Gram Cafe & Pancakes

營業中

休息中

放工經過同朋友行The one見到依間Gram Cafe見又唔係好肚餓想食啲甜嘢就入咗去試吓，日本pancake 🇯🇵 果然冇令我失望😆🔎 焦糖香蕉班戟 Caramelize Banana Pancake 🍌 🥞 $98焦糖個脆皮整得啱啱好唔會太甜，配埋班戟同埋佢個吉士醬，三者個比例啱啱好，份量都好足夠，另外上面嗰班戟係鹹，但係配左個甜嘅蜜糖糖漿，再加埋啲核桃碎，識落個層次口感好豐富😋😋🔎 雜果朱古力班戟 Mixed Fruit & Chocolate Pancake 🍫🥞 $108呢個班戟有唔同水果（士多啤梨🍓、香橙🍊、奇異果🥝同埋藍莓🫐），再加埋個朱古力醬，Gram嘅Cream 真係算唔錯，又唔會太肥膩，啱晒鐘意打卡嘅朋友😙平時係尖咀行街行到攰都可以黎同朋友坐得食個pancake 飲杯野抖下傾下計🙃 打卡之選🇯🇵-📍 Gram cafe & pancakes (尖沙咀)尖沙咀彌敦道100號The ONE 4樓L408舖

餐廳入面有一張圓枱中間有棵樹，畀人打卡用，都幾得意。焦糖香蕉班戟$98班㦸口感厚實，唔會鬆泡泡好似食棉花糖咁，味道係鹹鹹哋，撒上糖霜，淋上香甜嘅楓糖漿嚟食，鹹甜碰撞，出奇地夾。香蕉表面有一層薄脆香甜嘅焦糖，分唔到係糖定係香蕉嘅甜味。仲有一大pat軟滑嘅cream同粒粒脆嘅核桃，豐富咗口感。雜果朱古力班㦸$108有士多啤梨、奇異果、香橙同藍莓，顔色豐富，味道都好fresh，糖霜、朱古力醬同軟滑嘅cream中和咗水果嘅酸味。

每次行街經過尖沙咀The One呢間日式Pancake, 門口食物嘅款式都好吸睛。今日食完飯過嚟High Tea, 揀咗兩款唔同款式嚟試下，果然無失望。「雜果朱古力Pancake」實物同圖中看到，一樣咁大份量，顏色好sharp, 有齊多種新鮮生果，好甜好fresh。Pancake口感鬆軟，好香蛋味，沾上旁邊忌廉同鮮果一齊食，味道同口感都好豐富。「Tiramisu蛋糕班戟」三層厚厚的，似迷你生日蛋糕嘅Size, 中間夾著兩層好Creamy嘅忌廉，充滿啖啖酒嘅香味。面層插上朱古力脆片，滿佈著朱古力粉，味道香濃。

我係pancake熱愛者，去親日本都為食嘅Gram pancake，疫情之下去唔到日本，就想去尖沙咀The One嘅分店感受下🥲發現原來Gram推出左一啲迷你pancake蛋糕仔，每個$68😯算好抵啵！選擇左兩個口味😋⭐️青森蘋果🍎🍏⭐️石板街🍫呢一款細細個嘅熱香餅甜品估唔到口感好豐富，因為佢入邊嘅材料好足好多，而且忌廉唔會好油膩感覺，而係厚厚香濃嘅奶油吉士醬，食落係好濃郁嘅蛋香，而且夾埋本身Gram嘅熱香餅，質感覺得好新奇😋而且覺得我好值得一試，絕對覺得生日可以買👍兩個人食都好足夠

Gram cafe & pancakes日本過江龍～ 人氣pancake @grampancakeshongkong 行完街好肚餓想食個afternoon tea見到呢間醒起未試過.焦糖香蕉班戟 $98係Openrice熱門菜式第一名就叫呢個啦pancake係薄嘅 好香蛋味cream唔會太甜 啱啱好香蕉嘅熟度亦perfect 合桃唔會苦澀.分數: 8/10.📍尖沙咀彌敦道100號The ONE 4樓L408舖

