Fika

營業中

休息中

之前老細住清水灣，成日都會落嚟坑口村搵食～佢話以前呢度非常繁榮，好多食肆，今日帶我嚟重拾舊歡！但係其實週圍景況已經大不如前…偏偏黑暗之中有一顆螢火蟲！🤭😅就響坑口村牌坊下面有大大個燈牌～就有一間西餐廳！週圍水靜河飛，但係佢門口就排滿曬人，入面坐滿曬客～星期五冇預約都要等一輪先可以入座～🫣😵所以記得預約喇！！🥰餐廳除咗食晚餐外，好多枱都嚟飲酒，可以自帶…可以order～悉隨專便～牛油果蟹肉多士：上面仲有脹卜卜三文魚子，牛油果蟹肉調味唔錯～清新有蟹味～佢個多士用嘅麵包好好味～烘脆咗口感好好，兩三啖就可以食一件！週打魚湯：顏色同平時飲嘅好唔同～質地亦都冇咁稠，又係嗰件麵包（應該係湯種包）外脆內煙韌～淋上香草橄欖油，好好食！！水牛城雞翼：有別於一般炸到脆曬紅卜卜嘅水牛城雞翼～店員佢哋用正宗嘅做法，即係用tabasco同檸檬汁，所以食味又係比較特別…鹹鹹哋…酸酸地…辣辣地…都幾惹味嘅！！Carbonara扁意粉：呢個上枱除咗好香嘅芝士味～竟然畀我發現佢哋用咗特別嘅食材---豬油渣！！店員話佢哋嘅意粉係用豬面肉、豬油渣嘅豬油，所以好香口～好似中式嘅豬油撈飯咁，但係感覺一啲都唔油膩，咬落豬油渣度，真

今日去將軍澳醫院🏨睇完中醫，約朋友响附近搵食，見到有間幾靚嘅西餐廳，一於入去試吓😃坐低之後店員給我們餐牌，雖然只係午餐，但都有好多選擇我哋揀咗其中兩款 lunch set首先前菜係沙律，好 fresh，啲蕃茄🍅好甜之後上 main dish，墨西哥牛肉卷，餡料仲有啲洋蔥絲同埋彩椒絲，切開有拉絲呀，真係好好食😋，配菜係薯條🍟， 味道一般啦。朋友叫咗餐湯，主菜明太子🍝，啲醬超好食，同個大🦐配搭得好好Set lunch 包飲品，我點咗特色咖啡，要加18蚊，朋友點咗花茶☕餐廳位於將軍澳坑口附近，坐得好闊落，同埋店員嘅態度都好好，好親切， 店來裝飾都是自家手繪的🖼️油畫

Fika～ a moment to slow down and appreciate the good things in lifeFika 是一間可以令人放慢腳步，停下來歇息一下的西餐廳，和好友👭一齊品嚐美食，是生活中美好的時刻……餐廳開設在將軍澳村屋內，簡約設計 配合木系傢俬，地方不大，但感覺清新自然，令我印象最深和最喜歡的貓咪主題和Fika日與夜畫作，原來是店主家人繪畫的，非常靚😍午餐配沙律/餐湯和飲品，人均消費大約一百多元，是一般意大利餐廳的價格，不算太貴。我和朋友二人點了：-墨西哥烤牛肉配粟米卷餅 薯條$108，餡料豐富，有牛肉、芝士、洋蔥、椒絲和生菜，味道微辣，除了香烤味道，賣相很有墨西哥風味🌮日本明太子扁意粉配炸虎蝦 $128，有5隻幾大嘅虎蝦，醬汁微辣，意粉面舖咗少許紫菜絲，無論賣相或味道，都加添了一份層次感。沙律配羅勒油醋醬，清新開胃。茉莉花茶 (跟餐免費)，味道清香。Cappuccino 特色咖啡跟餐 +$18，味道不錯。

