Faychu Cafe

營業中

休息中

我地第二枱lunch time walk in入坐，叫2個餐，有叫牛扒但無問幾成熟已經覺得好奇怪，又吾係普通茶餐廳，好少會吾問。之後朋友以正常速度牛扒上先，但我等左成20分鐘叫咖豬鞍都仲未黎，最驚訝係隔籬位遲過我哋入坐，但快過我地食梗。問翻職員點解隔離位快過我地食先，佢話因為對方有預訂。甘如果係咁點解吾係一齊上？一係如果做吾黎就吾好接walk in，我地最後到走職員都係無道過歉，係一次極之唔好咖飲食體驗，吾會再黎食。

由前菜到甜品都有水準過大部分酒店！前菜沙律大份，甚至有整塊Parma Harm ，本人不愛沙律的人都食完，食得出沙律菜很新鮮！主菜牛排入口即溶，甚至好食過酒店牛排！不用醬汁已食得出食材很好，肉味濃！都食得出廚師的技術及用心！如果有好像食野不愛點醬，喜愛食食物本來的味道絕對值得推薦Cafe 環境舒服，十分乾淨！咖啡點了齋啡，都十分出色！甜品芝士蛋糕都十分用心，不過唔係時時有得食，限量供應，如果有絕對要點😊值得推薦

三天前用 whatsapp 通知了店主預訂了他的撚手菜“豬腩卷‘’，昨晚8月1日星期五TGIF吹雞共五人一起去品嚐一下。話說這一味“豬腩卷”也有幾個朋友嘗試做過，可惜不似預期，效果和味道也不太理想，就如店主說，不是容易的一道手功菜，不是每一個厨師都有信心和把握做得出色，除了火候要合適，事前功夫也不可馬虎才會做得好。吃了第一道沙拉菜，“豬腩卷”端上來的時候有些驚喜，size 不大不少，但足五個人吃飽，加一些芥末更好吃，這個做法‘’豬腩卷‘’內放了些餡料，應該是蘑菇之類，很西式的做法不似我們的港式燒臘，豬腩的皮也很脆，很不錯。這間菜館店主用心製作，很值得推薦，以後公司附近又多了一個好地方吃午餐或晚餐，而且吃完沒有口喝，超讚

幫襯了多次，每次都係滿意，廚師好用心經營，性價比高！廚師上的每一道菜都會介紹一吓，今日食嘅燒春雞好有驚喜，雞肚內釀滿菇菌類，非常出色！希望這間小店能夠係呢個疲弱嘅市道繼續做得更有成績。

隱藏於葵涌商廈樓上，其實環境相當開揚舒適。前菜嘅沙律好新鮮爽口，火腿亦甘香。 加入油、醋調味，開胃醒神。燒腩卷份量相當豐富，最啱幾個人一齊分。 外皮燒得好香脆，而肉質仍然保持鮮嫩。 入面釀左各種配料，口感豐富。烤雞亦都係表皮金黃香脆，肉質鮮嫩。羊膝肉質煮得好淋，調味恰到好處，香濃之完全冇羊騷味。大蝦意粉大蝦都幾多隻同爽口。 意粉炒得好香，有少少咬口唔太淋。 表面有大量芝士焗熔，芝士控十分滿足。店主一腳踢打全場，但十分貼心會因應食客需要推介同調整菜式，值得支持嘅小店。

CP值超高嘅葵涌隱世餐廳，8安士嘅紐西蘭肉眼扒+前菜沙律+飲品+甜品西瓜都只系$158，而且牛排肉汁多肉味又濃郁，唔同出面好多地方都系得細細塊無肉味嘅扒，然後加pat黑椒汁掩飾下🙂‍↕️試過佢餐牌其他肉食，羊架豬鞍扒全部都好高質素，價錢又好平民，意粉都好好味😋仲有甜品嘅apple crumble都超抵食，一大碗都係$68👨🏻‍🍳老闆本身系酒店廚師，一腳踢自己經營，日日由朝早做到凌晨，每一道菜都好有心做，但無奈都系就快做唔住🤧🤧🤧希望大家喺附近就支持一下吧😮‍💨

預訂咗燒豬腩卷，店主用心製作，脆皮啱啱好，美味又好食，三個人食一個燒豬腩卷再加個意粉應該好足夠了，不過我們貪心點餐多咗，唔緊要可以打包。隔天再加熱燒豬腩卷，估唔到豬腩卷皮還好脆，再食返仍然好好食👍🏻👍🏻👍🏻。我們點了羊架，雖然相片見到好似比較唔熟，不過肉質啱啱好，好食有沒有羊的騷味，值得推介👍🏻👍🏻。甜品焦糖芝士蛋糕，味道好足夠，喜歡食甜品的人一定會喜歡。大家不妨一試，實在好食。🤤🤤🤤店主還送甜品，好完滿。👍🏻

每次去葵興Edge睇音樂劇，都會優先考慮光顧這間餐廳faychu，餐廳佈置頗優雅。只是一間小店，這天晚上只有老闆一人，老闆好用心地去烹調。食物價錢一點也不貴，最重點是食物選擇出奇的多，有賣相又有味道，甚具質素，CP值相當高。

要預訂的燒豬腩腃美味小店燒豬腩腃皮脆肉香(西式香料醃法)加菇類餡料我喜愛的卡邦尼意粉:芝士煙肉蛋黃比例非常好高質甜品(焦糖燉蛋及New York Cheese Cake)

