E FOR EGG

營業中

休息中

【大圍人氣高質盒子吐司🍞】/////上個月嘅星期日 放假同朋友走左去大圍踩單車 我地大約朝早11:30就已經去到店鋪門外排隊 最後1:30先入到去叫嘢食😂😂好彩整體野食都幾好味 好多有關蛋嘅主食同埋甜品～覺得等咁耐都值🤤想食又唔想排就真係要開店前企定定等頭一輪🤪.👉🏻焦糖雞蛋布丁盒子吐司🍞($60)平時食開細盒布丁 吐司外型係幾驚喜～外層嘅多士軟身 咬落有牛油 蜜糖味道如果可以做到脆少少會更好内層布丁動L～🤣質感有彈性 滑身布丁都幾有蛋味 甜度適中😚. 👉🏻韓式泡菜豚肉溫泉蛋定食($68)定食味道以cafe嚟講已經做得幾好🤪泡菜豚肉份量多 醬汁調味就重手左少少不過佢有個溫泉蛋可以中和番醬汁嘅調味白飯配有日本相當出名嘅飯素 一齊食幾開胃👉🏻竹炭黑芝麻鮮奶($41)黑芝麻同奶比例啱啱好 最重要係黑芝麻味好濃郁喎(´▽｀)中意黑芝麻產品一定要叫haha————-📍E FOR EGG (大圍)@eforegghk 大圍城河道19-25號城河樓地舖

難得今日放假，四圍搵嘢食，到了大圍一間韓式甜品店品嚐美味甜品，地方細細，環境舒服，款式多，咸甜美食都有。我今次點了以下美食，有《金沙軟殼蟹滑蛋盒子吐司》，蟹好脆好香和蛋好滑，好味；另外，《焦糖布盒子吐司》燉蛋好冰凍好滑好香，外層麵包好脆好鬆軟，《凍招牌奶蓋咖啡》，上面好似煎蛋東西是奶油和南瓜蓉醬，消暑解渴，打卡必點。

星期日的早上與好姊妹們11:15到達，想不到已經滿滿人潮，等左足足兩個鐘先有位😥好在早上天陰陰，唔怕好曬，同姊妹傾計既時間眨眼就過🥰/不過，大家都唔好掛住傾計冇留意叫台號呀！因為店員聲線溫柔，見倒有客人白白企左係度好耐，但錯過左五個號碼要重新輪侯😥同埋雖然佢寫排隊等位，但係要同店員拎飛架‼️/🍞香蒜黑松露雜菌拉絲芝士盒子吐司 $60吐司外酥脆、內鬆軟，有牛油香。黑松露的味道也很突出，配雜菌炒滑蛋，加埋拉絲芝士，餓左好耐既的姊妹們極速秒殺/🍞金沙軟殼蟹滑蛋盒子吐司 $70軟殼蟹炸得脆卜卜，還有很多蟹膏🤤係好食既，不過就食唔出金沙的味道🙈兩款吐司都有沙律菜和蕃薯條伴碟，不過素年太好食，所以相對失色了一點/🍞焦糖雞蛋布丁盒子吐司 $60吐司賣相真係好靚呀😍焦脆香甜的蜜糖吐司，中間是滑溜的雞蛋布丁，果然沒令人失望！/☕️桂花拿鐵飲品選了較少見的桂花X Latte，味道帶淡淡桂花香，啡味👌🏻，是一個清新的選擇/整體來講，我地都覺得好食既！不過短期內都唔會有再encore既慾望😊至於考慮緊既朋友，就要諗番時間成本，同埋果個位都冇咩遮陰，好好陽光的時候會又曬又熱🥵比多個溫馨提示：原來三人行都係要逼一張二

金沙軟殼蟹牛油果滑蛋吐司 $70聽個名已經知道極度吸引，份量足料，軟殼蟹炸到好香脆，面包係甜甜地，上面仲加咗啲甜甜地清新既醬，識落絕對係開胃又滿足。小錦囊🤔：餐廳係小店，位子唔多，所以當日平日4，5點時間都要等15-30分鐘先入到。提提怕曬既吃貨真係要帶定傘，附近真係冇咩遮蔽位㗎！推薦指數：⭐️⭐️⭐️⭐️⭐️

未搬舖時幫襯過細舖兩次，依家搬了大舖坐位多咗舒服咗，食物都多咗，輪候時間也多咗，不過Cafe出面有啲木櫈可以坐下，我今次去時係星期日，兩點幾，輪候的人比預期少，大约七八個字就到我，Cafe內環境簡約，叫了人氣嘅焦糖雞蛋布丁盒子吐司及凍招牌奶蓋咖啡，兩者一上枱一定要相機先食，盒子吐司🍞造型好日系，賣相好可愛，吐司內藏冰凍布丁，夏天食正，味道不錯，至於個凍招牌奶蓋咖啡，奶蓋上面有隻仿太陽蛋嘅🍳，好可愛，外型滿分，但味道無驚喜，奶蓋味略嫌不夠濃，價錢都叫合理，可接受，服務幾好，俾錢時，想俾散紙，問職員，毫子收唔收，佢話係錢就收，好好👍🏻，值得一讚，另外，食物造型又正，所以值得支持.

