Foxglove

營業中

休息中

Foxglove地址: 中環都爹利街6號印刷行2樓電話: 21168949🔹🔹🔹🔹🔹🔹🔹🔹🔹🔹🔹🔹放工鬆一鬆。尤其in the middle of the week, 真係想好好咁笑一場。朋友介紹下，睇咗個好好嘅show, 食咗餐好精緻嘅飯。間餐廳門口好有格調，有啲好靚嘅遮☂️起櫥窗做裝飾。唔知以為係賣遮☂️嘅添。在門口登記果陣係唔會見到餐廳入面，而係有度神秘機關。芝麻開門之後會入咗餐廳，即刻俾台上好似太空飛船嘅引擎裝置吸引咗。因為係包場睇show 嘅關係，個menu set 好晒。只係要揀齋定唔齋。對唔住，成班食肉獸無人食齋。咪睇間餐廳咁西式嘅裝潢，佢係食中菜架。💫蟹粉小籠包每人一蘢兩隻咁上俾我地，個皮好薄，包住熱辣辣嘅湯汁，湯汁鮮甜，肉質好味。💫鳳梨咕嚕豚肉炸得剛剛好。唔會太厚粉，酸酸甜甜嘅咕嚕汁包住啲豚肉，豚肉唔會太瘦好韌，亦都唔係肥豬肉口感，係紮實偏瘦果邊。鳳梨無渣。💫素湯浸法國菠菜苗個菜好幼嫩，一啲都唔鞋口💫黑松露炒飯粒粒分明，有鑊氣，炒得好乾身。包一杯酒🍷最後就係到壓軸睇show 時間，Vivek功力深厚，講嘅話題都好有共鳴！好正能量！完全無悶場。星期三晚咁樣差一差電💡，真係幫

今日喺中環入咗一班好耐冇見嘅朋友仔，大家心血來潮想食中菜，之後搵到呢一間喺好有浪漫氣氛嘅煤氣燈街隔離嘅一間中菜廳，其實我之前都嚟過呢度去聽音樂，入到去之後發現每一台都係有好多嘅女士。中我啲朋友一齊到個set lunch menu，以為係咁多樣嘢要揀其中一樣，最後發現原來個頭盤係包晒所有嘅餸，全部有十一樣餸。我哋咁多人食咁所以就一人一份，我覺得個芝士漢堡春捲係最好食嘅，呢啲fusion菜成日都有啲驚喜，其他就係一啲比較傳統嘅中菜，個水晶宮菜餃上面仲有啲金箔㖭，睇落去都幾高級，都可以用嚟呃下followers。之後我同啲朋友揀咗唔同嘅主菜，上菜係有啲慢，因為成間餐廳得四五個侍應，但係總共有大概六七十食客喺間餐廳，我哋大約係十二點半叫嘢食，要到大約一點半先至上齊啲菜，想得最快嘅係黑松露雜菜炒飯，之後係我哋最多人叫嘅紅燒牛肉麵。紅燒牛肉麵啲肉好淋，啲麵嘅爽口程度都非常之適中，但係就得三嚿牛肉，略嫌有啲少。呢一個紅油抄手就幾好食，適合一啲平時唔係食太多辣嘢嘅朋友。

一入到黎，大部份人都係飲酒傾計。好似得一兩枱（包括我地😂）係淨係食野架啦！人地 happy hour 飲酒，我地就飲茶！茶係逐位計，我地四個人，每人開一壺，每壺都唔同，一次過試晒四款，普洱太濃，唔係好適合夜晚飲喇！食物質素都算幾好！蝦餃好食；安格斯牛肉包好 juicy；蝦多士熱辣辣炸起，但唔係好油；漢堡春卷我就覺得冇乜特別，同埋唔係特別好食；櫻花蝦炒飯好食，炒得好乾身，高質有驚喜！有個麻辣蒜香薯條，我覺得happy hour黎，嗌個薯條、飲杯野幾正可以再黎

今日亂衝亂撞入咗呢閒以為吃西餐的食店，未到 12:30 已經坐左9 成 我想個個一定是熟客因為都唔會識得原來呢度中午係吃點心打開餐牌 有一人套餐或者係散叫點心和抄粉抄飯見到一個點心都要$80。我哋就選擇左叫三個一人套餐 每位 $220 另加茶錢$25 位套餐有前菜（海蜇青瓜，酸辣湯)青瓜海蜇味道唔錯幾正宗。酸辣湯足料有蝦有竹筍但係對我來講就辣咗少少😄)跟住就嚟咗一籠有依個菜肉包、帶子餃同埋另外一個類似冬菇肉餃菜肉包就新鮮熱辣辣好味帶子餃和冬菇肉餃嗰個手功同埋味道出奇地好跟住就上左一個類似蘿蔔絲酥餅入邊係依個肉碎冬菇另外一個係天婦羅炸蝦凍咗少少但係兩個味道都係還可以也包括一碟焯生菜 其實食到呢度已經好飽啦但係由於我哋係嗌咗三個套餐所以仲有一個擔擔面牛肉麵加埋另一個係叉燒炒飯擔擔面都可以做到有嗰個精粹咁另外牛肉麵我都食唔到因為10分飽啦叉燒炒飯出地係好好味又熱又有叉燒跟住又有帶子最後仲包一個甜品係依個楊枝甘露芒果出奇多 小小淡但係咁嘅價錢好值得再去 下次午餐三人叫兩個已經非常足夠服務員態度非常好 效率也高 👍🏻

