Ebeneezer's Kebabs & Pizzeria (已結業)

又是一家不看食評不會來吃的餐廳. 點了羊肉卡巴和炸洋蔥餅. 侍應會一點點廣東話...=)味道不錯, 不過覺得熱些會更好(今天只有十多度!)另外, 張櫈幾好坐!看到餐巾, 原來港島還有幾家分店, 總之不用特地跑來尖咀啦! 幸好是一家不錯的餐廳!

起初見呢度嘅kebab都幾貴，所以一直都冇去試，後來見d食評話味道唔錯，而且lunch set約四五十蚊，都ok啦！於是去試一試。小弟叫左羊肉kebab + 咖哩角+ sweet lazzi。order完畢，店員就行去羊肉串前，小弟諗住佢用刀切羊肉啦！只見店員拿出一個鬚刨(比一般鬚刨大d，略似髮型師用黎「鏟青」嘅刨)，在羊肉串上鏟左幾下，羊肉碎就應聲跌落黎，好一個髮廊+ 食店嘅crossover。店員將包好嘅kebab再用錫紙捲好，放在熱爐上夾一夾，個熱爐就好似一個大型夾直頭髮嘅電熱夾咁，又一次crossover，唔知老闆以前係咪開髮廊呢？個kebab真係幾出色，羊肉好多，好足料，配埋d辣辣地嘅sauce，非常惹味。舊咖哩角就ok啦！杯lazzi都唔錯，酸酸甜甜，幾醒胃。

kebab水準持續令人滿意貴咗啲囉.

在台灣吃過驚為天人的沙威瑪之後，回港一直回味無窮朋友說香港的卡巴就是沙威瑪，馬上在Openrice找了一堆店家打算逐家試試看．．．０６年１１月１０日試了Ebeneezer's Kabab０６年１１月１１日試了Istanbul Express再不會試第三家了．．．詳情請看：http://www.wretch.cc/blog/foodiebarbie&article_id=5232381

又到週六，又去我最愛的海港城shopping。出動前食個靚lunch，本想去Gaylord不過被booked out，結果來了這裡食卡巴。　lunch set幾抵喎，卡巴/Biryani(炒飯)+洋蔥餅/薯條/咖哩角+汽水盛惠$40-$50，雀檸加$2，轉飲凍咖啡都可以，加$5。　二人食，點了雞肉卡巴套餐及羊肉炒飯套餐，飲雀檸及凍啡。kebab十分扎實份量不小，跟兩大碟香草乳酪醬，塗來吃滋味無窮，唯有不理儀態了! 羊肉Biryani十分惹味，半濕的飯很能刺激食慾，不過大大件的淨瘦羊肉反而不太討好。配菜的咖哩角與洋蔥餅就差一點，香口有餘而滋味不足。還有凍啡超甜，愛甜的我都幾欣賞。　下次卡巴癮起我還會再來!

工作了一天，食下午叫左hummus & pita，唔知中文係什麼，一塊餅加一杯好少醬。個餅係熱的，口感好正，韌韌地。個醬少少咸，好香，加上去餅上一齊食，簡直係完美！那傑傑的醬，極刺激食慾，融合那薄薄的餅，可稱一絕。服務不過不失，但係份量就真係好少，下午茶都覺得它可以俾多一點。如果食，食卡巴會比較抵

I ordered a chicken kebab, and prawn byrini.The kebab was nicely done up and cut in half, not to difficult to eat without getting my hands all sauced up.The sauces in the kebab were a nice mixture and plentiful. The salad that came was the food was also drenched in salad sauce.The price and environment was reasonable.

