Gram Cafe & Pancakes

營業中

休息中

聽聞Gram cafe & pancakes係日本超人氣班戟店🔥鐘意食pancake嘅我梗係唔會錯過啦‼️😆依家唔洗飛日本都可以食到，同fd行過尖沙咀The One決定就去試下啦😋🍓清酒士多啤梨火山流漿班戟🥞我哋叫咗每日限量供應嘅清酒士多啤梨火山流漿班戟，除咗賣相精緻之外，仲非常好玩㗎‼️😆上碟嘅時候係用膠邊封住，除咗膠邊之後，流漿嘅士多啤梨醬就會流曬出嚟😱士多啤梨會啱啱好跌落pancake中間位，仲有好靚花紋，超級正😍粉紅色嘅士多啤梨班戟🍓少女心💕爆棚嘅我真係忍唔住影多幾張相呀😘食落有啖啖嘅清酒味，仲以為酒精味嘅pancake會唔夾。原來清酒同士多啤梨讓我哋有意外嘅驚喜🤩啖啖嘅清酒回味著清甜嘅士多啤梨，仲有濃郁嘅吉士醬，回味無窮！😋☕意大利芝士蛋糕班戟🥞有三層pancake，三層班戟上面都鋪滿提拉米蘇粉，好似蛋糕咁🥞賣相非常吸引！❤️每一啖pancake帶有咖啡嘅味道☕仲可以食到提拉米蘇嘅味道，pancake口感厚實，一層一層嘅口感好正😍裡面有超多吉士內餡，非常香濃綿滑🤗甜度啱啱好，口感非常豐富，有層次感😋🍑蜜桃沙冰🍧蜜桃沙冰入口瞬間立即感受到蜜桃嘅酸甜，仲有啖啖清香蜜桃味🥰☕特濃咖啡沙冰

早鳥優惠把晚飯時間提早了！ 時間尚早便找個舒適一點的 Cafe 又要靠近地鐵便挑選了 Gram cafe & Pancake ～ 位於港鐵尖沙咀B出口 The One 4樓，地方開揚，約可容納50人環境柔和之中還添加了綠色植物，讓人有種Peaceful 感覺。Tiramisu HKD 118 有著「帶我走」意思😍 每層都以Pancake 🥞 相間，並夾著朱古力、濃厚芝士、咖啡等材料，而面層灑了很多的可可粉。好美味！ 餐廳基本防疫有做如量體溫，檯與檯距離，正確地帶上口罩

今日返工比老細鬧得好慘，所以決定去尖沙咀行吓街買下野買咗兩對鞋順便喺The One嗰度食個甜品氹吓自己，聽講這間甜品店是網紅，果然這間餐廳的pancake色香味俱全，一層一層熱辣辣的班cake出爐再加上有鮮果在上面，我要的是朱古力雜果班cake，朱古力與鮮果一酸一田撞得配合得很好，味道很夾很有化學作用，下次還會繼續去。除此之外這裏的裝修也很有風格，見到一個像人一樣大的班cake作為招徠，很適合一家大細及小朋友來這裏品嚐甜品。

Gram Cafe & Pancakes - Takeaway 自從試過了Gram Cafe 的Pancake 外賣後，味道媲美堂食的水準，改變了我吃Pancake的習慣，不用約朋友也可以外賣回家獨獨樂。Rocky Street pancake 朱古力石板街口味，頂部有棉花糖、合桃和朱古力碎，還有朱古力醬，三層特濃朱古力味班戟，夾著忌廉和吉士醬，超幸福。Tiramisu pancake 提拉米蘇口味，頂部有可可粉、朱古力碎和朱古力片，新鮮士多啤梨和藍莓，中間是有咖啡酒味的班戟，頂部和底部是原味班戟，滿滿意大利芝士蛋糕的味道。

烤蘋果配紅茶忌廉班㦸：賣相得體之外，烤蘋果味道香氣四溢。這份甜品非常豐富，足夠二人分享。整碟甜品包含三塊班㦸，班㦸略帶點鹹味，其實配搭任何東西都好味。四片烤蘋果經烤製之後更提升了蘋果的甜度和香味。雲呢拿雪糕，比較重雲呢拿香味。紅茶忌廉，忌廉顏色特別，啖啖紅茶香。蘋果粒醬甜中帶微酸，極為開胃的配料。忌廉極之香滑，最為配合班戟。各種材料整合一起出色，美味！意大利芝士蛋糕班㦸：這道甜品一定是Tiramisu控首選。賣相與千層蛋糕極為相似，從上以下可見，朱古力片、吉士醬、芝士蛋糕班㦸、吉士醬、芝士蛋糕班㦸、吉士醬、芝士蛋糕班㦸。班㦸外圍還加上朱古力片和煉奶醬，除了為tiramisu 味加上更多甜度外，令賣相更加精緻。聽說班㦸甜品店從日本進駐香港，今天一睹一嚐甜品店的實力，果然名不虛傳！加上環境佈置美觀，座位舒適。是相約三五知己談心吃甜品的好地方！

