DKLM Bar & Restaurant (已結業)

最近太多事情煩了，今次來到了MW樓上的一間酒吧，讓自己淘醉一回吧。這裡的環境不錯，有不同的設備，有 Pong、多角度的電視、吧枱、獨立房。還有十分有趣的塗鴉畫作。這裏的menu是用平板顯示，我覺得十分好， 在酒吧常常會因為燈光不足,而難以看紙張的menu，常常要自己手機打光，很麻煩。 這裏可以讓客人舒適地看餐牌，讚呢！以前的時候，喜歡喝Stella，因為喜歡它酒味夠重，夠苦，喝起上來就像它完全明白我的心意一樣。到長大了，覺得人生不用下下都這麼苦，換個角度是另一種看法呀~ 慢慢便喜歡上了Hoegaarden ，它的啤酒香滑，味道甘純，不會很重酒精的味道，而是慢慢揮霍在味蕾中，單是這點就讓我這幾年完全愛上了Hoegaarden.這裡有兩杯很特色的Hoegaarden, 作為 Hoegaaden迷，當然要一嚐。Green Gaarden $88Hoegaarden, Fresh Kiwi Juice, Syrup, Pepperimint Liquor, Mint Leafs薄荷味很香很重，而味道帶點酸，但不會太酸，所以不喜歡酸的朋友也不怕，它是較重薄荷的味道。喝起上來的時候覺得很fresh

今日星期四了，就約了三五知己去尖沙咀嘅DK Bar and Restaurant 食野。裝修好型格，仲有beer pong 嘅遊戲機🤣🤣好chill🤘🏻而且有Now TV 可以睇波入到去都未見好多人，我地就被安排去窗口位坐🤓真係太好了，望出去嘅街景真係好正🤣我地叫左幾款野食，首先係帶子沙津。個沙津醬十分特別，肯定係佢地自家炮製，帶子同埋蝦都好鮮，值得一試😎之後到pizza，餅嘅厚度啱啱好，食落唔會覺得太飽。芝士嘅份量都係極好🤣唔會比人覺得食完好滯咁。一班friend 嚟食就真係perfect march。到mini burger，薯條配襯著黑松露嘅醬汁，食落去會有種特別嘅香味，當然唔係個個人都喜歡黑松露🤣但我就十分ok 的。Burger 嘅size 又係perfect，一個人食剛剛好，而且Burger 嘅料亦都屬於上乘，牛嘅味道都好出🤓推薦的😎到最後嘅炭燒魷魚，保持住同樣嘅水準，味道調較得剛剛好，唔會燒得太燶又保留左魷魚嘅韌度👍非常適合送酒😆黎到酒吧緊係要叫酒，由於menu 上冇我飲開嘅cocktail, 就問staff 有冇推介，講左要甜同有果味嘅之後，佢就二話不說為我調左杯cock

好難得約到舊同事去食嘢，通常都係揀啲西餐或者酒吧餐廳，今次就選擇左尖沙咀呢個咁方便嘅地方嘅樓上酒吧餐廳，不過最近身體不適所以都冇揀到酒精類飲品～有高身的吧枱，幾好坐，談天說地私隱度都幾高。餐牌選擇都算多，最多係酒精飲品，可惜今次唔可以叫，不過我哋除咗可以選擇無酒精飲品之外，酒吧都有水提供。都算係幾友善。香煎帶子，乾貝，櫻花蝦日式意大利粉$128估唔到味道有啲香辣，櫻花蝦到幾多，丟棄成個香味，意大利粉硬度適中，仲有啲煎到好香嘅帶子，整體豐富。美國安格斯牛肉迷你漢堡 伴車打芝士黑松露薯條$118迷你漢堡就仲得意，總共原來有兩件，每人一件就最啱。裏面牛肉調味適中，而且外皮都比較鬆化幾好食㗎。車打芝士黑松露薯條就普普通通，黑松露味都算香，如果加茄汁就更加豐富啦。蜜糖香燒雞翼$52幾件雞翼都好肥美，而且蜜糖燒得好香，作為飲酒嘅小食都唔錯。Mocktail揀左芒果味smoothie之類的飲品，超清新！

聽朋友講MW plaza開左間樓上Bar，呢晚就約左三五知己傾下偈relax下。酒吧裝修好新淨，靜靜地好適合一班朋友聚會Menu係用pad，清晰又方便，食物選擇都唔少order左杯margarita，杯邊既海鹽係精髓，飲落有層次朋友order既youngster fizz，酒味唔會太濃Secret Garden，甜甜既酒味好適合女士飲可以無限refill既蝦條，條條都係脆卜卜既蜜糖燒雞翼，味道啱啱好而且唔會好乾燒雞泡魚乾，軟硬度啱啱好，正

