DAY22 STEAK

營業中

休息中

荃灣創新餐廳，牛扒工作坊Day22Steak，有平鐵煎爐呀！美國牛柳Striploin, Prime rib, Flat iron,等多款牛部位選，快啲排隊試下啦。鵝肝配美國安格斯牛柳2人套餐($498)：美國安格斯牛柳(12oz): 冇嘢醃過，只有迷失香（迷失香有木質香，帶出西餐的靈魂香草）。可以自加玫瑰鹽或胡椒，又劃乜都唔加。反煎過又換過個爐，煮到牛扒啱啱好。絕對係自己煮扒嘅工作坊。鵝肝：要煎到佢外面柴柴哋，保存入面肝本身嘅油先好食。多謝服務員哥哥教導🙇‍♂️。食落去有少少肝嘅甜味，同鵝肝味。酥皮湯：熱度十足，多得酥皮同個碗夠保持著温度。湯係忌廉磨菇。雜菜沙律，薯條：大大份，啱晒大食漬🫃。叫意粉就會更飽了。大杯裝飲品：大大杯，大方得體。飲落就自然好味啲啦。不要害怕去番煎，尋找你的牛扒味道。Day22steak係間牛扒工作坊，除咗有靚美國牛扒同埋熱煎鐵，仲有友善嘅員工協助，煎出咗完美靚靚牛扒。佢哋仲有平鐵牛扒，肉眼扒；這兩樣的食法完全唔同，你試過晒未？

趁今日放假食個豐富啲嘅午餐，選擇有牛/豬/雞/羊，有d仲可以配蝦/鵝肝/三文魚。餐廳仲有特別推介，我就叫咗Prime 牛肩胛牛扒，跟黑松露牛油，加$58有酥皮湯、薯條同特大杯裝飲品，難得嘅係冷熱飲品係同價！酥皮湯係忌廉蘑菇湯，忌廉湯好Creamy唔會係水汪汪，同酥皮一齊食好夾。牛扒一上枱石燒嘅熱力好澎湃，未食已經聞到好香，煎到差唔多就將牛油搽上表面等佢溶透，店員亦好細心幫手整，按自己鍾意嘅生熟程度調教。牛肩胛牛扒油脂感較重，牛味比較濃，鍾意牛味濃嘅我岩哂。薯條香脆，就算墊底嘅薯條都冇淋晒。特大杯裝凍朱古力真係超大杯，好抵飲！朋友叫咗美國平鐵牛扒，上菜時已經切件，更方便控制每件嘅生熟度，食落質感比牛肩胛牛扒瘦啲，但味道都唔錯！加$38有忌廉湯、揀咗意粉同青檸梳打。意粉質感唔會煮過龍，蕃茄醬係偏甜嘅味道，幾好食。青檸梳打帶酸味，解油膩感一流！

DAY22 STEAK 📍荃灣聯仁街28號康睦庭園2座地下3號舖每次去到餐廳唔知食乜啲好就會揀佢哋嘅二人餐🤣 set好晒唔使諗好方便！鵝肝配美國安格斯牛柳2人餐 $498⭐️酥皮湯（2人份）就算係嗌其他餐都建議大家轉酥皮湯！佢嘅蘑菇味好岀，係超經典同香濃酥皮湯✨ ⭐️花蜜雞翼總共有四隻，全部都包裹咗滿滿嘅蜜糖，食得好香口同開胃🤤⭐️美國安格斯牛柳12安士 配鵝肝一開始擺咗少少牛油係火山石上先再燒牛。塊牛真係好厚實同埋好粉嫩，而且份量好多！可以根據個人喜好決定塊牛要幾熟，店員都好細心咁提醒客人可以打卡後拎返塊牛落嚟先，以免Overcooked🤣 配上煎完之後油香四溢嘅鵝肝，完全係大滿足✨不過手殘黨如我就切得有啲醜😂 如果想再難啲嘅話可以揀切好晒嘅Flat iron steak 🥩 ⭐️雜菜沙律+炸薯條🍟好大兜薯條同沙律😂 完全係比想像中多好多，本身以為係細細碟嘅配菜，超實在！⭐️大杯裝飲品2杯又係勁大杯，大過部電話，真係可以飲全晚😂平時飲一罐可樂唔夠嘅朋友仔一定會超鍾意呢個size🤣有得食有得玩嘅石燒牛🤣 而且每樣嘢都好大份，食到超飽，個氣氛好啱朋友聚會✨#fookdie荃灣 #fookdie荃灣

