Gram Cafe & Pancakes

營業中

休息中

I was drawn to a restaurant that specializes in hot cakes because I enjoy desserts when I am out and about.First up, I ordered the super popular signature souffle pancakes. The super large portion has three pieces of pancakes🥞 made to order, and this one will only be baked three times a day. It's really precious. The egg flavor is fragrant and airy, the texture is dense and soft, with butter, fresh cream, maple syrup, and other combinations perfect to eat and very satisfying.Cream is very smooth

個舒芙蕾正正常常，都非常鬆軟奶香味足，但實在太overprice了，產品也不是太有特色，除左交通便利之外，服務也算OK。香港有好多其他食pancake 同舒芙蕾既選擇，不妨試試其他。

朋友和我吃完飯，就帶我來這裏吃甜品，有好多款都是限量，我喜歡吃紫薯😍Purple potato CreamVolcano pancakes紫薯流漿班戟自己把封條拉開，pancakes 漿慢慢由上而下流下來，好像瀑布，很漂亮呵，把班戟切開，全部紫薯蓉鋪滿在班戟之內，很香甜滑溜。Caramelize banana焦糖香蕉班戟香蕉面層全部是很工整潔焦糖，咬一啖燒過的焦糖好脆口，把楓糖漿落入半熟透香蕉和 pancake , 同一時間放入口，班戟有蛋香的味道，整體微暖的溫度剛剛好。多謝朋友請我食甜品🥰

自從喺日本食過gram pancakes，喺香港都冇試過，今晚嚟尖沙咀行街，順便黎試吓。1）（新）焦糖脆脆 $118呢個食法好得意，店員教話要用手去摙吓個圓形塑膠片，等入邊啲汁可以流落去pancake下邊底部，然後lin到差唔多咁上下就可以好輕鬆甩到個膠片出嚟，然後啲汁就會好似瀑布咁樣流出嚟，配埋啲Lotus餅乾碎嚟食，加埋啲滑捋捋嘅cream，就好好味2） Signature pancakes $138呢個招牌pancakess係即叫即整，佢嘅經典食法，就係3塊pancakes充滿空氣感咁樣，動L動L咁棟高陳列，然後側邊有啲蜜糖俾我哋自己調校淋落去食，配合埋經典招牌滑捋捋又唔漏嘅cream，同埋牛油，就非常之完美好味。店面嘅店員服務好勤快，態度親切殷勤，又會細心介紹一啲特別甜品款嘅正確食法係點樣，咁樣嘅服務態度先至會有回頭客。

來自日本大阪嘅Gram 喺The One 有第一間香港分店啦！以前喺日本行街行到攰都好鍾意入去食返個pancake 依家喺香港懷念嘅時候都可以食吓啦~Cafe 有lunch set 價錢都幾抵我就揀左蟹肉忌廉意粉 好多蟹肉 好Creamy $78包一杯飲品價錢黎講都幾抵Premium pancake 係佢哋嘅招牌一如既往咁鬆軟一上枱輕輕推一推3塊pancake會動L動L咁郁附上嘅cream 唔會膩 好輕盈 配埋蜜糖好夾呀！依家餐廳都幾優惠~例如take away pancake會有買4送1($35一塊 味道可以任選)

甜品胃出動🥰Duckduck要同大家推薦好食既soufflé pancake店❣️ 焦糖脆脆疏乎厘班戟梗係要試新品啦！一拎開張膠片啲奶蓋就好似瀑布咁流落黎，打卡正📸奶蓋加焦糖脆脆真係好好食🤤而疏乎厘班戟本體做得好好，夠鬆軟，配上脆脆，口感豐富好中意加埋cream cream食，成件事更順滑 雜果朱古力班戟呢個班㦸厚實啲，本體幾香配上朱古力醬同雜果，酸酸甜甜咁都唔錯 .__. .__. .__.🐥🐥🐥.__. .__. .__. 環境：🐥🐥🐥🐥🐣/5服務態度：🐥🐥🐥🐥🐣/5 食物質素：🐥🐥🐥🐥🐣/5 性價比：🐥🐥🐥🐥/5 回頭率：🐥🐥🐥🐥🐣/5