之前淨係係日本食過，香港開左終於可以食下啦。6點幾黎到，冇咩人! 終於唔洗排長龍，我地叫左個焦糖香蕉pancake ，焦糖香蕉上面個層焦糖香脆，唔會燒到過火而苦，另外配有楓糖漿自己落，Pancake有3塊，食落口感好SOFT ! 好香蛋味。側邊既cream都好滑，一啖pancake 一啖CREAM 好幸福，而且仲有配有合桃，食落口感再豐富D。另外，都叫左個雜果朱古力Pancake ， 好多水果，有士多啤梨，藍莓，奇異果等等，全部都淋曬朱古力醬架，賣相都好好睇! 見到呢到都有咸既pancake，下次Encore再黎食!

叫左石板街pancake 好難食 冇下次M記熱香餅好食好多囉叫個女侍應俾杯水我，叫左三次先記得！憑咩收service charge🙄仲要全場得兩三枱客。下次去返幸福pancake算啦

自從呢間日本大阪班戟名店落戶香港之後成日都會出現人龍難得平日經過終於唔使排隊緊係坐低試吓焦糖香蕉班戟焦糖色澤琥珀經過炙燒薄脆甘甜配搭香蕉綿軟香甜口感衝突同時甜度平衡適中加埋少量合核碎粒增加層次班戟配搭忌廉綿密細滑奶香濃郁而且可以按照個人喜好添加糖漿雜果朱古力班戟美式班戟質感相對超人氣招牌疏乎厘班戟扁平但係其實都好鬆軟配埋朱古力同雲呢拿醬好正奇異果加橙以及草莓同埋藍莓四款雜果酸甜清新反而可以突顯班戟蛋香以及牛油乳香

一間日本過江龍嘅pancake店🥞 之前都想試好耐今次我就叫咗兩份pancake試試 餐廳日系簡單設計 比較開揚 左手面仲有棵大樹裝飾添🌳 幾靚石板街班戟 $118石板街有好多材料 好豐富👅 石板街用上咗三層朱古力pancake 每一層朱古力pancake入邊都隔咗一層cream cream幾滑身 唔會話太甜或太膩 仲幾香奶味😛 而且pancake表面落咗好多嘅可可粉 撈埋pancake 食 朱古力味更重🍫 仲可以減甜 pancake 旁仲有啲琥珀合桃 即係焦糖合桃咁樣 又甜又脆整體口感更多😋焦糖香蕉班戟 $98焦糖香蕉pancake可以見到有一大條嘅焦糖香蕉 鋪咗係三塊pancake上😆 仲配埋一個原味cream 焦糖香蕉焦香至香脆 好快就食晒 都幾飽肚🤓 pancake質感似熱香餅嗰種口感 比較實 呢個pancake 俾鍾意食香蕉🍌嘅朋友就啱晒😂

一間主打pancake嘅餐廳佢嘅招牌菜不好吃 我不能食得晒期間限定每一日只有幾個時段先至有得食用咁高嘅價錢吃 不好吃的食物除咗影相比較靚少少之外其實佢基本上不好吃嗰日我係特登等佢出爐嗰陣時走去叫佢最出名呢個三層嘅pancake，但係佢特別都話佢呢個pancake唔係熱，係凍㗎，平時你出去食空氣咁十足嘅pancake正常都要新鮮滾熱辣即刻食，凍咗唔好食但係佢呢間係凍嘅pancake，$138，第一層有啲鮮果喺度 中間有一層係 所謂朱古力味道你雪凍左嗰啲朱古力醬只係變咗朱古力脆片最下面嗰層 有個蛋黃喺度，生嘅蛋黃你切落去仲會留啲蛋黃出嚟，影相同視覺效果真係唔錯，生嘅蛋黃同埋一啲鹹嘅凍pancake係完全唔夾一patpat 咁樣仲有少少蛋白黐住不好吃我個朋友就叫咗士多啤梨嗰個，又係一拉起好似瀑布咁樣流落嚟。。。有視覺效果，但味道很差我係第一次食唔晒pancake，我係最鍾意食pancake嘅人，我竟然食唔晒，我完全冇辦法逼我自己食得哂