一行二人 黎到尖沙咀食pancake 女人麻 甜品可以當晚餐Gram cafe and pancakes 位於The one 4/F餐廳屬於半開放式 座位尚算鬆動望住餐牌 發現原來都好多選擇意大利芝士蛋糕班戟$118三層滲有咖啡味班戟加吉士賣相靚 班戟中等鬆軟 厚身吉士屬於滑滑 入口有濃濃咖啡味滿足雜果朱古力班戟$108鮮果鋪滿班戟面 班戟薄薄的食到香香牛油味 加入醬食 會加添點點甜味平衡感好總括嚟講 餐廳環境好適合用作談心之如又可以滿足想食日本班戟既心情究竟。。幾時可以去日本旅行呀？！

過江龍pancake專門店 🥞🥞呢間前段時間真係非常之多人 ， 日日排晒長龍 ，今次趁中午有時間買返個外賣返屋企慢慢嘆 烤蘋果配紅茶忌廉班戟🍎🍎呢款蛋糕層次好分明 🤓🤓 共有6層甘高 😆其中三層為pancake 🥞🥞 Pancake好鬆軟 凍凍地食 好似蛋糕咁 兩層分為吉士醬 同 紅茶忌廉 ☕️ 個紅茶忌廉食落去有啲似伯爵茶嘅味道 😌啖啖地 配埋蘋果酸酸地一齊食解晒啲油膩感 ！！主角就係蘋果啦 🍎🍎上面有滿滿嘅烤蘋果 酸甜酸甜十分之開胃小妹就覺得有啲酸 不過朋友十分喜歡 💕石板街班戟呢款濃濃嘅朱古力味啱晒我 三層朱古力班戟🍫 外再加頂層三重朱古力 有朱古力碎 ，朱古力醬 朱古力粉 濃濃嘅朱古力味吸引到我食過不停 最搞笑係有一條 芫荽🤣🤣 味道好芫 。。

番工前同fd去Gram食個甜品先🥰即時甜入心😋番工心情靚曬🥰Gram既pancake真係好正，飯後甜品或者就咁去tea都係唔錯既選擇啊小明為食餐單: 石板街班戟🥞 $118濃郁朱古力味既班戟再加上夾上滑滑既cream，仲有d小綿花糖，好好味啊😋加埋有d朱古力醬，正啊焦糖香蕉班戟🥞 $98香蕉切開面頭配上脆脆焦糖，香蕉既香味配焦糖，好正😝再淋上附上既糖漿落班戟，班戟好軟熟🤤仲有粒粒合桃添😍

今次係第二次嚟呢一間餐廳食pancake，估唔到今次可以試到刨冰， 9:30嚟到都要喺門口排咗一陣隊。叫咗一個蜜瓜刨冰，略嫌餐廳廚房刮嗰啲肉刮得唔係好乾淨，成個蜜瓜入面都一忽忽，睇得出係馬虎同埋粗疏嘅。味道一般，蜜瓜唔算好甜，下面係一啲類似雪糕咁嘅嘢，味道偏甜。紫薯Pancake， pancake做到入面濕潤，味道特別，都幾好味，唔算太甜，啲汁都幾香嘅。因為每人都有一個最低消費，所以要嗌多杯嘢飲，個咖啡冰就麻麻哋啦，唔係好香咖啡味，淡而無味咁樣。今次黎既感覺就不過不失啦，又唔係真係勁好味嘅，間唔中想食下日本pancake可以嚟呢度試吓。

鐘意食pancake ge我當然唔會錯過依間！本身想食佢最出名嘅招牌梳乎厘班戟，但指定時間先有仲要得20份，下次要睇準時間黎先得。不過其他款都好好食！雜果朱古力班戟（$108），好多好甜嘅生果，有橙、藍莓、草莓、奇異果。有朱古力醬再加煉奶醬，仲有個淡忌廉，加埋一齊食甜度岩岩好，薄嘅班戟雖然唔係鬆軟果種，但就好香蛋味！石板街班戟（$118），朱古力味超濃郁而且每層班戟中間除咗有忌廉同吉士仲放埋杏仁粒係入面，令口感豐富咗好多。其他口味嘅班戟都好出色，黎到真係食到勁滿足！

