Domon 札幌拉麵 (已結業)

琴日我同幾個fd一齊行沙田...行到七點幾...開始搵野食...去到連城廣場既一個美食坊發現有間日本野..睇過餐牌覺得ok所以就入左去....我地四個人...入到去剛好有個卡位..正!!~我地睇左個餐牌好耐...最後都係決定叫兩個$83既餐同一個$188既餐...因為咁樣可以有多幾樣小食...係$83餐入面我地叫左一個牛油拉麵+三文魚剌身!而另一個$83餐就叫左草菇拉麵+餃子!係個$188餐人面...我地叫左一個曼魚飯...一個拉麵...一個餃子...一個什錦串燒...同一個什錦天婦羅...!!係咁多樣野食入面我覺得最好食既!!第一:係拉麵...因為我覺得佢地D拉麵同我係第二到食到個D好唔同...麵質好彈牙...叉燒味又唔會話淡...而個湯底仲有種講唔出既香味...第二:係餃子...因為開頭我個fd問我點解兩個餐人面都要叫餃子(我都唔知==可能叫錯左)...但係到最後都無令到我地後悔..D餃子好清楚可以食到有棷菜同豬肉,仲好鮮甜...第三:係D串燒...燒既時間剛剛好又唔會太乾...係我食過既日本餐入面算係最好...值得大家一試...本人住深水既都一定會返去食...最後都係食左$380

今天和男朋友睇了openrice介紹好野食所以就來了沙田這店,果然冇令我們失望.....今天我們点了一个$188的二人餐和一個海膽山芋海卷和一支日本梅洒。1.麵豉拉麵(麵質煙韌彈牙,軟硬適中，湯底濃郁撲鼻,帶点木魚清香。味道恰到好處，我們連湯都飲埋,正！冇味精的,因冇口乾的感覺,配料份量夠--有荀、海藻、葱花、銀芽和很好味而很軟熟的日式叉嬈。)2煎餃子(六隻)內有韮菜、冬菇、耶菜、豚肉，很大隻,皮薄餡靚--皮身金黃色,脆而不硬,香而不肥揗揗,味道啱啱好還帶点麻油香味，good!3.牛油炒日本草菇(草菇和牛油很夾，很香甜,帶少少洒香，味道很易接受！)4.浦燒鰻魚(大大塊，甘香可口，冇醒味，個燒汁很正.唔知加左乜野)5,咖喱飯(正宗日式咖喱的典範,咖喱底夠香甜,少少辣,夠濃而足料--薯仔.甘荀,洋葱,豚肉)6.海膽很鮮甜,山芋(他們說是日本一種很有益養顏的植物)味道甘香，加上青瓜和清甜的海,加上軟硬適中表層鋪滿紫菜粉和少少蟹籽的珍珠米,就完成了這卷物,這些材料連在一起很匹配,很清新，口感特別,之前在其他的料理店都未食過,難以形容,又健康,值得一試！！7.梅洒夠醇..帶点梅子味..幾香！！

今日和兩朋友行街行沙田新城市，行完就揾好野食，就行左去沙田火車站上蓋的連城商場的美食坊，我們看了這裹所有食店的餐牌後，就選了一間叫domon的日本料理店.這裹價錢大眾化.(因為這裹做緊全店大部份小食'壽司刺身一律半價)選擇多，有拉麵、刺身壽司、煮物、燒物、炸物、特色小食，環境、服務、食物質素都很捧，在沙田想食日本好野，別無他選，就來這間吧....今晚我們点了一個麵豉湯底的膀蟹拉麵____蟹肉鮮甜可口，配料足，湯底香濃撲鼻.夠熱,麵質彈牙,有口感，食拉麵這裹真是首選，什錦刺身沙律__有三文魚、吞拿魚、魚、希靈魚、魷魚、八爪魚、蟹籽、三文魚籽，和一些疏菜，藻類，加上一個醬汁，色彩繽紛，賣相ok，魚生鮮味混着疏菜一起感覺清新,醒胃,正，還点了兩個厨師推介,牛油煎大虎蝦__蝦和牛油很夾,肉質爽口鮮甜,不過多一隻就好d哈哈！，清酒煮大蜆___隻蜆真的很大，還有四隻,冇醒味,個酒湯很甜,辣辣地,正..還点了一隻師父即開的日本活赤貝刺身,很大隻,很甜.超爽口,原來即開赤貝咁正架喎和我在其他壽司店食的唔同架.還点了一客海膽和一客帶子壽司,起初己為半價,份量應該細d,原來唔係.隻帶子和海膽都很大粒很新鮮

