Foodeli (形點 I)

營業中

休息中

好啦好啦，時不時入元朗都會行吓yoho mall，今次畀我發現多咗個food court『foodeli』，意外驚喜，試過一個人來唔知食咩好，宜家有food court，就唔怕一個人來冇嘢食，更何況呢度有中，日，韓等10幾家食肆。今次係同朋友來嘅，舊年呢個時候喺大阪食過『大阪王將』，今次一見『阪神』啲餐牌就嗌咗『鰻魚關西炒麵』+『大阪王將炸餃子』來懷念1年前的味道。鰻魚炒麵賣相好好，有關西特色，鰻魚好肥美，厚厚的肉身，入味的魚肉，满足嘅，多D就更加好。『花甲年華』嘅小辣『鮮甜花甲粉』同理香辣嘅『招牌焗蠔』2隻，花甲大大隻，有10幾隻咁多，同時亦無負『鮮甜』两字，焗蠔亦好惹味，估唔到food court啲質數亦可以咁好。

以為行過YOHO成日吾知食乜好，而且太大要搵間岩心水既餐廳都有排你行，依加有位於YOHO1期2樓既food court “Foodeli” 就吾驚啦！入面有好多吾同國家既特色小食選擇，座位都好多阪神🐙章魚大阪燒 $45係香港食大阪燒真係好考廚房手工，今次真係食到日本既味道，章魚足料就不再講，醬料既搭配真係好夠味，整體又不會太粉，推介！🍟黑松露蛋黃醬薯條 $32薯條配黑松露本身好似有啲唔夾，不過食落又幾好味，再加上有蛋黃醬既調味，令到整體味道都唔錯！最緊要醬料夠晒每一條薯條都點到！🦪招牌焗蠔 $38焗蠔係十分推介，一上碟就有濃厚既香味撲鼻，多蒜蓉更加帶出左蠔既鮮味，仲要一啲郁唔腥，加上小小辣令你食落有多重既享受！鮮甜花甲粉 $58一開始一個錫箔紙上菜，估唔到打開有驚喜，焗到入晒味既粉絲，加上辣汁蒜蓉汁，仲有好多花甲，配合既味道簡直意想不到，不過愈食會愈辣但係又愈食愈有感覺，怕辣既朋友記得準備飲品！

知道元朗形點一期，新開咗個 Foodeli 有好多野食，之前一直都未有時間去，今日一於去睇睇😊！一行到入去，裝修設計有別於一般的美食廣場，有立食區、卡位和吧枱設計，而食物方面，更加多元化！自行落單，價錢亦清晰，八達通付款十分簡單易用！泰萊廚房(泰國無骨海南雞飯＄56)皮光肉滑，賣相都不錯😌，沒有骨之餘亦冇乜肥膏，真正啖啖肉，又無雞腥味， 十分新鮮，加上秘製辣醬一齊食，配埋油雞飯，😋滿口都是雞香味！花甲年華(招牌焗錫紙花甲$30)惹味之選，都係第一次食，錫紙包住都幾特別，花甲冇沙，底下重有粉絲吸收晒D湯汁，每一啖都掛滿蔥蒜，好濃味！小食方面(焗茄子$30)(招牌焗蠔$70)🦪~一碟有六隻，雖然不是好大隻，但係食得出新鮮👍🏻，肉質經過燒烤，但亦保持到水份，有水準！🍆~喜歡吃蒜蔥芫荽的人，必定要試！

近日到元朗探望親友，他們介紹我哋到Yoho Mall 一期  2/F 的 Foodeli，這裡是美食廣場，有不同款式的食店，任君選擇，真的很不錯。進入 Foodeli 已經感覺裝修雅致，好時尚，地方整潔舒適。這裡有很多不同菜式的食品，每間店都好特色，有港式、中式、日式、泰式、韓式、台式等，間間都好吸引。我選擇了 店，套餐包括三多炸脾配薯條+汽水 $49，我不揀汽水，選擇加錢點忌廉鮮奶紅豆冰 。等了   大概10分鐘，熱辣辣的炸脾就可以享用啦，在等待時已經聞到炸脾的香味，大大隻的炸脾，外脆內嫩，雞肉很滑，好鮮味，帶有少少鹹香，味道適中，不會過鹹，好惹味，配合脆脆的薯條，薯味濃郁，以及我至愛的忌廉鮮奶紅豆冰，少少甜，忌廉好幼滑，紅豆味濃厚，好香甜，吃完真的大滿足了！而另一間是 店的泰國無骨海南雞飯 $56，附送碗湯，湯底清甜  ;  而無骨海南雞份量都算多，油飯甘香，有成一大碟，二人分享都可以，滿足晒。海南雞是無骨，啖啖肉，雞皮又滑又薄，無論雞肉還是雞皮，甚至雞胸肉既肉質，裏裏外外都做得非常之嫩滑無比，配以辣醬油，這道菜實在是滋味無比。好友另加錢揀了青檸梳打，口感清新，消滯解膩，冰冰涼

嚟開元朗Yoho Mall買嘢，行到攰攰哋，經過呢個food court，可以試唔同餐廳嘅唔同菜式，於是就試下。可以直接埋櫃枱點餐，亦都可以自助點餐機自己撳機。我哋捒咗海南雞飯同滷水雞脾配薯條。海南雞飯。雞肉嫩滑，雞皮爽滑唔肥膩，蘸酸酸辣辣嘅醬汁食味道一流。油飯好香雞油味，軟糯可口。仲有個湯，蔥味十足。滷水雞脾配薯條。大大隻雞脾，雞皮完整上色，睇落好好味。食落肉質又腍又滑，惟味道爭小小唔夠入味。反而薯條就唔錯，香脆可口，配埋杯可樂就perfect。

今日啱啱去完YOHO MALL度睇聖誕嘅裝飾之後，就睇吓有咩好食啦，呢個商場選擇都好多，上到去food court見到都有幾多選擇，本身想食三多炸肶，但係之後怕太熱氣都係改咗食第二樣。咁我最後就揀咗泰國嘢，食咗個海南雞飯，佢跟埋個湯嘅，另外再加左杯青檸梳打。個湯幾好味。我朋友呢就想食大阪燒，佢就要咗個鰻魚炒麵然後加咗$10 ，連埋紙包飲品同埋四隻餃子。個炒麵呢就有啲像多咗啲，識落比較甜，但係四隻餃子就好好味，好脆又有汁。現場所見， food court都唔係好多人，可能因為而家肺炎嘅關係都少咗人出嚟食飯啦。而呢度係自助式一啲嘅，自己去收銀比完錢，轉個頭再返嚟拎嘢食，另外餐具同埋熱水嗰啲都係自己去拎。