euro go go

營業中

休息中

經過見到餐牌 店員好好服務態度招待我地 主動介紹午餐 見到都幾抵就試下啦！ 午餐包括前菜（蒜蓉包/沙律）主菜同一杯飲品蒜蓉包都外脆內軟 又夠熱 蒜蓉味都好香 絕對值得一試！😋 叫左一個白汁香腸火腿蘑菇意粉餐$54 一上菜係超級熱 應該係岩岩整好既 意粉質地好彩都唔會煮到好淋 啲汁都好夠撈哂個意粉 香腸同火腿份量都好多 但本身白汁都咸咸地 再加香腸就稍嫌咸左少少🤏而PIZZA 就叫左千島海鮮🍕半份$52餅皮質感就介乎於餅乾同麵包之間 如果再焗得香脆啲會更好 但千島海鮮呢個配搭真係冇得輸 海鮮都平均分配係每一片 飲品我揀左熱咖啡☕️可以揀齋啡/加奶 都算幾香 唔錯👍🏼

一真以黎都好鐘意食Euro GoGo但由於吾算超平所以多數食早餐同下午茶多佢地嘅鮮茄湯通粉係非常高質次次黎到都係熱辣辣而個湯底真係非常濃郁真係會成個湯飲埋因為完全唔味精另外佢嘅芝士吞拿魚法包都好高質由於好難整定多數係即叫即烘個包好脆 但吞拿魚芝士又好淋所以吾好當佢一般快餐而需要耐心等候但新鮮熱辣嘅食物先係最好食等陣又有乜所謂呢

每次早餐，我食熱香餅，因為對比M記，好味好多今次試吞拿魚芝士法包好味，夠熱，芝士軟身羅宋湯通粉仍美味，有鮮蕃茄，我飲晒湯，不覺得口渴下次可走飲品，因為湯夠水份。檸茶茶底質素唔太好

這品牌食店，可説是香港頭幾間西式平民食肆。我已很久沒有光顧，今天前來試試吧！先來個沙律，分量不太多，但食材新鮮，青瓜入口爽脆，蔬菜亦非常新鮮，配上酸酸的輕宜醬汁，非常開胃。麵包粒當然也是脆脆的。麵包焗布甸，熱騰騰的送到，賣相不容，入囗除了有原有的肉桂味外，更有微微的杏仁香味，不知是否加了杏仁粉呢？太好了，我和友人是杏仁愛好者，吃得非常滿足呀！焗的時間也剛剛好，外脆內軟，不會太多水份。另外，還有芝士焗蘑菇，有6粒，份量一般，味道正常。總體而言，水準仍可保持，是平民西餐之選。

2020年3月22日因為約左朋友行個晏晏地既道風山。所以就係火車站搵啲野食左再行。一去到都幾多人。仲有好多好似準備上山露營既人。好多大背囊！坐低就比左張餐牌我。因為諗住快啲食完快啲上行山。就掛住食唔係好記得影相。我叫左凍蜜桃茶，同行友人叫咗熱蜜桃茶。我覺得熱蜜桃茶冇咁好飲，但同行友人唔飲凍野。叫咗個焗田螺，但係真心失望超級鹹！！最後都係食淨左係度。除咗焗田螺我哋仲嗌左半份Pizza。好似係叫百寶pizza。由於我哋要分所以叫咗服務員比把刀我哋。佢哋服務好好，但係由於係膠刀既關係切得好辛苦。

沙田呢間鋪地方比較大，可以先入座，再點餐！🕞輪後時間🕤等左十幾分鐘就有野食，服務員細心，安排甜品後上！🥢推介食品🥢1️⃣蜜糖雞翼每一次食都會叫，因為次次都有水準都保持到，皮脆又充滿蜜糖，真係必食推介！2️⃣香蕉班戟賣相唔錯，濃濃既cream皮薄3️⃣千島海鮮pizza味道一般般，個醬太濃，食一舊都有點肥膩味道 😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦🏦(5分最高）✨餐廳環境✨：餐廳坐位比較迫🧑🏻‍🍳侍應服務🧑🏻‍🍳：服務員態度一般🔆總結一下🔆：適合閒時食下既輕食，西餐，不過價錢遍貴

