FAMA (已結業)

第一次黎到FAMA, 環境幾大好寬敞，餐具食物等等都係自助拎，其實都好快捷方便，仲慳左加一服務費🤣煙三文魚雜菜沙律$68有我鍾意食嘅黑醋，職員好好幫我分開醬汁聆賞，三文魚都幾好食，沙律菜新鮮嘅，大大兜煙肉雞柳鮮蝦扁意粉$88餐牌上面冇寫佢係咩醬汁，食落係忌廉汁，出乎意外地煙肉份量都幾多晚餐包左麵包、羅宋湯、飲品，幾抵食，飲品加左十幾蚊飲鮮奶咖啡同棒子朱古力，建議大家要加特飲飲，榛子朱古力好濃榛子味道，好香！鮮奶咖啡都好順滑，唔會太苦👍🏻

德國巨型鹹豬手配薯條$198一上枱，嘩真係超大份，不愧係巨型咸豬手，今日蕃薯條賣哂改食薯條🍟仲配左紫色酸椰菜，唔會過酸，幾開胃美國西冷牛扒(5oz)配英國豬扒$178Total 兩塊扒，味道同肉質都可以，配巨型煎炸粗薯仔，幾特別，仲有bb蘆筍同煎蕃茄幾好食Parma ham pizza $98 10寸比薩自己動動手界開佢，上面有番茄仔、芝士同埋火腿，賣相都唔錯總括嚟講呢間餐廳比較多西式食品食，而嘢食價格都比較便宜呢

bookmark 左好幾年，終於喺偶然機會試試FAMA到達時仲未開門，因為位處喺工廈，唔睇清楚都唔為意就係依度地方大，座位闊落，有梳化，餐椅，靠窗好櫈，任君選擇有boardgame,書借。。。亦有打咭位。叫左個pizza同熱mochapizza因為即叫即製，等左半個鐘，薄脆既pizza底，好香口mocha好大杯，抵飲，用紙杯serve都仲有拉花係一個加分位，味道就一般，咖啡味唔出，價錢反映質素當日係週日，比較多家庭客，熱鬧左啲。如果平日順路既自己黎坐下都唔錯。

週末放假想搵個地方同朋友坐低食下野傾下計，但礙於有好多受歡迎嘅餐廳都設有限時😣想悠閑地坐一個下晝都唔係咁易😔大埔呢間工業區cafe就滿足到呢個需要😚佢空間好大，可以自由咁搵位坐。點餐嘅地方設係門口位，自助式運作提供好大自由度比客人🙆🏻‍♀️🔆呃like全日早餐$98 ~黑松露炒蛋·煙三文魚·早餐腸·蕃茄·漢堡扒·茄汁豆·薯餅·牛角包·沙律菜~黎得呢度都未必係為左美食，但既然佢話呃like我就有少少期望🤣(結果外貌係有d失望嘅🙈)幸好味道未算太差，除左早餐腸有種食完會得癌症嘅乾涸感，同埋牛角包似醫院產物🥐炒蛋有驚喜，黑松露味幾出，其餘就合格🔆玫瑰蝶豆花梳打$35 (跟餐$12)呢度飲品選擇唔多，有朱古力/咖啡/梳打，同埋茶餐廳檸茶檸水果d☺️呢杯梳打就一般般，飲唔到玫瑰味，淨係甜甜地咁餐廳食物質素未必好好，但有個空間可以聚會又無限時都唔錯，仲有好多board game圖書可以借💃🏼適合消磨時間🕒缺點係離大埔中心較遠，唔係附近居民會不太方便🤨另外自助式運作感覺店員都係唔會抹枱，要親力親為搞衛生😷

採取自助形式落單嘅FAMA空間感十足 咁啱黎咗幾張枱嘅親子家庭 仍然有好多空位剩 坐高櫈嘅近窗位置仲可望到山景⛰。。。🦔👉進擊炸魚漢堡配薯條 跟餐湯餐飲 $68(原條炸龍脷柳+他他醬+生菜+🍅+🧀+🍟)魚柳比想像中長😂亦比想像中炸得硬 睇落好薄身 但中間切開都見有啲厚度嘅魚肉 係可以再嫩口啲 佢上面痴住塊薄薄嘅芝士片食落比出其地夾！唔太漏但令魚柳加分 魚柳下層蕃茄沙律一般發揮 反而幾鍾意佢嘅扭紋粗薯條🍟咬開脆口 內裡夠薯 比起一般偏咸 擺耐落係會軟身咗 但我likey💕。。。🦔👉喜歡你全日早餐(無肉) 跟餐飲 $68(黑松露炒蛋+蕃茄+焗汁豆+沙律菜+牛角包+南瓜薯餅)試咗黑松露炒蛋想講味道係有嘅 係未可以同蛋溶為一體嘅感覺 自行參透哈哈 但欣賞佢有炒蛋嘅質感

