21
5
5
港鐵灣仔站 B2 出口, 步行約3分鐘 繼續閱讀
所有分店 (3)
電話號碼
21910278
開飯介紹
設有全日無休的甜點和咖啡店、餐廳和意大利街頭食品外賣櫃枱,全天候供應正宗意大利南部美食。餐廳裝修感覺優雅卻不失輕鬆,令人猶如置身意大利。 繼續閱讀
營業時間
今日營業
08:00 - 22:00
星期一至日
08:00 - 22:00
付款方式
Visa Master AlipayHK 支付寶 現金
其他資料
網上訂座
餐廳運作模式 - C類
加一服務費
當面支付
有關獎賞計劃
食評 (36)
等級4 2021-12-23
712 瀏覽
聖誕節將近. 一眾同事就諗住食好d 黎左呢度. 因為預早book定位. 所以一到已經有位.. 裡面客人估唔到已經坐滿咁濟.一望個menu 原來同平日唔同. 今日應該係for Xmas 而設吧... (純猜測)正在苦惱個starter要什麼好呢 ? 居然係menu內有的都全部奉上... (除加錢的外)四個人所以每款都黎兩碟... 即場有嚇一嚇. 食完都飽左一半. 先黎個包.. 有olive oil 比你點. 本身個包的味道已經咸咸地. 幾好味..Starters :Tuna carpaccio, pomegranate & fresh orange魚本身有點咸. 但個石榴籽好林好味. Beef carpaccio & black truffle居然有生牛肉... 用左黑椒黎調味.. 反而個black truffle無咩味.cold cuts platter (mortadella, parma ham & neapolitan salami)其實食呢d頭盤, 有酒送就好好. 可惜跟住要返工.. 齋食好似怪怪地..Traditional paper cone "cuoppo" with mix fried seafood有尤魚圈, 有炸蝦同埋魚仔. 魚仔本身脆卜卜. 同埋已經調好晒味. Montanarini ricotta cheese, octopus & lemon zest上面的八爪魚好林, 相反下面個個好un. 食落有少少似中式"牛脷酥"的感覺..食完晒上面. 終於主角出場.Baked Seabass with aromatic herbs & lemon呢個爐魚一份= 二人份重要加$240. 店員話好大份. 一望真係好大. 最初重驚食唔晒. 點知超好味. 魚整到好嫩, 啖啖肉. 中間的骨已經去左. 伴碟重有蕃茄仔同埋焗薯.呢個極力推介. Sirloin in tagliata style, rocket, parmesan & balsamic vinegar呢個牛本身的調味ok 算juice , 但中間有條根. 攪到有少少un. 用芝士配搭. 同事好喜歡.Lobster paccheri, cherry tomatoes & lemon龍蝦闊條麵, 份量相對比較細.但龍蝦的味道已經入晒闊條麵裡面. 無論你個啖有無食到龍蝦肉. 都能感受到濃濃的龍蝦味.呢一度我估係叫餐都會有的. 薯蓉同埋伴碟的疏菜都超好味. 我同同事搶住食. Signature Napolitan platter including Sal de Riso Amalfi, panettone最後的甜品, 一上枱就覺得超正, 好似去左食afternoon tea咁.但四個人點分? 最後只好每人選一樣(上層, 其中一個分一半)下層同樣每件分四件.上層的brownie 夠晒濃味. 愛吃朱古力的朋友絕對不要錯過.下層圖右的一件味道似brownie, 好味. 推介!中間似係香蕉蛋糕味道. 都好好味, 而且唔算好甜. 推介!左手邊那件比較甜. 除非你好愛吃甜味. 如果唔係可以skip.最後係panettone (應該圖中最遠個款)呢個味道相對普通, 可能我最後先食佢.一試無妨.今次個餐飲品係另加錢. 只包呢杯Limoncello (呢款係檸檬風味的甜酒).首先本人一向無飲開酒, 二黎還要上班... 怎能喝酒.就只試了一口. 味道一入口, 首先係濃濃的檸檬味, 然後好甜好甜好甜.愛甜的可以一試, 但真心好甜... 可能本人一向對甜的東西興趣不太大.最後就到酒精味走出黎... 就這樣不知不覺這餐聖誕lunch就吃了兩小時... 大家都十分'滿'足.最後一讚係店員好nice, 我地最初為左個starter好似有選擇困難症咁款. 尾後得到佢地解釋原來全部都有. 而主菜都係佢地推介.. Thank you!各位Merry Christmas! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-27
