Eat With Me (已搬遷) 新店位置

‪‎旺角‬經常有新的創意雞蛋仔店開業🎉這次跟朋友點了"Banana with me"($48)，第一次吃香蕉‬雞蛋仔‬，配焦糖香蕉、‎Dreyers‬‎朱古力‬‎雪糕‬、鮮‎忌廉‬、比利時朱古力醬。雞蛋仔較腍身，帶微微蛋香，最特別是咬下去有少許香蕉蓉，不過味道不突出。其他味道都頗創新！鹹的有咖喱味配雞扒、粟米味配肉醬,甜的則有芒果、花生醬等等，還有雞蛋仔配芝士火鍋及忌亷濃湯等新奇配搭。

雞蛋仔同雪糕既配搭真係第一次聽，於是黎到eat with me試，點左個士多啤梨雪糕配糖霜曲奇，48蚊。個人覺得唔係幾抵食。雞蛋仔同雪糕一樣係甜，兩者味道上冇衝突，只可惜雞蛋仔太林，脆d會好食d。不過雞蛋仔充滿蛋香，甜度適中。雪糕既味道幾清新，甜得黎唔酸，只係有少少蓋過雞蛋仔既蛋味。Cream太多太膩，同雞蛋仔格格不入。不過要讚下個糖霜曲奇，唇膏型幾有心思，味道唔錯。整體賣相幾吸引。

雞蛋仔、格仔餅都是香港的懷舊小食，相信不同年代出生的人都有品嚐過，隨著不斷的改良和變化，到了今時今日，雞蛋仔不單只有夾心餡料和不同味道，更可以配上雪糕和各種配料，別有一番新風味。這次點了一個綠茶雪糕配紅豆蓉雞蛋仔，外觀方面，剛剛烘好的雞蛋仔呈微曲形狀，中間放著一球綠茶味雪糕，雪糕旁邊放了一大片紅豆蓉，份量十分足料。在頂層灑上糖霜，沒有其他花巧的裝飾了。有一個輕巧的小杯盛載著雞蛋仔，我覺得這個設計很合適香港人，可以邊行街，邊拿著吃。外觀評分:6.5/10味道方面，先說一下主角雞蛋仔，我比較喜歡食脆一些的雞蛋仔，所以剛剛送上的時候，等待5-10分鐘，它會變得更加鬆脆，相反剛剛烘好的雞蛋仔會比較軟熟，喜歡軟綿綿口感的朋友們就要趁熱進食了。而且充滿香濃的蛋香味，在口腔中瀰漫著濃郁的蛋香混合牛奶味，雞蛋仔咬口也十分''煙韌''，可見雞蛋仔的粉漿造得一絲不苟，並且沒有一粒粒的感覺，值得一讚。綠茶味的雪糕不過不失，帶有淡淡的清新綠茶味，而且紅豆蓉也造得不錯，不會過甜，也能夠帶出紅豆的香甜味道，一口雪糕和紅豆蓉配合著一粒粒的雞蛋仔，味蕾和口感的雙重享受。整體評分:7/10

Inspired by street food from Hong Kong, Eat With Me twist on the local traditional egg waffles and gives this street snack a whole new level of engagement. Eat With Me is a treasure. Not only on it’s innovative food creation but also the ambience where you can’t experience in any other street food stall. Freshly made egg waffles served as a hot dog bun combined with minced meat and melted cheese. Nom… Nom… The freakshake is what we are here for though, the reason soon becomes clear once they com

Eat with me呢間野我想食好耐，但上次行過見到得take away 於是去左斜對面試新cafe. 今日約左fd決定點都要1試，點知今次去到竟然多左d bar枱位，老細話d 櫈今日啱啱送到，真真幸運真開心😊menu上食物同飲品款式唔多，不過都足夠我睇左15 分鐘都揀唔到😅最後我地叫左Piggie同Doggie呢2款鹹味雞蛋，至於飲品我地就叫左好立克milkshake同coffee float. 向等野食既過程已經見到老細(我自己覺得係) 既熱情，健談同細心，完全感受到小店既吸引力😍講返d食物先，我地叫既係熱狗雞蛋仔同豬扒包，2 款都以雞蛋仔代替麵包。熱狗除左芝士醬之外仲有肉醬，2種醬汁都非常好味，老細仲細心問我地鍾意多醬定少醬，佢仲特意俾多1兜芝士醬我地。熱狗用既係蒜味雞蛋仔，而豬扒包就因為未有鹹雞蛋仔漿老細建議我地要蒜味再送粟米粒俾我地。豬扒包好精美，有太陽蛋，仲分開左2 件，1 件有蛋黃，1 件冇蛋黃，相當貼心。因為朋友係唔食生蛋黃架！！！！豬扒好鬆軟又夠味，唔會太肥又唔硬。雞蛋仔加左粟米粒，多左重口感，有d鹹有d甜好特別。其實用雞蛋仔代替包的確好特別但就係未能全新一齊食，因