今次我同朋友慶祝生日揀咗大埔呢間Cafe呢間人流唔多而且係自助式買食物同埋拎餐具呢間餐廳又係冇限時可以同朋友一路傾偈一路食我哋叫咗食漢堡包薯條，份量都多仲帶左生日蛋糕來，沒有收切餅費，仲會幫手雪餐廳仲有個特色背景，我們都係個度影生日相我朋友好滿意今次晚餐，黎開大埔不妨來試試！評分：4/5（5分滿分）環境：4/5（5分滿分）抵食：4/5（5分滿分）唯一唔好的地方：地點有點遠，唔近大埔中心，所以都搵左一陣先去到

位於大埔工業區既高質cafe ,佢地環境闊落而且位置都算幾方便👍👍食物方面用黎呃like 就一流😂😂啲食物既貌相真係一流😍😍😍味道都算好味既，service 方面都算唔錯👍如果想relax 既，係度食嘢都幾舒服。

位於大埔工業區嘅打卡cafe🍽️， 工業區嘅嘢食不嬲都主打平靚正， 平日比較少人😉，當時仲要係開舖冇耐就已經入咗去食，呢間都已經係小編食過嘅第二次，質素本身已經好好，而且好多學生哥會走去食👍， 吾好以為呃like嘅全日早餐就吾會飽啊，以早餐嘅份量嚟講可以話係啱啱好，仲有小編最愛嘅牛角包，而家好少地方會有啦， 而且地方寬敞 位置任君選擇😆 大家快啲嚟嘗試下啦，炸魚漢堡都做得好出色，大大塊魚柳😆

平時工廈入面餐廳絕大部分都係開星期一至六，專比打工仔去食飯。但呢一間特別喺假日都會開放比人入去食。一入去場地好大，又有board game，又有夾公仔子機，仲有少量書籍同漫畫可以借嚟睇，好唱端一家大小去玩。食嘢方面，價錢比出面高少少，第一次去同男朋友叫咗3樣嘢食，以為好細份，點知大份到食唔晒，要打包番去。AII Day Breakfast有2款比大家揀，一個係全素，另一個有肉。唔到食咩，又唔想煩就叫一份，入面有湯跟，又有好多嘢食。漢堡扒都有2塊，就咁食就太咸。不過，黑松露炒蛋係最好食！醬烤豬肋骨炸魚塊又係好大份，用醬汁燒得好入味，一份入面仲跟2大塊炸魚。小食-炸蠔6件炸完冇咩縮水，一樣好大粒，好好味。到睇圖片喇：

平時工廈入面餐廳絕大部分都係開星期一至六，專比打工仔去食飯。但呢一間特別喺假日都會開放比人入去食。一入去場地好大，又有board game，又有夾公仔機，仲有少量書籍同漫畫可以借嚟睇，好啱一家大小去玩。食嘢方面，價錢比出面高少少，第一次去同男朋友叫咗3樣嘢食，以為好細份，點知大份到食唔晒，要打包番去All Day Breakfast 有2款比大家揀，一個係全素，另一個有肉。諗唔到食咩，又唔想煩就叫一份，入面有湯跟，又有好多嘢食。漢堡扒都有2塊，就咁食就太咸。不過，黑松露炒蛋係最好食！醬烤豬肋骨炸魚塊又係好大份，用醬汁燒得好入味，一份入面仲跟2大塊炸魚。小食-炸蠔6件炸完冇咩縮水，一樣好大粒，好好味。到睇圖片喇：

