Curry Boy

咁啱放平日，圍坊睇完戲又行過去試吓呢間，因為女朋友食素，呢間嘢fit晒。叫咗份牛油咖喱自己叫咗份辣咖喱小食叫咗番薯薯條同埋炸蠔番薯薯條個醬汁非常清真、炸蠔正常水準，但個皮稍為乾咗少少。牛油咖喱超級香、香料味道非常突出，而且超級滑。辣咖喱好特別，唔係得個香字，茶餐廳嗰啲完全冇得比，佢入口好甜，反而後段先會有辣味，建議食得辣嘅人先好似。雖然佢幾辣，但辣得嚟，唔會話死辣，隔一陣就隨着咖喱嘅香味散去，餐飲要咗杯凍嘅冷泡茶。香港人埋單食咗唔夠$300，價錢唔算好抵，但我覺得好值得一試…查看更多

一間細細的店，平日夜晚7:00 幾黎到剛剛好唔洗等位！一入店就聞到一陣陣咖哩味～1. 牛油咖哩+黑毛豬肉餅咖哩超級香甜，質地處於剛剛好狀態好creamy 好似飲緊濃湯咁！豬肉餅有兩大舊好抵食～煎到勁香口✨✨配埋流心蛋一流！2. 牛油咖哩+黑啤牛肋肉黑啤牛肋肉係要額外加$10黑啤味我我就唔係好食到但個牛肋肉入口即化😦好好食！好香牛味！3. 霹靂雞軟骨雞軟骨份量好多～個醬好好好好食！大推！係介乎係黃芥末同沙律之間嘅味，超好食！好襯呢個炸物😭🙏🏻會再encore！下次想試埋佢地嘅辣咖哩🍛！！…查看更多

今次去左大圍試呢間bookmark左好耐既熟成咖喱 地點係大圍站附近 唔算行好耐 都算方便易搵 鋪頭店面唔算好大 大約有8個位 有4個bar枱位 同2張雙人枱 今日中午時間唔算多人 唔洗排隊可以直入 鋪頭有2款咖喱 簡單來講就係一款辣一款甜 兩款都叫左試下 比較之下個人中意甜個款多d 辣個款好香青花椒味 一開始食落好惹味 但食到一半頂唔順太辣 唔食得辣既人士都係唔好挑戰 平日午餐送汽水同泡菜 整體來講都係好食 改良既味道係比較符合香港人口味 …查看更多

This is the best curry I’ve had in Shatin. We tried 2 butter curries: eggplant miso and pork patty. The curry is very tasty—a little sweet and tangy, a little spicy. It is like a fusion of Indian, Pakistan and Japanese curry. It is also not too heavy or oily. The pork patty is home made and grilled and the miso eggplant is also very big and grilled just right. I would like to try the ghost curry but the staff said it’s super spicy. I will be back again for sure to try the other snacks like fried chicken pieces. Didn’t know Tai Wai had such a great find!…查看更多

大圍都算係一個多野食嘅地方，間中都唔難發現一啲比特別嘅小店。今次去Curry Boy試下熟成咖哩。有少少日式嘅感覺，開放式廚房，一眼睇曬出餐過程。內部空間唔算大，座位唔太多，另外有半戶外空間嘅吧枱。 主打兩款熟成咖哩，牛油咖哩同麻辣鬼咖椒咖哩。今次叫左牛油咖哩黑毛豬肉餅配薄餅同埋麻辣鬼椒咖哩黑啤牛肋肉配飯。 🍛牛油咖哩黑毛豬肉餅配薄餅：牛油咖哩係接近一般日式咖哩甜甜地嘅感覺，濃香細滑。肉餅都煎得香口又有適量咀嚼感。薄餅有三塊，不過不失。 🌶️麻辣鬼椒咖哩黑啤牛肋肉配飯：用香港人比較熟悉嘅表達，麻辣鬼椒咖哩個預設辣度係大概譚仔中辣，而且後勁比較強，會有越食越辣嘅感覺。咖哩味道方面有少少偏酸，可能係鬼椒嘅味道，但係我就食唔出有「麻」嘅感覺。我幾鍾意配菜嘅炸蓮藕片。可惜牛肋肉比較乾身，亦食唔出有黑啤嘅感覺。 順帶一提，如果想牛油咖哩加辣或者麻辣鬼椒咖哩減辣係可以嘅，會按比例將兩款咖哩適量混合。不過我覺得如果大家想試嘅話應該忠於原味道，怕辣就食唔辣。…查看更多