Set Dinner for 2（$668）✨甘筍粟子湯湯底濃郁醇厚，甘筍和粟子完全融入湯中，味道層次豐富，顏色和味道亦頗像南瓜湯，好好味✨牛油果蟹肉脆餅牛油果蟹肉蓉搭配酥脆的餅底，好足料，啖啖肉，入口感受到蟹肉的鮮甜，口感層次豐富✨慢煮雞胸凱撒沙律雞肉以低溫慢煮的方式烹調，鎖住了肉汁，口感細膩，沙律清脆可口，佐以濃郁的凱撒醬，清新又多汁✨炭燒加拿大豬胺配溏漬蕃茄沙律肉質柔軟多汁，豬皮邊煎得香脆，一點也不韌，好驚喜，配以桂花漬蕃茄沙律，酸甜適中，可以解解膩✨XO醬香蒜大蝦蝦千扁意粉蝦肉肥美彈牙，XO醬的香辣醬汁與蒜香完美融合，沾在彈牙的扁意粉，一口接一口✨橙香卡特拉娜配雪糕橙香卡特拉娜配以雪糕，好香甜，雪糕底部帶有脆脆，增添一點口感

今日去咗大坑村搵朋友，發現原來村口有一間西餐廳，裝修光猛闊落，又有啲畫作裝飾，所以就入去坐下休息吓啦！未開始正餐之前，我哋點咗個餐湯，今次係龍蝦湯，飲落充滿龍蝦味，仲有啲蝦肉粒粒同八爪魚喺底， 十分足料！首先我哋點咗一道炸八爪魚粒粒，外皮好香脆，已經調好咗味道，不過配埋個沙律醬更開胃，一粒接一粒停唔到～另外見到呢度都好出名卡邦尼意粉，食落果然名不虛傳，每條意粉都包滿好Creamy嘅白汁，配埋半熟嘅溫泉蛋蛋汁，份量啱晒女仔😋😋我哋仲點咗一道黑毛豬鞍配豆泥，黑毛豬肉質好嫩口，切開仲肉汁流出嚟，十分Juicy！推薦大家試吓😍😍😍

Fika • 將軍澳要搵呢間餐廳可能有少少難搵，位置可能比較遠，都係見網上有人推介所以決定試一試。餐廳服務非常好，雖然係西餐廳，但感覺係可以同老闆閒話家常嘅餐廳，老闆態度親切，服務幾好😋😋..✅ Fika 炭燒西班牙黑毛豬梅頭烤日本甜薯 🐷 $298豬肉普遍係較難處理嘅肉類，呢道菜嘅梅頭肉煮至剛熟並帶點微微粉紅，豬肉無太濃調味，食嘅係純純帶點肉汁嘅肉香味；旁邊日本甜薯細細粒好煙軔軟糯，味道香甜，感覺似食拔絲嘅感覺😙..✅ 十二個月巴馬火腿芝士薄餅 🍕 $178薄餅係6塊，超大塊，餅底煙軔，上面芝士份量好多而且搵絲，火腿感覺帶濃嘅鹹香味，而加入火箭菜帶來少少清新😙..✅ 牛油果蟹肉脆餅 🦀 $88脆多士上鋪上滿滿蟹肉，食到一絲絲感覺，本身同牛油果都夾，味道唔係太濃，作為餐前小食唔錯。

同小茉莉係坑口體育館玩完messyplay去搵野食比我seach到坑口村有間新開既隱世西餐就行去試試佢😌叫左個海鱸魚配米形粉，個魚煎到外皮脆魚肉嫩，個娃娃菜都落左啲鹽去燒，唔會燒到好乾，咬落仲有菜汁。而個米形粉我第1次食😆覺得好特別，好有咬口，仲要粒粒都有汁係外面，好juicy 同埋叫左個自家製沙律🥗好大一碗！啲菜好新鮮又脆口，仲有好多唔同材料，南瓜、蕃茄仔、無花果、菇、煙三文魚、藜麥、杏仁片，配埋酸酸地既沙律醋都幾開胃

本身唔太肚餓 所以就咁嗌咗兩個意粉就算 查實我睇中佢哋個set dinner嘅XO醬意粉 可惜冇得單叫 下次有機會再嚟試試- Fika自家製雙重煙腩肉卡邦尼意粉呢個好似係佢哋嘅招牌 唔同舖頭煮嘅卡邦尼意粉嘅手法同味道都唔一樣 佢有個好橙黃嘅蛋黃喺中間畀你撈 成個意粉都好多芝士🫢味道唔錯- 日本味噌配新鮮青口蟹肉意粉好似未食過味噌配意粉 幾特別 青口都算多 意粉好creamy 味道方面我鍾意呢個意粉多啲最後由於我太飽 交灑畀朋友清碟😂話說呢間餐廳服務幾唔錯 幾有禮貌 令人回頭機會增加咗