本來開開心心諗住食個生日飯，食咗兩啖酸辣湯先感覺到點解匙羹有舊硬塊，佢哋根本冇將嗰啲餐具洗乾淨，餐廳嘅經理亦唔知道點樣提供善後服務。我卒之成餐飯冇食到，好嬲。疫情之下衛生條件咁差，千祈唔好去！

如果大家會去呢間餐廳，請大家留意一下佢開門嘅方法🤩🤩有驚喜之餘仲大開眼界！好似進入另一個世界咁想highlight一下餐廳入邊嘅裝修，非常之有情調，喺呢個氛圍之下食傳統中式嘅點心，完全係中西合璧嘅體驗個人最喜歡係佢嘅上海小籠包，一啖咬落去真係會有湯流同肉汁爆出來個皮真係做得好薄，特別欣賞佢個接口位唔會做到好厚，蒸出來唔會好硬實呢個係龍蝦燒賣，冇錯佢上面咁大舊嘅就係龍蝦，分量落得非常之慷慨，龍蝦肉爽口彈牙，完全係大滿足嘅口感！去食點心一定要食腸粉，覺得佢個皮整得好滑同埋唔會好油，叉燒選用得肥瘦適中，唔會好似喺出邊酒樓咁唉落係肥膏，同埋嗰豉油係熱上，欣賞，西式風格但都跟到啲中式傳統小習慣意外嘅好味！冇諗過海膽同蝦餃可以咁夾！有啲人會覺得海膽好腥，但係對於我來講係鮮味！呢個海膽係真係新鮮，仲有濃濃嘅海水味，同爽口彈牙嘅蝦餃一齊食，口感又軟又彈出奇地夾，同埋你睇相都見到海膽份量一啲都唔少！蝦多士上到枱有啲凍咗，呢個位有少少失望，但係都冇咗我對蝦多士嘅喜愛炸得好鬆軟，完全冇蝦同包分離嘅情況都想寫幾隻字讚下依杯茶，呢個碧螺春真係好香口感飲落好舒服！

呢個酒吧非常之特別，外面係好似Kingsman套戲入邊嘅揀裝備果幕咁，店舖外面係一個買雨傘裝修風格嘅店舖，入面就好似船艙咁樣🚢意想不到嘅係嘢食竟然會係精緻嘅中式點心兼且夜晚仲會有樂隊表演🎵不過呢度嘅環境實在太黑所以都冇話影到乜嘢好靚嘅相📷逢星期四呢度會有一對哥倫比亞嘅樂隊表演🎤歡迎大家星期四夜晚過嚟呢度地方欣賞佢哋👍🏻保證你哋會有個美好嘅晚上😍-龍蝦燒賣🦞$80/2pcs呢個絕對必點勁少見！非常吸引，超級彈牙肉質鮮嫩可口嘅龍蝦肉鮮味十分🦞平時魚肉、豬肉、甚或市面上都有一款龍蝦燒賣，但呢個絕對贏勻十條街-海膽蝦餃🦐$80/2pcs新鮮creamy嘅海膽鮮甜可口，配搭上皮薄既水晶皮，入面仲有蝦肉🦐整體配搭好fresh好夾！蝦餃配合海膽都真係第一次見😍好推介大家食！安格斯牛肉千層酥🐮 $80/3pcs炒香左嘅洋蔥🧅mix安格斯牛肉碎，再加上少少黑椒！喺酒樓平時食開呢個千層酥入面都係白蘿蔔絲，估唔到呢度會選用高級嘅Angus beef，食落非常惹味又唔會太油膩🐂-安格斯牛肉春捲🐂今次我哋好似叫佢哋幫我地安排餐單，所以呢款餐牌上面係冇，入面個餡了同安格斯千層酥差唔多，香脆可口牛肉味好重，唯一比較