咁都可以開倒間舖頭, 好嘢! 雞蛋仔加雪糕真係唔係幾夾. 睇住佢新鮮整個雞蛋仔, 應該係脆㗎嘛, 但係又唔係'冧'喎, 應該係雪糕嘅關係, 竟然可以極速變咗唔新鮮又硬嘅雞蛋仔. 食嘅時候又唔方便, 除咗個雪糕之外, 仲有一撮cream, 一大啖咬又唔係, 逐小搣嚟食又夾埋唔倒雪糕一齊食, 個杯又細又輕, 又驚佢跌. 問個店員攞多個紙杯分開食, 佢話唔得, 仲見意我哋兩個人食就下次應該叫另外香蕉嗰款就可以碟上 😑 "都唔係一個人食或兩個人食嘅問題"總之雞蛋仔+雪糕+cream 就真係唔係幾好嘅配搭

最近食雪糕既手法愈來愈新奇✨，除左波蘿包夾雪糕之外，今日我就帶大家去試用雞蛋仔夾雪糕😼位於廣華街既雪糕雞蛋子，鋪頭細細，入面只有五六個坐位，但一入到去就聞到濃濃既花生醬味👃，原來鋪頭的其中一個招牌係花生醬雞蛋仔，雪糕奶昔都有睇頭👀但係今日我既目標並唔係花生醬雞蛋仔，而係雪糕雞蛋仔，鋪入面雪糕雞蛋仔有六款，分別係rocky road石板街🍫，cookies & cream🍪 ，士多啤梨🍓，薄荷朱古力🌿，芒果🍋同綠茶🍵我就揀左rocky road icecream ($48)，雞蛋仔即叫即整🍳，用個紙杯裝住。食依個真係要同時間競賽🏃🏃，熱辣辣配上石板街，一開始食雞蛋仔係脆脆地，糖霜曲奇樣貌都精緻🍪，但過左一排啲雪糕就開始比雞蛋仔熱溶啦💧，雞蛋仔又比雪糕整淋，如果個雞蛋仔放涼啲可能整體會好啲🙉

同朋友行完街，經過Eat With Me，記得好似有特別版既雞蛋仔，反正行到攰，於是就入去食下。小店入面地方好細，無坐位，只有企位，企位最多應該可以8個人同時進食。一睇Menu, Eat with me除左甜食，原來仲有鹹食！例如咖哩味雞蛋仔同熱狗雞蛋仔，好似幾特別，不過今次食左甜味先。Banana with me ($48) 有切粒香蕉、dreyer's icecream、fresh whipped cream、同埋比利士朱古力醬。雞蛋仔已經好貼心地切好一粒粒👍👍，進食起黎相當方便。不過可惜我覺得雞蛋仔蛋味唔夠香，粉味就重咗啲，始終雞蛋仔係主角，就算多左d配料，都唔可以忽視雞蛋仔本身個味道。香蕉配朱古力🍌🍫呢個組合其實係無得輸，如果香蕉係焦糖香蕉一定更加好食！雪糕🍦係用dreyer's， 味道無需要多講。整體黎講係可以一試，但未必會再食。 

🍳花生醬雞蛋仔 $20雞蛋仔熱潮最近席捲全球，外國都有賣雞蛋仔hotdog,雞蛋仔加雪糕🍦Eat with me都係一間新派雞蛋仔店呢個花生醬雞蛋仔係好味嘅，不過...可能是新開的關係，有幾樣野唔掂1  我㡳雞蛋仔個㡳一拿上手就穿左兩個大窿，其他雞蛋仔都搖搖欲墜2 吹風吹得太耐，一拿上手已係微暖，食到一半已經凍哂希望店家可以改善下，因為味道真的不錯，用粗粒花生醬，每粒都吃到花生