放工同老公鋁扒, 8:30pm左右裡面竟然full哂, 出面有幾個排緊隊, 可能星期日嘅關係,排左一陣就入得😛我地都各自+58跟餐有酥皮湯, (薯條/意粉/沙律）3選1,同埋Jumbo size飲品💫酥皮湯外層金黃酥脆, 酥皮會略微吸收湯汁, 入口非常濃郁, 好香, 味道層次豐富, 個胃頓時感到一絲溫暖舒適感💫美國安格斯牛柳 (蒜蓉牛油🧈)美國安格斯牛柳肉質鮮嫩, 口感滑順, 有彈性, 有肉香, 加少少海鹽和黑胡椒調味, 令肉質更加提升風味💫三文魚配美國牛柳 (黑松露牛油🧈)三文魚肉質軟嫩, 充滿油脂, 外皮煎到酥脆焦香, 而牛柳都依然有濃郁嘅肉香, 肉質緊實又多汁, 煎至最後加黑松露牛油煎溶mix埋, 充滿香噴噴黑松露味嘅牛柳, 好惹味🤤🤤雜菜沙律菜好新鮮, 好爽脆, 調味and份量都剛剛好, 好開胃👍值得一提係今晚餐廳都幾乎坐滿, 眼見除左廚房, 樓面得一位店員跑完場, 佢仍然好悉心照顧每一枱客, 問下有否需要幫忙, 提點進食步驟等等….非常非常值得一讚👍👍👍

❤️厚切美國平鐵牛扒（12安士） ** 蒜蓉牛油+$58 轉套餐套餐有：酥皮湯、雜菜沙律/薯條/意粉(3選1) 和一杯特大杯裝飲品(冷熱同價)。酥皮湯酥皮酥脆～揀左意粉🍝和雜果賓治(嗌左少甜)。意粉份量多👍🏻唔會過腍，口感爽滑～特大杯裝飲品雜果賓治真係勁大杯啊！😱好誇張，打卡一流！📸❤️美國牛柳（8安士） ** 蒜蓉牛油 +$38 轉套餐 套餐有：是日餐湯、雜菜沙律/薯條/意粉(3選1) 和餐飲(冷熱同價)。揀左雜菜沙律🥗和青檸梳打。是日餐湯是蘑菇湯，入面真係有蘑菇架！蘑菇脹鼓鼓很有口感。食完鐵板牛覺得熱氣？食完沙律立刻熱氣全消！👏🏻牛扒和牛柳已預先切好一片片，燒同食起黎都好方便呀！👍🏻兩者皆牛味香濃～😋肉質鮮嫩易咬～肉汁鎖在肉裏，唔會燒到乾爭爭～有調味料如甜燒汁、黑椒等。黑椒配牛扒同吃份外滋味～😋加$48追加小食花蜜雞翼。落左大量花蜜🍯，純天然夠清甜。雞翼皮脆肉嫩，咬開重冒煙夠晒熱！

家人生日， 當然要食好啲啦😂。最後經過一番篩選之後，決定定到荃灣的扒房慶祝🥳⋯⋯因為同傳統扒房不一樣， 這裡可按個人喜好，決定牛扒的生熟。 （5⭐️最高）厚切美國平鐵牛扒 （12安士）配香草牛油跟薯條（5⭐️）因為有明火加熱，所以鐵板可以保持住相對應的溫度。 我哋先煎咗一邊，然後加入少少海鹽😋。我老公比較喜歡熟少少， 當差不多時， 就加入牛油， 食入口香嫩幼滑😚蘑菇湯（5⭐️）忌廉味唔算好濃，但10分足料薯條🍟（5⭐️）入口食得出是用新鮮初榨油炸，入口外脆內軟⋯⋯鹽份適中🤩。三文魚配美國牛柳（8安士）配蒜蓉牛油跟意粉（5⭐️）牛柳比牛扒更香幼滑😋，入口更有細味，但因為切得比較厚身， 需要煎的時間較為長，而我喜歡比較熟啲， 但都不影響其質素🥰。 蒜蓉牛油的香味更可以令牛柳的鮮味提升。因為要同時控制牛柳同三文魚所以三文魚有少少過了火候😅，但肉質及香味仍然保持甘香、幼滑。意粉🍝（5⭐️）跟餐的份量雖然唔會好大，但係味道非常適中，而且加入了少少香草😛， 入口份外滋味

