Find The Way

營業中

休息中

見到網上介紹，所以來試吓，menu 不太多選擇，有熱香餅，焦糖雞蛋布甸，及蛋糕等，點選了2份熱香餅套餐，配焙茶latte 及藍橙雪糕梳打，店內座位不多，bar 枱設計，但不太舒適，前方位置沒有腳踏的地方。它的特色是全程讓客人看到製作食物及飲品，所以製作熱香餅的時候有濃濃的香味，熱香餅配上的塩牛油是自家製，味道幾特別，如不夠可加，也可加糖漿一起吃！藍橙雪糕梳打似波子汽水，焙茶latte 味道濃郁，值得一試！

❤️元朗 Find the way❤️店內裝潢 瞬間帶你去咗🇯🇵日本喫茶店Latte 應該係用深焙豆 飲到有朱古力味另外叫左雞蛋布甸🍮同 cheese cake🍰兩個甜品都好好食🍮布甸好滑溜感加埋個楓糖汁 糖度岩岩好Cheese Cake 店員冇講明係咩口味🍰蛋糕食落似 Chai Tea味☕️好濃既茶香 份量夠大 加埋面頭個層煙燻焦糖有多重味道既變化.店內位置不多 去既時候要預留等候時間

呢間昭和風日式Cafe俾人一種懷舊又溫馨嘅感覺。由門口個「喫茶」牌匾，到入面啲木質裝修，都充滿晒昭和時代嘅氛圍，假日都要排隊等候啊！藍橙梳打雪糕特飲望落又清涼又吸睛，加埋焦糖雞蛋布甸，仲有個抹茶鮮奶，成張枱都充滿日式風情。 呢間Cafe唔單止有好味甜品，仲俾客人一種好似置身喺昭和時代嘅特別體驗。復古嘅裝修同埋貼心嘅服務，令人有種穿越時空嘅感覺，真係值得一試嘅好地方！

放假食完lunch唔夠飽 就走去搵甜品食😎呢間係一間我bookmark咗好耐嘅日式喫茶店 終於的起心肝去試試佢～ 間舖門面好唔起眼 唔係特登搵都真係好難會發現到😖 店內位置有限 係要等位嘅 不過好在係留名同電話 有位佢就會call你 所以唔洗一直係門口等👍- 焦糖雞蛋布甸 出色😍 焦糖味好濃 布甸都好夠滑 然後上面果pat cream好好食！ 係我食過最棉最滑嘅cream 配埋布甸一齊放入口 正😋- 熱香餅 即叫即焗 熱辣辣嘅熱香餅～ 不過食落冇咩蛋香味🥲 淨係食到淡淡嘅牛油鹹香 同埋靠自己淋多啲楓糖漿😂- 蜜瓜梳打 同一般蜜瓜梳打一樣 上面係雲呢拿雪糕 溝埋會變咗好似奶昔咁～ 個人覺得正正常常冇咩特別😂- 焙茶Latte 非常香濃嘅焙茶味 奶味反而唔重 不過個人覺得唔錯🥰有機會會試埋其他甜品 雖然選擇唔多 但見賣相都好似唔錯～ 順帶一提 雖然小店空間唔多 但覺得幾有feel🙂‍↕️👍

來到這間元朗隱世日系咖啡店店內只有吧枱位置 ,大約可容納10人所有餐點也是店主二人即點即做比起跟朋友一起前來，更適合想享受個人時間的時候過來✨熱香餅配飲品$95非常有心的一份餐點賣相極好，即點即做，熱騰騰送上牛油也是自家製的，鹹鹹香香，令到整份餐點加分不少！☕️焙茶鮮奶是店主親手磨粉炮製的可以看見整個製作過程焙茶味極香濃🍮焦糖布丁$48來到喫茶店的必點項目很香蛋味，口感偏向實在焦糖漿不會太甜是我喜歡的類型

好少入元朗，爲左一個泰國朋友，所以嚟左朗屏，一個非常陌生的地方。朋友享一家有十幾年歷史的泰國餐廳做廚師，但撞正落場時間，唔想太打擾佢，所以享附近行逛下，亂衝亂撞，發現咗E間隱世日式cafe。對於我依個咖啡因免疫嘅人，好鍾意飲咖啡，但係已經飲到冇晒味覺，無論去到邊度，我都只會同人地講，我要一杯✨️好飲嘅咖啡✨️☕️正常奶正常糖。氛圍感好強，日式簡樸裝修，頓時覺得自己去左日本🤔😆🥰 老闆隨心調製左杯咖啡俾我，借此機會講聲✨️thanks a lot 💖 味道雖然偏淡，但感受倒果份誠意，發自內心的誠意。☕️+🍰，絶配👍 自家製👈🍓士多啤梨蛋糕🍓超級讚，味道偏淡，但其實剛好，軟綿綿的蛋糕口感，加上cream n strawberry 層次感出曬嚟，非常值得推介✨️👍仍然能堅持用❤️製作，實屬小衆👍，難得。。。