1641 瀏覽
🌹週末搵個地方食個早餐,想找一間特色可以打卡的餐廳,在收藏食店內找了灣仔新開意大利餐廳《Crust Italian 》,在不太繁忙的早餐時段去探店。🌹餐廳位置非常方便,就在修頓球場對面,是地舖,環境涼爽的時候,根本不需要冷氣設施,開揚空間感,意大利式擺設,藍調令人放鬆舒服,喜歡💕。早餐時段食客也不少,餐廳只開放一半坐位,經服務員同意下,可以在未開放的進餐區打了卡,開心。餐牌尚有數款早餐供應,我和老公叫了不同的食物,可以一齊share!Poached eggs,smoked salmon and avocado mash⭐️⭐️⭐️份量大,三文魚 & 牛油果滯口Eggs” purgatorio”style,tomatoes and mozzarella ⭐️⭐️⭐️番茄、蛋、芝士焗出來顏色吸引,份量剛好Latte⭐️⭐️⭐️ cappuccino⭐️⭐️⭐️加評早餐還包括牛角包及咖啡添飲,牛角包就一般啦!個人評分食物味道飲品環境服務衛生抵食回頭率 繼續閱讀
(以上食評乃用戶個人意見 , 並不代表OpenRice之觀點。)
想起那些年有 Happy Hour 飽,不用吃飯的最最瘋狂日子,快活感覺瞬即浮現!其實現在 Happy Hour 仍是我最最享受與放鬆的娛樂,只是有點不同,就是不會飽。Happy Hour 飽在我的字典裡包含飲飽,還有吃得滿足的意思,這趟遇上灣仔和昌大押 「CRUST」的 「Aperitivivo Hour」,當年最最狂瘋的感覺返來了!「CRUST」大廚精心炮製的 「Aperitivo」開胃菜自助餐真是太太吸睛 (馬上感覺到餓)?依從季節供應的開胃菜 — 火腿冷盤、芝士、雜錦製蔬菜和橄欖、雜錦迷你漢堡、沙丁魚籽配檸檬、新鮮薄切魚片和意式薄餅等,總之就讓我大大滿足,只需於 「Aperitivo Hour」來一杯推介的雞尾酒,如 Aperol Spritzes, Campari Spritzes, Garibaldi 或 Punt e Mes Sodas 便可享用,重點是於 「Aperitivo Hour」每杯僅 HK$58,我只想一個字 「筍」!溫馨提示:「Aperitivo Hour」每日由 1745 至 2000之前完全不認識正宗意大利的開胃酒,原來 Aperol 和 Campari 兩大品牌已逾 100年的歷史,橙紅的 Aperol 酒精度低、具有甘甜味道,而紅色的 Campari 則沿用150年的草藥和水果配方製做,帶有獨特的甘苦味道,起初聽到草藥甘苦有點害怕,不過品嚐過後,雞尾酒不單開胃,而且清爽可口,還有享受陽光與海灘的舒暢感!三兩下手勢便調出了 Punt e Mes Soda。由 Aperol、Prosecco、梳打水和冰塊調製的 Aperol Spritz,非常清爽!這是由 Campari、鮮橙汁和冰塊製作的 Garibaldi,橙香與淡淡的甘苦味來得合拍,非常易入喉!Aperol 和 Campari 變化多端,例如可與 Rum、 Gin & Tonic,甚至乎咖啡調配。某天黃昏,雖未能飛去意南,卻在天台來個自家 Aperol Spritz 配麻辣涼皮,超爽呀,Cheers~仍心思思念著 「Aperitivo Hour」,找天我要再去飽飽! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-11
3576 瀏覽