今日同朋友嚟到將軍澳踩單車，踩到嚟呢邊見到有間幾靚嘅西餐廳，望落去好超，同埋入邊好似有好多打卡位，一於入去試吓😃我哋叫咗一個水牛芝士沙律，好Fresh，d蕃茄好甜😍😍然之後叫咗個辣肉腸Pizza ，pizza拉絲既，真係好好食丫😍😍另外叫左3重滋片taco，個片超級脆，好香口，另外啲醬超好食，同個脆片配搭得好好餐廳位於將軍澳坑口附近，坐得好闊落，同埋店員嘅態度都好好好熱情，推介大家過嚟試吓😃

見到好多人推呢間餐廳,我都唔執輸,試一試!位於坑口村離地鐵站都要行一陣,絕對係隱世西餐廳!餐廳唔算好大,但都坐到6-7枱客,餐廳唔單止令你能夠體現西式精緻用餐體驗,而且仲可以令你味蕾感受到好滿足🤤真係好難搵到!⭐️牛油果蟹肉脆餅 $44金黃色的烤多士表面酥脆,放左牛油果泥mix蟹肉係上面,另再on top放左少量三文魚子做點綴,賣相唔錯~作為前菜分量唔多,一份有2件,係一個幾清新既開胃菜。味道食落好鮮好脆,幾好味～⭐️炭燒黑毛豬梅頭豬排,烤日本甜薯 $298擺盤好靚,黑毛豬燒得好靚,好香～🐽油脂分布比例平均,呈現出誘人粉嫩色,好高質既黑毛豬!煮至7成熟,睇得出係經過精心煮出黎,肉質鮮嫩多汁,咬落去感受到肉汁係口入面流淌,肉質細膩,無一絲乾澀～烤日本甜薯好甜,口感軟糯~另外!!!!芝士蘑菇🍄‍🟫真心好好食🥹🥹🥹一定要試!!!⭐️Fika自家製雙重煙腩肉卡邦尼意粉 $168拎出黎仲係熱辣辣,令人食慾大增!!細心啲睇意粉上鋪左兩種唔同口感既煙燻肉,一種嫩滑多汁,一種帶有微微香脆的煙燻感,兩種肉質共同烘托出呢碟意粉既精粹🤤!食落鹹鹹地脆脆地又好creamy..有少少好惹味嘅感覺～好味😋絕對值得一試！

#朋友推薦 超高質意大利餐廳🇮🇹瑞典北歐風格 - 簡約裝修、木質家具都令人感覺悠閒、舒適老闆以前任職酒店西廚，同女朋友一齊開咗呢間小店地點雖然有少少’隔涉‘但住屯門嘅朋友表示都會再去幫襯😂😋必食😋🥩炭燒美國肉眼扒·蒜蓉炒菜配薯條欣賞廚師強烈推薦medium (通常廚師對出品有要求，煮出嚟嘅嘢先好食) 果然出到嚟火喉控制剛剛好，塊扒rest夠冇血水，仲有濃濃嘅炭燒香味⚡️另外值得一讚係炒菜，非常有心思 - 用蒜蓉炒四季豆、紅蘿蔔、西蘭花、椰菜花，唔係平時用水hea烚熟就上碟*唔怪得另一個朋友仔家住青衣，都成日山長水遠專誠揸車去坑口食扒🍕傳統美式辣肉腸薄餅小朋友扭計扭咗好耐要食 #pepperonipizza 趁熱食邊皮鬆脆 (由於mommy只被分配到個皮… 中間個餡comment唔到😅) 不過以佢一個人仔食咗兩大塊，應該好好食

