Délifrance (大有廣場)

營業中

休息中

今日又來到灣仔，成功約到女朋友出嚟食飯，之前特登去捐月餅罐攞到啲優惠券。今日終於可以用到。今日都幾多人，始終食飯時間，排咗10分鐘之後就叫餐，為咗用到優惠券，要買滿$100先減$50 ，而且只有正價，即係個餐加包先得。我哋兩個都叫左main+2。蕃茄意粉就正常啦，至於卡幫你三文魚意粉就唔錯嘅，但係要另外落咗好多芝士粉囉。沙律有啲儲錢開胃，點左杯latte要加錢嘅，好飲過即溶咖啡嘅，至於碗湯呢就經典嘅罐頭粟米湯味道囉，不過我鍾意。有優惠都會再食

今日試下Delifrance 的下午茶，2:30 開始。一杯咖啡要$20幾蚊，咁我梗係揀下午茶餐啦。$35 有一杯咖啡加個酥，仲有好多其他選擇。呢個價錢己經平過附近的老牌茶餐廳啦，質素仲有保証tim。如果大家想坐低飲杯野靜一靜的話，可以考慮一下呢度。

早前月餅盒換領計劃，同事換了好幾張，送我一張$50優惠券，堂食滿$100就可以用。今天中午人不多，就把優惠券用了。點了煙三文魚海鮮龍蝦汁燴飯。味道不錯，龍蝦汁味道夠濃，飯也煮得夠軟，可配料很少，只有兩片三文魚，少少蜆肉和蝦仁。火箭菜很苦。為了夠$100，另外加了一個$28蜜桃果撻，上層鋪滿黃桃，中間加有吉士醬，香香甜甜，不錯。1+1套餐中有沙律/餐湯/飲品，點了沙律，少少的一份，非常普通，不建議點。

今日經過Delifrance，有好多空位，見個set dinner 價錢ok，於是就坐底打算食個快餐。諗好食咩就自己排隊買野食同拎餐具，主餐會有服務員送餐。白汁碎蛋牛角包 (跟餐包前菜和南瓜湯) $59一來到，牛角包有好香濃的牛油味，入口外層酥脆微暖，包著微凍的蛋沙律， 相當有口感。生菜爽脆，番茄 juicy，食得出新鮮， 值得推介。白汁三文魚焗薯 $61軟綿綿的薯仔配上香濃的三文魚醬 ，味道好夾，好好味，會食上癮的。

又係二人餐，夠快唔洗諗太多，夠抵食有前菜有main 有飲品又有雪糕。。。Carbonara 超creamy 仲有3塊大大三文魚天使麵好有咬感，蕃茄汁幾突出呢個質素算係唔錯呢度d service 幾好，個叔叔做野好快又細心意粉無乜驚喜特別讚個薯仔前菜一塊塊薯仔，焗出黎仲有得咬西蘭花反而似係白烚，上面加芝士，吸引力略為欠奉

平日lunch time既灣仔真係好多人 周圍都要等位 見到依間居然吾駛排即刻就入去啦 叫左個菠蘿茄醬意粉 食物一般啦 我諗可能係因為個combination吾係好夾 但係灣仔黎講都算抵食 加埋湯都係70蚊有找 又吾駛等位 都可以再黎~ 不過下次就可能簡番包類既食物啦～

House Specialty Breakfast 🥞.是日午餐去到Delifrance食左個all day breakfast 🍳，有炒蛋、炒磨菇、蕃茄、煙肉、珍寶腸、牛角包、炸魚柳。最正常係香腸同炒蛋，魚柳都幾大塊無咩雪藏味，但煙肉煎到好硬，其他配料都唔算出色，整體質素一般般呢😅😅都係鐘意上次啲焗千層面！🤣

學生時期，死慳死抵，為咗食delifrance一份吞拿魚法包。今時今日再幫襯，同外子食咗一份漢堡包配炸薯條同一份炸魚薯條，覺得只係一般般。炸魚有三件，其實都幾抵，但無論味道定肉質都真係無咩驚喜又無咩特別，連賣相都係一般般。漢堡包都係勝在夠大份，要有嘅料都有，但味道同賣相又係一般般。服務就更加係無乜，快餐形式，排隊點完餐，攞個牌坐低等送餐。水都要自己倒，但水壺又長期無水 (太細，refill 完又無哂)。

飯後甜品🍓🥧士多啤梨撻原來DeliFrance甜品都好吸引架😍忍唔住lunch加配🙈士多啤梨撻🍓個批底好令人驚喜，好厚身又好鬆化，係好香牛油味既曲奇皮🤤士多啤梨一啲都唔少，而且好鮮甜，一啲都唔酸！重點係中間有好多吉士醬❣️😍凍冰冰咁似食緊雪糕🍦而閏蜜點既蜜桃撻🍑都一樣咁好食呀！

時值12時，非常肚餓，決定在附近的delifrance 醫肚。原來一直以為肚餓時吃甚麼都好吃，但原來事實並不如此。全日早餐令人非常失望😞天氣寒冷，整份餐也像是從冷櫃拿出來似的。不單蕃茄，栗米是冷的，連磨菇，炒蛋，炸魚都是微涼的，是煮好後放太久才拿出來的緣故嗎？吃起來非常不是味道。而炸魚的伴醬是黃色的芥末。是我見識少嗎？一直以為炸魚就是配沙拉醬或茄醬。芥末配牛排就見過，但用來配炸魚真是第一次，而且配著吃起來也完。全。不。好。吃。絕對是可一不可再的錯配。