依間於荃灣嘅隱世扒房經常大排長龍，非常有人氣，於是今日就專程去荃灣試一試！今次同朋友叫咗兩個扒餐，分別係安格斯牛仔骨同鵝肝配美國安格斯牛柳餐。花蜜水份量超大杯，味道充滿蜜糖香味，唔會太甜，感覺好潤喉啱晒秋冬嘅季節飲！青檸梳打味道充滿青檸嘅酸味夠晒開胃，感覺非常清爽又非常解膩，啱晒配埋牛扒一齊食！酥皮湯酥皮外層超鬆軟香脆，一篤落去，酥皮已經自然咁碎開，冒出騰騰嘅蒸氣，入面裝住熱辣辣嘅忌廉湯。酥皮同埋忌廉湯一齊飲，為酥皮增加咗味道好好食，同時令忌廉湯湯口感更豐富！鵝肝配美國安格斯牛柳(8安士)鵝肝外脆內軟，入口即溶，質感幼滑真係令人回味無窮！安格斯牛柳牛味濃郁，又非常Juicy😋只係落咗鹽同牛油呢啲簡單嘅調味料就已經好好食👍🏻安格斯牛仔骨牛仔骨牛肉非常嫩，一啲都唔會靭，同樣Juice多汁👍🏻份量都唔少有兩大塊。同樣都係加咗少少鹽同牛油就已經好好味😋意粉套餐加配嘅意粉係茄汁意粉，有超濃郁嘅茄汁味😋味道酸酸甜甜，啱晒配牛扒一齊食。花蜜雞翼雞翼有四隻，每隻雞翼外皮都包滿住蜜糖令味道甜甜地，而且外皮香脆，內裏就肉質鮮嫩好食😋

今晚同朋友搵食荃灣，吾係去大型商場，而係去咗聯仁街嘅人氣小店 準時入座已差不多全滿，厚切美國平鐵牛扒（12安士），雖然厚切但完全吾韌，大塊鐵板咁上枱超有霸氣，牛扒中間非常嫩滑，每一口都有濃郁牛肉香味，咬落肉汁充盈，層次豐富。美國牛柳（8安士），油花較少，結實有嚼勁，曬上海鹽同黑胡椒已經好好食，呢度仲比埋三款（黑松露、蒜蓉、香草）牛油揀，好體貼🥹花蜜雞翼炸得恰到好處～外皮脆卜卜，又吾會油淋淋，雞肉味濃而香！呢度環境衛生又闊落，冷氣充足，價錢合理，性價比好高，會再回頭👍🏻

接近7:00餐廳已經剩返一張枱，好彩我們行得快，坐低之後見到已經有人排隊等位。一共四人所以決定叫咗一個二人套餐加單人兩個套餐厚切美國平鐵牛扒（12安士）（蒜蓉牛油）因應自己的喜好，而將牛扒煎到自己的熟度。六成熟的牛扒是我的最愛，外邊微微焦香，內裏嫩嫩粉紅，入口軟淋，咬落去肉汁流出牛肉味。我朋友就喜歡全熟，但全熟的牛扒都不會覺得韌。（美食推薦度10/10）美國安格斯牛柳（8安士）（黑松露牛油）美國安格斯牛柳有濃濃的牛味，肉質有豐富的口感，但並不覺得煙靭。黑松露牛油的味道滲入牛柳中，兩種味道都好夾。（美食推薦度10/10）鵝肝配美國安格斯牛柳 2人餐$498美國安格斯牛柳12安士配配鵝肝，鵝肝在石板煎到外層焦香，外脆內軟入口嫩滑。鵝肝加上6成熟安格斯牛柳一齊食，令牛柳的口感加富豐。（份量好多）（美食推薦度10/10）酥皮湯酥皮焗到好鬆脆，蘑菇湯好，Creamy（美食推薦度10/10）花蜜雞翼有大量蜜糖包住焗到雞翼皮是卜卜脆的雞翼（美食推薦度9/10）炒意粉酸酸甜甜的茄醬意炒，味道幾好（美食推薦度9/10）雜菜沙律雜菜是嫩嫩的位置，都是新鮮的菜（美食推薦度10/10）炸薯條熟辣辣、大大盆的新

優質燒肉天堂自己燒、自己控制熟度，爐溫高要快手反太熟又會影響肉質同口感，呢個體驗超吸引升級+$58有以下* 酥皮湯～忌廉蘑菇湯底加咗層酥皮，濃厚暖笠笠* 雜菜沙律/薯條/意粉（3選1）* 特大杯裝飲品（冷熱同價） 口味：香草牛油/ 黑松露牛油/蒜蓉牛油（三選一）🥩美國prime肉眼（8安士）US prime ribeye steak燒至7成肉眼較為瘦，燒後鎖緊肉汁有嚼勁好jucy肉感仲唔錯，不能太過熟蒜蓉牛油🪿鵝肝配美國安格斯牛柳（8安士）Foie gras with US angus tenderloin steak個人喜愛肉脂豐富嘅牛扒配埋鵝肝結合完美，鵝肝入口溶化，牛味香濃及油花分布美，特別軟嫩配黑松露牛油，又另一種層次餐飲：柚子茶青檸梳打｜柚子茶巨大凍飲飲極都仲有，good good