本身諗住求奇食個快飯就去上堂，亂咁行誤打誤撞入咗呢間餐廳，見餐廳冇人都好驚會中伏，點知有驚喜😍雖然佢open kitchen廚房細細，重要得一個廚師, 但個Menu好多款式揀。一百蚊有前菜有飯有生果有嘢飲，前菜仲要係Parma Ham沙律。臨走嘅時候廚師話見我食唔晒, 問我係咪唔啱食同埋有咩意見改善，嗰下真係有啲surprise，依家竟然重會有人咁在意個客有冇食晒佢煮嘅嘢，睇得出佢真係有用心去經營。Anyway其實我只係食淨咗少少飯，但其他嘢都食晒，佢啲嘢係好食但個份量真係好多😂我之後趕住去做gym所以都唔食得太飽。煮嘢食嘅人用咩心態真係會對個味道有影響嫁😋

今日一行8人晏晝食個生日lunch，係正常cafe價錢，但性價比非常高！餐廳有西式/日式/中式lunch set，包沙律,主菜,餐飲,飯後果首先沙律🥗每一set都好有心思係唔同款嘅沙律：西式parma ham, 日式蟹子, 中式跟主菜主菜都好驚喜，芝士意粉上面嘅芝士係用火槍燒，好香好有特色！我哋嗌左海南雞食淨雞皮，老闆娘話下次可以走雞皮，非常貼心🥹🥹全部餐味道都好好👍🏽餐飲我哋叫左凍伯爵茶☕️老闆娘為左令杯茶出味啲，先用熱水開好茶浸一陣之後先再加冰🥰飯後果有西瓜🍉同菠蘿🍍，兩款款好甜最後我哋另外叫左焦糖燉蛋，勁creamy，係意外驚喜！😋😋餐廳仲貼心寫上happy birthday 🫶🏻我哋食完都話好想買一堆黎外賣返公司食，可惜今日剩返4個餐廳位置唔多，最好先wtsapp book枱，叫定食咩，如果有想食嘅嘢仲可以提早request 😋😋😋係西式私房菜😍公司聚餐，日常小型party都好適合！Lunch set 有咁嘅食物真係非常抵食！另外服務都好好，老闆老闆娘親切又貼心～因為係二人經營嘅小店，而且食物精緻又高質，所以製作需時，要預返啲時間～如果趕時間可以wtsapp定叫定餐，同餐廳溝通好

機緣巧合，係OR買餐飲劵見到呢間小店，用試下既心態買咗幾張，以係葵涌工廠區以過百元食個lunch都唔算平，但，我係三個月就差唔多食咗10次，原因就係因為食物質素係出乎意料咁好，而重點係我去過10次裡面，從來都只有同一位廚師招呼，由開鋪，落單，烹煮到收錢都一手負責，而食物質素都依然可以保持水準，有時，甚至會有幾檯人都係咁一樣招呼，只要你唔係趕時間，佢就會俾到你有水準既食物，對於呢點係好佩服，而餐廳雖小但乾淨寧靜，坐住睇手機或放空都唔錯，呢啲有質素既小店係要好好支持。

見到review都positive，就黎試下。唔多檯，建議book 檯再過黎。set dinner有沙律，餐湯，主食同飲品。味道相當好。廚師一人細心烹飪，要有滴耐心。

讚1 環境幾企理 執得仔細2 食物係做得幾仔細 意粉醬汁夠芝士香 少少鹹香 意粉夠煙韌 咖啡相當唔錯3 廚師兼侍應兼老闆一腳踢 好上心 食完之後都會問嘢食點服務點彈1 無酒唔開心2 油煙勁左少少

跟家人第二次到這餐廳跟女兒慶生日上次第一次去已覺得食物超有水準吃了大頭蝦已很好吃！今次就預約定這兒最出名的肉眼牛扒🤤有一公斤重超巨型的！果然不負所望，超好食呀！廚師控制得好好肉質是剛剛熟厚厚的肉眼，難得內裡肉質仍保持很嫩滑，入面呈粉色但沒血水，食落好香好滑的感覺😋大家都大讚好好吃，唔夠喉啊！還有其他餸菜也超水準！叫左碎牛肉及紫薯薯餅味，整得好脆好香！忌廉意粉份量十足，很彈牙，那個醬汁也好好濃厚！好好味！更有一試難忘的墨西哥碎牛肉卷今次特別多叫一些令每人也能拎起半件來一口一口咬入口….一咬入口肉汁湧入口裡…那香濃的手打蕃茄汁配碎牛真係好好食！好食到不得了啊！那個巴哈馬火腿芝士Pizza也十分足料，芝士及巴哈馬火腿鋪滿Pizza,食落喺啖啖肉好香好好食！飲品叫了果汁梳打，也是用新鮮水果打碎出來的，好清新好味👍🏻家人整晚也不停大讚：好食！好食！好好食！食得好開心滿足😁我也預先跟餐廳說為女兒慶生日而叫廚師準備了生日甜品餐廳很有心思，除了在甜品旁用朱古力寫上女兒名字，更拎出時播放「生日快樂」音樂！💗想說，這是一間要一去再去的餐廳！兩次去食都好開心滿足！廚師整野食很有心思很好食，所以我很久沒寫食評