終於有機會去到試，位置喺太平寫字樓入面，唔難搵。12點左右上到去，搵個位坐低，再去返cashier點餐，兩個人，叫左呃like all day breakfast同軟殼蟹竹炭漢堡餐，點完就坐低等拎野食，等左15分鐘左右有得食！除左包飲品，仲有個應該係用菜打成嘅濃湯(唔知係邊個餐送嘅)，食物好大份同好食，略嫌唔夠熱，加左錢轉左杯咖啡，拉花幾靚，用高身紙杯裝，大係大杯，但朋友話層cream唔夠滑。入面仲有board game同圖書提供，想消磨時間嘅可以黎呢度！

第一次上黎工廈Cafe 上網search就搵到呢間位於大埔既FAMA cafe上到去既時候有啲難搵 因為外面都係同一般工廈一樣好簡陋冇乜佈置但入到裡面環境都算唔錯 地方夠曬大 位同位之間都分得開 夠曬空間感 我地簡左窗口位 個山景好靚綠油油一片好舒服我地叫左個 Fish and Chips $48 同 這是陽光點的歌 10吋Pizza $98估唔到炸魚薯條$48 個份量都好多 薯條尚算脆口 鹽份都足夠 炸魚就普通 不過不失 有魚香但略嫌唔夠脆至於Pizza 唔係傳統食開嘅厚批而係薄批黎個薄批反而有驚喜因為好脆而且嗰啲番茄醬好多 加埋車厘子同芝士食落好夠味道巴馬火腿配埋薄餅食好香又唔會太鹹總結一下 價錢好平民抵食 冇Service charge 所有嘢都係自助形式要自己去櫃位落單俾錢有書有boardgame 可以借非常適合同朋友上嚟食個飯傾吓計消磨時間 味道不過不失

係唔貴嘅，無得訂枱亦無限時，服務DIY, 好Free, 仲有書有棋可借，非常適合同幾個朋友仔聊天吃飯消磨一個下午的聚腳地，樓底高地方大又有大隻窗滿滿的綠色景，好正！食物唔貴，份量十足，味道不過不失但唔算好好味，餐牌的菜式名好特別，食物和飲品的款式選擇唔算多，甜品只有一款芝士餅，洗手間只能用大堂的工廈洗手間不太理想，餐廳門口的垃圾味很重也比較趕客，第一次來地點唔算就腳但易搵，如果係男生約女朋友來要慎重考慮。

同舊同學食飯揀左喺大埔一間工廈嘅cafe唔知幾時開始 愈來愈多cafe開喺工廈觀塘 大埔 粉嶺 總有幾間工廈cafe 打出左個名堂去到門口 同大部分工廈cafe一樣 出面都係略簡陋轉右有條卜字型通道入cafe 直行係位 分叉路係落單位置呢間cafe冇service charge 要自己行去落單同時比埋錢 餐具都係自助而落單拎野食嘅地方同餐廳座位係分開兩個空間所以一開始喺cafe坐低有少少無助仲要一行入去佢個門口係寫住xxx studio真係以為行錯路 而menu都要喺返分叉路拎所以個人覺得可以棟個牌指示一下迷途羔羊一入去 雖然係一月 但聖誕嘅氣氛依然濃厚感覺幾和善 不過地氈冇對齊感覺都係偏簡陋入到去就開揚得多 光輝都充足嘅一大面牆係窗就冇咁壓迫工廈有樣好 真係幾大下啲菜式名幾特別 仲有啲歌詞融合左啲名哈哈哈特別嘅野食名 工廈 即刻將佢同粉嶺嘅wtf比較但呢度都真係抵食啲Weekend一個粉先68 但就有配埋野飲呢度個carbonara 都係甜嘅不過未至於甜到漏 所以都係可以接受嘅個汁做到好稠身 有蛋嘅感覺啊！份量都ok多 share食再嗌啲其他嘢都開心料黎講比較集中喺個頂 個量都係fa

黎過好多次了，位置係喺工廈入面，唔算難搵。之前個收銀好西面，而家好左好多喇🤗餐廳需要自己落單，拎餐同執返碗碟，基本上大家都好自律，環境好乾淨。下午去食個All day breakfast，望下山景，放鬆一下心情，即刻有種叉左電嘅感覺。食物方面，個黑松露炒蛋我覺得熟左少少，薯餅夠脆，菜都好fresh🤗加埋杯咖啡真係perfect 呀👍🏻👍🏻👍🏻另外之前試過burger都唔錯，不過呢，意粉就爭少少喇😂💔 仍需努力！