FIVE GUYS

營業中

休息中

係美國己經好出名嘅漢堡包 今次等左一個鐘先有位坐🥺叫左一個🍔cheese burger $85 all the way 所有配料都要晒😋因為個包用錫紙包住，所以整到個麵包皮都扁晒，而且冇咁鬆軟，同埋有好多芝士都黐住係個錫紙上面🥲。味道方面，個漢堡扒好Juice 好多肉汁，調味啱啱好，但係因為錫紙穿窿，所以啲肉汁食都周圍都係，場面一度混亂🤣另外仲叫咗一個大薯條，啲薯條多到成個紙袋都係，兩個人都share食唔晒🤪

一早起身出咗去尖沙咀行街諗住high個tea，點知周圍都好多人又要等位等好耐實在太餓啦決定求其搵啲嘢食算咁啱經過Five guys，決定入去醫肚five guys基本上每一個月都會食一次以前係英國，都唔會點食但係人總係犯賤有得食嗰陣時唔食冇得食嗰陣時就成日掛住今日食咗mini cheese burger雖然佢叫Mini，但對於我來講一啲都唔Mini食完一個等於食咗餐飯但係今次唔知係咪因為太多人嘅關係個包唔係好夠熱cheese都唔係好溶個免治牛肉仲有少少overcook仲叫咗杯Milkshake 加埋nuts真係超級之正飲幾啖真係飽到上心口我覺得佢哋嘅Milkshake簡直係天堂美食真係冇其他地方可以媲美

今次黎食一間美國過江龍嘅快餐店餐廳，全球有超過1500間分店，香港灣仔係全亞洲第一間分店，係2018年11月19號開張，呢家喺香港已經有五間分店。呢間傳統美式快餐店，主打漢堡包、薯條同奶昔，另外仲有熱狗同三文治，全部都係冇套餐要散嗌，漢堡賣點人手製作、從不冷藏急凍，香港價錢同美國英國差唔多，冇話黎到香港貴咗好多。-🍔 Little bacon cheeseburger 💰75（👅: 8/10）呢度嘅漢堡包最大特色就係配料同醬汁都可以自由配搭，而且價錢免費，總共15種配料同醬汁全部要晒都係同一個價錢，如果有選擇困難症可以揀all the way，咁就有最基本嗰八種，餐廳會配個佢哋覺得最好嘅配搭。落order時店員都清一色會比紙袋你，唔會問你喺度食定聽take away。我叫咗一個細啲嘅有煙肉嘅cheese Burger，因為又要食薯條同飲奶昔所以就叫細啲，不過細同大個分別就係單雙層，要唔要多一塊漢堡扒。麵包算正常，唔係最差嘅空氣包，但又未到好食，好食嘅麵包應該係會有烘少少，食落應該係有啲脆，呢個唔係。醬汁嘅份量就正常，唔會話過多令到個包太濕，個人唔鍾意個包好濕，食落完全腍晒。蔬菜食落好新

終於一試美國過江龍Five Guys，紅白嘅裝潢好有記憶點。自助形式，自己揾位再出去叫餐。另外一個賣點就係可以任食花生🥜(不過花生味道其實無咩太特別的哈哈)，不過等緊無野做個陣食下都可以消磨下時間呢😆《Cheese Burger》💰$85可以自由搭配唔同配料，最簡單就係揀all the way啦，咩都可以試下。行到取餐處見到員工即整嘅過程，店員叫no時都好有活力呢。漢堡係用錫紙包裝，包就比較濕軟，半溶嘅芝士配住漢堡同咁多配料，咁足料一口都咬唔曬呀😋《Fries》Little 💰$40可以揀大/中/細 size，份量都算多，粗薯條非常香脆，令人一口接一口🍟《Milkshakes》💰$55奶昔都可以自己選擇味道，以及可以揀加唔加cream。今次揀左花生醬同海鹽，味道好美式呀。不過如果驚太甜膩就唔好加cream啦，兩個人share一杯都ok的整體黎講味道係特別，但價錢相對其他快餐當然係貴少少啦，不過個人就比較中意薯條同奶昔啦😎環境：⭐️⭐️⭐️味道：⭐️⭐️⭐️⭐️打卡：⭐️⭐️⭐️服務：⭐️⭐️⭐️回頭率：⭐️⭐️⭐️