呢間餐廳睇住佢由開業到搬遷～ 我都仲未食過！！ 見到佢搬左大舖 坐得舒服左～ 不過cafe 無限時嘅關係 等位真係等好耐 平日1點到達 都要等接近2個鐘金沙軟殼蟹滑蛋盒子吐司 $70個外表已經好出眾！ 不過份量就只可以當tea～ 雖然軟殼蟹唔脆 但同個蛋黃醬絕配！切開個麵包 中間仲有滑蛋加黑椒調味！ 旁邊有4條番薯條同少量沙律菜伴碟～栗子蒙布朗 $45栗子控就必定要點！ 勁滿栗子蓉～ 好幼滑！入面有球雲呢拿雪糕同小窩夫～ 一齊食就反而中和返甜度！ 竹炭黑芝麻鮮奶 $41真係要鍾意芝麻先可以嗌呢杯嘢飲！ 芝麻真係超級香 飲落去冇芝麻糊咁濃稠 但香到不行！招牌奶蓋咖啡 $45有啲似飲品版嘅Tiramisu ～ 有層可可粉上面 咖啡就普通latte雖然真係好好食 但係等啲時間實在太長～ 等熱潮過退後先會再去嘗試！

人氣滑蛋吐司店終於的起心肝去試✨星期五下午兩點都要排一個鐘好多人排隊準備打卡📸軟殼蟹炸得剛剛好外脆內軟蜜糖芥末醬味道比較重所以食唔到有金沙嘅味道不過滑蛋分量幾多配上脆脆的牛油吐司都幾惹味🤤鍾意食蛋嘅真係唔可以錯過招牌奶蓋咖啡有隻🍳好可愛不過味道就中規中矩個人覺得有少少酸自己反而幾鍾意竹炭卷蛋夠晒濕潤鬆軟抹茶忌廉好濃同滑仲要好大舊整體黎講如果有時間去排隊又唔怕熱都值得一試🌟下次再去可能係秋天或者冬天🤣

𝖡𝗈𝗈𝗄𝗆𝖺𝗋𝗄已久嘅𝖤 𝖿𝗈𝗋 𝖤𝗀𝗀並無因為係閒日而人潮冷卻🥲 今日中午黎到仍然要等上半個小時多嘅時間🥱 不過門口有唔少木凳，仲有電風扇，算係相當貼心😌《 煙三文魚芝士滑蛋盒子吐司🍞》 $65 5 / 5 😍😍😍😍😍期待左哩個盒子吐司咁耐果然無令人失望😍 望住澎湃到滿瀉嘅滑蛋同沙律醬🤤 仲有砌到靚靚嘅煙三文魚花，賣相攞滿分💯 吐司嘅表面好焦脆，切落去先發現原來3/4個吐司都係蛋黎🤩 認真真材實料😋 滑蛋嘅微溫溶化左芝士，加埋啲醬已經好惹味🤤👍🏻《 凍竹炭黑芝麻鮮奶 》$41 4 / 5 🥴🥴🥴🥴整體芝麻味好濃郁，係後來冰塊溶左先溝淡左少少🤏 黑白灰嘅層次打卡不錯😎 《 蛋白牛乳草莓卷蛋 》 $55 5 / 5 🤩🤩🤩🤩🤩甜品係第二個胃☺️ 成餐最驚喜都莫過於哩件卷蛋🥰 白雪雪嘅牛乳蛋糕配士多啤梨，面頭灑上糖霜，就咁睇都好靚🥰 蛋糕身做得好濕潤，中間嘅牛乳忌廉更係入口即融☺️ 甜度適中，士多啤梨可能唔當做反又有啲微酸，咁樣中和番就岩岩好😋👍🏻佢地Menu仲有好多菜式想試，絕對會再黎😎👍🏻

