124
25
16
港鐵荃灣西站 A1 出口, 港鐵荃灣西站 A2 出口, 港鐵荃灣西站 E2 出口 繼續閱讀
所有分店 (2)
電話號碼
35831867
營業時間
今日營業
11:30 - 23:00
星期一至日
11:30 - 23:00
付款方式
Visa Master 現金 支付寶
座位數目
60
其他資料
網上訂座
酒精飲品
自帶酒水
切餅費
電話訂座
賞訂座積分
外賣服務 詳細介紹
加一服務費
當面支付
有關獎賞計劃
食評 (185)
少女粉紅二人餐 焦點食評
等級4 2018-07-10
267 瀏覽
女友人一直想試呢間餐廳,今日收工就滿足佢嘅願望,近近地過來試下。由於佢睇過好多介紹,佢對餐廳嘅認識仲多過我,行到荃灣廣場我都係靠佢帶路,一見到咁pink嘅門面,我就知道我到左了。鋪頭都幾多位,但平日都全場滿座,可見粉紅嘅威力,我地等左兩張枱,唔算好耐,好在有幾張枱差唔多時間埋單。店員都好忙,chit chat味轉,你預左唔係好見到你,喺門口罰企一陣囉。店面裝潢都幾靚,雲石枱面,又有D for人多嘅半圓形枱面,梳化位都舒服。我地兩條友就坐細枱,都ok嘅,唔會太逼。一早做左資料搜集,預左自己會揀呢個二人set,價錢係388蚊,包左2款沙律(全份)、2款前菜(半份)、1款主食、1款漢堡/薄餅(半份),咁有部份菜式就要加錢升級。留意,平日晚市先有呢個set,否則要單點。我地另外點左兩杯飲品,人均二百幾蚊。朋友都讚好,畢竟佢仲係個少女,打個卡是必須的蟹肉牛油果蘋果青瓜沙律:裝喺個樽仔入面,幾精緻,倒番出來,份量大概一隻碟,夠哂我一個食。牛油果係我近期至愛,健康野,蟹肉絲份量ok啦,成個沙律幾清烤大蝦田園沙律白味噌芥茉沙律醬:朋友揀嘅大蝦沙律,烤蝦幾香口,亦係新鮮,配埋個醬亦都幾夾,醬料幾用心。沙律菜係粟米、青瓜、蕃茄仔等前菜連埋個沙律係成個層架咁上,幾靚架,唔怪得女友人咁恨來,因為真係幾次似食緊tea咁繁忙之中麻煙店員幫我地影左張相,都冇問題,感謝。前菜揀左兩款,都係半份。龍蝦玉子燒:玉子燒即時整,夠熱。玉子燒到唔會好老,蛋仲幾嫩,而且入面有明顯龍蝦肉,唔會話好小家,幾好食。店員亦都幾細心,提我地要盡快食龍蝦芝士雞翼:雞翼半份係兩隻,用沙律菜伴碟,加左龍蝦芝士醬,味道唔係好明顯嘅啫。雞翼炸到好香脆,唔會太油,女士啱哂。燒一口安格斯西冷焗薯粒燴蔬菜配香草法式牛油:見其他主食冇呢個咁吸引,所以點嘅。牛柳粒份量正常,都夠兩個人食。有蔬菜伴碟比較平衡。牛柳粒煎得比較熟,都唔會韌。薯仔粒幾好食,可能沾左少少香草汁香煎大蝦蒜片辣椒意大利粉係半份,但望落都有成個意粉咁大份,所以都夠食有餘。意粉煮得唔會太林,加左蒜片,幾香口,不過就唔係話好辣。有三隻蝦,去左榖架,方便食,亦都新鮮爽口最後我地揀左流心芝士龍蝦三文治半份,咁就夠哂喇,因為本身真係有少少驚唔飽。三文治好好食,雖然必須要講,入面嘅龍蝦肉真係唔多,但個三文治因為加左好多芝士嘅關係,真係芝味十足,好似溶岩咁,好正美中不足係我地自己食野太慢,所以個包攤凍左。因為個餐唔包飲品,而我地見到飲品好吸引,都點左一個teddy bear,造型勁可愛,係一杯曲奇沙冰,面頭仲真係有塊曲奇,味道濃,又唔會太甜,唔錯喎。而呢杯菠蘿薄荷茶係跟隔離枱點嘅,因為見到都幾大杯,抵飲啦,入面有好多菠蘿粒,幾有誠意 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-13