朋友喺中環返工，話要帶我去蒲去威，梗係應承開下眼界。去到門口感覺好神秘，牆面係透明飾櫃，放住一排排長遮，好容易就令人聯想到King’s  man，待應仲要喺門口㩒掣門口，又有燈光效果，神秘十足。雖然餐廳位置喺地下，但成功運用矮傢俬同裝修減低焗促感，見到啲沙發同燭光已經覺得好正！坐低咗之後，發現menu原來係中式點心，不過玩咗少少創意，用咗啲貴食材又提高咗格調，同朋友叫咗蝦多士、蜂巢盒同櫻花蝦炒飯。蝦多士外脆內軟，多士睇落唔厚，但亦都唔會覺得蝦膠好少，麪包因為炸過又吸收咗啲油香，搭埋泰式辣醬一流！蜂巢盒唔係度度都有得食，相信係因為製作唔容易。所以見到有一定要食。亦都無令人失望，咬一啖第一個感覺係好鬆化，再加埋芋餡嘅綿密，同埋豬肉粒，口感豐富又有滿足滿，正。原本諗住酒吧嘅炒飯應該唔會好大份，點知一上菜， 我諗3個女仔食都仲夠分，啖啖都食到櫻花蝦，仲大大粒鮮蝦，非常惹味，飽肚！眼見在場人多數都係叫酒，我哋就叫咗茶，一人一壺，茶味一開始好淡，但耐咗就濃，但都唔會澀仲好好入口，一人一壺都好襟好抵飲！除咗嘢食，緊係要講氣，估唔到閒日都會有歌手表演，我哋仲要啱啱坐近表演區，仲啱啱好唱嘅歌我都識，好c

朋友話請食飯，揀了中環這間另類酒吧，真係好surprised！第一次在酒吧飲白酒食蝦餃，感覺十分新奇餐廳入囗兩旁放滿靚靚雨傘，原來不是裝飾而是售賣的。內裡環境寬敞，燈光昏暗有情調，充滿浪漫氣氛。原來每晚8:30 還有live band 表演（星期一二除外），今次錯過了，下次一定要夾啱時間來欣賞。Happy Hour 時段至7點，剛剛趕得切...HH Rose Wine ( Gls ) $60 ～味道清新易入喉靚酒配至愛蝦餃 😍😍Har Gow Prawn Dumpling $65～蝦餃晶瑩剔透，蝦肉彈牙爽脆！水準不錯Pork Dumpling in Ma La Chili Oil 紅油炒手 $55～入口滑溜，辣味適中，充滿川辣風味！Black Pepper Angus Beef and Mushroom Bao 黑椒安格斯牛肉磨菇包 $50～出奇地好味，食落外脆內軟，油花甘香，牛肉鹹香惹味，送酒一流呀！Dan Dan Noodles w / Minced Pork 擔擔麵 $90～至愛的擔擔麵，麵質爽滑，湯頭伴以香濃花生醬，味道層次就更豐富。這裡完美演繹fusion特色，下次一定要試一

認認真真，中餐是食得多可西風中餐又有酒吧又有樂隊表演就真心第一次見。感謝酒鬼朋友推薦這種有品味的一間店～真心單環境好正～真的是食中餐，光份來時真難以置信～有茶給大家選，可一人一壺～我叫了green tea$25，不錯，清香十足。然後叫了蝦多士$65炸得超香口鬆脆，上盤熱辣辣，蝦味也夠，又不會覺很厚重麵包感，很惹味～另外叫了個櫻花蝦炒飯$280飯分量不少，櫻花蝦也很多灑在飯上，裡邊配菜有蝦有菜所以很清爽，乾濕度剛好。之後叫了甜品$55，裡邊是芋頭，外邊炸得很鬆口。不錯～吃飯中途有樂隊表演，享受一流！

中環又找到好玩意, 德己立街出名的打卡位（行人梯級）旁邊發現到 FOXGLOVE 酒吧內有機關重重, 門口一路有紅地毯, 氣勢逼人, 當服務員協助健康登記.., 就會按動雨傘筒內暗格開門🤭🤭🤭🤭, 非常搞笑.我們到的時間比較早, 還是 Happy hour 時段, 大家飲酒的節奏加快了少少 😝 方便 second round 如果夾啱時間, 更加可以聽現場樂隊唱歌！Red Wine ( Gls ) $60中環收工嘆紅酒食精美靚點心, 而且地方夠特別, 酒吧都可以食到點心, 一個字 “服” 🤭👍Har Gow Prawn(Dumpling) $65 蝦餃, 大大隻鮮香爽肉海蝦, 一口一件, 食得過穩Black Pepper $50Angus Beef and Mushroom Bao黑胡椒安格斯牛肉蘑菇包, 濃郁牛肉味, 配搭黑胡椒及蘑菇粒, 好食到馬上 encore 😘😘（必吃）Pork Dumpling in Ma La Chili Oil $55豬肉餃子, 配上自家製麻辣醬油, 非常惹味, 用來座酒有新意😋.Dan Dan Noodles w / Minced Pork $90酒