今次嚟到 Find The Way，呢間 Café 係 日系簡約風，環境靜靜地好舒服，最啱 慢慢嘆甜品 + 咖啡，一坐低就完全 feel 到 悠閒 vibes！✨🍵📌 楓糖漿鬆餅 🥞🍯鬆餅上枱已經 香氣四溢，質地 外微脆內鬆軟，仲帶住淡淡牛油香，淋上楓糖漿之後更加 甜而不膩，食落去口感輕盈，完全唔會覺得滯！配埋一啖抹茶🍵，濃郁茶香 帶少少甘苦回甘，平衡返甜品嘅甜度，呢個 pairing 真係滿分！💯📌 焦糖雞蛋布丁 🍮✨ + 冰摩卡 ☕🍫呢款 焦糖雞蛋布丁 絕對係 懷舊日式甜品 vibes，布丁 超級滑溜細膩，雞蛋味香濃，焦糖醬帶少少 微苦 caramel 香氣，甜度剛剛好，食落去 順滑又唔會膩！😋✨ 配冰摩卡咖啡☕🍫，朱古力味濃，咖啡味亦好突出，帶少少甘香，兩樣一齊食 超滿足！📌 總結Find The Way 絕對係 甜品同咖啡控必試小店，環境 靜靜地、好有日系感覺，甜品水準高，特別鍾意 楓糖鬆餅同焦糖布丁，加埋咖啡真係 perfect combo！💯☕🥞 鍾意 café hopping、打卡或者想歎靚甜品 嘅朋友，一定要嚟試試！✨

【2024 年 5 月】#香港好去處 #週末四圍遊好鍾意 cafe 嘅昭和風設計從門面設計和坐地燈箱已經感受到個陣昭和年代感店面不大，只有一列 8 席吧枱位置坐係度睇住店員製作食物，聞著熱和餅和咖啡香感覺悠閒舒服 ~~食物選擇不多，只有飲品和甜品 特別注意 ...星期六日和公眾假期堂食有最低消費每位要點飲品及食物各一。熱香餅配飲品 HK$85可以揀選 $40 以下飲品一杯，超額就要補差額囉儍爸點咗杯 HK$45 嘅 Iced Latte (+HK$5)熱香餅係店家嘅招牌甜品，每組客人都會點一份即點即製，熱烘烘香噴噴，超厚嘅日式熱香餅輕盈綿密，好濃牛油和蛋香 ~~。焦糖雞蛋布丁 HK$48布丁質感香滑，甜度適中 ~~配埋杯靚咖啡就 perfect ~~。Flat White HK$40** 以上分享是以我的口味、體質和情況作出分享及感受，一試 / 合用與否請自行決定

呢間細細地但係入邊好精緻嘅咖啡屋一早research就俾佢啲甜品吸引住楓糖漿熱香餅 7.5/10呢個係一個好精緻嘅熱香餅真係好似日漫入邊嘅打卡一流配埋牛油同埋風糖漿會令到熱香餅嘅層次多咗不過就略嫌熱香餅比較乾身如果濕潤返少少會比較好不過搭配埋杯嘢飲就啱啱好opera 黑朱古力蛋糕 8.5/10呢個比較有驚喜佢上高係濃濃嘅黑朱古力醬唔會好甜得來佢唔係好苦嘅黑朱古力有一種令人上癮嘅感覺而且蛋糕體好濕潤棉密再配埋有朱古力嘅忌廉夾心有千層嘅效果真係好唔錯Hojicha latte 8/10轉左燕麥奶嘅hojicha latte 非常香濃有濃郁嘅焙茶香非常之有特色我都好推介

嚟開朗屏探阿媽，老公突然話想食pancake, 網上揾到Find the way, 雖然唔係喺我bucket list入面，但係見食評不俗，所以嚟試吓。一打開門，先至知原來咁細間，好好彩我哋即刻有位。我哋個座位對正男店員（老闆？）沖咖啡個吧位，一路等一路欣賞老闆沖咖啡，賞心樂事。 見到佢每個步驟都好細心好專業我要latte, 外面cafe嘅latte 一般都係好淡，甚至似水(連鎖店通常都係咁），但係佢哋呢杯，飲第一啖已經有香濃咖啡味，一d都唔苦澀，我老公都話佢杯dirty都夠濃，而且飲到尾都有啡味，呢一點出面大部分cafe 都做唔到！有飲開dirty 嘅朋友一定明白呢點。Pancake 一食就覺得好香蛋味！因為我怕肥，一開始撥開左舊牛油去一邊，食食吓發覺原來舊牛油係咸牛油，配搭甜甜地嘅pancake 又幾好味！所以最後都搽曬舊牛油！由於全店得八個位，好快滿坐。我哋期間都有四個人要排隊，不過等一陣就有位。臨走時，老闆幫我哋拉門，仲傾左一兩句，好nice 呢啲用心小店喺香港好少見，希望佢哋繼續努力做落去，我哋就可以嚟享受下有質素有heart 嘅咖啡同食物。