1601 瀏覽
Girlboss洋溢少女氣息,粉紅氾濫的門面和坐椅,像走進夢幻的Castle。安坐於舒適的卡座後,我們立即點了豐富而華麗的<Bossy Royal Set>,期待著龍蝦的滋味之旅! Yellow Submarine $58意想不到,芒果冰沙和香莓果蓉是這樣協調,啜一口芒果冰沙,濃甜香郁,夾雜粒粒芒果肉。拌勻後,香莓沁出淡淡果酸,酸甜交替的味道,十分誘人。Flamingo Kiss $58粉紅夢幻,草莓茶及玫瑰花水融合後更香甜,表面的厚厚奶蓋,入口柔順。拌勻後,是奶滑的Smoothie,加上粒粒草莓果肉,盡是清香。<Bossy Royal Set>包含沙律和湯,黑松露忌廉湯十分濃稠,綿軟的忌廉,入口熱燙,帶淡淡松露幽香,是滋味的開端。Bossy Royal Set $ 388散發少女心的3層架,盛載著2款Appetizer、1款Main Course及2款Risotto/ Pasta/ Burger,賣相已令人食指大動! Master Kama以龍蝦作招徠,Main Course點了烤蒜蓉牛油龍蝦,必須襯熱享用。烤蒜蓉牛油龍蝦 (Bossy Royal Set +$68)龍蝦肉香烤至金黃色,傳來陣陣牛油芳香。用叉慢慢挖出龍蝦肉,肉質肥美、厚彈,牛油酥香配上惹味蒜蓉,好食到“舔舔脷”! 連到紅色蝦膏享用,鮮味迫人。蝦鉗一早已被敲碎,輕輕鉗開便可享用嫰滑的肉,吱上少許檸檬汁,更加鮮甜。龍蝦芝士玉子燒玉子燒十分軟綿,中央有芝士夾層,可惜未有流心效果,內裡填滿龍蝦肉塊,口感飽滿。烤大蝦田園沙律原隻大蝦釀入味增芥末醬,味道略咸,田園沙律淋上紅菜頭汁,口感清新,在吃濃味的大蜆薯蓉前,清清味蕾。香草醬焗大蜆薯蓉 大蜆薯蓉份量驚人,薯蓉混合了芝士及奶油,口感綿密、奶滑,啖啖窩心! 大蜆上舖滿薯蓉,稠滑中沁出鮮香,令人傾心。海膽忌廉蟹肉意粉 (Bossy Royal Set +$15)蟹肉意粉是蟹迷摯愛,能品嚐到鮮味蟹肉,卻不用動手拆肉。每條意粉都掛滿稠密忌廉汁、蟹肉絲,口感凹凸有致,愈吃愈過癮! 加上海膽的點綴,令意粉的鮮味加倍提升。GirlBoss龍蝦包 (Bossy Royal Set +$28)龍蝦包是不可錯過的美食,厚實的麵包烤至微脆而酥化,帶濃濃牛油香。內裡的龍蝦肉多至滿瀉,倒上香草蛋黃醬,及夾上爽脆生菜,突顯了龍蝦肉的軟彈,口感豐富,滋味停不了! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-04
1445 瀏覽