今次同兩位朋友去食。我地叫左三個定食。我自己叫過鐵板牛扒定食。幾好食啦。但係個侍應一日就倒瀉兩次野。服務麻麻地。

我幫襯domon這間拉麵店己有多年了,尖沙咀、沙田、黃埔、荃灣我都去過，但比較起上來就是沙田店最好了，点解....上星期五夜晚七点幾我和朋友三個人去了沙田店食野,一踏進門口就聽到歡迎光臨(日語),幾正,夠大聲，發音正宗,連厨房d廚師都有叫，幾親切,這裹d座位都寬敞幾舒服，但我們選了坐吧枱,因為可以見到廚師們做野嘛，我打開餐牌,這裹有拉麵、日式定食、燒物、連我最喜歡的刺身、壽司都有,而其他店就冇啊，而這裹d壽司花款都很有特色,他們還說今天起由六点至ハ点所有小食，燒物、剌身、壽司都有半價優惠，簡值抵都震呀，我們点了一個麵豉牛油，海鮮(豉油湯)、蟹肉什菌拉麵，湯底味道適中、麵質彈牙、材料足，特別是我见到每個麵都是用穫炒香配料才煮湯的，我想就是較味千這些拉麵店好食的原因，還点了一個什錦刺身，一個吉列蝦芒班cake卷.幾客壽司和網燒牛扒，刺身新鮮，厚度適中，擺設都幾靚，壽司飯大小軟硬恰當而芒果跟吉列蝦和班cake皮一起食很夾，很清新特別，正,牛扒肉質鮮嫩,幾好..這間店多款式選擇之餘又好食,價錢又低,環境舒服,服務ok，是沙田少見的,會再來,值得推介。

一如標題所講...跟女友去到連城廣場，冇啖好食，雖然明知呢度嘅水準一定唔及嘉蘭圍老鋪(因日籍老闆係嗰度坐陣)，但總好過食乜嘢表哥或strawberry cafe..兩個set，有餃子有咖喱飯亦有一大碗麵，跟老鋪一樣，但水準卻係差天共地--- 麵豉湯底唔夠味，直頭淡出個鳥來；麵淥得太腍，毫不彈口；义燒得個大件，卻是大而無當，依然係淡mou mou，一路食一路擰晒頭...餃子亦係得個大字，毫無蒜頭味，典型港式style...咖喱飯普通過普通...飼料...正式又貴又唔掂...

昨晚和簡生五時四十分到沙田,想提早晚飯, 决 定食拉麵,本想去"味千",但看見關門大吉,決改去札榥, 過去幾年都幫親過三次左右,通常食他的招牌大蟹脚 拉麵, 要HK$150/碗, 只能說OK,不過不失. 昨天晚上六點前原來重係下午茶時間,不想吃太多,就要咗 下午茶套餐,我選了招牌辣麵加一罐coke light,首先看見那些年青人在廚房一邊玩,一邊煮麵。過往到很多地方食日式拉麵,見很多師傅先把湯放到大碗中,然後把馬上煮好的麵立刻放入湯中,再立即送到客人面前, 以保証麵質不會過"淋",麵放入口中會彈牙有勁, 但這裹相反是先把麵煮熟, 還有是幾個麵一起煮成一大碗, 再由一大碗分開幾碗,待麵先放在碗內,然後再煮湯,差不多五分鐘後才把湯加到麵條上, 到我面前時,先喝一口湯,招牌辣麵一Ｄ都唔辣,但好咸好咸, 再食一啖麵,口感有些像在家煮出前一丁煮到過火一樣,好淋好爛, 未食過咁難食的日式拉麵, 雖然好平, 不用再來了..

