Donut Demo

營業中

休息中

每次去旅行🧳不論係日本🇯🇵、台灣、泰國🇹🇭，都會忍唔住去Mister Donuts買冬甩波堤，Mister Donut 經典不敗招牌甜甜圈，Q彈煙靭口感，說不出來的好滋味🤤不管大朋友小朋友，咬一口，絕對會深深愛上它👍🏻但係偏偏可惜香港係仲未有得買，要食一係親身去旅行，一係請代購🙂‍↔️而家終於香港🇭🇰有屬於自己嘅donuts luuu🍩見到社交平台不停出現一個叫Donuts Demo廣告🪧，趁住放假特登同男朋友揸車去觀塘買donuts🍩首先成間Y2K風格，喺等緊嘅時候完全可以影相打卡，另外呢到既donut🍩🍩係即買即整，店員話等10分鐘左右，但其實10分鐘都冇😂👍🏻咁我哋就叫左一個開心果味同桂花烏龍味，咁因為我自己唔鍾意食桂花，所以我就冇食過啦🥹咁我講吓我嗰隻開心果😈開心果好濃郁，店員拎俾我嗰陣我已經聞到開心果味，口感同Mister donut嘅口感唔一樣，反而有啲似西班牙油條，唔錯🌟由於呢度有啲隔涉，如果下次經開觀塘附近，我會過去食。推薦指數: 🍩🍩🍩🍩🍩

唔知由幾時開始去旅行見到一間名為「Mister Donut」嘅舖頭都會買佢哋嘅波提嚟食，不論去到台灣、泰國、日本亦都係一樣。早兩日喺社交平台見到原來觀塘亦都有一間可以食到波提嘅小店叫做「Donut Demo」即刻提起我嘅興趣，於是今個星期六我就同我女朋友去到呢間Donut Demo試一試佢嘅波提，睇下究竟能唔能夠令我重拾回憶嘅味道。一上到去見到佢成間鋪都冇人，而櫥櫃裏面亦一個冬甩或者波提都見唔到，我心諗：唔係咁黑仔啩😮‍💨之後個店員走出嚟先話，原來佢哋嘅冬甩係即叫即做，咁我當堂都冇咁驚，不過呢個時候心裏面又諗起另一個問題：即叫即做咁咪有排等？但係店員就拍心口同我講10分鐘內一定有！於是我就叫咗一個開心果味波提同埋一個限定嘅桂花烏龍味😋喺等食嘅期間我參觀舖頭，發覺呢間舖頭嘅裝修配合咗時興Y2K嘅味道，好似返返去以前咁，有一部好舊式嘅電視機，店內亦都播放住黑膠唱片，非常之有味道！等咗5分鐘之後店員就將我哋所叫嘅冬甩送到，果然佢冇呃我😂一咬落去，我覺得波提嘅質感同之前喺Mister Donut嘅時候有啲唔同佢係有啲外脆內軟嘅感覺，而且非常鬆軟，佢個開心果醬唔係太濃，但係可以食到陣陣嘅開心果香

呢間位於觀塘嘅冬甩店行Y2K風格，環境裝修唔至特別用心，後面仲自設工場，新鮮製作，冬甩味道更有好多唔同味道，吸引咗我去買嚟試吓！˵¯̴͒ꇴ¯̴͒˵✎ 黑朱古力冬甩 麵包圈煙靭有咬口，味道微甜，一啲都唔苦，雖然話係黑朱古力味～表面亦灑上椒鹽味嘅脆餅碎，甜鹹交疊，幾可口！✎ 抹茶牛奶冬甩 呢個嘅麵包圈相對朱古力冬甩嘅麵包圈腍，煙靭返少少會好啲。表面灑滿綠茶粉，散發岀淡淡抹茶香味，如果好鍾意抹茶嘅人食落可能會覺得佢唔夠濃味´༥`✎ 牛油煙肉冬甩 呢個係三個冬甩之中味道最甜，雖然有啲煙肉碎係面，帶點淡淡煙肉味，但係份量唔夠多，煙肉同牛油味幾乎都俾甜味遮蓋，唔係幾食得出個味，整體嚟講一個字，甜！

