感.$23,好大個,都幾抵!

試左佢地個mushroom puff, $8一個, 焗番熱食, 好好味!

好鍾意行Great裏面個bakery, 麵包係歐陸式岩我口味,其中sundried tomato foccacia, ciabatta, fitty square,cinnamon raisin bagel,比較少有既organic sourdough 同埋mini 餐包仔如corn roll, laugen roll都係我既心水選擇. 餅櫃裏面啲cake賣相都好掂, 買過$6既mini strawberry tart幾好味, 幾款danish都唔錯, 價錢當然唔平但好似都唔及IFC citysuper既little mermaid, 我就prefer呢度多啲啦. 另外值得一提既係supermarket有個鮮榨果汁counter係幾有水準的,有次我想買士多啤梨汁佢未有,同個阿姐講佢好好人即刻榨比我,我見佢係用平時賣成百蚊盒大大粒既新鮮士多啤梨榨, 冇溝水好足料下,大支$20細支$15, 比起買雪櫃嗰啲唔係即榨又稀仲要賣廿幾蚊既果汁抵好多