今日係星期四，都係準備放假嘅心情🤣我同女朋友就決定去尖沙咀搵間餐廳食下野同飲下野咁，於是乎我地就去左呢間DKLM Bar and Restaurant。可能時間尚早，先地去到嘅時候都係大約七點多啲，餐廳都唔太多人，調酒師lucas 就安排左先地去窗口位坐望出去嘅街境非常正環顧一周，發現呢度都有唔同酒game 比你玩，會有ping pong ball 嘅酒game，亦都會有飛鏢呢啲野玩，非常適合一大班friend 嚟玩到重點啦，首先我地叫左一杯HoeGarden 同一杯cocktail Red Lip。Red Lip 十分好飲有花香味亦都有水果味，係Lucas 自己炮製的大家可以試下。到食物方面，我地叫左四樣野食，首先係沙津。個醬汁好有心思，feel 到佢地落左唔少心機係個汁到，而且食材都十分新鮮的之後我地叫左個pizza，芝士味唔會太重，份量啱啱好食完都唔會好濟到main dish，我地仲叫多左個Mini Burger，啱啱好有兩件，好啱情侶嚟食牛肉好正，成個burger 都配合得好好最後我地仲叫多左個小食，炭燒魷魚。魷魚上有少少海鹽同胡椒粉，輕輕地調一調味，一流總括而言，DKLM B

同朋友放工一齊去，諗住搵個地方坐喺度傾下計， 尖沙咀附近就搵咗呢間餐廳。 樓上鋪，個入口已經唔係咁好搵， 兜咗幾個圈終於搵到個好窄嘅入口。 上到去坐低見到有幾枱食客 ，但係唔見就職員。 坐咗15分鐘之後終於見到有一個員工行過， 有禮貌嘅 但係好似好忙咁。 咁跟住就落單啦，嗌咗杯嘢飲， 等咗半個鐘... 唔緊要 我哋再嗌嘢食啦 嗌咗個蜜糖雞翼... 真心 杯嘢飲係冇味嘅 啲雞翼都係冇味嘅 只有外面嘅蜜糖味 希望可以改善下飲品同埋食品嘅質素啦!

DK bar上次約咗朋友幾次，最後都因為公司好多野做要開OT嚟唔到，今日終於可以準時收工，即刻約朋友出嚟飲嘢，知道呢度有間新開嘅bar, 又近我返工嘅地方，就決定放工過嚟試下啦。一入門口，見到幾張遊戲枱，仲有一大排電視，氣氛幾好！我哋安排左坐窗邊位，未嗌野食店員就已經放低左一大杯蝦片，我就叫咗一杯有Oreo同Bailey既cocktail, 好易入口，啱晒女仔飲！我哋嗌咗火箭菜黑松露Parma ham pizza , 少少偏咸但送酒岩哂！我地仲叫咗忌廉番茄豬腩片意粉，平時唔係咁鍾意食白汁或者忌廉汁，但係呢個一啲都唔漏，好香，而且上面仲有好多火箭菜，啱晒我！仲有個龍蝦沙律，上碟已經起晒肉㗎啦，啱晒我哋呢啲懶人，一啖一舊，加埋旁邊嘅水果醬汁，好清新！

呢間型格酒吧係金巴利道 MW Plaze開左幾個月，剛好在諾士佛臺對面，位置方便，朋友之前睇世界杯時黎過，話要今日再帶我過來見下世面 想同調酒師有更深入溝通？坐吧檯，傾下計最實際 😂型格酒吧，環境理所當然地昏暗，處處都係無敵大電視（數量多到好誇張），能幻想到360度睇波的快感，加上落地玻璃設計，坐在窗邊是必需的，少了坐係街邊的人來人往，在梳化椅上休息hea飲，缺了煙毒的味道，意料之外感到舒舒服服。成間餐廳都係遊戲設施，如卡拉ok 、掉乒乓球檯、鏢機等等，相信一大班朋友黎度（有獨立房架！），既可以摸杯底、談談心，又可以熱熱鬧鬧玩games，唔會悶死人我還停留在小食要比$的年代，原來宜家係免費。酒吧所提供的主菜及飲品質素都唔錯，尤其happy hours（4-9pm)都幾划算，仲可以順道享受晚餐。店員推介-香煎帶子、干貝、櫻花蝦特色意粉兩隻大帶子，煎得香口好吃，意麵炒得爽滑而不腍，帶點少少辣勁，再配合櫻花蝦及干貝炒在一起，豐富口感之餘，鮮味突出，亦好惹味。不過份量是剛剛好1人份，男生可能會覺得不夠飽。店員推介 - 燒魷魚好大份的魷魚，燒的乾身，肉質新鮮又彈牙，好香口，配啤酒小吃一流！Rud

