Gram Cafe & Pancakes

營業中

休息中

諗起尖沙咀出名嘅pancake，位於The One 來自日本嘅pancake店 Gram cafe & pancakes都幾出名 ，經過The One外賣左兩份返屋企。😋石板街班戟 $118今次揀左石板街pancake，雖然係外賣但一d都唔馬虎，餐廳已經訂造好專用的外賣盒，賣相仍然好靚。將pancake 一層層堆高。最高的一層有士多啤梨同棉花糖粒，食落有濃濃的朱古力味，香滑可口。雜果朱古力班戟 $108雜果朱古力pancake表面有大量新鮮水果🍊🫐🍓🥝等等。再加三塊原味班戟，仲有朱古力醬同埋香滑忌廉。搭配得剛剛好，啖啖水果，食落唔會覺得太漏。😋推介指數：🌟🌟🌟🌟（5星為滿分💯）大家下次經過都不妨試試😉#尖沙咀好去處 #尖沙咀美食 #theone #pancake #班戟 #香港人氣班戟 #下午茶 #hightea

大概見到openrice入邊有800幾個好評，就帶朋友黎食，本身開開心心慶祝生日，但食完真心覺得好差。上枱嘅時候，佢個樣都幾靚，我地都好期待。但係金玉其外，敗絮其中。紫薯那一個內裡有紫薯蓉，紫薯蓉係酸嘅，我們立刻跟餐廳反映，以防食壞其他客人，當職員到廚房，處理一輪後，只是跟我們說沒有壞，是紫薯加奶，然後正常的產生一點點酸。我見到他進入廚房前，都頗為緊張，令人根本無法相信這是平日的味道。另外紫薯加奶不應該有如此大的酸味，除非他落的是酸奶吧☠️ 但根本是壞了的味道，我和我的朋友都不敢吃😐😐另一個平平無奇，入口頗咸，也相對較漏。我認為餐廳應該更着緊食材的味道，壞了就不應該給客人吃吧，連他們都試到有酸味…不少小小酸，而是明顯的酸味，這一種不跟進的態度也實在不太能接受吧🥲🥲開開心心慶生，得到的只是不太好的回憶。不排除其他是好食的，但我們的真的很難吃🥲🥲

近來疫情關係少咗好多出街食嘢，難得依家情況好啲，所以就去左呢間人氣爆燈嘅班戟店幫襯吓。餐廳環境唔錯，座位與座位之間都有一定距離，而且喺裝修方面亦花咗唔少心思。餐牌方面班戟種類十分之多，而且有啲款式都幾特別，有疏乎厘、紫薯班戟、清酒士多啤梨班戟、石板街班戟、焦糖香蕉班戟、紅茶忌廉班戟、雜果班戟、意大利芝士班戟、三文魚牛油果班戟、辣豆醬班戟。石板街班戟 ($118) : 實物比餐牌仲靚 😍 班戟最頂層放咗士多啤梨，最上層係好邪惡嘅香滑忌廉，而下層就係味道香濃嘅吉士。班戟口感很軟熟，有莓類，棉花糖同合桃作為伴碟，鍾意朱古力嘅朋友一定要試吓。

目標明确，來到the one ，來到目前唯一的一間Gram cafe & pancakes，叫咗兩個pancake，就係以下呢兩個，Mixed fruit chocolate (雜果朱古力班戟)和 Caramelize banana(焦糖香蕉班戟)喺層層綠色包圍之下，享受緊來自大阪的味道，想像下喺日本就ok喇。首先上檯嘅係雜果朱古力班戟，果然係色彩繽紛，3件班戟上邊鋪滿生果，有士多啤梨，有藍莓，有橙，有奇異果，再加埋朱古力醬，真係幾靚，唔係太捨得食入口吖。終於都係食咗，食嘅過程中，香蕉班戟又來到，好大條焦糖香蕉，一樣的3件班戟，焦糖好正，如同食焦糖燉蛋之感覺。最後睇吓我自己二次創作砌成嘅雜果pancake ，好靚，係唔係呢？