月前的食評了。夏季伊始，又來減過，趁中午去海運走一轉。睇到唔知時間，又要趕返公司在下午開市前開戰略會，午餐要快快搞掂。當然不會屈服吃鬼佬或港式連鎖店的快餐，記得Ebeneezer’s在阿士厘道開了分店也未吃過，就來一試。這裡裝修幾前衛的感覺，店子小小，座位也不算多，店內瀰漫著烤羊肉獨有的臊香味，感覺不錯。是半自助式的，客人自己去買票，再去找位坐，有人會捧餐來。午市套餐有Kebab、Biryani或純沙律可以選擇，要吃得快手，當然要薄餅卷Kebab，要了個羊肉卡巴，前菜選了炸洋蔥餅Onion Bhaji。卡巴用鍚紙卷著，長型的再從中間一分為二，滲出燒烤的香味，聞起來不錯。餅皮是外來貨，難免是韌韌的，羊肉臊味不算重，吃起來軟熟，配上生洋蔥及香辣汁，味道相當不錯；炸洋蔥餅炸得幾過火，味道也沒有特別，吃了幾口就不再去吃了。連汽水一罐，盛惠45蚊，都算食得過。

星期五晚在tst搵食一d都唔容易﹗之前見大家對呢間新店都有好評價，又剛剛有位，所以和朋友一試。我們要了一個蝦炒飯和一個燒雞kebab，炒飯對我們來說有點辣，但很香很好味，而且有不少大蝦﹗而kebab就一辣，sauce有點甜甜的，十分討好，也新鮮。當然我們一定有點我最喜愛的印度飲品mango lassi啦，不過我就覺得祟潔街o個間好味d﹗因為朋友不吃羊，所以未能試到真味，下次個再來﹗

Went there with a girl-friend last night (July 6) at around 8:00p.m. I think it is a pretty uniuqe Deli style shop in Ashley Road (TST), we ordered 1. Chicken Biryani (fried rice) with Salad2. Mix (lamb & chicken) kebab3. 2 cans of sodaTotal spending was HKD$115 for two people, we were happy and satisfied. Good stuff!!!

聽KC說亞士厘道的卡巴店有水準﹐今日專程前往一試。店鋪裝修得很不錯﹐我想應該是在香港我所見過的卡巴店中環境令人最舒適的一家﹐以前吃卡巴多數外賣﹔在這裡﹐就算堂食都不是問題。食品種類不少﹐有卡巴﹑咖喱和炒飯等等選擇﹐而肉﹐則以雞和羊為主。第一次試﹐當然是吃卡巴﹐就要了一個羊肉卡巴午餐﹐$45包括一客小食及汽水。從吧櫃望入去可見店員正在製作卡巴﹐用料相當豐富﹐份量亦無偷工減料﹐包好後以鍚紙裹好﹐放入烤爐中再加熱約兩三分鐘。卡巴烤好後看似有點縮水﹐但咬下去就知道內容緊湊無比﹐香甜的醬汁伴著味道濃郁的羊肉在口中爆開﹐滿足度實在很高。不過﹐小姐們要留意﹐這裡的卡巴要吃得滴汁不濺﹐相信難度會頗高。建議倒不如暫時忘記“儀態”二字﹐盡情地享受完再說吧。另外午市套餐包括的小食﹐我選了洋蔥餅﹐洋蔥味重﹐外脆內軟﹐配以香草乳酪醬汁﹐食味不錯﹔只是炸得頗為油膩﹐怕不是人人受得到。如果怕油的可選咖喱角Samosa.四十五元一個午餐﹐不算價廉﹐但總算是物美﹐絕對值得再來。

以前食kebab, 一定要過海去香港食...好難得依家有間kebab係九龍...yeah~呢間都算係一間幾正中kebab, 打理全部都係外籍人士(d 應該係屬於印巴藉啦?!), 有傳統羊牛同素kebab & 炒飯...仲有小食:咖哩角同洋蔥餅...都好有特色ga!!一個kebab要四,五十蚊...好大個好飽肚!!即叫即做, 用一塊薄薄薄餅包住d肉同菜, 再加醬料, 用錫紙包住個kebab去烘一烘...所以熱辣辣好好味...份量十足, d 料多到一路食一路會漏晒出!本人鐘意食羊肉...所以極力推介lamb kebab !!!

可能係個人喜好. 我相當喜愛kabab. 而Ebeneezer's Kabab 除左kabab 之外, 仲有curry with rice / chips (不過我無食過). 仲有salad / 小食. 個度既chips 都好味道. 個度仲有beer / wine. 仲有, Ebeneezer's Kabab 既店員好nice.