今日收工突然好想同老公飲番杯， 由於我哋喺尖沙咀返工，所以附近都好多 酒吧 嘅選擇，不過 今次 我哋就揀咗 呢度新開無耐嘅商廈， 位於金巴利道， 想去下d新場新環境， 我哋揀咗2樓呢間D K Bar & Restaurant ,一推門入去氣氛唔錯， 原來因為 有beer pong比賽， 見到有好多 參賽者 都喺度練習緊，大量尖叫聲同聲歡呼聲令到全場氣氛都唔錯， 所以我同 老公都揀咗一張 比較近 比賽台嘅餐桌 黎用餐， 可以邊食邊睇， 我哋主要飲下野傾下偈，所以點選咗啲輕食安格斯牛扒 牛肉味很濃郁 好香口， 質感唔錯， 一啖酒一啖肉絕對係唔錯嘅選擇蜜糖雞翼 雞翼冇烤得過龍， 肉質嫩滑，蜜糖 甜度適中帶子和風意粉 有兩粒好大粒嘅 帶子， 新鮮彈牙， 意粉份量很多，還帶出一陣陣香蒜的味道 ,呢三度美食送酒都一流，冇揀錯地方haha

平時放工或者星期五去飲杯嘢食個飯喺尖沙咀嘅話其實都唔少選擇，但係DKLM 呢度又真係幾有新意。佢係新開就唔使講啦地方乾淨，又唔會好似一般嘅吧咁烏煙瘴氣，一入到去首先最搶眼嘅就一定係有好多部電視直播足球比賽，仲有兩張大枱 for beer pong ，正中心位置仲有一個吧枱。成個吧分開咗左邊有窗既部分，右邊比較安靜嘅部份。今日我早左啲嚟大約七點幾左右都唔算好多人，大部份人都坐窗嗰邊因為風景真係唔錯。我哋叫咗一個四式芝士薄餅，蜜糖雞翼，同埋黑松露意大利雲吞。有少少驚喜嗰個蜜糖雞翼係脆皮同埋份量都唔少。而個芝士薄餅，對於鍾意食芝士嘅朋友來講就真係要試一試，成個餅面頭都係芝士就不在話下，個薄餅皮仲唔厚，識落鬆脆之餘又唔會滯住！而黑松露意大利雲吞比起其他主要係for飲嘢嘅bar黎講更勝一籌!!!! 真係有個黑松露sauce 好開心！另外一定要推介嘅就係happy hour 我先來食無論係嘢飲同嘢食都好都好抵呀！

收工約埋三五知己，去酒吧飲杯野，實在係人生樂事～今次選擇左位於尖沙咀的DK Bar & Restaurant牆上的畫幾有特色的。雖然我地今日以傾計同食野為主，但係也很欣賞酒吧該有的娛樂設施一樣不少，除左有掉乒乓波機、標機，仲有好多部電視，如果世界盃期間已經發現呢間餐廳，可能晚晚都來而且仲有獨立房，聽到入面的客人喺度唱Ｋ～mango paradisered white dragon呢兩杯本身係MOCKTAIL，但店員聽到我地想飲比較甜的酒，可以俾我地揀MOCKTAIL，然後再加Ｄ酒底俾我地，超貼心～mango paradise好似芒果沙冰咁甜，red white dragon就清新Ｄ，兩杯都好適合女仔飲～Buono Perfecto也很推薦女生喝這款，Baileys酒底，好像奶油甜品，很易入口。每枱都會附上蝦片，個人覺得比花生更好送酒。另外也點了薯條。鹽燒蒜香和風牛肉，很香口惹味，送酒佳品。風味薄餅飲酒不可以空肚，食返個薄餅LONG住個胃就最好～芝士燒美國露筍誰說蔬菜寡淡？個人覺得這燒露筍很好吃，咬落爽脆又開胃。燒豚肉片、蕃茄粒、蕃茄忌廉汁意粉伴火箭菜肉的份量不少，調味酸酸的又CREAM

朋友上次黎飲過野，覺得氣氛唔錯，於是帶埋我上黎。係美麗華附近，都好易到，呢到係新裝修既，餐廳環境幾好啊又乾淨，門口有幾張game table，好似幾好玩咁，而且仲有好多部電視，氣氛真係唔錯。朋友介紹試下Lobster salad, 成條lobster tail起哂肉，輕鬆食到淡淡肉，仲有果肉伴碟，食落酸酸甜甜咁，好清新好香，果然好好味啊！！做前菜真係岩哂！夠開胃！另外仲有黑松露parma ham pizza, 焗得好香脆，不過parma ham有少少咸，但用嚟送酒食都幾好。之後仲有tomato pork spaghetti, 呢個最好味，1d 都唔漏！個醬汁好香濃！同朋友share 食有啲唔夠喉tim!!朋友果然冇介紹錯，食物質素唔錯！環境新清淨又冇臭味！