📍E for EGG , Taiwai 大圍好食嘅野真係要再食多次😂😂之前已經出過post 係平日去。今次挑戰星期日睇下要唔要排隊😂鋪頭11 am 開門，去到門口10:45 am 倒已經有人等緊，我排第三枱。因為鋪頭較細， 如果一開門滿左就真係要等成個鐘😯鋪頭有2 張4人枱，3 張2人枱同1 張3人枱。如果唔想排好耐建議開門前早少少到或者平日會好啲😅🍚韓式泡菜豚肉溫泉蛋定食 $68豚肉非常入味！同埋泡菜一齊食好夾👍🏻飯素配白飯同沙律。 份量適中。🦀金莎軟殼蟹滑蛋盒子吐司 $70改左menu 比之前無左牛油果🥑但係軟殼蟹吐司一樣咁脆😍🌰栗子蒙布朗 $45之前會灑少少金萡係頂。依家換左e for egg 嘅紙牌。但味道都係咁好 👍🏻切開裏面係雲呢拿雪糕同底層有勁脆嘅窩夫。栗子蓉夠滑，雪糕好大球同埋底部嘅窩夫都係咁脆🧇質素同上次一樣咁好👍🏻會再次黎食

以前一直都知大圍有好多野食，咁岩個日有機會出大圍，就搵下open rice有咩好食啦⋯⋯本身自己好鐘意食cafe又鐘意幫食物打卡既我，就俾我搵到一間幾靚又多特色包食既餐廳，於是就去試下佢☺️間餐廳地理位置好方便，近地鐵站，行10分鐘內就到！記得個日係星期六既lunch hour，真係等到傻左。。。我足足等左成個半鐘，估唔到自己有耐性等落去。講下啲食物先，我覺得全部都好食。首先，講下杯冰黑芝麻咖啡拿鐵，真係好夠黑芝麻味之餘，個咖啡味依然係度，完全無被黑芝麻嵌着個味。另外，值得讚係，有得揀skimmed milk😗好似無咁肥哈哈哈！而且黑白色既配搭，打卡不錯喔👅另外一樣，就係個栗子窩夫，外面係被厚厚既栗子cream包著，係厚實架！而且栗子味好夠真、唔太甜，真係好岩鐘意食栗子既人！！十分推薦！除此之外，仲有一個全部必叫既焦糖布丁吐司，賣相同個味道都好夠，真係好岩大家去試一試啊！最後仲有一個炸蝦米漢堡，呢個反而我覺得一般啦，本身自己都鍾意食芫荽所以就叫咗一個芫荽醬嘅米漢堡，但食落芫荽味唔太重有啲失望。不過不過，佢嘅炸蝦有兩隻，而且每隻都好大隻，有成隻食指咁長！鍾意食炸嘢嘅你要試吓😛總括而言，覺得

想試好耐既一間cafe~聽個店名就知係雞蛋控絕對不能錯過既一間食店！新舖位置偏遠，但較舊舖寬敞。小店行簡約風，以白色及木系色為主調，環境舒適。由於人氣爆燈，開門前已有不少人開始排隊，建議想食既朋友最好開店前早15分鐘去等位。餐廳名物就係佢地既盒子吐司，另外仲提供多款食物，例如：米漢堡、定食、窩夫及甜品等，每款都好吸引～❀ 金沙軟殼蟹滑蛋盒子吐司被大大隻既軟殼蟹吸引！軟殼蟹唔太脆但好香口，蜜糖芥末醬份量較多，蓋過了鹹蛋黃醬既味道。軟殼蟹下有滿滿既滑蛋，配上充滿牛油香及脆口既吐司，好惹味～❀ 焦糖雞蛋布丁盒子吐司之前舊店停售了一段時間，今次終於回歸！賣相好精美～吐司外皮微脆，麵包都好軟熟，配合蜜糖及忌廉，香甜可口。而中間以冰凍既焦糖布丁為夾心，有點失望既係布丁質地偏軟身，亦欠缺蛋香味。❀ 栗子蒙布朗面層佈滿好多栗子蓉，味道香濃又幼滑。中間夾住一大球雲呢拿雪糕，而下層就有層香脆既窩夫，味道唔錯❀ 招牌奶蓋咖啡咖啡上有用奶蓋整成既煎蛋圖案，好可愛！奶蓋味道偏鹹，估唔到配上咖啡都幾夾，咸香味好突出，咖啡味道唔太濃❀ 竹炭黑芝麻鮮奶杯底有個小小既立體富士山，賣相一流～有著濃濃既芝麻香味，同牛奶味道

