更多
2024-12-07
256 瀏覽
如果你鍾意燒肉又想有啲新鮮感,將軍澳嘅 EaT 燒肉真係值得一試!佢哋主打太空船送餐,呢個賣點真係好玩又特別。每次點嘢,燒肉會由太空船型嘅小車送到枱邊,成個過程都好有趣,特別啱朋友或者屋企人一齊黎,氣氛一流! 宮崎A5和牛(肩胛肉眼心、上等牛肩胛、肩胛腋板)套餐 200g ($268)呢次我試咗兩款套餐,首先係宮崎A5和牛套餐。和牛真係無得輸,肉質油花分佈完美,燒完一入口即化,特別係肩胛肉眼心,牛味濃郁到爆,燒好後只需輕輕灑啲鹽,已經好食到停唔到口。配埋套餐入面嘅白飯、沙律同和風湯,份量啱啱好,食完唔會太飽。 Prime Grade (牛五花、肩胛牛柳、牛小排)套餐 250g ($178)另一款Prime Grade 套餐都好抵食,特別係 牛小排,肉質嫩滑帶啲微微嚼勁,好香濃。套餐仲有泡菜同白飯,泡菜酸酸辣辣,幫到手解膩,幾好食! 魷魚一夜干($82)/牛油雜菇($28)/富士蘋果地雞肉(80g)($28)除咗套餐仲單點咗幾樣野,魷魚一夜干燒完之後鹹香有嚼勁,牛油雜菇帶住陣陣牛油香氣,超惹味,而富士蘋果地雞肉味道有啲微甜,雞肉嫩滑又有雞油香,幾特別。白桃烏龍冷泡茶($15)飲品方
宮崎A5和牛(肩胛肉眼心、上等牛肩胛、肩胛腋板)套餐 200g ($268)
呢次我試咗兩款套餐,首先係宮崎A5和牛套餐。和牛真係無得輸,肉質油花分佈完美,燒完一入口即化,特別係肩胛肉眼心,牛味濃郁到爆,燒好後只需輕輕灑啲鹽,已經好食到停唔到口。配埋套餐入面嘅白飯、沙律同和風湯,份量啱啱好,食完唔會太飽。
Prime Grade (牛五花、肩胛牛柳、牛小排)套餐 250g ($178)
另一款Prime Grade 套餐都好抵食,特別係 牛小排,肉質嫩滑帶啲微微嚼勁,好香濃。套餐仲有泡菜同白飯,泡菜酸酸辣辣,幫到手解膩,幾好食!
魷魚一夜干($82)/牛油雜菇($28)/富士蘋果地雞肉(80g)($28)
除咗套餐仲單點咗幾樣野,魷魚一夜干燒完之後鹹香有嚼勁,牛油雜菇帶住陣陣牛油香氣,超惹味,而富士蘋果地雞肉味道有啲微甜,雞肉嫩滑又有雞油香,幾特別。
白桃烏龍冷泡茶($15)
飲品方面,我揀咗白桃烏龍冷泡茶,清新又唔甜,啱晒燒肉之後飲,解渴又解膩。
店員仲提到聖誕節會推出$12蒜蓉海老優惠,呢個價錢試到大蝦真係超抵。
總括嚟講,EaT 燒肉唔單止食物質素高,服務又好,加埋太空船送餐嘅新奇體驗,真係好食又好玩,絕對會再回頭!
張貼