<GRAM> 係日本人氣響噹噹，每次旅行都係必食既排隊長龍店，黎到香港當然都係一樣，仲要大半年有多都無得返“鄉下”，想食又唔想排就可以考慮下外賣pancake，有好多款mini pancake 可以揀，眼睇以為mini pancake好細件，所以一人order一個...點知食到勁飽!石板街朱古力~2層pancake 同朱古力味蛋糕互相相隔，頂層鋪左合桃/棉花糖，仲有士多啤梨做點綴，賣相好靚，完全唔捨得切落去Tiramisu ~ 同樣有2層pancake, 賣相同樣精美，tiramisu 個味夠濃郁，中間夾左滿滿custard, custard既甜中和tiramisu 咖啡既苦味，非常之夾!如果下次掛住日本，掛住pancake...又多人排隊既話，外賣mini pancake係盛意之作! 包裝得好好架!

自從香港引入咗疏乎厘pancake之後，其實一直都想試，不過一直都未有機會，今日放工約咗個friend食飯，不過嗰間餐廳伏伏地，我哋兩個都只係食到半飽，於是就諗起可以去Gram食個疏乎厘pancake。款式主要都係以甜品為主，選擇多，又有期間限定，每一款都令我哋覺得心動。食甜品總覺得有啲生果陪襯吓感覺好似健康啲，所以就揀咗雜果朱古力班戟，上面有香橙、藍莓、士多啤梨同埋奇異果，pancake有三件，再配埋啲忌廉、朱古力醬同吉士醬，好味又唔太甜。另外就叫咗個每日限量供應嘅清酒士多啤梨火山流漿班戟，上碟嘅時間係用膠邊包好。然後當移除咗膠邊嘅時候，頂層嘅士多啤梨清酒流漿就會徐徐卸下，流到pancake嘅周邊。切開就發現疏乎厘pancake之間充滿咗吉士醬，口感層次相當豐富。食個甜品當堂開心返晒！餐廳門外仲有個甜品櫃display，原來佢哋有專屬嘅外賣Menu，下次有機會再經過呢度，就可以買返屋企同家人分享。

👧🏻😋👅🍽✨-✨店員好清楚唔同款既特色，有介紹返俾我地 🤓✨斟水好積極 👍🏻 係咁會留意住我地飲晒未🤣 可以慢慢坐傾下計-💟🥔🥞 紫薯火山流漿班戟 $108✨睇住佢爆漿勁治癒😍✨粉紫色少女心都爆發埋✨上下兩層凍班戟實淨唔pou但又好鬆化✨topping仲有啲棉花糖粒甜甜的～✨中間有層紫薯蓉食到有薯粒口感更豐富有層次-🍰☕️🥞 意大利芝士蛋糕班戟 $118✨好重咖啡味就咁食吓色果層仲有啲甘 ✨但白色果層夠甜，一齊食就岩岩好中和左 🙌🏻-#gram #cafe #pancakes #尖沙咀美食 #尖沙咀好西 #hkfoodie #tgead西式 #tgead甜品

主打pancake既gram之前係日本已經食過,佢既premium pancake更加係限時限量供應,今次去錯過左佢既出爐時間無得食,下次要再去食😋意大利芝士蛋糕班戟($118)Pancake既質感吾係空氣感個隻,質感好厚好紥實,pancake淋上滿滿既可可粉,不過咖啡味比朱古力味重,pancake中間夾住層好厚既吉士醬,但因為有咖啡味既苦澀,食落去吾會太甜膩,中間既cream cheese口感幼滑,感覺好似食蛋糕咁焦糖香蕉班戟($98)Pancake口感軟綿,香蕉上既焦糖脆片好香脆,外脆內軟,味道濃郁,仲配上糖漿,可以跟番自己既個人喜好控制甜度☺️

咁岩同朋友食完飯想搵個地方坐下經過尖沙咀行過呢間見pancake咁岩仲有5分鐘出爐咁就入去試下啦$138一份每人一定要叫一樣野 全低一陣 staff幫我地留左一份 落左野飲D 人都算幾有禮貌 做野都唔錯見有其他新客一坐低都即刻拎水去serve 等咗一陣pancake就黎啦首先個樣就...個面好多泡泡 但日本就係好平滑食落去個質感就當然同日本既唔太一樣不過不失咁囉但$138就唔係太值食過一次就夠同埋其實唔使落個糖漿都夠晒甜