最近去左荃灣探朋友, 夜晚她帶我去左荃灣廣場一間以粉紅色為主題的餐廳 <Girlboss by Master Kama> 身為粉紅控的我超級興奮~ 由遠處望過去已經見到粉紅色的餐廳門面, 由台椅、餐具都充滿才女氣息, 而最吸引人目光的非鳥籠設計的座位非屬, 絕對是同好友、閨密拍照打卡的景點~ 我地點左一個<Girl Power Set>以及其他美食~ <Girl Power Set> 套餐包括一份漢堡+雙色薯條以及一杯無酒精飲品(Lady’s Beer) 光賣相已經非常吸引~ 首先漢堡可以選牛肉或者炸雞, 配上蕃茄、生菜以及自製的芝士醬, 我地選擇了炸雞,雞肉香酥嫩滑, 漢堡包又香脆鬆軟~ 雙色薯條是薯條+番薯條, 仲可以選擇不同的調味粉,我地點了梅子味, 將味粉倒入裝紙袋後上下搖晃拌勻~ 跟餐的(Lady’s Beer)其實是牛油蘋果奶蓋梳打,, 店員叮囑要小心攪拌時,因為上層會不斷冒泡泡,味道甘甜幾特別下~ 朋友點了<Bunny Beach>  即是白桃茶,用左樽裝份量都幾多~ 朋友知我鍾意食鵝肝,特意為我點了 <煎鵝肝‧白酒煮蜜桃‧烤爆谷>  鵝肝煎得甘香,入口即化, 只是下面的法包有點太硬~ <龍蝦芝士意大利飯>  未上台已經聞到香噴噴,意大利飯用了龍蝦汁煮成, 上面舖滿芝士,好邪惡啊! 入口時龍蝦汁香濃,啖啖龍蝦肉, 飯吸引了龍蝦汁的精華,正~ 最後當然要點個甜品為晚餐劃上完美的句號啦~ 即點即製作的<心太軟>,需時10-15分鐘,大家記得食到差唔多就要落單, 蛋糕表皮焗到軟硬適中,一切開d流心朱古力湧晒出黎, 濃濃的朱古力味,而甜度岩岩好~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-02
915 瀏覽
Girlboss:: 係鋪天蓋地既粉紅色💗💗💗整體格調都比人好elegant既感覺...仲有好多非常精緻既裝飾🔱所有枱枱椅椅餐具都好靚!😍我地2個人.. 當然叫Bossy Royal Set🦄$388先夠飽啦~估唔到可以揀咁多野:::Salad/ Soup x 2Appetizer x 2 (Half size)Main Course x 1Buger/ Pizza/ Pasta/ Risotto x 2 (Half size)款式有唔少都係用上龍蝦同松露呢2種材料呢~揀左2款唔同口味既沙律🥗右:蟹肉牛油果蘋果青瓜沙律(單點$43): 牛油果蓉味道好出🥑蟹肉份量都唔少呢~ 仲加左幾片青蘋果增添清新感 亦都好爽左:黑松露醃漬蕃茄仔瑞士芝士玻璃杯沙律(單點$38)🧀有得玩😆其實就係cum蓋再將沙律搖勻佢松露味唔太重但黑醋味突出令到成份都好香同清新💚入面仲有柑仔呀同個sauce好夾~龍蝦/黑松露(2選1)芝士玉子燒🥚(單點$88)呢個雖然細細份但質素唔錯🥚🍳記得要襯熱食!!玉子質地夠滑, 松露味唔算超突出但你會食得到有 : )Girlboss龍蝦包set+$28🍞(單點$158)我夢寐以求想食好耐既龍蝦包🍞望都望到龍蝦肉好肥美😍😍食落亦鮮甜麵包亦係拿捏得剛好😋 唔過厚..咬落係少少脆多鬆軟~重點當然係塗上左牛油係面再拎去焗啦~ 勁香 (: 一定滿足到麵包控🍞🍞跟住個幾樣係用三層tea set架咁上架, 超靚同豐富呀✨✨龍蝦芝士雞翼(單點$78) 係成餐最深刻的一款食物!!雞翼炸既程度剛好.. 咬落夠脆又多汁第一次食鋪左一片片芝士碎片係面既炸雞翼!