#pancake控 不會陌生的🥳今次食左一甜一咸既班戟咸既班戟比較少食 估唔到又幾好食 尤其配埋焦糖香蕉💓唔會太甜Pancake濕潤度剛好 好香蛋味另外配左自家制超滑cream 點班戟食一流仲有楓糖醬可以自己加落pancake咸咸地既班戟食多2啖都唔會膩‼️.意大利芝士蛋糕pancake係甜食好香濃既咖啡味 班戟中加左cream食落幾有層次 仲可以好似切蛋糕咁切開 開邊都好靚充滿住朱古力🍫同咖啡香氣 好幸福啊🥳

平時去Gram pancake 大家都會諗起佢地嘅premium pancake當然新鮮熱辣嘅梳乎厘pancake 係好好味嘅不過其實我仲鐘意食佢地嘅普通pancake但普通pancake都係熱食正而原來Gram仲有款pancake係冷食嘅～所以今日就外賣左個返屋企食🤤🤤佢地嘅tiramisu用pancake 代替左lady fingerPancake 中間係厚厚嘅cream cheese而中間一層嘅pancake沾上左咖啡似足晒tiramisu 外型上嘅豐富層次味道亦似到十足十唔錯！一個人食都偏多始終pancake 係比較厚實都比較飽肚所以兩個人食啱啱好加上佢賣相咁靚其實當係mini cake 去慶祝用都得㗎！

-🔸Mixed Fruits $68🔸Chocolate Rocky Road $68-日本pancake一向都好受港人歡迎，疫情影響之下冇得去日本旅行，唯有食返兩件pancake補償番。宜家竟然連pancake都可以外賣，真係喺屋企都可以歎到日本美食啦！揀咗一款朱古力同水果口味，一次過試到兩隻味嘅pancake。估唔到外賣拎到返屋企都仲非常fluffy，而且中間夾層嘅cream亦非常挺身冇溶，toppings又靚又精緻，真係睇得又食得好滿足啊！

次次去到都食唔到佢哋嘅pancake 因為要特定時段去 仲要限量發售😫 公司終於轉左Policy 取消左限量發售 終於試到啦💕🌟超人氣招牌疏乎厘pancake $138呢款疏乎厘pancake空氣咁唔太多 有少少失望😔🌟Premium smile pancake $138上一次食唔到疏乎厘pancake 試咗呢一款any time都食得 估唔到都幾好食🌟法式多士 $78呢款有意外驚喜 原本諗住試吓都冇抱好大期望 點知食落好好食 兩次去都專登嗌😋📎店舖資訊📌 Gram cafe & pancakes (尖沙咀)尖沙咀彌敦道100號The ONE 4樓L408舖🚇港鐵尖沙咀/尖東站B1 或N5出口 💰人均消費 ～$150等候時間🕰 15 mins

呢間人氣過江龍pancake係the one入面係附近食完嘢就可以過嚟試下 好方便座位唔算特別多 可能因為平日嘅8點幾先嚟 所以唔洗等位見到有啲期間限定嘅火山流漿pancake 但本身都有嘅飽飽地所以放棄咗😂佢地嘅班戟口感比較紥實 唔會食完好似食空氣咁反而有啲似海綿蛋糕再多啲空氣嘅感覺蛋香味好香即使咩醬咩配料唔加都好好食😂焦糖香蕉班戟香蕉上面個層焦糖好脆 唔會太厚 令到成舊嘢太甜而個pancake本身帶微微咸嘅蛋香味 配埋佢面上面灑嘅糖粉 甜咸甜咸咁 味道好有層次雜果朱古力班戟佢個plating好靚！將滿滿嘅生果堆係pancake上面 整成好似一個蛋糕咁除左鍊奶 都淋左朱古力醬除左甜嘅pancake 見到佢仲有咸嘅pancake 幾有趣下次過嚟要試下