因為想簡簡單單揾啲嘢食，就揀咗呢間首先我哋揀咗呢個蘑菇肉醬意粉，基本上呢個配搭都唔會難食得去邊，果然正正常常，冇乜特別另外我哋叫咗半份蕃茄芝士薄餅，都係一款安全嘅食物，都唔會伏得去邊，冇乜驚喜因為芝士味唔會特別濃呢間嘅分店都算多，唔會值得特登嚟食，但係如果想快，同埋想簡單食一餐嘅話，佢都係一個唔錯嘅選擇，但就唔好預佢質素好好，期望太高

鮮茄湯通粉：通粉熱辣辣上枱，沒有什麼特別的賠了只有番茄味的通粉，偏酸、普普通通但是小孩喜愛。千島海鮮薄餅(半份)：即叫即焗，千島汁和配料都非常豐富，特別欣賞魷魚新鮮爽口，還有蝦和蟹柳，薄餅皮不算太厚，很好吃！卡邦尼意粉：絕對建議上枱立即吃，否則醬汁會凝固變硬，意粉上面鋪滿很多火腿，味道很好，亦是小孩最喜歡的食品之一。焗薯皮拼盤伴希臘乳酪醬：焗薯皮真是一個敗筆，兩小口十分喜歡吃，誰不知這次薯皮非常、非常乾而且硬，特別期待食這個出名的焗薯皮，今次真係完全浪費$86！熱香餅併香蕉：熱香餅唔夠英文字母餐廳好食，因為熱香餅比較硬，不夠鬆化難以吸收糖漿的甜味。配以充滿朱古力醬的香蕉其實也算很好吃！凍忌廉朱古力：絕對加分，凍飲朱古力完全沒有冰塊但是非常凍，這就不減朱古力的原味道，又不會把忌廉溶化變水，推介！

來到沙田連成廣場，是想到旅遊樓層，有點餓，先找個下午茶。同樣也有熟識的店子，來到這連鎖的咖啡店。這分店是先付款，才入坐。付款後，先坐下來，不久店員也送上餐具、紙巾及調味用糖。仍舊喜愛班戟套餐，等了不久，最先送上的是通粉。鮮茄湯通粉，鮮紅色的底，有著碎碎的蕃茄，湯中也混有香草，卻是用紙的碗送上，感覺有點不環保。湯底鮮茄味香，帶點點酸，而且香味及酸味較厚，與樂富分店的有點點不同，通粉不軟不硬，味道也剛好。蜜桃班戟，看來份量比樂富分店稍為細小的班戟，仍是旁邊放著兩塊蜜桃，加上小小的忌廉作襯托。蜜桃味道很香很甜，甜味沒那裡濃，班戟內蜜桃也較小，可是班戟的外皮卻為薄，相對技巧也要較高。藍色為主的紙杯，相信咯分店也一樣，這次是咖啡，仍是帶點點酸，卻比之前在這分店飲過的酸度較低，不需加太多糖已可中和。都是相同的班戟套餐，想不到不同分店也有一點不同。可是服務則需要改善，之前只送上鮮茄湯通粉，等了很久也沒送上其他，再問店員說是以為稍後才上，若客人說稍後才送上，也沒理由連飲品也不送上的，看來有點問題，需要改善。

我落外買買意粉，佢話餐具要收$1。我問佢一隻叉都無，我係唔係要用手食。佢又答唔到我。唔好以環保名義收費la。要環保嘅就唔做外賣，堂食唔好用即棄餐具。唔係咁就唔好扮環保la。

