Domon 札幌拉麵 (樂富廣場) (已結業)

今次係我第一次寫食評，因為真係忍唔住好耐無食拉麵，見到呢間諗起之前係黃埔食過都ok，點知中大伏😓叫左一個蠔定食餐一個豚肉拉麵餐都好唔掂叫完餐明明叫2罐可樂，咁都可以上漏1罐等左陣我朋友個炸蠔餐就到左炸蠔都ok但個飯勁硬個麵鼓湯隻味好奇怪之後等左45mins個拉麵先到以為慢功出細貨咩？sorry個拉麵又唔彈牙湯底淡而無味跟餐小食煎餃子唔脆皮食落成口油最後埋單仲要成百五蚊😓

一個下午, 在樂富商場沒甚麼左兜右兜, 與友人都覺得無甚好吃吸引的, 一起走進了札幌拉麵店。先來點小食。牛油炒日本菇$42稍欠牛油味, 幸好惹味又夠香, 是為幾款小食中之佳品。不過炒菇和其後的沙律一樣跟相片大相逕庭, 蕃茄片變成半顆車厘茄, 差天共地。超多青瓜絲、超少蟹籽、超少沙律醬的蟹籽沙律$35菜絲實在雪得太堅硬, 無甚味道, 感覺跟嚼草相差無幾。外型像極春卷的墨魚蝦卷$38不論蝦味或墨魚味皆欠奉, 即使點了在碟上一劃劃的wasabi醬亦未能突顯其味, 不討好。 兩碗拉麵份量奇少: 本身麵已不多; 豬軟骨拉麵$78只有粟米、海苔和蔥; 同樣$78的帆立貝拉麵就只有三粒急凍帆立貝及幼如蔥絲的露荀, 惨不忍睹。可幸麵條是尚能掛湯, 有蛋香, 只是湯底激烯, 味噌超淡, 白白浪費了做得不算差勁的拉麵。飲品我們叫了大路的咖啡及凍檸茶。咖啡較淡, 口味一般。意想不到的是凍檸茶有所驚喜: 雖然是凍, 仍蓋掩不了茶味的香, 加上檸檬的香酸, 做到中和整餐的膩氣感。整體價錢不算很貴, 而食物比預期中較能接受; 只不過是又一圖片只供參考例證而已。

話說呢晚係樂富行完街, 就食番之前食過既呢間拉麵舖因為樂富真係唔算太多野食, 有間普普通通就OK了!呢晚人唔多, 我地入去果時都係我幾檯客普通的蒜餃子, 係煎得唔錯男友叫的辣味噌拉麵, 真係唔算太辣.....湯底都係好普通我叫個北海道牛肉豬骨湯拉麵呢個麵個湯好濃,可能加左塊牛油就唔同了..隻蛋都算唔錯,反而塊肉就唔多掂,係咪煲過龍...跟餐有個南瓜薯餅, 不過佢個味又係唔南瓜, 不過真係熱辣辣整體黎講填包個肚都可以, 如果真係想食拉好味O既拉麵就唔好去呢間野喇~

樂富食物選擇真係可以話唔太多好快就試到尼尼間拉麵舖曾經係唔知邊度見過 諗住係連鎖應該唔會差.點知.....失望叫左LUNCH SET 學生好似免加一雖然叫LUNCH SET但其實唔包小食唔包飲品 只係係MENU抽中其中幾款落尼見係拉麵舖當然叫麵尼食啦 諗住都叫招牌嘛 所以就嗌左個辣味噌拉麵$53尼到見到個湯底唔係均勻既紅色就知一定又係普通湯底加辣油..好食極有限😧(相中已經係努力撈過既成果)首先飲啖湯 oh...出前一丁/公仔辣味豬骨湯底味 咸!麵底 唔彈牙唔掛湯無咩蛋味叉燒 得一塊😅 無咩味又唉左啲紫菜就中規中矩啦餃子又一咸味之作上枱時碟清楚可見好多油雖然係煎但個皮又唔夠脆口入面既肉比較散重點2樣食物都唔熱!!!

同老公行來行去唔知食咩好，點知中伏了，選擇了這間日本餐廳，結果很失望，之前食過紅磡店，記得味道不錯，怎知樂富質素很差呢~~蜜桃烏龍茶~味道很苦，只飲了一半牛柳粒定食~牛柳算好，但個汁太鹹，價錢不值蟹柳沙津~蟹柳少之有少，食極都是菜鮮蝦卷~好像炸過濃，冇乜蝦味

聖誕又吓孝順仔嘅時候！所以同老媽子食吓拉麵！行得唔遠，所以再食依間連鎖店！對於小弟，連鎖就等於快，等於冇心製作，等於唔好食！不過老媽子叫到，乜都試吓囉！我哋叫咗兩個 set lunch，一個《牛油拉麵》同《吉列豬扒定食》！正所謂冇期望就冇失望！所以唔算難食，但冇驚喜！拉麵最重要喺個湯底，依個湯底真喺太淡，唔夠味，唔起膠！叉燒普通，冇乜肉味！麵底又唔彈牙，冇蛋味！真喺唔算難食，但真喺好普通囉！或者我自己食開關西流派拉麵，濃湯重口味，依到拉麵真喺唔覺有咩特別！我都試咗幾啖個定食，吉列豬扒，真喺麻麻，冇心做，太乾身，冇味！日本珍珠米煮嘅飯，淋身，唔夠痴力，勝咗足圓囉！味噌湯又喺淡身，無味！都喺果句，連鎖等於唔好食！加埋一，111.1！真喺唔好食囉！

較少拖着老爺去試拉麵，而且在覓食中印象從未幫襯過Domon、所以抱着一試之心，找上了平日開餐去也藏身於商場地面，其實亦不太難找、由於不是假期，人客只得兩、三枱，蠻好樂得清靜．．餐牌上分區為拉麵類及定食，套餐以外當然亦有散叫而散叫亦分別有餃子、汁燒魷魚筒、燒雞泡魚乾、燒鯖魚等老人家不太多心喚來豚肉拉麵$58.豚肉薄而帶肥但咬在口中韌性高，可能是烹煮上過了火侯、湯底濃而不過於咸但麵質彈性一般，恰好之溏心蛋、是經過滷製、入口帶得咸香而我就散叫上一個帆立貝拉麵$78.亦是全店唯一海鮮拉麵定價亦見標青，湯底較前者嗆喉濃烈、大大隻的三粒帆立貝，用以牛油煎封所以入口帶有濃郁牛油幽香，加上$5.要來半隻溏心蛋、當然亦不感失望軟軟之溏心蛋黃，入口溶化、麵質也跟老爺的一樣，彈性一般、面層放上薄薄之京葱增添了整碗麵的妝容，但就沒有準期之驚喜餐後沒有甜總是欠奉了力量般，再多加$19.要上紅豆綠茶奶凍但綠茶味道淡，奶凍口感不夠香滑、絕對是個賣相好，但內涵不足之一作 池中無魚蝦最大，希望在商場內未有同類型食店前能加已改進，做得更好當然最好、分店開多了，有時管理出品也有多少落差。