今日去熟悉嘅小店消暑😋新出嘅限定特飲：雜果賓治配雪糕🍹立即降溫😎超有心思🩷裏便舊冰係用橙汁整，仲有果肉添🍇🍎🥭，連冰都食埋，真係好正🧊而上邊嗰粒我覺得好難食嘅藥水味醃製車厘子🍒，係我老公嘅最愛🤣🤣另外叫咗Iced Black coffee，一向飲開熱啡嘅老公，今日都要飲冰嘅🤣🤣檸檬餅同芒果忌廉蛋糕超級清新，一如過往高水準👍🏻👍🏻檸檬餅仲係即刻整㗎😍😍不過今日唔太餓冇食到signature熱香餅😛倆口子嘅小店只有八個吧枱位，我地經常同店主兩個傾偈⋯⋯Chill and Relax😌😌😌

楓糖漿鬆餅 配 飲品 $80Hot Cake with Drink牛奶咖啡Latte蜜瓜梳打 $55Melon Soda焦糖雞蛋布丁 $45Caramel Egg Pudding 整體好味指數 4/5 🍭🍭🍭🍭{鬆餅即叫即整 蛋香濃郁 入口感覺較實身 空氣感較低 配上楓糖漿味道不錯 布丁很軟身 焦糖味很突出 整體不會太甜 兩杯飲品都不錯 蜜瓜梳打表面還加上雪糕 令整杯飲品更吸引}

去咗一間日式coffee shop ，叫做Find The Way，環境、裝飾同埋餐具都好有日式coffee shop嘅感覺，可能因為間舖頭比較細，所以有最低消費，平日每人最少一杯嘢飲，假日每人至少一杯飲品加一個食物，兩個人叫咗一個熱香餅、焦糖雞蛋布丁、一杯iced Cappuccino同一杯 iced 日式皇室奶茶，所有飲品同食物都係喺你面前整，可以俾你欣賞到成個整飲品同食物嘅過程，整體嚟講，飲品比較優勝，做兩杯飲品都睇得到店員好認真，好有心，每一樣材料嘅份量都用個磅去磅，但做得好快好熟手，令你感覺店員用磅係對飲品嘅要求好高而唔係唔熟手，加冰過程係連多餘嘅水份都要先倒走，Cappuccino咖啡味幾香濃，打出嚟嘅奶泡都打得好細緻，甜度適中，至於杯日式皇室奶茶，同港式奶茶好唔同，茶味雖然唔濃郁，但係茶味同啲奶味好融合，淡淡嘅奶茶味唔濃烈，但係清香細滑，感覺又係另一種風味，熱香餅賣相好日式簡約，一個厚厚嘅熱香餅，加上煮過微熱嘅方形牛油，自己加糖漿，整體外觀唔錯，但唔夠鬆軟，入面比較實，蛋香亦都唔夠，如果薄身啲煎香啲會比較好，焦糖雞蛋布丁賣相都好好，面頭有cream，加埋個焦糖漿，甜味足夠

小店係日式昭和喫茶店，星期日下午時段到達，剛好不用等位。小店環境較細，約八人座位。如果男士身形較大走動，會比較困難。小店沒有提供正餐，可作下午茶休憩之地。熱香餅餐 配 飲品 $85熱香餅即點即整，製作需時。之後再修整形狀。係bar枱見住店員加上牛油，提供楓糖漿按個人喜好自由加上。熱香餅份量都大份厚實，但口感食落都算鬆軟，但欠缺蛋味偏乾身，食落帶有淡淡的檸檬味。店內有雪糕梳打因為對特式飲品沒太大興趣，飲品叫了咖啡亦正常發揮。 焦糖雞蛋布丁🍮 $48布丁較為遜色，入口順滑，糖味剛剛好。但稍為欠特色。

元朗國有很多特色小店，而走入呢間小小的8人座位咖啡店，被我感覺好像走進日本昭和時代的場景，時間在這𥚃是不重要的，我可以以自己的步伐去花自己時間。店舖小小的原因，每位食客都坐喺吧枱，望住店主們在開放式廚房煮鬆餅和烹調飲品。座位後面有衣架，可掛上厚褸/外套，座位旁邊有個小籃子，可以承載包包們，多貼心。是日餐牌，主要是糕點和手調飲品。🥞+☕️ 熱香餅配飲品 (HK$85)一份即叫即做的熱香餅，可配任何$40以內的飲品🥞 熱香餅．熱辣辣的又香噴噴的，完美的圓形，配有一層焦糖色面，質感比較厚實，但入口鬆軟、綿密，有點像食蜜糖蛋糕；其楓糖漿吸力高，所以要小心調味，不建議一次過落太多楓糖漿喔！．上面的牛油，是店主特別煮燶佢，帶出個焦糖、拖肥香，然後加海鹽和楓糖漿作調味，所以有先鹹後甜的味道，配熱香餅很夾，不過如果可以俾多一舊就好啦～🍵 抹茶牛奶．入口奶滑，有甘香抹茶味，而抹茶與牛奶係100%融為一體，完美🍵