影片
以上資料只供參考, 請與餐廳確認詳情
有關獎賞計劃
只可以話食物係晤錯, 但服務真係晤得。1. 上菜極慢，由點餐開始計20分鐘上麵包、30分鐘左右上薯條、1小時左右才上15oz US Prime Rib Eye。2. Menu 有標價麵包 $28。正常思維餐廳晤會提供免費麵包，所以我都冇點嚟食。點完餐大約20分鐘，妹妹仔侍應捧住一碟麵包放卜枱，話係新鮮出爐，以為係免費。點知隔離有2枱客，陸續都係咁樣放上枱，其中有人問道，侍應先話係餐廳 "Default"，所以即使客人冇點，都需要收費 $28。3. Wine List 近乎全部都 per bottle 標價錢，以為冇 per glass. 點知隔離枱話，原來 bubble, white, red 都各有1款係按杯收費，寫住 $78/g. 我孤陋寡聞，真係未見過係咁樣寫. 最終我係 order 1 bottle of French Red Wine ($468).4. 隔離枱客人專登嚟食Oyster. 點知佢地入座時，原來已經賣晒。侍應只係放低 Menu 就掉頭走，完全冇講聲今晚已經冇晒 Oyster。通常晤係一俾Menu，就講你今晚冇咩食物供應咩？5. Menu 有 French Fries($78), 又係以為所有 Main 都晤會有Side Dish 跟， 所以點餐時嗌左US Prime Rib Eye, French Fires ($798). 我已經問 ‘’薯條個 Portion 有幾大，2個女仔會晤會食晤晒㗎？‘’ 侍應話都幾大㗎。咁我都照order.點知原來Rib Eye 係附送大大份薯條！！咁點解我問有幾多 Portion 時，晤講聲牛扒已有？最後真係食晤晒。只可以話態度係輕柔溫和，可惜妹妹仔侍應咩都晤講，晤解釋，就同你收費; Menu 又寫得晤清晰，只分Starter, Main; Wine List per glass 就寫 “$78/g”; 感覺幾差，食物係ok, 但冇下次喇！又晤係平！
繼續閱讀
正！誤打誤撞去咗就覺得係一個放工避難既好地方 外國紅磚小餐館咁樣！去咗幾次都差唔多食哂成個Menu食勻都冇中伏！！！！！！呢樣好重要 bluecheese豬扒 慢煮方式令到肉質好鮮嫩mushroom soup講明係real mushroom 就真係飲得出有蘑菇粒 白酒青口大大隻 用個汁點麵包冇得頂 生蠔都好新鮮 直接叫店員幫我揀就唔使煩 正！必食法國蠔王Gillardeau 啖啖海水啖啖肉覺得紀念日生日去都唔錯 臨走前見到隔籬枱慶祝生日叫做個疏乎厘好似好正 巨版太平館疏乎厘咁 下次一定要試吓先
繼續閱讀
位於中環Soho 好熱鬧地段的小酒館 。👌🏼生蠔 ：試咗唔同款式，overall 都鮮甜，法國生蠔例如fine de claire 最好味。其他正正常常。餐包：暖暖地，軟熟好味帶子沙律$298：帶子熟度剛剛好，沙律係嫩菠菜葉，醬汁調較得清爽唔會太heavy，味道okay。👌🏼焗法國春雞 $268：聽餐廳介紹話係signature，但係食落正正常常冇乜特別。🤔烤Premium 澳洲轂飼豬扒 都係聽餐廳介紹叫的，但覺得冇咩特別。味道同質感都係正常。豬扒其實唔係西班牙黑毛豬下次都可以唔使叫。覺得主菜雞同埋豬扒都係正常味道，唔係伏，但又冇咩記憶點。唔知牛扒會唔會好啲。環境： ★★★☆☆ 食物： ★★★☆☆ 性價比：★★☆☆☆ 推介度： ★★★☆☆
繼續閱讀
朋友叫我去試咗間Fridge餐廳，真係一個不錯嘅選擇。話說個oyster真係打開我嘅味蕾，每隻都新鮮彈牙，順滑嘅口感加埋海水嘅鮮味，真係正😋！跟住我哋叫咗個Australia black Angus striploin，口口肉香嗆鼻，外面煎到微焦，裏面仲保持住肉汁，嚼勁十足，撈啖餐包汁啊👍！過嚟講吓個carbonara，濃郁嘅蛋汁cheese味同那口煙燻嘅bacon味，輕嚼之中都能感受到麵嘅軟滑，簡直係完美。最後呢，話說個risotto，米粒煮得啱啱好，質感creamy得黎不會太稠，係咸香中帶點酒香，勁舒服🍚。就算我哋食得太投入，都唔覺得等得耐，因為氣氛好得嚟，服務又好，加埋間restaurant裝潢得舒服得嚟有格調，真係一個食飯聊天嘅好地方。總之，Fridge俾我嘅感覺就係：舒服、美味、心情都好！下次再嚟，一定要再食番份Premium Australia grain-fed pork，想起都流口水！
繼續閱讀
當日同朋友聚會，眼見地方不太大，但反而有啲小餐館感覺。一邊食一邊飲酒傾計呢度真係不二之選！頭盤食左 Ham & Cheese Platter 、生蠔，隻隻都好新鮮冇殼碎，成件事再襯埋白酒非常夾。青口粒粒都好滑，口味清新好食。其中有幾道main courses好推薦，冇睇餐牌唔肯定叫咩名。但反正個豬、牛、羊架呢幾道，肉質剛剛好熟，超級淋，冇筋亦唔韌！呢3道個肉係煎到剛好有層crust，食到又脆脆地又嫩滑juicy既口感😭超值得試
繼續閱讀