見 Five Guys 喺觀塘開分店，突然勾起條癮想試一試 🐒揀咗閒日 2 點半過嚟，人唔算好多 落單到攞嘢食 15 分鐘內攪掂 😏🔻 Little Cheese Burger (所有配菜加牛扒&燒烤醬） 整體味道偏淡，每啖都只係食到配料同少少醬汁味牛肉同芝士味都唔突出，但塊扒既質素幾好，夠 juicy 配菜亦算新鮮， 可惜個包吸哂 d 肉汁同倒汗水，變到非常好淋.. 🔻 Little Fries 🍟比漢堡出色，唔單止外脆內軟，而且仲好有薯味 薯條粗度接近茶餐廳既波浪薯條 ，雖然只係用粗鹹調味，但香口程度拍得住薯圈薯格 份量亦都好足，嗌細份都夠兩個人 share 🔻Peanut Butter Milkshake with Whipped Cream 花生醬味超濃，入口口感順滑，非常推薦大家試吓 不過佢比較杰身， 啱啱飲時好難啜 以上三樣嘢，總共 $160 💰總括嚟講質素算可以，價錢唔算好貴，份量都夠大，但食物唔係好夠熱，漢堡.. 就唔推薦了。 如果下次嚟應該淨係會 encore 奶昔 😂

Little bacon cheeseburger 單層煙肉芝士漢堡（$75）用錫紙包裝，麵包比較濕、淋，牛肉juicy，唔會乾爭爭，Bacon係脆香。漢堡包有15種配料免費任選，我簡左生菜、蕃茄、牛扒醬、茄汁，呢個size已經好足夠，食完勁飽。整體好食，如果個包皮乾身d會更加好！Large fries大薯條（$60)無諗過咁大杯，以為係某間連鎖店果d size🙈，食唔哂，2人建議叫個細或普通就可以了。係粗身薯條，冇乜油，幾好！可能係即炸，仲熱辣辣，好脆。.香蕉oreo雲呢拿奶昔（$55）有驚喜！好好飲，有11種奶昔配料免費添加，覺得自己簡得好好！香蕉、oreo、雲呢拿，撞埋一齊好鬼夾，好香！唔會甜到流.另有花生免費任拎，係好淋果種花生，我比較喜歡食脆花生。

呢度嘅漢堡包款式不多，但係勝在有多款自選配料，例如蕃茄，生菜，芝士，烤蘑菇，醃酸黃瓜，烤洋蔥，青椒,茄汁，芥末醬，蛋黃醬，辣醬，燒烤醬，牛扒醬🤤🤤呢到係即叫即整，新鮮好味，重點係個漢堡勁Juicy👍🏻😍薯條🍟 炸得勁香脆，同份量勁多，加上可以選擇辣同唔辣😋個辣粉真係好好味👍🏻

Cheeseburger $85🍔既配料同醬料可以任意配搭🥳 今次就揀咗grilled onion🧅 、mushroom🍄、lettuce 🥬同埋A.1 steak sauce漢堡扒食落都有少少肉汁 唔會好乾 整體既配搭都唔錯🤪評分: 8.5/10🌟Little Hamburger $55平時食開cheeseburger 今次試下hamburger睇下係咪咁好食🧐 配料有 onion🧅 、tomato🍅、lettuce 🥬同埋Mayo 因為後面有人排隊 個staff又有少少急搞到我都唔記得咗叫mushroom🙁 食落覺得蛋黃醬同個漢堡唔太夾 加上冇咗塊芝士好似差緊啲野咁🤧 下次都係叫返cheeseburger算🤥評分: 6.5/10🌟Regular fries $50🍟總共有三個size 今次揀咗中間個個 一拎到發現都幾多😂😂😂 不過佢啲薯條用新鮮薯仔🥔整 又即炸 食落都熱辣辣脆卜卜咁 好輕易就食哂😆 但如果想過下口癮就建議買最細個size就可以！評分: 8/10🌟Vanilla Milkshake 🥛 $55話說本身係想要banana🍌 應該係個staff聽錯咗 之後我飲飲下問點解咁

five guys食得多, 但係尖沙咀k11呢一間分店, 就係第一次試佢啦, 我次次食親都係因為揸車中間要攝啲時間, 所以都係會一買完就上車食。 今次都唔例外,買完就立即上車食, 當然係加上疫情嘅關係啦。k11呢一間分店都大嘅, 我去到嘅時候因為18 00後不能夠堂食, 所以員工亦都將啲枱收起進行大清潔。以我照舊係買咗芝士漢堡regular size, 入面配料加嘅嘢我次次都一樣, 包括蘑菇啦 生嘅洋蔥,熟嘅洋蔥, 蛋黃醬 芥末醬, 生菜, 蕃茄。 樣樣嘢都幾足料, 不過同其他分店有唔同嘅係我食得出佢嘅醬汁好稀好淡。 呢樣真係有待改進, 而且收銀嗰個店員禮貌欠奉, 而家咁樣嘅市道, 有份工仲要咁嘅態度 ,真係要公司處理下啦

