菓屋 (已結業)

👅 干腰榴連奶（少冰少甜）有無講過我係榴連發燒友，最鍾意試榴連乜乜乜😛其實佢呢間野仲有另外兩款榴連飲品，不過我第一次試，決定由淺入深，遲啲再試佢😌手上呢款榴連奶飲到用左好濃嘅榴連打成，佢都打得好滑（但其實我鍾意唔洗咁爛，有少少肉咬下會正啲🤤）奶亦夠濃，飲完再戴返個口罩😂😂😂全日都生活係榴連嘅世界呀🤤…查看更多

葵芳健康清新水果茶 呢間主打用新鮮即打果汁做賣點 相比起葵廣3樓既糖漿飲品 呢間會偏貴 簡單講吓評價.⭐️極濃Oreo奶$31呢杯感覺似奶昔 oero碎 同鮮奶融為一體👌🏻Oreo飲落幾多 甜度適中👍🏻佢哋用4.3明治鮮奶 口感都滑既⭐️粒粒青提茶$28😋呢杯 比較特別啲 真係真青提味❄️勁清新 同❄️冰凍既感覺 好消暑 好飲👍🏻飲到小小青提肉同🤔大量青提皮 飲落唔太好（如果去皮 體驗會更佳😅）（但人工成本可能就高好多啦）.而最重要係 飲完之後 朋友仔番同我講原來依家唔係黃店...sad…查看更多

平日少去葵廣經過見到好似唔錯就買點先中哂伏.店員本身態度已好差同佢講野又反白眼又唔想理咁都算 唔記得講少冰返去講 結果又反多次眼.其實個價係葵廣已唔算平諗住野飲ok都算數.點知出到嚟杯野飲一半係冰 淡淡嘅橙色(如圖)可能因為走左甜 杯野飲係加左少少西柚汁加大量西柚皮同水打出嚟嘅味平日飲開無糖紅柚茶都頂唔順 飲左兩啖頂唔順掉左.唔會再有下次 唔想再比錢受多次氣同買杯又苦又澀嘅西柚水.打出嚟只係唔想大家中伏至少唔好飲紅柚茶…查看更多

繼續掃街之旅，食到咁上下好友話想飲啲解膩嘅飲品，經過依間木系裝潢、主打生果茶嘅茶飲店，記得網上都有幾多人推薦，見未試過又試下。百香果茶 $25/ 蜂蜜橙茶 $25水果選擇算多，仲有期間限定。千挑萬選都係要返自己最鍾意嘅熱情果，叫咗少冰但仲係好凍好凍；杯入面有少少熱情果籽，茶味唔突出，味道似包裝飲品，有啲失望。另外好友嗰杯蜂蜜橙茶都係略淡，整體一般。好彩葵廣茶飲黃店多，東家唔飲西家，總有一間啱自己口味。…查看更多

飲左一段時間，覺得幾好飲，基本都一星期飲兩三次（我飲開無糖），最近一次叫哈密瓜飲到勁苦，本身都無咩野，我講返聲，佢地又願意送一次野飲比我，點知去拎既時候個老闆態度都幾差！仲同我講以後叫少甜啦～ 唔係好接受到:(…查看更多