之前去日本必食既ᴘᴀɴᴄᴀᴋᴇ店久久未能回鄉🥲見到ɢʀᴀᴍ有得外賣ᴘᴀɴᴄᴀᴋᴇ決定買兩份番屋低好好嘆下✨雖然係ᴍɪɴɪ版本但拎上手都有一定重量💃🏻🕺🏻而店家好貼心有圍膠邊鞏固個ᴘᴀɴᴄᴀᴋᴇ拎到番屋企仲靚靚仔仔♥️·♡ 𝙈𝙞𝙭 𝙁𝙧𝙪𝙞𝙩 𝙈𝙞𝙣𝙞 𝙋𝙖𝙣𝙘𝙖𝙠𝙚 ($68)打開幾有驚喜💖精緻得黎 · 層次好分明 但班戟唔係平時ғʟᴜғғʏ· 入口即化既口感偏蛋糕質地多少少 但食落都幾鬆軟💨班戟中間有層厚厚既忌廉忌廉好厚好滑 · 配鮮果岩岩好👍🏻♡ 𝙏𝙞𝙧𝙖𝙢𝙞𝙨𝙪 𝙈𝙞𝙣𝙞 𝙋𝙖𝙣𝙘𝙖𝙠𝙚 ($68)賣相黎講 · ᴛɪʀᴀᴍɪsᴜ 會更吸晴🔅忌廉芝士醬係巨多 · 好似唔洗成本咁一拎開膠邊秒變溶岩ᴘᴀɴᴄᴀᴋᴇ😆忌廉芝士有入口即化既口感細細一份😈但極邪惡即刻沖杯咖啡 · 成件事即刻幸福左 ✨༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ小小總結：餐廳位於ᴛʜᴇ ᴏɴᴇ4樓但加加埋埋UG層樓極度建議大家搭ʟɪғᴛ👻ᴘᴀɴᴄᴀᴋᴇ包裝夠哂實淨🥡仲附埋叉子 🥄 超貼心一個人食一份絕對夠食配杯咖啡一流♥

好耐無出嚟尖沙咀，經過呢間日式Pancake店，見到外賣有八折，忍唔住買返兩個返去同屋企人開心Share。包裝精緻之餘，仲相當安全，拎到返嚟完全無走位。外賣仲有八折添...「Mixed Fruit & Chocolate Pancake」除咗賣相美觀，味道都相當唔錯，面層佈滿4款新鮮水果（士多啤梨．奇異果．藍莓．鮮橙）三層Pancake夾著幼滑嘅忌廉好Creamy, 好有層次感「Chocolate Rocky Road Pancake」面層舖上新鮮車厘子．士多啤梨．棉花糖．朱古力醬．再灑上朱古力碎嘅Pancake, 唔會太甜，好有口感...大人小朋友都讚好味

呢間餐廳之前喺日本都食過一次，一直都好懷念佢嘅味道所以今次就去咗呢間係尖沙咀嘅分店，一去到嘅時候見到呢一個雜果朱古力班cake真係好吸引，所以就叫咗試吓！呢個班cake食落去都幾好食嘅，而且班cake都算係幾鬆軟，而且非常之滑，重點係唔會太甜，幾好食！

The one 呢排有消費劵優惠，商場消費夠$500就送$100coupon 🤣 今日我地擇左呢間Gram tea 一 tea , 第一次食，原本想叫三層疏乎厘，點知就唔岩時間無得食😵‍💫😭😭.我地叫左「雜果朱古力班戟 $108」雜果種類多，pancake有三件，pancake 鬆軟得黎好soft, 配埋鮮果好fresh又好食。另一位叫「石板街班戟 $118」就比較濃味啲，朱古力味夠香，另外分層兩層分別係cream同吉士醬，甜得黎唔會膩👍🏼真係好好味呀，下次有機會一定要食個個三層疏乎厘 😍

Gram Cafe最出名係佢嘅鬆軟厚Pancake，疫情緩和嗰排幾乎咩時間黎都係坐滿人。原來而家除左堂食，佢地仲新出左mini版嘅Pancake可以外賣返屋企。每個Mini Pancake都會有獨立嘅紙盒裝住。打開紙盒會見倒蛋糕下面有長條形嘅卡紙托底，拎住卡紙兩邊就可以好容易將蛋糕拎出黎，加上蛋糕都有膠片包住，所以拎到返屋企再拎埋出黎都仲可以keep得好靚仔。Tiramisu Mini Pancake - 哩款Pancake面頭鋪滿朱古力粉，下面梅花間竹一層pancake一層cream，pancake好鬆軟唔會實的的咁，佢地嘅cream都好香奶味唔會太膩，連平時唔太好cream嘅我都食晒冇撥走啲cream，咖啡味香得黎唔會太苦，非常好味。雜果Mini Pancake - 哩款Pancake比Tiramisu高左差唔多1/3，從相片可以睇倒佢每一層cream都高過人，不過因為加左好多生果，生果嘅酸甜味平衡左cream嘅膩感，食完又冇想像中咁滯。總結，Mini Pancake雖然話係mini，不過如果當cake食一人一件都幾飽肚，建議兩個人share一件就最啱。如果拎到返屋企唔係即刻食，可

#The one shopping行到倦，見#Gram cafe & pancakesm 向我招手，去日本旅行時食班戟係行程之一，好掛住佢哋嘅味道，見佢哋選擇又多，於是就外賣回家享受😎下先得。蛋糕有細細個的款式，造型夠晒別緻，用班戟跟忌廉結合造成既班戟蛋糕🍰，看落很精緻, 一於點2件回家同家人開心分享😚。蘋果班戟，造型層次分明，班戟蛋味香濃，配搭蘋果微酸加忌廉一併入口，忌廉香滑，口感層次豐富。pancake口感紮實綿密，帶少許鹹味，平衡了忌廉甜份，唔錯啊！什果pancake，材料豐富，生果分別有士多啤梨🍓，香橙🍊，藍莓🫐同奇異果🥝，色彩繽紛，賣相吸引，打卡一流，綿密pancake有厚厚又滑嘅忌廉間隔着，可能有生果夾雜着，故食落又唔覺好漏，與咸咸地的pancake好夾又好吃😋。