呢間門面平平無奇的牛扒餐廳，有好多人係門口排隊，於是就一於同屋企人食呢間！ 都要等左一陣先入到去食野！我同屋企人一共4個人，諗住每樣叫啲睇下好唔好食，所以就分別叫左兩人set，以及兩個單人餐！鵝肝配美國安格斯牛柳2人餐$498:套餐包括兩個酥皮湯，花蜜雞翼，當然重頭戲就一定會有美國安格斯牛柳12安士配鵝肝，配菜方面會有炒意粉/雜菜沙律/炸薯條（3個選1），我地就揀左炒意粉同埋炸薯條，個美國安格斯牛柳12安士配鵝肝一上枱真係好驚艷！好香嘅牛味配合鐵板，真係一流，食落啲牛肉質地好好，嫩滑唔會好韌，濃厚牛肉味！ 另外炒意粉同炸薯條一上枱好大份，薯條係新鮮即刻炸，食落會好熱辣辣，一個唔小心仲會焫親個嘴！酥皮湯嚟講，就算係中規中矩，唔算好特別！套餐最後包左兩個大杯飲品，我地分別叫左青檸特飲以及雜果賓治！美國安格斯牛柳（8安士）$198:另外要提及的就是牛柳可以選擇不同牛油配搭，分別有香草牛油、黑松露牛油、蒜蓉牛油！呢款我地叫左黑松露牛油，濃厚牛肉味，加上黑松露帶出鮮味，簡直冇得彈！厚切美國平鐵牛扒（12安士）$158:呢個真係性價比超高，價錢係比起我哋嘅其他套餐都平，只係158！但係佢個肉質一啲

女友想吃扒，咁諗起好多時都擦到呢間～Day22, 知道好爆，所以打電話訂定位。 原定時間到達，只等了幾分鐘可以入座～讚！柯打咗～美國Prime肉眼$238，加配酥皮湯連飲品套餐加$58，鵝肝配安格斯牛柳$238，同樣改酥皮湯套餐$58。 酥皮湯先到，匙羹篤穿酥皮係肯定，湯嘅味道一般，而且份量很少，配料都近乎零，除咗講個湯超級熱之外，所有都很一般。鵝肝牛柳同肉眼接力上，鵝肝皮有小脆口而且人口溶～ok, 牛柳佢哋似乎煎左小小，我只係二邊反下就得，另外塊肉眼好明顯係要自己動手，煎出自己喜好嘅生熟度，墊枱有張紙，有教學同提議，教學係教你點樣整份牛扒，提議係叫啲客最好整到三四成熟，真係咁易？個個都整到佢哋想嘅要求？我自認唔得，起碼去到六七成，塊扒無乜牛肉味，唔知係咪因為over cook, 所以有啲「咬口」，同埋要提醒大家，呢度係無平時港式果啲～洋蔥汁，黑椒汁之類。大佬俾幾舊水食扒，又要自己煎，汁又要自己調教啲汁，點解唔自己返屋企煮？而且塊扒又唔係好食過人！最後係杯雜果賓治，係好大杯好扺飲，但味道欠佳，淡，而且未試過飲雜果賓治係無雜果，真係生平第一次。回頭度：4/10

塊牛排好差，$198安格斯牛扒切出黎啲肉一絲絲咁，完全feel到塊排係$50-60蚊嘅急凍貨，口感極之惡劣，個火爐唔夠火力，淨係中心位先有熱力，根本好難煎得好食，舊牛煮熟晒啦又唔香口，食落去舊牛冇乜牛味仲要勁難咬，佢加嗰個套餐$38至$58一杯嘢飲仲有沙律或者薯條或者意粉但係沙律冇誠意就係沙律醬溝生菜。埋單加埋$200至$300。我俾$200去超市買靚嘅牛扒，自己煮都好食過佢，反正都係自己煎，真係搵自己笨

Thick, juicy, sizzling… all perfect words to describe the dinner tonight 😎 Located in an inconspicuous side in Tsuen Wan is this unassuming storefront, but inside is a delightful meal just waiting for you! 😍 As said, the storefront isn’t anything special nor is the interior decoration 🙂‍↕️ The utensils and serveware are pretty elegant bringing quite the contrastThe menu is all the different cuts of steak offered, but we gotta go with the recommended US Flat Iron Steak ($158) and adding on a $58 c

誠意推介呢個扒房，位置沙咀道，舖頭雖然唔算大，但食物好有水準，人流不斷，建議大家提前book位。頭盤：酥皮湯，粗薯條主菜：鵝肝配厚切美國平鐵牛扒(12安士) 配 香草牛油 用鐵板火爐上枱，自己控制生熟程度，店員亦都會主動幫你手，抵讚飲品：特大杯青檸梳打(無影到相)