唔想次次都老麥就試下five guys， 個個都話一般，但係未食過都係想試下， 結果都係覺得一般，同埋真係好貴。叫咗cheese burger、becon burger、 薯條、 five guys milk shake， 加埋已經係330蚊首先花生係益嘅， 完全係食壞人burger個包有鬆又濕完全係唔好食， 覺得用錫紙包住係一個失敗個包濕曬, 啲汁流曬出嚟食得好狼狽，裏面塊肉好乾， 但係個包係幾大個嘅。整體嚟講最好食係個薯條,有啲似薯角,另外嗰怀奶昔都好飲,不過真係好貴,要成五十五蚊一杯

雖然Five Guys喺香港開咗一段時間,但係之前一直都冇機會食到，反而因為最近既限聚令，所以機緣巧合之下終於試到啦。聽朋友講原來Five Guys佢哋嘅原材料全部都係外國運返嚟，仲可以追尋返佢哋嘅蔬菜源頭來自邊個農場，甚至乎佢哋嘅薯條係喺外國嘅指定農場生產，然後再原隻薯仔運返嚟香港先進行切條加工，聽完之後覺得原來幾十蚊一個嘅漢堡包背後嘅付出真係好龐大，亦都覺得佢哋呢間舖頭真係好專業！我今次就試咗佢哋個Mini cheese burger，食過嘅朋友都會知道佢哋嘅配料同埋醬料係自由選擇，小朋友先會做選擇，我就梗係全部All in 啦！(除咗青椒😂）唔好聽到Mini呢個字以為好細個，可能係因為我乜都落晒，我個包竟然仲大過同行嘅朋友！我覺得burger嘅重點一定係牛肉，佢哋嘅牛肉都唔錯，唔會好乾好柴，牛味亦都好出，配搭佢哋香濃嘅芝士真心好食，洋蔥好爽脆，加埋蘑菇蕃茄同埋其他配料真係超飽肚！可能因為材料太多，所以我覺得麵包相比起來講就冇咁突出啦，不過整體黎講我都好滿意，下次再試嘅話我一定會試埋佢個薯條，睇吓佢嘅薯條到底係點樣先！

第一次幫襯 Five Guys 係 K11 Musea 嘅分店，食物一般冇咩問題因為疫情限聚要叫外賣，某程度影響咗食物質素。但係重點要評論服務真係「令人難以忘記」，入面有位男收銀員工(Register:1 / Cashier 4./2Jan2021/19:15)對顧客態度極之不耐煩並帶有呼喝口吻，唔講以為佢先係客。見到好多人都講過佢地收銀態度麻麻但冇諗過去到咁惡劣，唔知各位有冇試過其他分店係咪都係咁差service。咁嘅收費冇諗過有咁嘅服務金拱門都好過佢囉。已經向佢哋公司投訴，各個社交媒體給與負評，同埋想問下評分點解冇得比0粒星？😤

聖誕節可以唔約朋友出街食丫諗住聖誕食burger應該唔多人點知原來節目出街食邊間都多人仲要而家限聚令 2人一枱 點餐條隊排到出門口但都不減我想食既心同朋友叫左一人一個little cheese burger我加左steak sauce同mushroom但汁嫌少朋友加左mushroom同生菜最抵食係toppings免費任加野飲我叫左banana milkshake朋友叫左peanut butter milkshake奶味重 對我黎講甜左少少不過peanut好香 原來配milkshake係甘夾另外再加左個大薯條 好脆 好好食但原來兩個食唔晒 因為見中薯同大薯份量差好遠下次都係食中薯總結 唔係我想像甘差會再encore

成日聽人講five guys 好好味 好正難得今日平日放假 諗住唔洗同人迫就黎左尖沙咀呢間分店burger 可以自己揀咩餡料 幾好！ 好豐富🥳🥳叫左杯朱古力奶昔個人覺得仲出色過個burger😂😂好好味！ 可能太耐冇飲奶昔😂😂！粗薯條正正子～ 但食得多有點咸花生任拎 但咸到.... 食左幾粒已經頂唔順 ...好努力先食得晒😂😂

今日出尖沙咀有嘢做，去Five Guys食個tea。薯條(Cajun/辣)$40 + 奶昔$55 = $95Cajun是美國南部的辣香料味，不算太辣。薯條比預期多，食薯條都飽了。奶昔味道似雪糕，味道ok。價錢是貴，但其實都幾飽肚，不用排隊可以去食。