想不到坑口村也有隱世高質cafe，從坑口港鐵站行至富寧花園商場後面便見到坑口村，離遠望向村口已見到Fika的招牌。Fika這個瑞典詞語代表了休息一下、慢下來、重新調整或與朋友見面的意思。在小店悠閒的氛圍下，放慢急速的腳步，享受特式的美食，簡直是一樂也！🦪紐西蘭青口～青口以白酒及忌廉汁烹調，配上法包同吃。青口肉質肥美鮮甜，法包蘸了白酒忌廉汁後，特別滋味。🥑🦀🍞牛油果蟹肉脆餅～牛油果及蟹肉先打成醬，然後鋪在脆餅上，可說是鮮、脆，香集一身。🍝Fika自家製雙重煙腩肉卡邦尼意粉～卡邦尼意粉用上煙肉加豬腩肉烹調，豬腩肉的油脂及煙肉的鹹香，令Fika的卡邦尼意粉較坊間的味道更具層次。🍎🫓招牌Fika焦糖蘋果金寶配意大利雪糕～Apple Crumble 充滿肉桂及焦糖香味，焗得香脆可口，伴雪糕同吃，形成絕美的冰火二重奏。

雖然距離地鐵站有啲遠，但係環境好chill 餐廳有車去當然最好，如果唔想行可以搭小巴🥑牛油果🦀蟹肉脆餅 將鮮味嘅蟹肉放埋係厚多士上面，兩種口感很配合， 蟹肉上面仲有三文魚子惹味水牛芝士雞翼辣得惹味的水牛城雞翼也是不少人的愛好 ... 配搭芝士醬，味道層次更豐富必點推介Fika自家製雙層煙腩肉卡邦尼意粉 🍝同時有煙腩肉有意大利🐽豬面肉同自家製五花腩肉，見到個生蛋黃立即心心眼， 將蛋汁撈勻，口意粉都充滿濃郁蛋香，脆炸煙腩肉好香口，配上Creamy彈牙的意粉有強烈對比Fika招牌焦糖🍎蘋果金寶配意大利雪糕 一上台就聞到甜蜜蘋果香氣 ，酥脆金黃色的外層，充滿蘋果及肉桂香，熱辣辣嘅蘋果批配凍冰冰嘅雲尼拿雪糕，簡直係絕配！

今日約左契媽去佢屋企探佢，夜晚無煮飯就落街搵食，係附近有間新開既餐廳，裝修都好優雅，就入去試吓啦。首先叫左個時日例湯，今日係忌廉龍蝦湯，非常之香濃可口，忌廉好滑，龍蝦🦞味好出，重有一片烘烤既麵包，食完立刻胃口大開。跟住點左個小食deep fried calamari，呢個烤到金黃色，非常香脆可口，唔會好油膩，味道岩岩好。點咪醬食更加野味。主食方面就選左卡邦尼意粉，呢個有mushrooms，重有啲肉令味道同口感都大大提升。我個人十分喜愛呢款意粉，係我愛吃既味道。非常creamy。最後就係炭燒黑毛豬梅頭，烤日本甜薯。黑毛豬好新鮮，燒起岩岩熟，而且食起唔會好難咬，入口即溶。食材非常好，經過烹調令肉味更加提升。值得一試。

特登走咗嚟呢間隱世餐廳試試佢個Menu抱着期待嘅心情。但最後都係失望而回，可能佢哋嘅嘢食唔太啱我地口味la.首先講咗個結果，有興趣先睇落去。八點左右門口都仲有三台客等緊入座。入座後，決定咗叫佢餐廳嘅推介食品。餐湯，蘑菇湯傑身但淡口，有蘑菇味，但係冇蘑菇粒。最後要加鹽先飲得到。但係佢跟湯嘅餐包係好食嘅。 Parma Ham pizza好遺憾個Pizza真係太厚得來，個餅底又硬，好難咬。裏面啲料係OK嘅，但成個夾埋一齊就唔一致，我就唔識欣賞啦。。。招牌卡邦尼意粉係好食嘅，但完全唔係卡邦尼。似係加咗豬肉汁意粉多啲。如果係諗住佢好似卡邦尼咁有濃厚嘅芝士掛上啲麵條度，呢個就唔太適合啦。 Apple crumble甜品真係睇得出廚師嘅功力。好可惜，我覺得呢個就都係唔係好適合我哋。個蘋果裏面啲肉桂粉太甜。原本加埋個餅就應該啱啱好，但佢上碟又太熱一定要加埋個雪糕你先食得到。總之整體嚟講，就係唔係一個令人可以享受嘅甜品。。。如無意外都唔會過嚟食多次。餐廳都用好強嘅漂白水，入門口+食緊嘢中間都係聞到浸漂白水味。。。。當然都係想支持小店嘅。。。只係同個廚師佢哋唔係好啱key姐。。。