一直見網上很多人推薦既咖啡店，今天剛好黎到大圍唸住去探下店。誰不知等位等咗接近2小時。室外仲要落緊雨，落完場雨又出太陽我都仲未等到有位入去食野。抱住很大的期望，唸住可以食到好好味既吐司，和坦返杯香滑咖啡。點知入到間鋪望咗下部咖啡機，原來係全自動咖啡機，再睇埋個餐牌成50飲一杯自動咖啡機沖出黎既咖啡？(識飲咖啡既朋友一定唔會飲全自動咖啡機沖出黎既咖啡）不過一場黎到幾失望都好，都會試返d招牌野食。咨詢了店員有什麼好推薦，店員都好好，很耐心又有禮貌地推薦幾款受歡迎既食物和飲品。不過食完個軟殼蟹吐司真心失望，d滑蛋熟到硬曬，隻蟹炸得唔夠食完成口油。杯什麼招牌奶蓋咖啡，創意係ok既不過口感真係麻麻味道，完全無咖啡味，飲完反而覺得有少少酒味咁。杯竹炭黑芝麻咖啡，真係伏，好似飲緊芝麻糊咁。不如你地唔好賣咖啡啦，你地d咖啡真係唔掂！餐廳體驗整體黎講得環境同服務比到分！食物質素完全尼d食物唔值得排咁耐隊去品嘗！簡直浪費時間

行過大圍見呢間門口總有幾個人排隊就諗住試吓、都排咗一個幾鐘先入到〰️〰️〰️〰️〰️〰️〰️〰️〰️〰️〰️〰️〰️香蒜黑松露雜菌拉絲芝士吐司🍞$65 ，幾香黑松露，蛋滑，吐司亦脆，唔錯〰️〰️〰️〰️〰️〰️〰️〰️〰️〰️〰️〰️〰️〰️竹炭抹茶蛋卷 $52，賣相係唔錯，但食落好淡好淡抹茶味🍵，成個卷食落都冇乜味，比較失望〰️〰️〰️〰️〰️〰️〰️〰️〰️〰️〰️〰️〰️〰️黑芝麻牛奶🥛$41，冇芝麻味，呢杯係淡到好似飲緊清水咁〰️〰️〰️〰️〰️〰️〰️〰️〰️〰️〰️〰️〰️凍招牌奶蓋咖啡☕️$48，唔錯嘅，打卡必叫

ғᴏᴏᴅɪᴇ ᴛɪᴍᴇ 今次食咗E for egg介紹完佢既主食就到甜品¨̮♡︎本身其實幾飽，但係一諗到排左咁耐先有得食，就決定叫埋甜品🥰焦糖雞蛋布丁盒子吐司🍮🍞($60)呢個布丁好靚，影相個時好驚佢融🤣佢外層既麵包有啲似西多士，但係係淋版😆中間既蛋係好滑，燉蛋咁，而且好多，成個正方形🥳整體黎講，野食唔錯，又擺得好靚(⁎⁍̴̛ᴗ⁍̴̛⁎)如果唔洗等位就好，依家太熱了🥺

ғᴏᴏᴅɪᴇ ᴛɪᴍᴇ 今次食咗E for egg呢間小店一直都好出名，之前間舖頭好細，而家搬咗大舖！雖然都係得十幾個座位到🥺 11點幾去到，都等左30分鐘先有位，真係好熱☀️煙三文魚芝士滑蛋吐司($65)呢一個滑蛋係比較甜，可能因為有啲honey mustard, 滑蛋食得出係加咗牛奶落去炒🍼再加埋煙三文魚，真係好match🥰仲要係煙三文魚花，而且份量都好多！吐司食得出加咗牛油落去，仲要好鬆脆同好香(⁎⁍̴̛ᴗ⁍̴̛⁎)香蒜黑松露雜菌拉絲芝士盒子吐司($65)呢一款吐司都係一樣好鬆脆，兩款入邊都係有滿滿嘅滑蛋🤤不過呢一款嘅蛋係mix 埋雜菌、好多黑松露同芝士，好正！黑松露好香，上邊仲有一pat黑松露醬🥳我會話煙三文魚芝士滑蛋就係甜味嘅吐司🍞而黑松露嗰款就係偏鹹嘅😚兩款各有特色，另外除咗盒子吐司，仲有幾條番薯條同沙律，番薯條都幾好味，幾脆又重蕃薯味🍠不過兩款嘅芝士味都唔算好出，如果拉絲啲就好啦🤣招牌奶蓋咖啡($48) 奶蓋鹹鹹哋咁，上面仲有啲tiramisu粉，所以係tiramisu味比較重😚咖啡味唔濃，偏甜！仲有蛋既造型，幾可愛🍳