最近工作比較多需要點甜食補充腦力，之前看到很多人來旺角這家人氣雞蛋仔店而且照片都照得超可愛，我也千裏迢迢來試試看。平日傍晚人很少，店裏主要提供食物外帶沒有堂食。小店裝潢簡約舒服。這家店賣點是把傳統的港式雞蛋仔融入西方元素，就像french crepes（可麗餅）可以加雪糕加培根可以有鹹有甜一樣，因為市面已經有類似的產品所以沒有覺得很新奇哈哈。我點的是COCO，是忌廉曲奇雪糕加雞蛋仔，上面還放了一個有Chanel包包的曲奇餅，很精致呢！雞蛋仔是即點即做的，可惜這家的雞蛋仔實在太甜了，連我那麼愛吃甜食都覺得甜到漏，而且雞蛋仔不脆有點’淋’,蛋香味也很少。好的是很有嚼勁，中間不是空心的很實。還有一樣事情我覺得可以改善的可能是服務生在做雞蛋仔的時候可以戴雙手套，感覺比較衛生一點吧就算手是很干凈的？這家店的雞蛋仔賣相絕對可愛，但是味道就真的見仁見智了，大家如果愛相機食先的可以去試試看哦♥

星期日下午，特登出旺角就係試呢間特式雞蛋仔店。我本身非常好咸點，所以就叫左個doggy (雞蛋仔熱狗）， 連埋杯好立克沙冰，盛惠100大洋（有點貴喔😒）。去到時店內只有兩個人食緊野，基本上我以為唔駛點等就有得食，點知點完餐都等左25分鐘先整好。（真心覺得呢間鋪多人既話唔知要等到何年何月先有得食) 。老實就個doggy 味道只是一般，係個醬汁加返少少分。應該都無下次了。

Dryers雪糕我洗鬼俾呢個價錢食咩，無誠意做食物，個雞蛋仔林bad bad ，無口感可言，好彩有d蛋味吾系無味，然後個cream都系超市買唧出泥果種，吾系自己打，我都好少可食到甘求其既甜品，呢間野令我寫食評

平時好少行入呢條街 今次係專登去試下呢間雞蛋仔入到去牆上有店鋪名Eat with me既粉筆字 位置唔大 企位大約7 8個到 坐位就冇啦叫咗今期出既doggy 德國腸+生菜+芝士醬+雞蛋仔 由於即叫即做 都畀d時間等  終於到啦 賣相好靚 相機食先啦 芝士醬好多 預夠粒粒雞蛋仔都有醬可以點到 食時好香濃芝士味 不過食到中間d雞蛋仔完全淋哂 冇咗香脆既感覺 整體呢講 doggy係好味 d味都幾夾 仲好飽 大部人都係叫配雪糕 下次再去試其他味

現在這年代,賣相滿足到相機你便是成功的一步,其次當然係味道當天經過廣華街,便給雞蛋仔做主題嘅小店吸引呢間小店非常有創意及非常用心出品,我隨意點選了兩款MRS－$88 先到嘅係MRS.其實係好立克沙冰。賣相非常精緻可愛,用最簡單嘅材料唔會有錯(綿花糖,朱古力條,Macaron),沙冰總算打得均勻但可惜好立克味道好淡。畢竟係一杯$88嘅飲品,相對比較失望。Doggy－$68 我好喜歡呢款熱狗雞蛋仔－滿滿嘅芝士醬,肉碎,生菜同埋德國腸.雞蛋仔係帶有蒜味,又做到外脆內軟,每一口都點上邪惡嘅芝士醬,味道又香又濃,真係停唔到口! 呢份Doggy可＋$32有一杯特飲。叫左杯阿華田奶昔, 存在問題都跟MRS一樣,比較淡其實單飲一杯奶類飲品都經易好飽肚,如會食特式雞蛋仔的話建議大家選擇其他飲品

係網上面見到eat wth me杯奶昔好吸引,之後再上openrice睇見要$88略嫌有少少貴,再望望有雞蛋仔雪糕好似幾吸引,價錢$48還算接受到,所以轉試雞蛋仔雪糕係廣華街個堆甜品鋪附近,招牌有d細所以淨d走流眼,入到去有d迫,見好多人都係買完拎出去食,雞蛋仔即叫即整,所以要等一陣先有得食黑手袋曲奇呢款原本係曲奇雪糕,但曲奇雪糕賣哂所以轉左薄荷朱古力,其實食落去味道無咩特別,而且雞蛋仔雖然係即整,但就無街邊買個d咁香,塊黑手袋曲奇餅可能比雪糕影響到所以淋左,黑手袋係黑加倫子味整體黎講唔係唔好食,但食落無驚喜,而且$48食雞蛋仔有d唔抵食,所以過下口癮試1次就夠