為慶祝紀念日，男友就帶我黎呢間Bar慶祝順便放鬆放鬆一進去，就被這間Bar 既設計吸引住我雙眼。歐美old school型格風，仲有個搞笑Trump Trump😂昏暗既環境加上輕鬆既音樂，好快就令到我融入左個氣氛，心情變得舒暢🙈另外，吾好睇呢間Bar 細細間咁，真係麻雀雖小，但五臟俱全呀❗️想玩遊戲？有❗️Beer pong,鏢機，flip cup 枱，一應俱全想睇電視？ 有❗️全店至少有12部電視，無論我坐咩位，0死角，冇障碍物可以阻到我睇電視🤣想搞party?都有❗️原來驚喜位仲有間獨立房遲d 可以再約d friend 一齊開party又得，唱k 又得除左普通酒吧枱，仲有梳發位個梳發軟綿綿好舒服吾再講，加埋落地玻璃，外面既街境一覽無遺‼️好過其他街鋪Bar,冇冷氣之余仲要食塵一坐上梳發，就即刻比左個蝦片我。呢款咖哩味蝦片超 脆卜卜又濃郁既咖哩香味食完仲幫我refill tim韓式炸雞件伴韓式韓醬呢碟炸雞件真係比到驚喜我 估吾到呢間Bar 都可以做到韓國既級數。雞件外皮炸至岩岩好，鬆脆，肉質香滑，仲做到鎖汁既效果兩種味道，辣味同原味，吾夠汁仲好體貼咁比多碟汁timSoft drink juic

呢排番工真係好stress， 雖然未到happy Friday ,已經需要約好姊妹早啲出來輕鬆一番。呢間餐廳有樣野吸引就是4點開始已經happy hour ,放左又未想咁早食晚飯可以飲杯野，食啲輕食先。同埋，佢喺大廈二樓關係，感覺無隔離出名飲酒條街咁嘈咁多人，傾下計舒服啲。餐廳除左有酒飲，有美食之外，仲有而家最hit beer pong , 一班朋友上黎玩就最適合。除此之外，仲有好多部電視，懸掛多個角落，隔離幾高都阻唔到你視線，而家播住足球賽事，喺餐廳門口都好細心貼左黎緊會播嘅賽程。講番飲食，happy hour 緊係用盡優惠，叫左杯啤酒，先係$48，支裝只係$28，價錢都好ok .野食都有happy hour ，我地叫左個只是$42烤雞泡魚乾，估唔到呢到有，都幾好食，烤得好香口，仲要份量都唔少，送酒一流。仲有沙律醬加七味粉調下味。另外我地叫左兩個無happy hour 優惠食物。先黎一個燒魷魚🦑，真係好大份，係原隻魷魚。而且，一拎黎時已經聞到好香烤魷魚味，食落魷魚好新鮮，非常香口，又有咬口，好推薦！另外叫左個香煎帶子，干貝，櫻花蝦日式意大利粉，聽個名都知多料。兩隻大帶子，煎得剛剛好，

收工後 Happy Hour ，L 問友人有什麼好提議，起初友人覆句 DKLM 令 L 無名火起差點跟他大打出手。到達餐廳後才發現原來真的叫 DKLM 。 餐廳裝潢很新奇，亦有不少影相位。更有掉乒乓波枱，最合適一大班朋友在此盡興!多部電視更提供球賽轉播，方便睇英超、歐聯等重要賽事。更提獨立K房方便包場高歌，生日派對等。我們點了一個Set A , 鹽燒蒜香和風牛肉，牛肉肉質尚算不錯。 配合鹽燒蒜香很惹味。L 特意選了一杯 2016 年的傳承之路長相思白葡萄酒，這種酒具有成熟的果香味，更帶點辣椒的草本香氣、 其味道充份展現出長相思白葡萄酒特性。燒豚肉片蕃茄乾蕃茄忌廉汁意粉伴火箭菜，意粉軟硬度合適，蕃茄忌廉汁亦都很好味，加上蕃茄乾及火箭菜大大提升味道的層次。另外我們更點了一客黑松露巴馬火腿薄餅門伴火箭菜，友人選了一杯 Astoria 9.5 Cold Wine 意大利氣泡酒。 坐在窗旁，欣賞街景同事嗅着黑松露濃濃的香味咬着香脆餅底一起吃的確不錯。人生得意須盡歡，莫使金樽空對月。