brandeneatdahouse💙Back to Y2K!!🍩Donut has always been my fav snack since early childhood (I’m not old indeed XD). By the way, Donut Demo is newly opened at Kwun Tong recently. They offer donuts with an arrays of flavours, including dark chocolate, milk tea, green tea, cookies and cream…… All of their donuts are stuffed with the mochi making them chewy and stretchy!! Their donuts are not too sweet, so it is nice if you are not a sweet tooth lol.Besides, it is also worth-noting that the interior d

#包包踩點圖鑑 @donutdemo #波提派對冬甩大家就食得多 有無試過整？今次包媽帶包包參加公司既同事gathering順便走入 @donutdemo廚房睇下冬甩既製作過程同聽下生動道出波提既歷史由來當然仲有體驗制做屬於自己既流體星空波提啦#donutdemo #mochidonut #公司聚會 #生日party #teambuilding #workshop #主題冬甩 #客制波堤 #客制冬甩 #波提 #🍩

本身係喺IG見到介紹仲要見到喺公司附近！拉埋同事lunch完去買！Donut Demo係一間喺工廠大廈入面以一邊聽CD一邊食donut作為概念嘅鋪頭仔！門口嘅燈牌已經好有韓國cafe嘅感覺！一入到去有個幾大嘅CD牆～第二邊有外國校園Y2K風嘅佈置！打卡超級靚🥹！Donut嘅話因為佢係麻糬Donut嚟所以超級煙韌！本身都會擔心佢會唔會係好章口果種麻糬！但完全唔係！咬落係外脆內軟嘅煙韌！店主姨姨話donut可以放喺雪櫃雪2日～雪完解凍10分鐘係最好味嘅～ 本身都想keep一個第二日做早餐… 結果唔小心食曬….我同同事們一共買左4個donut！分別係：1. 海鹽味海鹽味係淺藍色+上面有啲彩色粟米片超級可愛！我同同事們都最鍾意呢隻味！唔會死甜之餘仲有啲脆脆喺面同donut嘅軟Q相映成趣～ 大大大推薦！！！2. 朱古力味朱古力味有層朱古力皮+lotus餅乾嘅碎喺上面～朱古力味唔會話好甜，可可味都出！不過lotus隻味可能太重 雖然只係碎碎 但都有啲搶走左朱古力本身個味～ 個人覺得普通下次應該唔會揀(￣∇￣)3. 焙茶桂花味呢個donut偏甜！同埋可能啲花瓣嘅味搶左焙茶嘅味唔係好食到茶味(￣∇￣)

[ Donut Demo ]想係香港食到波堤donut真係唔多地方有，最近觀塘新開咗呢間充滿打卡位嘅「Donut Demo」，以藍色為主調，主打每日新鮮即製麻糬冬甩🍩😋，聽見都想食！✿ Mochi Donut $30/件口味會不定期更換❗️1️⃣牛奶x水果早餐穀物片2️⃣斑蘭臻子3️⃣士多啤梨x士多啤梨乾4️⃣朱古力焦糖脆餅5️⃣Cookies & Cream6️⃣香芋一打開個盒d香味已經撲鼻而來😍。冬甩咬第一口十分驚艷，中間係煙煙韌靭嘅麻糬口感，好似食緊麻薯波波咁。每款賣相靚靚💙，個人最推薦「牛奶x水果早餐穀物片」，冬甩面淋上糖漿同加咗脆脆，食落唔會太甜膩，下午茶食一兩件啱啱好😋而較少見嘅「斑蘭榛子」好特別，斑蘭味香甜，同榛子🌰都幾夾！總結🫦冬甩可以單買/盒裝選購，可以坐低邊食邊打卡，牆上嘅CD💿仲可以聽，仿佛回到80s 90s年代，裝修得別具心思💙。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Donut Demo地址: 觀塘開源道55號開聯工業中心A座9樓904室電話: 34686161✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