環境2分：正常Délifrance連鎖店格局，門口排隊落單後，自己搵位坐，人多預咗要搭枱，Ｄ櫈呢都算ＯＫ好坐，不過呢個價咁似茶餐廳就要扣佢一分，畀盡兩分。衛生1分：張枱黐立立，四周圍都係Ｄ污漕碗碟，未埋位都唔開胃，扣硬曬D分。服務-3分： 排隊落單，大部分人都係用張五十蚊coupon，但因為出面冇比餐牌人地睇，全世界都唔明乜嘢嘢係原價食物，用coupon唔可以點優惠小食等，做收銀又冇耐性解釋，食飯時間條隊又多人，本身個流程已經好有問題，扣佢兩分先。落單後自己搵位坐，地方唔衛生又冇人清潔，再扣兩分！食物係由落單個收銀帶埋上枱，放低就走人，黑面再扣兩分，扣到總分負三分。味道-4分：1)      第一個卡邦尼煙肉芝士炒肩意粉只係暖暖地，個醬又杰撻撻，Ｄ意粉又硬，邊食邊喊，起碼要扣三分。2)      第二個拿坡里大蝦蜆肉炒天使麵仲差，唔夠熱不突止，個醬好酸，Ｄ蜆腥到呢，呢Ｄ就叫難食到恐怖，扣佢三分叫仁慈。3)      跟餐個沙律菜乾爭爭，都唔知雪藏左幾耐，再扣兩分。4)      加九蚊轉左杯凍香桃綠茶特飲先可以用張五十蚊coupon。杯綠茶夠冰涼，入面有兩粒罐頭桃，算清甜，係個餐唯一好

因為中秋節回收月餅罐時得到一張50蚊現金券， 所以今次就用咗佢😂delifrance二人餐原價170幾減咗之後120蚊到， 可以揀兩個主菜兩個前菜兩杯飲品同兩個甜品， 非常經濟實惠強烈推介前菜 芝士焗薯批雖然唔係好大份，但係薯仔切到一片片，焗得好香 吉落去連埋中間嗰層芝士溶化可以拉絲 感覺上食落好似仲有少少沙律醬，成個焗薯咸得嚟有少少甜甜地，雖然芝士好多，但係又唔會覺得漏，非常可口

早前店舖的宣傳活動關係，得到了優惠卷，所以今晚專程來光顧。去到可能已經過了晚上八時，所以人流不算太多，坐下後我和女朋友很快便決定好選擇二人套餐，因為價錢實在便宜，包含前菜主菜飲品和甜品。付了錢下單後回到座位等候，大約10分鐘後，店員便遞上前菜，有雙層芝士薯片，剛剛焗起所以吃下來的時候熱辣辣，芝士味從口中湧出來，令人食指大動。同時間有芝士焗西蘭花，同樣包含豐富芝士味。然後是主菜，大蝦蜆肉意粉，醬汁是番茄汁，蝦雖然不是很多但勝在夠大隻，反而蜆肉有很多，好像每啖都有蜆肉。甜品是雲呢拿雪糕加蝴蝶酥，雪糕很重牛奶味，而蝴蝶酥很脆口，令人好想食完再食。這個二人套餐性價比的確很高，下次可再嘗試其他食物。

有coupon又試試其他分店，位置就腳人流極多下午茶用現金劵差不多買一送一Latte-鮮奶打得幾滑咖啡好香濃面仲有 local有心思黑椒雞膇-黑椒唔夠所以味道唔特出只有普通底味，但夠乾身唔油膩法式芝士焗薯批-面芝士好香忌廉好滑薯仔片得厚薄度剛剛好吸引晒忌廉好好味雖然肥爆但食完有種唔夠喉感覺想再食多次，相逢恨晚食左咁多次 Delifrance點解咁遲先試食佢火雞片鮮蘑菇湯通粉-火雞腸＆湯底都好淡好淡切得太簿食唔出味道，鮮蘑菇都香而且冇呃人迷你版真係好迷你煙三文魚炒蛋-蛋炒得滑煙三文魚唔腥有紅椒粒口感唔錯牛角包-好新鮮外脆內軟香噴噴保持水準總結-員工好勤力雖然多客人但回枱夠快，之前去過中環店相差太遠，此分店得呀

經過上次係九龍灣食過delifrance第二日同事又叫我去食我今次就決定食第二樣可能係上次個漢堡唔好食姐今次叫左卡邦尼炒扁意粉配煙三文魚跟湯同野飲再另外一份法式薯批今次個主菜好過上次個burger夠汁唔乾但唯一缺點係太鹹個湯都係太鹹反而個薯批有驚喜wod薯仔係切片咁去焗淋得黎又唔會好一pat野仲見到明顯既一塊塊灣仔lunch time既delifrance真係好多人我1230黎都滿左8成人另外delifrance仲收食物鐵盒架但冇coupon送大家去捐下啦 好過掉左佢