灣仔歷史建築物和昌大押最近開左間意大利餐廳,以拿坡里美食作賣點,店內有糕點,咖啡,仲有多款用拿坡里馳名食材既食物,務求將南意大利既特色美食呈現係大家眼前Sparkling Wine先來杯sparkling wine 作餐前酒,開定個胃先‘Impepata’ fresh mussels in white wine, lemon sauce & black pepper 拿坡里的一道傅統料理,用上白酒和黑胡椒悶煮入味,搭配現擠檸檬汁,旁邊既麵包蘸埋d汁一齊食真係相當不錯Buffalo mozzarella braid, tomatoes & Caserta black ham 水牛芝士好soft, 味道唔重,清新可口,ham 好甘香,味道唔算好咸Raw prawns marinated in fresh cherry fruit & tomato juice生蝦剁成碎後再用上車厘子汁番茄汁醃製而成,味道酸酸甜甜,但碎上既蝦唔係好食得出蝦既鮮味同質感Risotto with roasted Amalfi lemon & rosemary Risotto 入面加入檸檬肉一齊煮,真係食到檸檬既酸同清香,但個酸又唔會太嗆,好fresh,非常特別Positano style scialatielli with seafoodscialatelli係拿坡里Campania 特有既pasta,口感有d似烏冬咁,之前真係未食過呢款pasta,配上海鮮,非常不錯Broccoli with garlic & anchovy oil西蘭花就食特多,呢款西蘭花外形好似芥蘭唔知係咪特別品種呢,用上蒜同鯷魚煮成,味道咸咸香香,幾好味Eggplant parmigiana with smoked provola cheese 焗千層茄子加上大量既芝士,焗完既芝士微焦,煙煙韌韌咁,因為有番茄醬食落又唔覺好膩Steak beef sirloin, cherry tomato & smoke cheese tart 5成熟既sirloin 入面呈粉紅色,外層煎至焦香入面仲好嫩,真係煎得岩岩好,個smoke cheese tart個cheese cream好幼滑,雖然我覺得同塊扒唔得襯,但係好食的Dessert 咁多件糕點中,我就比較鍾意開心果個件,每件都真材實料,所以都較甜同膩整晚就好似去左南意大利咁,食物都幾有驚喜,裝修同環境其實都好靚,不過呢度係半open area 咁,所以冷氣走晒,都幾熱,夏天真係有點受不了 繼續閱讀
(以上食評乃用戶個人意見 , 並不代表OpenRice之觀點。)
大家知道拿坡里坎帕尼亞在那嗎?就是在義大利南部的的一個大區。點解要講起拿坡里?無他,因為在香港要品嘗打正旗號,以拿坡里美食為首的餐廳絕無僅有,這家於6月進駐灣仔的CRUST Italian,不獨設有全日無休的甜點和咖啡店,最近更增設意大利街頭食品外賣櫃枱CRUST Sciuscia ,讓大家能親身體驗當地風情。剛於8月開業的CRUST Sciuscia 是一個全天營業的外賣櫃枱,提供正宗拿坡里傳統街頭美食,將拿坡里及其著名街頭飲食文化,雖然今年都無法旅行,總算能讓舌尖來一轉拿坡里美食文化之旅,也是一個不錯的選擇。 CRUST Scuscia的出現就是將拿坡里最受歡迎的街頭食品帶到香港,首推是炸薄餅(Pizza fritta),外觀有點像我們常吃牛脷酥,同樣是脹卜卜的。這個炸薄餅是使用滾油煎炸麵團,在熱油中將其轉動,所以做到外層是帶脆,但入口就好鬆軟,內裡的饀料就有多款任君選擇。意大利煎麵餅系列則包括數款饀料,如配以蛋、意式煙肉及黑椒的卡邦尼意粉,入口脆卜卜的口感特別,真是充滿卡邦尼的味道,如脆麵般,好滋味。Seabass Acqua Pazza則是義大利拿坡里水煮鱸魚,是將鱸魚和大蒜、番茄一起熬煮,並在最後撒上香芹,看似簡單的做法,但入口鱸魚郤是鮮味十足,口感好清新。鱸魚皮煎得脆卜卜,魚肉嫩滑,口感清新。在拿坡里地區最受歡迎的海鮮意大利麵(seafood scialatielli ),集合了不同的海鮮,入口鮮甜無比,好足料。這裡的咖啡師製作的正宗意大利咖啡包括caffe sospeso,意指「待用咖啡」,若在吧台旁站著喝乾,是完完全全的拿坡里風格!甜品更是這裡的亮點,例如真正的拿坡里經典巴巴冧酒蛋糕(baba rum),是用甜酒浸泡過的海綿忌廉蛋糕,有酒香又滑溜,口感與一般蛋糕截然不同。CRUST Italian最令人著迷的地方,便是每天也有新鮮出爐的精美甜點和正宗麵包。除了拿坡里的街頭美食外,CRUST Italian就讓你能真正體驗意大利南部全日餐飲「聚腳點」的傳統。高聳樓底的歷史建築,一邊是較為悠閒看街景,另一邊是充滿色彩、香氣、花朵和溫暖的感覺,空間既感優雅卻不失輕鬆,讓你感受到拿坡里的獨特風情。CRUST Italian地址:灣仔莊士敦道60A – 66號 繼續閱讀
(以上食評乃用戶個人意見 , 並不代表OpenRice之觀點。)