噚日同舊同事食飯，順道作最後話別，亦同阿K幫佢做啲嘢。幾次嚟沙田連城廣場搵嘢食，都有不錯嘅經驗。今次我地揀咗一間日本食店，我地由於早到嘅關係，可以坐卡位，空間足夠，與鄰桌都有合適嘅距離。我同舊同事叫咗碗拉麵，至於阿K就叫咗燒鯖魚飯套餐。 我食嘅係什菇拉麵，先講份量，這拉麵連埋一款小菜，我揀咗炸豆腐。食晒所有嘢，肚子仲有少許空虛感。如果你食量較大嘅話，我就建議你唔好揀呢款拉麵套餐。至於味道方面，湯底超鹹，而且落咗味精，我嘅皮膚冇幾耐就紅斑處處；麵條普通，沒有什麼過人之處，可以說同「味X拉麵」冇分別。炸豆腐味道中規中矩，醬料鹹淡不清不楚，有到喉唔到肺之感；燒鯖魚味道可取，但這功勞大部份源於鯖魚夠肥美，廚房只佔小功，不燒燶便可以了；這個套餐還附上燉蛋同埋一小碗意粉沙拉，算是可以裹腹。 食嘢只佔整個聚會極短時間，其餘都係吹水同討論事情居多。可能是晚生意不旺，侍應沒有露出不悅神色。埋單共二百一十二蚊，價錢中等但食得唔係太飽，抵食指數只是中下而已。

環境, 唔同tst, 冇日本味食物, 細碗又料少又唔係特別好, 周街食到服務, 似一群飛仔多個飛係敬業既員工價錢, 有被搵老襯既感覺

幾好食,不過食完好頸渴...我老豆食個個螃蟹拉面...d蟹好少..不過幾鮮....but overall都幾貴...

今日同阿妹兩個人去左呢度食我地既早,午,下午茶餐~因為訓醒教去已經係食下午茶lu~一人叫左個拉麵,我叫左個ankake拉麵,湯底杰左d同埋咸左少少...阿妹叫左個牛油拉麵+清湯底~幾好味!!仲有2杯野飲送,service都幾好呀~唔係太差,問得佢多問題都唔會有d好差既態度~就黎食完,男朋友先到~佢叫左個豬扒蛋飯,唔算太大碗~不過佢話d蛋破壞哂成碗飯...仲有叫左個天婦羅蝦壽司!!有成8件都係$38~仲有杯野飲(下午茶餐set)不過d蝦唔脆...不過好過元6個d~3個人叫左4個下午茶餐,都係$130!!坐得幾舒服!!

我覺得...呢間野比我既感覺唔錯....D野食比起我以前去食個時好左好多....唔知係唔係人手變過啦.....我見同我以前去食個時D人都唔同左....最近係拉麵個到仲好似來左個新既靚仔....<---我估佢應該得21~2歲左右....但係樓面D員工就比以前個D差左啦....由其是係個好似大陸既o靚妹....九唔答8....服務態度差....叫佢比多杯水女似叫佢去死咁..但係整體來講都比以前好左好多既...都可以係一個值得去食既地方....仲有聽個到D人講好似遲D會有...手握壽司食....我一定會去試.....

男朋友last day,去左搵佢食lunch呢到d lunch set,1個拉麵+1個小食,$48,每罐可樂加5蚊我地要左2個牛油拉麵,小食要三文魚刺身同炸豆腐,2罐可樂呢到d麵豉湯底加牛油咸左小小,不過都幾鮮味d麵幾彈牙,配料幾多,叉燒幾淋又大塊,唔錯但d小食就差左小小,三文魚刺身好似係d頭頭尾尾咁,炸豆腐又無味罐可樂又唔夠凍~唔知關唔關lunch time事,希望晚市好d~下次去tst分店應該穩陣d~

係沙田食飯閑閑地一人7,80蚊,而呢間野平時只係$48就有一個餐包括一大碗拉面同一客小食.除此之外,仲有一款$68既套餐,有一碗面加一碗飯,足夠情侶食用.拉面湯底濃,拉面有口感,配料甚多.呢間野尖沙咀有分店.尖沙咀分店套餐(一碗面,一小食)大約$90,係呢到只需$68,大家材料,份量完全一樣(沙田分店用於牛油拉面既牛油係平價貨).雖然沙田分店味道差少少,但係呢個值錢始終物超所值.

鍾意周圍食既我...某日上開連成食野...見門口幾吸引,於事咪入去試下囉...入面環境ok...不過個廚房太似茶記d水吧樣啦...廚房d人又冇口罩又冇帽..........我叫左個tea set...beef udon , iced lemon tea .個udon 都ok..不過湯勁喊...叫左+熱水都一樣喊...我都冇再出聲啦...好似好煩咁...iced lemon tea ...味道有待改善...不過有樣野最唔明...個到好似得一個侍應咁..唔知d人係咪落晒場呢...d廚房出晒黎serve d 客好奇怪下........