今晚響The One食完晚飯，經過Gram Café & Pancakes，被佢地個超人氣梳乎厘班戟既吸引，決定食埋個甜品先返屋企。每日限定，即叫即做，震住咁上檯，真係超鬆軟，空氣感十足，好香蛋味，連個Cream都咁正，楓糖另上的，可按自己既甜度添加，我覺得唔加，會更食到蛋既香味，加左又豐富左個味道。鮮果乳酪疏乎厘班戟芭菲：中間係色彩繽紛既新鮮水果，同鬆軟既小小疏乎厘班戟，最底係綿密既乳酪，仲有最頂既雪糕球，層次分明，味道配搭豐富每一啖都有不同既口感，既清新又滿足。

尖沙咀The ONE食完晚飯去咗呢間正宗日本大阪過江龍疏乎厘班戟專門店食飯後甜品. 室內用大量清新植物佈置感覺清新. 餐廳開業多年人氣不減夠曬實力. 班戟食材全部真材實料由日本空運送到. ⭐️超人氣招牌疏乎厘班戟超大份有三大件班戟🥞即叫即制，而且呢個一日只會出爐三次真係好矜貴. 蛋味香噴噴空氣感十足，質地棉密柔軟，配上牛油、鮮忌廉及楓糖漿等配搭完美食落好滿足. cream非常幼滑奶味出眾⭐️紫薯山流漿班戟賣相已經好夢幻. 移走膠片後，紫薯漿傾瀉而注恍如瀑布視覺效果震撼. 紫薯味濃郁又不掩蓋香滑奶味. 食住甜品傾偈零舍開心，又係一個happy Friday night❤️

原來The One呢個商場都有唔同嘅甜品，包括班戟同疏乎厘。一行街嘅時候，我就比依度嘅裝修吸引咗，呢種小清新嘅風格真係好適合打卡，而且隔離仲會有疏乎厘嘅抱枕。我首先叫咗 石板街班戟，班戟薄脆，口感層次豐富，內裡夾住忌廉，再加上大量嘅碎朱古力同埋朱古力粉，仲會有小小藍莓，棉花糖，同埋草莓。我另外仲叫咗焦糖香蕉班戟，焦糖燒得啲香甜，香蕉軟綿，同班戟嘅結合更加完美，亦都可以配搭佢嘅 班戟 又或者佢隔離嘅忌廉，令到班戟更加甜。

身為一個熱愛甜品的人，今天我到The One理髮，經過一家專門做Hot Cake的餐廳，見還有一點時間，就不由自主地去坐下來。點了一份原味Hot Cake，每份有三塊，即叫即製，賣相非常吸引，質地鬆軟的，可惜缺少了蛋香味。幸好我點了一杯焦糖咖啡，咖啡香濃、口感順滑，溫度適中，拉花也相當精美，與Hot Cake 配搭得到儀。我的兒子則點了一杯特濃朱古力碎冰，雖然朱古力香氣十足，但他覺得有些過甜。雖然今天未能品嚐到心目中的Hot Cake，我仍會繼續尋覓的。

Gram Cafe & Pancakes今次要介紹喺尖沙咀The One商場4樓有一間日本過江龍餐廳叫「Gram Cafe & Pancakes」，入到入面見到裝修以綠色主題為主，裝修簡單得嚟坐得又舒服，好方便輪椅人士入去食野！1.蟹肉忌廉意粉$78（7/10）呢碟意粉份量都好多，意粉面頭有明太子同蟹肉，意粉掛滿忌廉汁，我覺得忌廉汁比較多，意粉食落好「傑」身，好「漿」住「漿」住感覺，蟹肉同明太子無咩味，全碟意粉最有味道就係忌廉汁！2.焦糖香蕉班戟$98（8/10）呢碟香蕉班戟有原條香蕉，佢哋將原隻香蕉切一半，香蕉面上有焦糖，焦糖太甜，我要用叉整走焦糖，主角係班戟，班戟有三塊，每一塊班戟唔夠鬆軟，比較實淨，仲有幾舊合桃，合桃好香好脆！2人總共價錢$193.6，其他有加一服務費！個人口味總評分：7.5/10@grampancakeshongkong  @hktheone 地址：尖沙咀彌敦道100號The ONE 4樓L408號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻

同朋友喺the one行街行到攰，經過Gram Cafe & Pancakes 朋友話好想入去坐吓食個pancake😂🥞焦糖脆脆梳乎厘班戟 $118兩件梳乎厘班戟中間夾住幼滑嘅cream同埋焦糖脆脆，面層係充滿鹹香嘅芝士奶蓋，旁邊仲有塊lotus餅芝士奶蓋係自己拎開膠膜等佢流落去，成件事好有儀式感❤️梳乎厘班戟非常軟熟綿密，配合埋焦糖脆脆口感好豐富🍨鮮果乳酪梳乎厘班戟芭菲 $98頂層係雲喱拿雪糕，下面有2片奇異果同橙，再下面唧咗厚身軟綿綿嘅cream，再下面係士多啤梨|藍莓|迷你梳乎厘班戟，最底係藍莓乳酪整體食落味道酸酸甜甜，感覺好清新

成日經過呢間梳乎厘班戟，今次去尖沙咀終於試咗~餐廳雖然鹹甜班戟都有提供，但我絕對係甜派擁護者🙌🏻 嗌咗士多啤梨味同石板街，個人更推薦士多啤梨！兩款班戟口感完全唔同，士多啤梨味係梳乎厘班戟，口感更輕盈鬆軟，空氣感十足; 而石板街偏向似傳統班戟，麵粉味重口感扎實，飽肚感勁強。無諗過士多啤梨味班戟內有乾坤！除咗面頭嘅流漿忌廉，中間仲夾住忌廉芝士醬，成個層次同味道即刻level up (｡･ω･｡)ﾉ ▫️ 士多啤梨流漿班戟 | $118▫️ 石板街班戟 | $118

同朋友去咗尖沙咀the one 食完飯之後食個甜品，去左Gram Café & Pancakes，環境開揚，好適合作為飯後甜品既聚腳點。我地二人叫左招牌梳乎厘班戟。份量都唔少，2人share 剛剛好，有3舊，即叫即做班戟又鬆又軟，口感軟綿，入口即溶。淋上蜜糖，點上牛油同cream，甜度岩岩好，食曬都唔會覺得膩！鹹pancake都好特別，一個比較新穎嘅嘗試，一於試一試煙肉炒蛋班戟。班戟係計較薄身個種，配埋香脆嘅煙肉同滑蛋，鹹甜鹹甜口味好夾，口感層次好豐富。

😋🥞超人氣梳乎厘班戟首先上桌的是超人氣梳乎厘班戟。這道班戟以其輕盈柔軟的質感著稱，剛端上桌時就吸引了我的目光，看著它厚厚的動L著上枱很療癒。班戟即叫即做，微熱的班戟外層呈現出金黃色，微微焦香，內裡卻是鬆軟的綿密口感鬆軟可口，搭配上微冷香甜厚實的Cream 同楓糖，冷熱交融簡直是夢幻般的組合。當我輕輕切開班戟時，內裡的空氣感瞬間釋放，彷彿進入了一片雲端。每一口都讓人感受到如同棉花糖般的輕盈，配上淋漓的蜜糖漿，甜而不膩，讓人欲罷不能。班戟的表面還撒上了少許糖粉，增添了視覺上的美感，同時也讓口感更加豐富。😋🥞焦糖脆脆梳乎厘班戟兩個厚厚的迷你舒芙蕾煎餅之間有一圈生奶油，旁邊有一塊LOTUS餅，頂部有一個瀑布層。準備吃的時候把圍紙拉起來，奶油就會像熔岩一樣倒在煎餅上。班戟的外層烤至金黃，焦糖的香氣彌漫開來，讓人忍不住想立刻品嚐。咬下去的瞬間，脆脆的餅層發出清脆的聲音，隨後是柔軟的班戟，兩者的口感形成強烈的對比，令人驚喜。焦糖的甜味恰到好處，帶有微微的焦糖味，完美中和了班戟的甜膩。這道甜品不僅在味覺上給人帶來驚喜，視覺上同樣誘人，色澤金黃。