今日出左尖沙咀The One，本身唔係好肚餓，不過行過見到呢間Pancake專門店啲Pancake好吸引就忍唔住拉左男朋友入去食。意大利芝士蛋糕班戟 $118叫左個tiramisu pancake，pancake口感軟滑易入口加埋濃郁espresso香味，少少甘苦味同奶油甜味match埋一齊，呢個tiramisu pancake真係幾好食。而且好大份，我一個女仔一定食唔曬。雜果朱古力班戟 $108雜果pancake賣相好吸引，上面好好多款唔同嘅生果，奇異果、藍莓、橙、士多啤梨。Pancake口感同樣好鬆軟，而且cream奶味好重好厚身，加埋少少朱古力醬真係相當飽肚。Overall黎講，餐廳啲pancake真係好多款式同埋好好食，不過每一份真係好大份，兩個人share一份pancake再加杯飲品就已經好夠，下次再黎試下佢其他野先。

🥞🍌日本大熱班戟店 幾年前曾在大阪旅行時吃過一次人氣班戟店Gram ，一直被那充滿幸福感的梳乎厘班戟味水吸引著。當香港剛引進Gram時筆者亦發揮過無比的忍耐力，排隊超過1小時吃過1次。受疫情影響下，人流自然減少，餐廳近2年已不用再排隊。現在堂食至晚上6時，下午5時多感肚餓，就想當晚餐來吃，所以這次不挑選空氣感的招牌梳乎厘班戟了。焦糖香蕉班戟 $98這次選擇了焦糖香蕉班戟，味道和賣相都十分吸引。最重要的是這份班戟會相當飽肚，可以當作晚餐來吃。原隻香蕉一切為二，焦糖燒得剛好，令焦糖和香蕉融為一體。焦糖可用刀輕輕敲一下，會聽到清脆的聲音。脆身的焦糖配上果仁碎和香甜的忌廉令班戟的層次感豐富不少。這款班戟不是梳乎厘類別，質感會像蛋糕般較厚實一點，味道會帶一絲鹹味，襯托出班戟的甜味。吃畢一整份，實在讓人滿足。🔸小總結： 餐廳設鹹和甜味班戟，種類繁多，未能到外地旅遊，能夠在香港分店點一客班戟解饞，也是相當不錯的。👅 味道：4.7/5💰CP值：4.6/5🕴🏻服務：4.7/5🔰餐廳環境：4.7/5🍽 餐廳 ：Gram 🌐地址 : 尖沙咀彌敦道100號The One 4樓L408號舖

我鍾意食焦糖香蕉班戟$98 呢款💕佢隻cream勁似海鹽芝士奶蓋的感覺，配埋外脆焦糖化的香蕉同班戟，好夾！雜果朱古力班戟$108似食緊雜果忌廉蛋糕咁，好甜，唔值得叫

Gram cafe & pancakes尖沙咀彌敦道100號 The One 4樓 L408舖朋友介紹 The One 有一間高質的甜品cafe， 經開尖沙咀就去試試。😎石板街班戟班戟的面層有棉花糖、朱古力碎、朱古力醬、忌廉、士多啤梨和梅子，香甜的配搭和新鮮的士多啤梨很夾。師傅選用日本直送的忌廉，製作三層少少鹹味的班戟，中和了甜味，效果不錯。班戟口感煙韌，中間有兩層忌廉，又香又滑，第二層忌廉奶味比較濃，喜歡吃甜品的朋友，不能錯過。😍雜果班戟面層放了4款雜果，有香橙、奇異果、藍莓和士多啤梨。這個配搭很瘋狂，師傅製作了 三層忌廉+三層班戟😂，即叫即製的班戟特別鬆軟。忌廉香滑有層次，生果新鮮夠 Juicy。😋Gram cafe & pancakes 的外賣包裝設計十分精美，內有溫馨提示，想吃甜品會再來。👍🏻

行街行到攰攰地 就搵間甜品食下坐一陣啦想試呢間人氣日本pancake好耐好彩今次等左10分鐘就有位喇佢有啲口味係限量嘅今日假期人多 限量口味已經賣晒所以點左兩款水果口味嘅雜果朱古力pancake雜果有士多啤梨 奇異果 藍莓 橙全部都好新鮮呀 味道酸酸甜甜 口感比較清爽同平時成日食嘅梳乎厘pancake唔同呢度係比較實有咬口嗰種女仔食晒成份會有啲飽焦糖香蕉pancake香蕉上面有一層薄薄嘅脆焦糖 勁鍾意再淋上香甜嘅蜜糖 同少少咸嘅pancake好夾佢仲有咸食嘅pancake搵日lunch再嚟試下先