Double K Kitchen

營業中

休息中

我晚餐叫咗個雞排飯 價錢算正常晚餐價錢送到黎雞排嘅份量算正常 (肯定大過連鎖快餐店)食食吓個侍應無啦啦攞住多半塊雞扒，話廚房覺得頭先俾我塊雞扒太細，所以要俾多半塊我聽到呆咗🤣食完都非常之飽所以呢間餐廳嘅嘢份量都大份

見每枱食客都有甜點送，(無論已經吃完或未吃完的食客都有），唯獨我這枱沒有，現場只有五枱客，員工行了四次送客人甜點，竟然可以無視左我這枱，這些服務太疏忽大意了😓,到去櫃位付款時，問另一員工是否有甜點送，佢話可以送返給我們，但我們已離坐，所以不用了。雖然餐廳係有權唔送甜點，但眼見人人有而我哋冇時，這刻以為我哋有什麼特別之處🤭。(其實已經有hard feeling)，希望餐廳可以多加注意這點,服務細心少少🤏

今日去左筲箕灣買野路經呢間餐廳，入左去食晏叫薯菜西冷扒餐，有湯、餐包、餐茶。牛扒算大塊薯菜份量都好多！絕對夠飽！如果配菜叮熱少少更好！其實之前都黎過幾次食下午茶，款式多兼抵食！呢度每一個侍應都好有禮貌，地方雖細但坐得都好舒服！

去完赤柱，座巴士出返市區，求奇喺市區落車揾食～筲箕灣，行咗個圈，揀咗呢間～Double K kitchen幾塊睇到眼花嘅Menu 揀咗原隻乜國咸豬手配薯菜，同香煎美國西冷（黑椒汁），一樣係薯菜，加配為套餐一個要加$20～有一塊法包，沙律菜，餐湯同餐飲，當然凍飲又要加$3，另一個轉套餐加$15，小咗沙律菜，所以平咗$5又係抱歉，個包我咬咗啖至影，講返啲嘢食，真係好少見羅宋湯會咁嘅味～蕃茄水，大家明㗎啦！包同沙律ok!首先你真係西餐廳，我哋叫牛扒，通常都會問幾成熟，呢度要用apps落單，入面係無得選擇幾成熟，真係無留意到呢點，點知道塊扒係well done,韌到呢⋯⋯但係友人果塊都係我落單，都係無選擇幾成熟，但入面又竟然係「粉紅色」，雖然係粉紅色但都係小小韌，反而配菜～都唔知叫佢薯仔定薯角好，就大大舊，幾好食，補充一點，佢話就話香煎，但塊扒感覺係炸 ！原隻咸豬手，食過咁多間咸豬手，都未見過佢哋切開三件會又完全唔同色，同咁嘅型態，真係首見。我都醒，見到炸到油淰淰，食咗右手面件乾噌噌嘅肉試吓先，等佢收返啲「油」至試佢層皮，果舊「肉乾」真係唔使講你哋睇見都幻想到會係咩口感，跟著食返啲主食，啲皮不

這間位於筲箕灣東大街的西餐廳，在門口看了餐牌，一個set lunch包湯+多士，主菜及餐飲，價格由五十多元起，好像不錯，便進去吃個午餐時間尚早，食客不算太多，十二點半開始多人紅湯味道正常，蒜蓉多士👌，如牛油及蒜蓉多點，會更完美藜麥及沙律菜份量足夠，香煎雞扒皮煎得香脆，肉質也嫩，肉略嫌少点。總結：這是筲箕灣區一間價格相宜，食味不錯的西餐廳，午市套餐有湯+餐包，主食+餐飲，而且沒收加一，相當抵食

lunch set 都非常多選擇～啱晒鍾意試新野的朋友～但選擇困難的朋友就大鑊了😂😂🍽燒汁雞扒滑蛋包飯🍽💰$66💰雞扒煎得夠香脆👍蛋有少少失望～唔係我想象中嘅樣🤦🏻‍♂️~不過味道都ok~最驚喜係個炒飯底～好香又多配料：有粟米和菇～炒飯味道好好，但有少少油咗d~🥤爆珠紅豆冰🥤💰跟餐+$9💰好飲😋爆珠同紅豆幾夾～溫馨提示：呢間餐廳lunch time幾常都要排隊～CP值：🈴味道：🉐

嗌咗個三文魚粒白汁焗意粉，本身已經要等25分鐘，嚟到枱面表面剩係得少少芝士，賣相已經唔吸引，個意粉剩係得少少蘑菇幾粒三文魚，白汁冇味道意粉好乾身，唔建議食呢一間餐廳。

朋友介紹double K 既午餐係親民又多人排隊既西餐廳，咁岩去到發現唔洗等好耐，梗係即刻決定試呢間啦！午餐$58起，包餐湯、多士及一杯熱飲，幾抵👍🏻招牌椰香咖哩香草雞扒配飯 ($66)雞扒好大份，煎得幾香，味道都正正常常。咖哩汁好濃椰香味，creamy甜甜地又惹味，撈飯一流，哈哈！😆結論🫰份量大份！🫰好多選擇⚡️坐位間會有D逼CP值：8/10餐廳資料餐廳名稱：Double K Kitchen餐廳地址：筲箕灣筲箕灣東大街33號地舖營業時間：星期一至日 11:45-22:00

