El Taco Loco (已結業)

我以前係美國都食過呢兩隻“墨佬”食品, 記得係....TACO 係脆的﹐包法似奄列BURRITO係軟的﹐包法似春卷.如果有錯請KC兄指正

Taco 係用炸過o既細塊玉米粉圓餅(tortilla), 包住o既餡通常係肉醬, 芝士絲同生菜絲. Taco可以當snack或正餐咁食.Burrito 係係用未炸過o既大塊tortilla 包住肉醬/雞肉條, 芝士同豆蓉(通常係四季豆). Burrito通常係主菜, 食一個都夠飽.

Taco係脆的，由粟米壓成，好似零食的薯片咁，但當然是粟米味。Burrito似卡巴的餅皮，係較軟的，用以包住唔同的餡料來吃。由這兩種食法引申開去還有enchilidas grandes同chimichangas grandes，前者是粟米餅皮卷而後者是炸burrito，要幾專$的墨西哥食店至有得供應，icaramba就有。本地的美式快餐店間唔中都會推出呢味野，我就喜歡burrito，不大喜歡taco，因為麵粉索到酒精，我地飲啤酒就最喜歡吃，道理同食卡巴一樣。

何謂Burrito,同taco有咩分別(因為只知taco係乜)謝指教

呢度色彩鮮艷，劃左好多公仔在外牆，又位於半山行人電梯旁，令人經過都會望多幾眼。店子不大，只有taco同burrito供應，亦有兩款墨西哥薄餅quesadilla。Burrito及Taco價錢由28蚊至48蚊，而餡料有成十種選擇，最喜歡吃Carnitas Pork，炸豬肉加酸辣汁和洋蔥等配料，再加支啤酒幾好食，風味雖然比卡巴差少少，但間唔中食下burrito都幾好；另外Shrimp al Pastor就係燒蝦配菠蘿黑豆生菜，幾清新，女仔食最適合。各款醬汁擺在檯上自己，仲有酸瓜同紅辣椒，唔夠味可自己郁手。呢度堂食會俾個街市買蛋的紅色膠籃盛著，幾怪雞。這裡位置不多，好在食物都幾輕便唔論盡，企在店內吃幾casual。