🧀🧀重點係雞翼本身都調左味, 加埋芝士片同龍蝦汁 味道夠豐富!! 可惜得2隻唔夠食🤤🤤覺得呢款完全係超值抵揀的海鮮拼盤🦐🐙(單點$138)有成5款海鮮呢: 海蝦+魷魚+蜆+扇貝,仲有中間浸醃住既八爪魚粒全部都有事先調味呢不過我反而覺得唔調味會更好 因為海鮮本身都已經好鮮甜😋特別鐘意海蝦同蜆!!🦐而且沾返餐廳提供既白醋更加提到鮮味呢!!白醋入面有洋蔥粒 就咁食都好正🤪相比起黎意式龍蝦海鮮薄餅(單點$168)就比較普通🍕海鮮材料同份量都唔少但味道唔算突出..抵讚既係薄餅底無overcook同埋口感都唔錯呢~~ 呢度既飲品都係令人期待既一環🤩d名全部都好特別 令人好期待個樣🍹🥂Teddy Bear $58一飲竟然係咖啡味☕️ 原來要搞勻d沙冰先會出朱古力味🤣🤣鐘意佢一d都唔過甜👍🏻仲有童年回憶熊仔形餅餅!!🐻這飲品會不會太美🦄💕Flamingo Kiss $58口味係草莓+玫瑰🌹配bubble teaBubble tea唔係指珍珠奶茶..而係指有泡過既茶☕唔知大家有無留意到面頭有一隻細細的flamingo🕊真係中女都爆發少女心😍最鐘意係佢有層好厚既奶蓋係面 增加層次感😋連飲管都好靚不過管身太幼...好難飲得到特別係佢有唔少🍓肉同🥀花瓣..建議店家改用粗身d既飲管^^!!食到飽飽最後都唔係特別貴呢.. 本身有擔心過呢度係得個樣既餐廳..好彩食物質素都非常唔錯, 而且選擇又夠多, 份量亦都一定夠食!!絕對係可以再黎食既靚靚餐廳呢💕 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-27
868 瀏覽
我對粉紅色的愛無止境,一見到開左呢間野就飛來食,當然影相都係一個很重要的一環。成間野真係好粉紅,朋友笑說如果侍應係女僕或者執士就好了,真係諗太多,不過侍應哥哥都很照顧周到的~哈哈!環境fancy,食物都好fancy,竟然用個三層碟黎上個二人餐,認真地high tea住食dinner。先講下最上層的龍蝦脆多士蛋卷,係竹炭多士,一流的視覺效果。之後係第二層的芝士玉子燒,黎到呢到先發覺2個都係蛋,不過以不同形態上菜,都係中意玉子燒,個甜度做得很好,有日本感覺。最低層的海膽卡邦尼真心不錯!很creamy很濃厚,feel到個汁入面都有加海膽而非淨係得面果幾粒,食完都幾有份量。沙律用樽上要自己搖勻先食,足料但感覺不知從何入手去食。另一個沙律有成隻燒蝦,都燒得幾香~原來三層架之外仲有個粉紅色的小漢堡,叫左炸雞果款,佢真係好細個好可愛!個炸即炸所以都算新鮮熱辣辣上碟,兩個人一人一口就ko左。main course個慢煮三文魚雖然等奈小小,但超級驚喜!非常軟同滑而且慢煮鎖住晒肉汁,濃濃的omega 3跑出黎,個薯蓉都好好食,雖然食左咁多野真係飽飽地但都不自覺地清晒,真係好令人有回頭的衝動!飲品方面都算幾重點,因為佢杯杯都設計得好靚~我叫左有bear bear的choco n cookies,朋友叫左yellow submarine,好似係芒果+berry之類的,好fresh~ 繼續閱讀
(以上食評乃用戶個人意見 , 並不代表OpenRice之觀點。)