我只係個工讀生，唔係乜嘢飲食達人，但煮番兩味我都仲可以，更何況我阿爸阿媽都開過餐廳，亦算係半個職業廚師，我知道乜嘢食應該係乜嘢味，所以呃我唔到。芝士吞拿魚意粉， 吞拿魚用罐頭貨就一定啦，所以都唔需要期望太高，只要唔好太腥就ok，呢個tomato source 好酸唔合比例 , 而且太多汁，香草落得太少，寬條麵煮得太淋，口感唔好，而且太淋係煮 pasta 嘅大缺點，味道好港式，整體嚟講真係唔係咁好味，還好有芝士搭救，而且都好大碟，食佐一定飽肚。

其他嘢我冇試....所以不予置評.......見咁多人...應該都OK掛...應該係除非唔係...但可以確定嘅係千祈唔好點咖啡.........我點左杯凍牛奶咖啡加焦糖....成杯野過甜都算喇....杯嘢好似係水加冰再溝糖咁...一啲咖啡味都冇.....哩杯應該係由我出世以來飲過最難飲嘅咖啡.....🤢🤢🤮我諗我朦住眼用最平嘅咖啡粉沖出嚟都好飲過佢...可以沖到咁難飲都真係著實難得........

有日同個friend去一田掃完貨，行到超累😴，咁諗住搵個地方坐底吓食D野，抖抖先，如果唔係，隻腳實死得，咁佢問我鍾唔鐘意飲荔枝茶，我話鍾意食荔枝多D，佢即刻話得啦，等我帶你去食荔枝啦，我心諗🤔，有邊度地方可以坐底慢慢食荔枝架，我就即管跟住你，睇吓你去邊。去到，原來帶我黎食euro go go。呢度要排隊等位，但都好快有位，我個friend就推介呢度既荔枝茶，同蜜糖雞翼，仲有煙肉蘑菇，佢話一定要試。D野食都好快送黎，抵讚！杯荔枝茶真係好飲，真係有荔枝食，仲要好大粒。 蜜糖雞翼又好甜好野味，個蘑菇又清甜可口。今餐真係好美味呀，又可以繼續掃貨啦😁😁

下午茶想食吓小食pizza, 意粉，芝士蒜蓉包，蜜糖雞翼，法式薯蓉田螺，值得推介的小店。環境細小要等位，不過也等得快。推介蜜糖雞翼，好香口，雞翼不算太細隻，好食。法式薯蓉田螺，每今次有點失望，是焗燶底，不過職員好快換另一個，重新等了6分，服務唔錯芝士蒜蓉包，不太硬，好香，好鬆脆，芝士味濃，推介小食。意粉種類非常多，最終我都揀咗芝士吞拿魚意粉，即焗出來，香噴噴，上面舖滿芝士，味道濃郁，加上我最喜愛的吞拿魚也好豐富，味道十分配合。建議pizza，不要太多醬，千島海鮮pizza，有點酸，不好吃了。煙肉磨菇pizza,蕃茄醬太多，有點點酸，煙肉有點咸。大至上滿意，因為熱辣辣，焗出來，碟邊全部都熱的。

約左老友等佢放lunch一齊食為左時間食得充裕一早出黎拎定位每次見好多人排隊，呢間又唔限時，所以要預左排下隊先食得！但會選佢黎食係因為佢既野食好味，又抵！最喜歡佢呢度既蜜糖雞翼，有拉絲既蜜糖！焗到香香甜甜，好好食我就叫左杯凍檸檬汁，唔會太酸，都醒胃解膩口吖👍🏻由於老友要注意健康，我地點左半份牛油果pizza，味道特別，牛油果份量十足！素食朋友可以試下，唔係好多地方有半份有三片🍕再黎叫左個煙肉蘑菇薯蓉，三十幾蚊都幾大份量，三個人食岩岩好，料又多，啖啖美味食小食係唔夠飽！我地再追加個菠菜闊意麵，芝士好多，菠菜舖滿面，龍俐柳比想像多，但個闊麵就變得難夾左，痴埋一堆下午茶有一杯熱飲配，唔夠食就可以正價再加，相對單叫一杯野飲會比較抵食！野食好味，唯一差少少係所有餐具器皿用即棄，不太環保♻️