😌四川擔擔麵😌$90 上之前好貼心問洗唔洗分兩份，咁梗係好喇佢個芝麻醬好濃郁，麵條掛湯，中意食擔擔麵濃香既口味必試丫 😋炸蝦多士😋$65 呢個蝦多士有四份，炸得金黃香脆，勁滋味🥰🥰🥰 🥰上海小籠包🥰 $55 不嬲都好中意食小籠包，所以黎親食點心都會叫，呢個小籠包勁足料，大大個，咬開仲有鮮味湯汁，好好味😍😍😍 😛安格斯牛肉包😛$50 個包都整得好比心機，食落好鬆軟餡料夠飽滿，除左牛肉仲有d菇，勁香口 😚朱古力流沙煎堆😚$50 朱古力煎堆第一次見，試完覺得都幾match,個餡係用nutella 做，唔係真係朱古力新鮮熱辣炸好，所以食個陣要小心辣口，放一陣先食就最好😉😉 個日去咁啱有band表演，氣氛好好，好多人會企埋起身跳舞，好正🙆🏻‍♀️🙆🏻‍♀️🙆🏻‍♀️ 

早排朋友約我去中環一間中菜餐廳食dinner, 佢send左d相比我睇啦. 我心諗食點心?! 會唔會好搵笨啊? 不過~既然係朋友請就無所謂啦haha 好搞笑既係去到相應既地址但又搵唔到個門口....原來門口安放了好多不同款式的雨傘，係雨傘筒入面禁一下個雨傘把手就會自動開門, 感覺似就去到James Bond既秘密基地! 間野裝修係特別, 我個人覺得就算你本身唔好中菜, 都應該去打下卡🤣入番正題~ 1) 安格斯牛肉芋絲酥芋絲酥做得唔錯，大廚炸過既皮鬆化得黎又唔會太油膩(好岩怕肥既你)，每一件餡料既都好足料，會見到一絲絲既安格斯牛肉，食落啖啖牛肉香。2) 麻辣french fries第一次食麻辣味既薯條, 麻辣感覺好到位而且炸得好脆, 我最like既係佢係幼身薯條!! 3) 麻婆豆腐餃皮薄但唔會1夾就散, 豆腐夠滑同一粒粒好完整~加爆汁!整體黎講間值得下試!!

英式風格又帶神秘色彩的酒吧餐廳。在接待處旁邊的一個雨傘筒中，放著數把紳士雨傘，接待員抽起了其中一把，雨傘筒後面一道掛了雨傘作裝飾的牆身突然打開，原來這是一道神秘門。 門後的餐廳內燈光昏暗，空間大。 餐廳設有金光閃閃的舞台，令餐廳更顯氣派。 侍應極力推介麻辣小籠包$65/3 pcs小籠包外皮厚薄得宜，感覺有韌性，食落又煙韌。肉餡新鮮，有肉味又 juicy，湯汁鮮甜，帶著微微辣。安格斯牛肉千絲酥$80/3層次分明，入口鬆化，酥香味美。牛肉味濃，一口接著一口。蜂巢芋盒 賣相擺碟不錯, 有荔芋香味, 饀料豐富, 炸得香 唔會油膩, 好滿意.到了8:30 Live Band 出現，唱得好有水準。適當的音樂可以振奮人心，舒解情緒。輕鬆享受充滿娛樂性的一個晚餐。

今日老闆請食飯，帶咗我黎呢間型格餐廳入到黎完全見唔到人食野仲以為去錯地方。原來佢係型到好似電視d 有錢人屋企扭一扭個花樽就開另一對門咁，有機關架 要開咗先睇到入面嘅世界。不過入去之前想講一講個reception 有個人啦⋯⋯我估係香港人黎嘅咁 我入緊去果陣 佢仲用廣東話傾緊電話我一到去 佢就用比較港式英文嘅問我幾位之類。唔知點解 有少少感覺唔良好，唔知係果個人嘅態度問題定口音問題 定點。可能我會覺得去中環食呢d餐廳 會想人serve得好d! Anyway 入去啦睇睇入面先 你應該仲未知佢真正係食咩嘅！唔係食西式野啊 飲酒果d啊⋯⋯係飲茶啊哈哈！ 呢壼係碧螺春，用真茶葉沖架！少少回甘海膽蝦餃！好靚喎岩哂我打卡食落個海膽好新鮮同埋估唔到都夾嘅！新食法呢個係cheese burger spring roll 就係我地嘅春卷啦不過佢係用d牛肉同芝士整成醬做個餡都還可以，幾有特色！但個人都係鐘意中式果d多d但其實味道係ok 嘅 胡椒味重咗d d 跟住當然要食翻籠小籠包！好味喎⋯⋯比想像中 個皮仲厚咗少少 可能我地放咗一陣先食 ，但真係可以喎呢個最後最後一個炒飯就飽哂啦 呢個櫻花蝦海鮮炒飯！正啊