今日一行4人約5點半經過見門外下午茶餐牌吸引，見店內又唔滿，入內一試。店員見我們坐下後給QR code揀野食，但無提到每人有最低消費要求，亦唔見有餐牌同其他告示有提呢個要求，亦無提到我哋要幾時交枱或者喺last order(因為下午茶時段快在6點完)。誰不知叫咗3個餐後等待嘅時間，有店員過來先話要每人有最低消費，如果唔係跟餐飲品收正價，或者要叫多杯正價飲品。但在最初點餐時店員完全無提。既然已經叫咗嘢食，我地唯有叫多杯嘢飲以符合店方嘅要求。後來等到D嘢食嚟晒都接近成6點，無幾耐個伙記話如果6點半前唔埋單就要收正價無下午茶餐價。其實咁嘅情況，店方理應一早提醒客人下午茶時段快完的做法,等客人決定是否光顧。好似今次得半個鐘時間就完下午茶時段，我哋叫完嘢食送到嚟都差不多6點，得半個鐘比客人用餐，之前又唔提醒客人過時收正價的做法，店方待客態度甚有問題。

今個星期日帶啲細路去海防博物館當然唔少得在筲箕灣東大街覓食啦好方便B1出口一出就係筲箕灣東大街成條食街, 食肆林立梗有一間啱你心水今次我哋揀咗double K kitchen試下第一次食 一入店內仍然好有聖誕氣氛小朋友叫我一定要影天使哈哈星期日午餐這個價錢好抵食包飲品 而且無論食物又好飲品又好都有好多選擇先嚟個頭盤紅湯+多士不要以為我這個是雞髀我這個是煎封雙鴨髀 配蒜蓉汁 白飯皮脆肉好香真係好好味外面好少見一定要食西冷牛扒配黑椒汁白飯可能這裏 用qr code落單 冇得畀我哋揀要幾多成熟所以是well done的 有啲鞋口這個需要改進可能是在system要畀我哋揀要幾多成熟咁樣唔會嘥咗塊牛扒 其實份量是幾多的牛扒大塊巴馬火腿忌廉長通粉表現正常夠兩個細路食有驚喜 有迷你炸饅頭送如果煉奶是更好更好唔會太甜呢度啲嘢飲好多選擇好開心梗係揀啲特別嘅嘢飲啦這個是咸柑桔蜜銀耳杞子蜜正常的西洋菜蜜店員好 nice，聽到我哋話要去海防博物館， 就同我哋講向邊個方向行便可，主動幫忙。

生日去了屋企附近的餐廳，服務員很Nice，很殷勤有禮，氣氛好食物唔錯，環境佈置令人心情愉快，我們4人一入去服務員已經問我們想坐那裏，揀好位坐低，服務員說4人卡位背囊可先放隔離枱的櫈上先不會太迫，我們見都可以接受便沒有放過去，然後點餐後服務員主動把隔離枱拉到我我那邊加長了枱面放食物，真的很貼心，又送了一碟芋蓉麻糬波波給我們很十分好人，服務員還幫我們拍照，要求拍了幾張都很有耐性👍🏻是一個很好的生日體驗，4個人叫了4個餐加鵝肝多士及生日特別設計蛋糕埋單只需$600幾元，超值🤩

下午茶時段，去了筲箕灣品嚐三文魚包配沙律及朱古力醬多士，沒有令我失望。三文魚的鮮美配上沙律及包，讓我一口接一口。三文魚的質地十分嫩滑，入口即化，伴隨著微妙的海鮮香氣。沙律的爽脆蔬菜和酸甜的沙律醬，為這道菜增添了豐富的口感。最令我驚艷的是朱古力醬配多士的創意，它給整道菜帶來了一絲甜蜜的驚喜。

之前試過幾次假期下午嚟食，都覺得幾大份唔算貴，不過扒餐會比較好食。今次要評論主要係意粉，但意粉我只係食過一次，所以唔知其它係咪咁差，今次講嘅係木魚花三文魚長通粉，呢個真係麻麻哋，碟入面有兩粒迷你蠔，唔知係咪其他食物撈左入去，而啲三文魚就細粒過手指甲😑，幾乎唔見咁滯，係冇餐牌照片嗰啲咁大粒，反而蘑菇同木魚花就多🫠，所以絕對唔建議夜晚食呢個，因為幾乎係同茶餐廳$5x嗰啲冇分別，但係呢度晚飯食呢碟野就要$87仲有加一😑完全係貴又唔值。因為之前食午餐都係百零蚊，冇留意夜晚飲品要加$15，又唔知有加一，兩個人食咗$200，如果早知係咁嘅收費，情願過對面食咖哩好食好多。

東大街街尾有間隱世美食，試咗兩次，都會選擇繼續返嚟食餐廳內係有趣的海洋風格，無論大人、小朋友嚟都會鍾意，頗有情調，而且感覺輕鬆愉快。第一次誤打誤撞入咗嚟食，發現餐廳行平價西餐路線，味道亦相當高質，老闆們都非常nice～今日下午茶時段黎，叫咗個朱古力金字塔西多$35呢個西多外觀好澎湃，有成個iphone高。新鮮熱辣整出嚟好好食，雖然得牛油、糖漿、朱古力醬，但所有味道混合起嚟恰到好處👍🏻👍🏻肉醬焗意粉 $35偏甜味肉醬意粉，份量都足夠一個女仔食，味道唔差。呢個價錢有呢個質素冇得彈😝

雖然個位有啲隔涉，要行到東大街街尾先搵到佢，但每日放lunch都見到唔少人排隊，今日終於試到呢間 double k kitchen。 Lunch menu有成六十款常見西餐選擇，價錢都只係五十幾六十蚊，仲包埋餐包、餐湯、同甜品，平得嚟又夠質素，雜扒夠juicy，唔會太乾身，鴨胸厚身得嚟又煎到鎖到油份，口感唔錯。好食指數 : 8/10CP值 : 8/10回頭率 : 7/10價錢 : 9/10